برسبین : روسی ٹینس اسٹار ماریا شراپوا نے برسبین انٹرنیشنل ٹورنامنٹ جیت کر ڈبلیو ٹی اے کا چونتیسواں ٹائٹل اپنے اکاؤنٹ میں شامل کرلیا ہے۔
سال کے پہلے گرینڈ سلیم آسٹریلین اوپن سے قبل کھیلے جانے والے وارم اپ ایونٹ برسبین انٹرنیشنل کے فائنل میں روسی ٹینس اسٹار ماریا شراپوا اور سربیائی کھلاڑی اینا ایوانووک کا مقابلہ ہوا۔
پہلے سیٹ کا فیصلہ ٹائی بریکر پر سات چھ پوائنٹس کیساتھ ایوانووک کے حق میں رہا۔ فوٹیج ٹاپ سیڈ ماریا شراپوا نے حریف کھلاڑی کو مزید سیٹس جیتنے کا موقع نہیں دیا۔
آخری دو سیٹ میں چھ تین اور چھ تین سے فاتح رہ کر رواں سال کا پہلا ڈبلیو ٹی اے ٹائٹل اپنے نام کرلیا۔