گلگت: محکمہ جنگلات نے کہا ہے کہ گزشتہ دنوں ہنزہ میں مارخور کا غیر قانونی شکار کرنے والے شکاری کو سزا سنا دی گئی ہے۔
تفصیلات کے مطابق چند دن قبل ہنزہ میں ایک اناڑی شکاری کے ہاتھوں غیر قانونی شکار کے دوران زخمی ہونے والا مارخور دریا میں گر کر ہلاک ہو گیا تھا۔
[bs-quote quote=”شکاری پر مجموعی طور پر 1 لاکھ 25 ہزار روپے کا جرمانہ عائد کیا گیا، رائفل بھی ضبط کر لی گئی۔” style=”style-7″ align=”left” color=”#dd3333″][/bs-quote]
محکمہ جنگلات کے حکام نے کہا ہے کہ ہنزہ میں مارخور کا غیر قانونی شکار ثابت ہونے پر ملزم کو 6 ماہ قید کی سزا سنائی گئی ہے۔
اسسٹنٹ کمشنر ہنزہ نے ملزم کو 20 ہزار روپے کا جرمانہ بھی کیا، جب کہ اس کی رائفل بھی ضبط کرنے کا حکم جاری کیا گیا۔
محکمہ جنگلات نے بتایا کہ ملزم پر مزید 1 لاکھ 5 ہزار روپے جرمانے کی سزا بھی عائد کی گئی ہے، جرمانے کی عدم ادائیگی کی صورت میں ملزم کی قید میں مزید 6 ماہ کا اضافہ ہوگا۔
یاد رہے کہ دس دن قبل چترال میں واقع نیشنل پارک میں شکاری کے اناڑی پن اور محکمہ وائلڈ لائف کے عملے نے قومی جانور کو بدترین سلوک کر کے مار ڈالا تھا۔
یہ بھی پڑھیں: قومی جانور ’ مارخور ‘ کا غیر قانونی شکار اور بدترین سلوک
بد قسمت مارخور اناڑی شکاری کی گولی کا نشانہ بننے کے بعد زخمی ہو گیا تھا، جسے پکڑنے کی کوشش کی گئی اور رسیوں سے بھی جکڑا گیا، وائلڈ لائف کے رضاکار اس پر چڑھ کر بیٹھ گئے۔
تاہم، مارخور اُن کے چنگل سے بھاگ گیا اور جان بچانے کے لیے دریا میں چھلانگ لگائی جس کے باعث وہ بچ نہ سکا اور مر گیا۔
خیال رہے کہ پاکستان کے قومی جانور مارخور کی نسل معدومی سے بچانے کے لیے قانونی شکار پر مبنی ہنٹنگ ٹرافی کا اجرا کیا گیا ہے جس کے تحت ایک مارخور کا شکار ایک لاکھ ڈالر فیس کے عوض کیا جاسکتا ہے۔