Tag: مارٹن کوبلر

اسلام آباد: پاکستان میں تعینات جرمنی کے سفیر مارٹن کوبلر کی سوہن حلوہ بنانے کی تصویر سوشل میڈیا پر وائرل ہوگئی۔

تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر کی سوہن حلوہ بنانے کی تصویر سوشل میڈیا پر وائرل ہوگئی۔

سماجی رابطے کی ویب سائٹ ٹویٹر پر جرمنی سفیر نے لکھا کہ ’پہلے ہی میں افسردہ ہوں، جلد ہی ریٹائرمنٹ پر جارہا ہوں کیوں نہ متبادل پلان کی منصوبہ بندی کروں، کیوں نہ سوہن حلوہ بنانے میں مدد کروں‘۔

دنیا پور کے علاقے مخدوم عالی میں حلوے کی دکان سے حال ہی میں تصاویر لی گئیں، جرمن سفیر نے سوہن حلوہ بناتے ہوئے سیلفی بھی لی۔

Feel already sad going on retirement soon. What do you guys think? Shouldn’t i prepare a back up plan after retirement and help with halwa production? 😂
Pic from ‘Munawar Sohan halwa shop’ near Lodhran, recently. pic.twitter.com/mjvxqIiS1k

— Martin Kobler مارٹن کوبلر (@KoblerinPAK) March 3, 2019

مزید پڑھیں: جرمن سفیر مارٹن کوبلر اسلام آباد کی پناہ گاہ پہنچ گئے، حکومتی اقدامات کی تعریف

واضح رہے کہ گزشتہ ماہ جرمن سفیر مارٹن کوبلر اسلام آباد کی پناہ گاہ پہنچے تھے اور بے گھر افراد کے لیے حکومت کی جانب سے کیے گئے اقدامات کو سراہا تھا۔

مارٹن کوبلر کا کہنا تھا کہ اسلام آباد میں پناہ گاہ دیکھنے گیا، یہاں کے اسٹاف کا کام قابل تعریف ہے لیکن ایسے بہت سے لوگوں کو دیکھ کر دکھ ہوا جو کھانا خرید نہیں سکتے ہیں۔

سماجی رابطے کی ویب سائٹ ٹویٹر پر مارٹن کوبلر نے بے گھر افراد کے ساتھ کھانا کھانے کی تصاویر شیئر کی تھیں۔

اسلام آباد: پاکستان میں تعینات جرمن سفیر مارٹن کوبلر نے مقامی کھانے کھا کھا کر وزن میں اضافہ کر لیا، جس کے باعث وہ پریشان ہو گئے ہیں۔

تفصیلات کے مطابق جرمن سفیر مارٹن کوبلر ان دنوں پاکستان کے سیاحتی مقامات کی سیر کے ساتھ ساتھ مقامی ڈشز کھانے کے بھی شوقین نکلے ہیں۔

[bs-quote quote=”پاکستانی کھانوں کے آگے بے بس ہو جاتا ہوں۔” style=”style-7″ align=”left” color=”#dd3333″ author_name=”مارٹن کوبلر” author_job=”جرمن سفیر”][/bs-quote]

مارٹن کوبلر کبھی بریانی کھاتے دکھائی دیتے ہیں تو کبھی نان مٹن نوش کرتے نظر آتے ہیں۔

جرمن سفیر کو پاکستانی کھانوں کا شوق اس طرح چرایا ہے کہ ان کے وزن میں اضافہ ہو گیا، اور انھیں اب نئے کپڑے سلوانے پڑ گئے ہیں۔

سماجی رابطوں کی ویب سائٹ ٹویٹر پر انھوں نے تصویر شیئر کی ہے جس میں وہ کپڑوں کی ایک دکان میں کھڑے ہیں اور نئے کپڑے سلوانے کے لیے ناپ دے رہے ہیں۔

تاہم، جرمن سفیر کو وزن بڑھنے پر پریشانی کے با وجود پاکستانی کھانے کھانے کے شوق پر کوئی پشیمانی نہیں، اس لیے انھوں نے وزن کم کرنے کی بہ جائے نئے کپڑے سلوانے کو ترجیح دی۔

مارٹن کوبلر نے ٹویٹ کرتے ہوئے دل چسپ انداز میں لکھا کہ بوجھیں کہ مجھے نئے کپڑوں کی ضرورت کیوں پڑ گئی؟

یہ بھی پڑھیں:  جرمن سفیر نے اپنی سائیکل پاکستانی ٹرک آرٹ سے سجا دی

جرمن سفیر پاکستانی کھانوں کے علاوہ میٹھے میں جلیبی بھی شوق سے کھاتے ہیں، وہ مختلف تقریبات میں اکثر شوق سے مقامی ڈشز کھاتے ہوئے دیکھے جاتے ہیں۔

یہ بھی پڑھیں:  جرمن سفیر اسلام آباد کی پناہ گاہ پہنچ گئے، بے گھر افراد کے ساتھ کھانا بھی کھایا

انھوں نے ٹویٹ میں کھانوں کا ذکر کرنے کے بعد اپنے پاکستانی میزبانوں کو مخاطب کرتے ہوئے یہ بھی لکھا کہ ’اس کے ذمے دار آپ لوگ ہیں۔‘

جرمن سفیر مارٹن کوبلر نے پاکستانی مہمان نوازی کو نہایت قابل ذکر قرار دیا، ان کا کہنا تھا کہ وہ پاکستانی کھانوں کے آگے بے بس ہو جاتے ہیں۔

اسلام آباد: جرمن سفیر مارٹن کوبلر نے کہا ہے کہ کے پی سے باہر صحت کارڈ کا اجراء زبردست اقدام ہے۔

تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر نے حکومت کی جانب سے جاری کیے جانے والے صحت کارڈ کے اقدام کو سراہا ہے۔

سماجی رابطے کی ویب سائٹ ٹویٹر پر جرمن سفیر مارٹن کوبلر نے کہا کہ کے پی سے باہر صحت کارڈ کا اجرا زبردست اقدام ہے، صحت کارڈ لاکھوں افراد کے طبی علاج کو بہتر بنائے گا۔

جرمن سفیر مارٹن کوبلر نے لکھا کہ پچھلے سال یہ نظام شندور میں بھی دیکھ کر متاثر ہوا تھا، انہوں نے میڈیکل کیمپ کے دورے کی تصاویر بھی شیئر کیں۔

Great idea to extend the health card system beyond KP, improving medical treatment of millions of people. Proud that @KfWpress helped to established the system in KP. Impressed by having seen it even in Shandur with @GERinPAK4youth
@ImranKhanPTI
@pid_gov pic.twitter.com/mBUyT2HZZ2

— Martin Kobler (@KoblerinPAK) February 5, 2019

واضح رہے کہ گزشتہ روز وزیراعظم عمران خان کی جانب سے صحت انصاف کارڈ کے پہلے مرحلے کا آغاز کیا گیا تھا، صحت کارڈ کے ذریعے عام آدمی سوا 7 لاکھ روپے تک علاج کرواسکے گا، جس میں مریض کی انجیوپلاسٹی، برین سرجری، کینسر اور دیگر امراض کا مفت علاج کیا جائے گا۔

یہ پڑھیں: وزیراعظم عمران خان نے صحت انصاف کارڈ کے پہلے مرحلے کا آغاز کردیا

ذرائع کا کہنا تھا کہ صحت کارڈ سے ملک کے ڈیڑھ کروڑ غریب خاندان مستفید ہوں گے، کارڈ ہولڈر کو7 لاکھ 20 ہزار روپے تک کے اخراجات کی سہولت دستیاب ہوگی، جبکہ مریض 150 سے زائد سرکاری و نجی اسپتالوں میں علاج کرواسکیں گے۔

یاد رہے کہ فواد چوہدری کا کہنا تھا کہ صحت کارڈ پروگرام سے غریبوں کو تحفظ فراہم کیا جائے گا، صحت کارڈ سے 7 لاکھ 20 ہزار روپے تک کا علاج بالکل مفت ہوگا، 20 فروری سے پنجاب کے 4 اضلاع میں صحت کارڈ پروگرام شروع ہوگا۔

اسلام آباد: پاکستان میں تعینات جرمنی کے سفیر مارٹن کوبلر نے سخت جدوجہد کے بعد پاکستان کی تیار کردہ سائیکل خرید لی۔

تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر نے پاکستان میں تیار کردہ سائیکل خرید لی۔

سماجی رابطے کی ویب سائٹ ٹویٹر پر جرمن سفیر مارٹن کوبلر نے کہا کہ اف کیا مشکل انتخاب کا دن تھا، پاکستان میں تیار کردہ سائیکل لینا چاہی تو یہ تلاش کرنا مشکل تھی، تمام غیرملکی تیار شدہ سائیکل ہی نظر آئیں۔

مارٹن کوبلر نے کہا کہ آخرکار راولپنڈی میں سائیکل مل گئی، پھر سہراب یا پیکو کے درمیان پھنس گیا؟ آخر میں یہ سرخ رنگ والی خرید لی، جس میں گھنٹی بھی ہے۔

جرمن سفیر نے پاکستانی عوام سے سوال بھی کیا کہ ’آپ لوگوں کو میری سائیکل کیسی لگی؟‘

uff,was a hard-choice day! wanted to buy a bicycle MADE IN PAKISTAN.
first,it was hard to find one.All foreign made!! then finally found it in #rawalpindi. then get stuck between Sohrab or peco? Finally,bought this red one. Also has a horn 'i❤my bike"
what do u guys think of it? pic.twitter.com/Zd5DXLQYdK

— Martin Kobler (@KoblerinPAK) January 26, 2019

مزید پڑھیں: جرمن سفیر مارٹن کوبلر اسلام آباد کی پناہ گاہ پہنچ گئے، حکومتی اقدامات کی تعریف

واضح رہے کہ گزشتہ روز جرمن سفیر مارٹن کوبلر اسلام آباد کی پناہ گاہ پہنچے اور بے گھر افراد کے لیے حکومت کی جانب سے کیے گئے اقدامات کو سراہا۔

مارٹن کوبلرکا کہنا تھا کہ اسلام آباد میں پناہ گاہ دیکھنے گیا، یہاں کے اسٹاف کا کام قابل تعریف ہے لیکن ایسے بہت سے لوگوں کو دیکھ کر دکھ ہوا جو کھانا خرید نہیں سکتے ہیں۔

ان کا کہنا تھا کہ کچھ بے گھر افراد کے ساتھ آلو انڈہ کھایا اور ان کی ہلا دینے والی کہانیاں سنیں، انہوں نے سوال کیا کہ ایک شخص 400 روپے دیہاڑی سے 6 سے 8 لوگوں کے خاندان کی کفالت کرسکتا ہے؟

اسلام آباد: پاکستان میں تعینات جرمنی کے سفیر مارٹن کوبلر اسلام آباد کی پناہ گاہ پہنچ گئے، حکومت کی جانب سے کیے گئے اقدامات کی تعریف کی۔

تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر اسلام آباد کی پناہ گاہ پہنچے اور بے گھر افراد کے لیے حکومت کی جانب سے کیے گئے اقدامات کو سراہا۔

سماجی رابطے کی ویب سائٹ ٹویٹر پر مارٹن کوبلر نے بے گھر افراد کے ساتھ کھانا کھانے کی تصاویر شیئر کی۔

اسلام آباد میں پناہ گاہ دیکھنے گیا۔ اسٹاف کا کام قابل تعریف ہے، لیکن ایسے بہت سے لوگوں کو دیکھ کر دکھ ہوا جو کھانا نہیں خرید سکتے۔ کچھ بے گھر لوگوں کے ساتھ آلو انڈہ کھایا اور ان کی ہلا دینے والی کہانیاں سنیں۔ کیسے ایک شخص 400روپے دہاڑی سے 6۔8 لوگوں کے خاندان کی کفالت کر سکتا ہے؟ pic.twitter.com/04QkyQcb3d

— Martin Kobler (@KoblerinPAK) January 25, 2019

مارٹن کوبلر نے کہا کہ اسلام آباد میں پناہ گاہ دیکھنے گیا، یہاں کے اسٹاف کا کام قابل تعریف ہے لیکن ایسے بہت سے لوگوں کو دیکھ کر دکھ ہوا جو کھانا خرید نہیں سکتے ہیں۔

جرمن سفیر نے کہا کہ کچھ بے گھر افراد کے ساتھ آلو انڈہ کھایا اور ان کی ہلا دینے والی کہانیاں سنیں، انہوں نے سوال کیا کہ ایک شخص 400 روپے دیہاڑی سے 6 سے 8 لوگوں کے خاندان کی کفالت کرسکتا ہے؟

واضح رہے کہ حکومت کی جانب سے ملک کے مختلف شہروں پشاور، لاہور، اسلام آباد اور کراچی میں بے گھر افراد کے لیے شیلٹر ہومز بنایے گئے ہیں۔

مزید پڑھیں: بے گھرافراد کوشیلٹرہوم کی تعمیر تک کھانا اورٹینٹ فراہم کیا جائے‘ وزیراعظم

وزیراعظم عمران خان کا کہنا تھا کہ سردی میں اضافہ ہوگیا ہے، وزیراعلیٰ پنجاب عثمان بزدار کو ہدایت کی ہے کہ فٹ پاتھ پر سونے والوں کو ٹینٹ اور کھانا فراہم کیا جائے۔

میڈیا نمائندوں سے گفتگو کرتے ہوئے وزیراعظم کا کہنا تھا کہ شیلٹرہوم آسمان تلے رات بسر کرنے والے افراد کے لیے بنایا جا رہا ہے، یہ اقدام فلاحی ریاست کی جانب سے پہلا قدم ہے جو اٹھایا گیا۔

کراچی: پاکستان پوسٹ کی ساکھ میں بہتری کا اعتراف غیرملکی سفیر بھی کرنے لگے، جرمن سفیر مارٹن کوبلر نے سامان کی ترسیل کے لیے پاکستان پوسٹ کا استعمال کیا۔

تفصیلات کے مطابق پاکستان میں تعینات جرمن سفیر مارٹن کوبلر پاکستان پوسٹ کی خدمات پر اعتماد کا اظہار کیا ہے، جرمن سفیر نے سماجی رابطے کی ویب سائٹ ٹویٹر پر تاثرات دئیے۔

جرمن سفیر مارٹٓن کوبلر نے کہا کہ خوش ہوں پاکستان پوسٹ سامان کی ترسیل کا بااعتماد ادارہ بن چکا ہے، پاکستان پوسٹ کے ذریعے برلن میں موجود اہل خانہ کو تحفہ بھیجا ہے۔

مارٹن کوبلر نے ڈاکخانے پر عمدہ سہولتوں اور دوستانہ ملازمین پر مراد سعید کا شکریہ ادا کرتے ہوئے کہا کہ پاکستان پوسٹ کی بہتری میں مراد سعید کا اہم کردار ہے۔

یہ سن کر اچھا لگا کہ پاکستان پوسٹ قابل اعتماد بن چکا ہے اور اب جلدی ڈلیور کرتا ہے۔ لہذا برلن میں اپنے خاندان کے لئے ایک چھوٹا تحفہ بھیجا۔ #MuradSaeed پوسٹ آفس میں سروس اور دوستانہ عملے کیلئے آپ کا شکریہ! pic.twitter.com/0LKcyjF5Ah

— Martin Kobler (@KoblerinPAK) January 21, 2019

واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

مزید پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح کردیا

ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔

وزیر مملکت نے کہا کہ پوسٹل سروسز کو جدت کی نئی راہوں پر لے جانے کا فیصلہ کیا ہے، پاکستان بھر کے ڈاک خانوں کا معیار تبدیل کریں گے۔ 13 ہزار ڈاک خانوں کو جدید ترین پوسٹل سروسز کا مرکز بنائیں گے۔