ARYNews.tv | Urdu – Har Lamha Bakhabar

Tag: مارچ

  • مارچ کا اعلان، گرینڈ ہیلتھ الائنس کے چیئرمین ڈاکٹر سلمان حسیب کو معطل کر دیا گیا

    مارچ کا اعلان، گرینڈ ہیلتھ الائنس کے چیئرمین ڈاکٹر سلمان حسیب کو معطل کر دیا گیا

    لاہور: گرینڈ ہیلتھ الائنس کی جانب سے کل وزیر اعلیٰ ہاؤس کی جانب مارچ کے اعلان پر سیکریٹری صحت پنجاب نے بدنظمی کے الزام پر ینگ ڈاکٹرز کی قیادت کے خلاف بڑا ایکشن لے لیا۔

    تفصیلات کے مطابق سیکریٹری صحت پنجاب نے بد نظمی پر ینگ ڈاکٹرز کے ’گرینڈ ہیلتھ الائنس‘ کے چیئرمین ڈاکٹر سلمان حسیب کو معطل کر دیا ہے۔

    اس سلسلے میں جاری نوٹیفکیشن کے مطابق ڈاکٹر سلمان حسیب کو سروسز اسپتال سے پیڈا ایکٹ کے تحت معطل کیا گیا ہے، چلڈرن اسپتال میں ینگ ڈاکٹرز کے صدر ڈاکٹر احمد یار کو بھی معطل کیا گیا ہے۔

    نوٹیفکیشن میں کہا گیا ہے کہ معطل ڈاکٹر احمد یار پر ہنگامہ آرائی کے الزامات ہیں، جنرل اسپتال کے ڈاکٹر محمد عامر بشیر بھی برطرف کر دیے گئے ہیں، ان پر او پی ڈی بندش کا الزام ہے۔ معطل ڈاکٹرز کو فوری طور پر محکمہ صحت پنجاب رپورٹ کرنے کی ہدایت کی گئی ہے۔

    جماعت اسلامی کی ڈاکٹرز کے احتجاج کی حمایت لیکن او پی ڈی میں احتجاج نہ کرنے کی اپیل

    واضح رہے کہ جماعت اسلامی پاکستان نے ینگ ڈاکٹرز کے احتجاج کی حمایت کر دی ہے، تاہم حافظ نعیم الرحمان نے اپیل کی ہے کہ وہ او پی ڈی کا احتجاج ختم کر دیں۔ گزشتہ روز حافظ نعیم سے منصورہ میں پنجاب پیرا میڈیکل کے نمائندوں نے ملاقات کی تھی، جس کے بعد انھوں نے پنجاب دیہی مراکز صحت کے نجکاری کے خلاف پریس کانفرنس سے خطاب کیا۔

    حافظ نعیم نے ڈاکٹرز کے احتجاج کی حمایت کا اعلان کرتے ہوئے کہا کہ وائٹ کوٹ احتجاج کی جماعت اسلامی حمایت کرتی ہے، اگر حکومت نے احتجاج کو کچلنے کی کوشش کی تو اسے پورے ملک میں نتائج بھگتا پڑیں گے۔

  • حافظ نعیم الرحمان نے 8 اگست کو دھرنا مارچ کا اعلان کر دیا

    حافظ نعیم الرحمان نے 8 اگست کو دھرنا مارچ کا اعلان کر دیا

    راولپنڈی: امیر جماعت اسلامی پاکستان حافظ نعیم الرحمان نے 8 اگست کو دھرنا مارچ کا اعلان کر دیا۔

    تفصیلات کے مطابق جماعت اسلامی کے امیر نے پریس کانفرنس کرتے ہوئے کہا ہے کہ ’حق دو عوام کو‘ دھرنا 12 دن سے جاری ہے، میں میڈیا کا شکر گزار ہوں کہ اس نے ہماری آواز پوری دنیا میں پہنچائی، مطالبات کی منظوری تک یہ جہدوجہد جاری رہے گی، اور حکومتی مذاکراتی ٹیم کی تلاش گمشدہ ہونے کا اشتہار جلد میڈیا میں جاری کیا جائے گا۔

    حافظ نعیم الرحمان کا کہنا تھا کہ حکومت سنجیدگی کا مظاہرہ نہیں کر رہی، حکومت کو جمہوری رویے کا مظاہرہ کر کے مذاکرات کرنے چاہئیں، لوگ اپنی تنخواہوں سے راشن، بجلی بل اور بچوں کی فیسیں کس طرح ادا کریں گے۔

    انھوں نے کہا 11 اگست کو لاہور، 12 اگست کو پشاور میں دھرنا دیا جائے گا، 14 اگست کے بعد تاجروں کی مشاورت سے ملک گیر شٹر ڈاؤن ہڑتال کا اعلان کیا جائے گا۔

    حافظ نعیم نے بتایا کہ وہ دھرنا مارچ کے حوالے سے تفصیلات کل بتائیں گے، مری روڈ پر پُر امن مارچ ہوگا، دھرنا اور مذاکرات بھی جاری رہیں گے۔

    انھوں نے کہا کب تک کمیٹیاں بناتے رہیں گے، مسئلے کو ڈی فیوز کرنے کے لیے کمیٹیاں بنائی جاتی ہیں، اور جن کی وجہ سے عوام ہر بوجھ ہے ان ہی کو ٹاسک فورس میں شامل کر دیا گیا ہے، ٹاسک فورس میں تو تاجر، چیئرمین واپڈا، آڈیٹر جنرل آف پاکستان کو ہونا چاہیے۔ انھوں نے کہا ہم ملک کے حالات خراب نہیں کرنا چاہتے، ملک کے حالات خراب کرنے میں بہت سے لوگ ملوث ہے۔

  • مارچ میں پاکستانیوں نے 4 ارب ڈالرز سے زائد کی اشیا منگوائیں، اسٹیٹ بینک

    مارچ میں پاکستانیوں نے 4 ارب ڈالرز سے زائد کی اشیا منگوائیں، اسٹیٹ بینک

    کراچی: اسٹیٹ بینک آف پاکستان نے درآمدات و برآمدات اور تجارتی خسارے کے اعداد و شمار جاری کردیے۔

    جاری کردہ رپورٹ کے مطابق مارچ میں پاکستان نے 2 ارب 57 کروڑ ڈالرز کی اشیا بیرون ممالک فروخت کیں جب کہ مارچ میں بیرون ممالک سے 4 ارب 87 کروڑ ڈالرز کی اشیا پاکستان منگوائی گئیں۔

    اسٹیٹ بینک نے بتایا کہ ماہانہ بنیاد پر برآمدات میں کوئی اضافہ نہیں ہوا، ماہانہ بنیاد پر درآمدات 13 فیصد بڑھنے سے تجارتی خسارے میں 34 فیصد اضافہ ہوا۔

    رواں مالی سال کے پہلے 9 ماہ میں برآمدات کا مالی حجم 23 ارب ڈالر رہا، رواں مالی سال کے پہلے 9 ماہ میں درآمدات کا مالی حجم 40 ارب ڈالر رہا۔

    اسٹیٹ بینک نے بتایا کہ رواں مالی سال کے پہلے 9 ماہ کے دوران تجارتی خسارہ 24 فیصد کم ہوکر 17.14ارب ڈالررہا۔

  • بنگلہ دیش اگلے ماہ سری لنکن کرکٹ ٹیم کی میزبانی کرنے کے لیے تیار

    بنگلہ دیش اگلے ماہ سری لنکن کرکٹ ٹیم کی میزبانی کرنے کے لیے تیار

    بنگلہ دیش اگلے ماہ ٹیسٹ میچز، ون ڈے انٹرنیشنلز اور ٹی ٹوئنٹی سیریز کے لیے سری لنکا کی میزبانی کرے گا۔

    تفصیلات کے مطابق بنگلہ دیش مارچ میں ورلڈ ٹیسٹ چیمپئن شپ میں شامل دو میچز کی سیریز کے لیے سری لنکا کی میزبانی کرے گا۔ سلہٹ انٹرنیشنل کرکٹ اسٹیڈیم اور ظہور احمد چوہدری اسٹیڈیم چٹاگرام کو ان میچز کے وینیو کے طور پر منتخب کیا گیا ہے۔

    یہ پہلا موقع ہوگا جب ڈھاکہ کے شیر بنگلہ اسٹیڈیم میں سیریز کا کوئی میچ نہیں رکھا گیا۔ آسٹریلیا کی خواتین کے دورہ بنگلہ دیش کے دوران اس اسٹیڈیم میں میچز رکھے جائیں گے جو کہ مارچ کے آخر میں ہوگا۔

    دو میچوں کی ٹیسٹ سیریز سے قبل دونوں ٹیموں کے درمیان تین میچوں کی ٹی ٹوئنٹی سیریز ہوگی جبکہ اس کے بعد ون ڈے بھی کھیلے جائیں گے۔

    سلہٹ بالترتیب 4،6 اور 9 مارچ کو ٹی ٹوئنٹی میچوں کی میزبانی کرے گا جبکہ ون ڈے 13،15 اور 18 مارچ کو چٹاگرام میں کھیلے جائیں گے۔

    ون ڈے سیریز کے اختتام پر پہلا ٹیسٹ 22 مارچ سے شروع ہوگا جبکہ دوسرا میچ 30 مارچ کو شروع ہوگا، جس کے بعد بنگلہ دیش اور سری لنکا کے کھلاڑیوں انڈین پریمیئر لیگ میں شرکت کریں گے۔

    خیال رہے کہ سری لنکا واحد ٹیسٹ میچ کے لیے افغانستان کی میزبانی کےلیے تیار ہے۔ بعدازاں دونوں ٹیمیں تین میچوں کی ون ڈے سیریز کے بعد ٹی ٹوئنٹی سیریز میں مدمقابل آئیں گی۔

  • عمران خان آئندہ ماہ مارچ میں نااہل ہو جائیں گے، منظور وسان کا نیا خواب

    عمران خان آئندہ ماہ مارچ میں نااہل ہو جائیں گے، منظور وسان کا نیا خواب

    کراچی: پاکستان پیپلز پارٹی کے سینئر رہنما منظور وسان نے عمران خان کی نا اہلی کا خواب دیکھ لیا۔

    تفصیلات کے مطابق اپنے سیاسی خوابوں کے لیے مشہور پی پی رہنما منظور وسان نے نیا خواب دیکھا ہے جس کے مطابق پی ٹی آئی چیئرمین عمران خان آئندہ ماہ مارچ میں نااہل ہو جائیں گے۔

    منظور وسان نے کہا کہ عمران خان کے پرانے کیس بھی کھل جائیں گے، وہ نااہل بھی ہوں گے اور جیل بھی جائیں گے۔

    منظور وسان نے مزید کہا کہ عمران خان جب نااہل ہو کر جیل جائیں گے تو ان سے پرانے ساتھی علیحدگی اختیار کریں گے، عمران خان جیل جانے سے ڈر رہے ہیں اسی لیے دوسرے رہنما بھی جیل نہیں جانا چاہتے۔

    ان کا کہنا تھا کہ جیل بھرو تحریک چلانا کوئی آسان کام نہیں، اس کے لیے سب سے پہلے خود کی گرفتاری دینی پڑتی ہے۔

    پی پی رہنما کا کہنا تھا کہ ملک میں مہنگائی سے سرکاری ملازمین اور مزدور طبقہ کافی پریشان ہے، انھوں نے مطالبہ کیا کہ نچلے گریڈ کے سرکاری ملازمین کی تنخواہیں 70 فی صد بڑھائی جائیں، مزدوروں کی مزدوری میں بھی اضافے کا اعلان کیا جائے۔

  • مارچ کے دوسرے ہفتے مہنگائی کی شرح میں معمولی اضافہ

    مارچ کے دوسرے ہفتے مہنگائی کی شرح میں معمولی اضافہ

    اسلام آباد: مارچ کے دوسرے ہفتے میں مہنگائی کی شرح میں 0.71 فیصد اضافہ ہوا، اس دوران 13 اشیا کی قیمتوں میں اضافہ اور 9 اشیا کی قیمتوں میں کمی ہوئی۔

    تفصیلات کے مطابق ادارہ شماریات کا کہنا ہے کہ مارچ کے دوسرے ہفتے مہنگائی کی شرح میں 0.71 فیصد اضافہ ہوا ہے۔ کم آمدنی والوں کے لیے قیمتوں کے حساس اشاریے میں 0.75 فیصد اضافہ ہوا۔

    رپورٹ کے مطابق مرغی، انڈے، آٹا، چینی، آلو، پیاز، دال مونگ، چنے کی دال، اری چاول، بیف، مٹن، صابن اور ویجی ٹیبل گھی کی قیمتوں میں اضافہ ہوا۔

    ادارہ شماریات کا کہنا ہے کہ ایل پی جی، ٹماٹر، لہسن، دال ماش، دال مسور، مسٹرڈ آئل اور گڑ سمیت 9 اشیائے ضروریہ کی قیمتوں میں کمی ہوئی۔

    اسی طرح پیٹرول، ہائی اسپیڈ ڈیزل، مٹی کے تیل، گیس، باسمتی چاول، گندم، خوردنی تیل، ملک پاؤڈر، روٹی، چائے، سرخ مرچ سگریٹ اور بجلی سمیت 28 اشیا کی قیمتوں میں استحکام رہا۔

    اس سے قبل مارچ کے پہلے ہفتے میں افراط زر کی شرح میں 0.32 فیصد کمی ریکارڈ کی گئی تھی۔

    مارچ کے پہلے ہفتے کے دوران 18 اشیائے ضروریہ کی قیمتوں میں اضافہ اور 12 اشیا کی قیمتوں میں کمی ہوئی جبکہ 21 اشیا کے نرخ مستحکم رہے۔

  • جامعہ بنوریہ نے فضل الرحمان کے آزادی مارچ کی مخالفت کر دی

    جامعہ بنوریہ نے فضل الرحمان کے آزادی مارچ کی مخالفت کر دی

    اسلام آباد: جامعہ بنوریہ نے مولانا فضل الرحمان کے آزادی مارچ کی مخالفت کر دی، مفتی نعیم کا کہنا ہے کہ دینی طلبہ کو سیاست میں استعمال نہ کیا جائے۔

    تفصیلات کے مطابق وفاقی وزیر برائے بحری امور علی زیدی اور پیر نورالحق قادری نے مفتی نعیم سے ملاقات کی، ملاقات کے بعد مفتی نعیم نے فضل الرحمان کے مارچ کی مخالفت میں بیان جاری کیا۔

    مفتی نعیم نے کہا دینی طلبہ کو سیاست میں استعمال نہ کیا جائے، اس سے دنیا میں اچھا تاثر نہیں جائے گا، مدارس کو سیاسی مقاصد کے لیے استعمال نہیں ہونا چاہیے، دینی مدارس غیر سیاسی ہوتے ہیں۔

    جامعہ بنوریہ کے مہتمم نے مزید کہا کہ تمام مدارس سے درخواست ہے کہ اپنے طلبہ کو مارچ یا دھرنے میں شریک نہ کریں، کسی طالب علم کو کچھ ہوا تو مدرسے کی بد نامی ہوگی۔

    تازہ ترین:  اپوزیشن کے احتجاج سے نمٹنے کے لیے فوج بلانے کا آپشن زیر غور نہیں: وزیر دفاع

    انھوں نے کہا جامعہ میں 53 ممالک کے طلبہ زیر تعلیم ہیں، اگر ان ممالک میں یہ پیغام جائے گا کہ یہاں طلبہ کو سیاسی مقاصد کے لیے استعمال کیا جا رہا ہے تو وہ اپنے طلبہ نہیں بھیجیں گے۔

    خیال رہے کہ آج اپوزیشن کے ساتھ مذاکرات کے لیے تشکیل دی جانے والی کمیٹی نے پریس کانفرنس کی، کمیٹی کے سربراہ وزیر دفاع پرویز خٹک نے کہا کہ اپوزیشن جماعتوں کی جانب سے احتجاج کے سلسلے میں فوج بلانے کا آپشن زیر غور نہیں۔

    ان کا کہنا تھا تمام اپوزیشن جماعتوں سے گزارش ہے آ کر بات کریں، اگر اپنے مطالبات سامنے نہیں لائیں گے تو افراتفری ہوگی، جس کی ذمہ دار وہی جماعتیں ہوں گی، اگر آپ ہم سے بات نہیں کریں گے تو پھر ہم اپنا فرض ادا کریں گے۔

  • اپوزیشن کا مارچ کشمیریوں کی نہیں چوروں کی آزادی کے لیے ہے: فردوس عاشق اعوان

    اپوزیشن کا مارچ کشمیریوں کی نہیں چوروں کی آزادی کے لیے ہے: فردوس عاشق اعوان

    اسلام آباد: وزیر اعظم عمران خان کی معاون خصوصی برائے اطلاعات و نشریات فردوس عاشق اعوان کا کہنا ہے کہ اپوزیشن کا مارچ کشمیریوں کی آزادی کے لیے نہیں چوروں کی آزادی کے لیے ہے۔

    تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ محمد نواز شریف کی گفتگو کے بعد فضل الرحمٰن کے مارچ کی بلی تھیلے سے باہر آگئی ہے۔

    معاون خصوصی کا کہنا تھا کہ ثابت ہوگیا کہ ان کا مارچ کشمیریوں کی آزادی کے لیے نہیں چوروں کی آزادی کے لیے ہے۔ وہ مظلوموں اور بے کسوں کے لیے نہیں بلکہ کرپشن کنگز کے سیاسی و معاشی روزگار کو تحفظ دینے کے لیے باہر نکل رہ ہیں۔

    انہوں نے کہا کہ نواز شریف اور شہباز شریف سمیع اللہ اور کلیم اللہ کا کھیل کھیل رہے ہیں۔ کبھی بال شہباز شریف کے پاس ہوتی ہے تو کبھی نواز شریف کے پاس، تاہم دونوں گول کرنے میں ناکام ہیں کیونکہ دونوں کے گول پوسٹ الگ الگ ہیں۔

    معاون خصوصی نے مزید کہا کہ آج ماڈل ٹاؤن میں ہونے والا اجلاس بھی اسی کھیل کا حصہ ہے۔ جانتے ہیں کہ فضل الرحمٰن سیاسی حلوے کے شیدائی ہیں جس کے حصول کے لیے اسلام آباد کو لاک ڈاؤن نہ کریں۔

    اپنے ٹویٹ میں انہوں نے کہا کہ اندرونی اور بیرونی آقاؤں کی خوشنودی کے لیے بھارت کے خلاف یوم سیاہ کے دن کو سیاست کے لیے چنا گیا۔

  • مارچ کے دوسرے ہفتہ میں مہنگائی کی شرح میں اضافہ

    مارچ کے دوسرے ہفتہ میں مہنگائی کی شرح میں اضافہ

    کراچی : نئے مالی سال 2017-18ء کے نویں ماہ ( مارچ 2018ء ) کے دوسرے ہفتے کے دوران مہنگائی کی شرح میں 0.26 فیصدکا اضافہ ریکارڈ کیا گیا جبکہ کم آمدنی والے طبقے کے لئے قیمتوں کے حساس اعشاریئے میں 0.29 فیصد کمی دیکھنے میں آئی۔

    پاکستان بیور و شماریات کے اعداد و شمار کے مطابق 17 مارچ کو ختم ہونے والے ہفتے کے دوران چینی ،باسمتی چاول ،اری چاول، بیف، چائے، ویجی ٹیبل گھی ، کپڑے، سمیت 11 اشیائے ضروریہ کی قیمتوں میں اضافہ ہوا، زندہ مرغی، انڈے،پیاز ،ٹماٹر، لہسن ،چنے کی دال ،دال ماش، دال مونگ ، دال مسور ،ایل پی جی،کیلے، سمیت 14اشیائے ضروریہ کی قیمتوں میں کمی ریکارڈ کی گئی۔

    ادارہ شماریات کے مطابق پیٹرول ،ہائی سپیڈ ڈیزل، مٹی کاتیل ، بجلی کے نرخ ،گیس نرخ ،گندم،آٹا ،دھی ،ملک پاؤڈر، تازہ دودھ ،نمک ، مٹن ، سرخ مرچ ، گڑ ،مسٹرڈ آئل ،آلو ،خوردنی تیل، سمیت 28 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.27، 0.27 ،0.27 اور 0.24 فیصد کمی ریکارڈ کی گئی۔

  • زمبابوے صدررابرٹ موگابے کے خلاف آج مارچ ، فوج کی حمایت کا اعلان

    زمبابوے صدررابرٹ موگابے کے خلاف آج مارچ ، فوج کی حمایت کا اعلان

    ہرارے : زمبابوے میں فوج کے کنٹرول سنبھالنے کے بعد صورتحال بدستورکشیدہ ہے، صدررابرٹ موگابے کے خلاف آج مارچ کیا جائے گا جبکہ فوج نے صدرمخالف ریلی کی حمایت کا اعلان کردیا ہے۔

    تفصیلات کے مطابق زمبابوے میں فوج کے کنٹرول سنبھالنے کے بعد بحران جاری ہے، صدررابرٹ موگابے سے استعفی دینے کا مطالبہ زورپکڑگیا، صدر موگابے کے خلاف آج ریلی نکالی جائے گی جبکہ فوج نے صدرمخالف ریلی کی حمایت کا اعلان کیا ہے۔

    فوجی حکام کی جانب سے گھر میں نظربندصدررابرٹ موگابے نے گزشتہ روز یونیورسٹی کی گریجویشن تقریب میں شرکت کی۔

    دوسری جانب امریکی صدرریکس ٹلرسن کا کہنا ہے مسئلے کا حل نکال کرزمبابوے میں سویلین حکومت جلدازجلد بحال کی جائے۔

    مزید پڑھیں : زمبابوےمیں کشیدگی برقرار، صدرموگابے کا استعفی سے انکار

    یاد رہے کہ کہ زمبابوے کے صدر رابرٹ موگابے نے مستعفی ہونے سے انکار کر دیا تھا جبکہ سرکاری میڈیا پرصدررابرٹ موگابے کی آرمی چیف،وزیردفاع اورجنوبی افریقی ملکوں کے سفیروں سے ملاقات کی تصاویرجاری کی گئی تھیں۔

    جی حکام کا کہنا ہے اقتدار پر قبضے کا کوئی ارادہ نہیں، صدرموگابے کے قریب موجود جرائم پیشہ لوگوں کے خلاف کارروائی کی جارہی ہے، ایسے عناصر کو ہٹانے کے بعد صورتحال معمول پر آجائیگی۔

    زمبابوے کی صورتحال پربین الاقوامی برادری میں تشویش پائی جاتی ہے، برطانوی وزیراعظم ٹریزامے اوراقوام متحدہ کے سیکریٹری جنرل ، فرانس اور دیگرممالک نے بحران کے حل کے لئے فریقین سے تحمل سے کام لینے کی اپیل کی ہے۔

    دوسری جانب  فوج کے حمایت یافتہ بر طرف نائب صدر جلاوطنی ختم کرکے واپس زمبابوے آگئے ہیں۔

    مزید پڑھیں :  زمبابوے میں فوج کا اقتدار پر قبضہ

    گذشتہ روز افریقی ملک زمبابوے میں فوج کے حکومت کا تختہ الٹنے کی اطلاعات تھیں ، جس کے بعد صدررابرٹ موگابے کے تیس سال کے اقتدار کا خاتمہ ہوا اور دارلحکومت ہرارے میں ٹینک اوربکتربندگاڑیاں آگئیں تھیں۔

    فوج کے ترجمان نے سرکاری ٹی وی پراقتدارسنبھالنے کا اعلان کرتے ہوئے کہا صدررابرٹ موگابے اوران کا خاندان مکمل طورپرمحفوظ ہیں، دیگرسیکورٹی ادارے ملک کوبہتربنانے کے لئے فوج سے تعاون کریں۔

    خیال رہے کہ زمبابوے میں صدر موگابے کی جانب سے نائب وزیر اعظم کی برطرفی کے بعد کشیدگی عروج پر تھی۔

    کشیدہ صورتحال کے باعث امریکی سفارتخانے نے عملے کوگھروں میں رہنے کی ہدایت کی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔