لاہور: عدالت نے لیہ اراضی اسکینڈل میں چیئرمین پی ٹی آئی کے بہنوئی احد مجید کی ضمانت خارج کردی، سابق وزیراعظم کی بہن اور بہنوئی نے پر لیہ میں زبردستی مالکان سے زمین خریدی۔
تفصیلات کے مطابق لیہ اراضی اسکینڈل میں چیئرمین پی ٹی آئی کے بہنوئی احد مجید کی ضمانت خارج کردی گئی، ترجمان اینٹی کرپشن نے بتایا کہ اینٹی کرپشن چیئرمین پی ٹی آئی کی بہن اور بہنوئی سے تحقیقات کر رہا ہے، اینٹی کرپشن ٹیم کی جانب سے آج اسپیشل جج اینٹی کرپشن ڈی جی خان کو ثبوت دیئے گئے۔
ترجمان کا کہنا تھا کہ معزز عدالت نے دونوں جانب سے دلائل سن کر ضمانت خارج کرنے کا فیصلہ سنایا، سابق وزیراعظم کی بہن ،بہنوئی نے پر لیہ میں زبردستی مالکان سے زمین خریدی اور غیر قانونی طور پر اثرورسوخ استعمال کرکے زمین کا انتقال بھی کرایا گیا۔
ترجمان اینٹی کرپشن نے بتایا کہ ملزمان نے سرکاری ریکارڈ میں جعلسازی کرکے زمین اپنے نام کرائی ، احد مجید نے کچھ مالکان کو ڈرا دھمکا کر ان سے زمین اپنےنام لکھوائی۔
ڈاکٹر عظمیٰ اور انکے شوہر احد مجید نے عدالت سے ضمانت کرا رکھی تھی، تایم جلد احد مجید اور دیگر ملزمان کو گرفتارکر کے عدالت میں پیش کیا جائے گا۔
