ARYNews.tv | Urdu – Har Lamha Bakhabar

Tag: ماسکو

  • ماسکو : روسی صدرکا ترکی پر عائد پابندیاں اٹھانے کا اعلان

    ماسکو : روسی صدرکا ترکی پر عائد پابندیاں اٹھانے کا اعلان

    ماسکو: روسی ولادی میر پیوٹن اور ترکی کے صدر رجب طیب اردگان کے درمیان ٹیلی فونک رابطہ ہوا جس میں دونوں رہنماؤں نے دو طرفہ تعلقات کو دوبارہ سے بحال کرنےکے ساتھ ساتھ دہشت گردی کا مقابلہ کرنے کے عزم کا بھی اظہار کیا.

    تفصیلات کے مطابق ترک ایوان صدر سے جاری بیان کے مطابق ترکی کے صدر سے گفتگو میں روسی صدر نے دونوں ممالک کے درمیان تعلقات کو نہ صرف بحال کرنے پر زور دیا بلکہ گذشتہ روز ترکی کے اتاترک ائیرپورٹ پر حملے کی مذمت کی.

    ترک ایوان صدر کے مطابق دونوں رہنماؤں نے گفتگو کے دوران مستقل رابطے میں رہنے سمیت ایک دوسرے سے ملنے کی خواہش کا بھی اظہار کیا.

    ترک حکام کے مطابق رجب طیب اردگان کی روسی ہم منصب سے چین میں ہونے والی جی ٹوئنٹی سربراہ کانفرنس کے موقع پر ملاقات بھی متوقع ہے.

    روسی صدر نے ترک صدر سے ٹیلی فونک رابطے کے بعداجلاس کے دوران ترکی کے ساتھ تعلقات معمول پر لانے کے لیے کابینہ کو ترکی پر سے اقتصادی اور سفری پابندیاں اٹھانے کا حکم دیا.

    یاد رہے کہ گزشتہ سال نومبر میں ترکی نے سرحدی حدود کی خلاف ورزی پر روس کا طیارہ مار گرایا تھا جس کے بعد سے دونوں ملکوں کے درمیان کشیدگی پیدا ہوگئی تھی.

    واضح رہے کہ رواں ہفتے ترک صدر رجب طیب اردگان نے،شامی سرحد پر روسی طیارے کو گرائے جانے کے واقعے پر روس سے معافی مانگ لی تھی.

  • ماسکو : ترکی نے روس سے طیارہ گرانے پر معافی مانگ لی

    ماسکو : ترکی نے روس سے طیارہ گرانے پر معافی مانگ لی

    ماسکو: روسی صدر ولادی میر پیوٹن کے ترجمان کا کہنا ہے کہ ترک صدر رجب طیب اردگان نے،شامی سرحد پر روسی طیارے کو گرائے جانے کے واقعے پر روس سے معافی مانگ لی.

    تفصیلات کے مطابق روسی صدر کے ترجمان دیمیتری پیسکوو نے میڈیا سے گفتگو کرتے ہوئے بتایا کہ ولادی میر پیوٹن کو رجب طیب اردگان کا پیغام ملا،جس میں انہوں نے واقعے پر معذرت کرتے ہوئے ہلاک ہونے والے پائلٹ کے لواحقین سے ہمدردی اور تعزیت کی ہے.

    یاد رہے کہ گزشتہ سال نومبر میں ترکی نے مبینہ طور پر سرحدی حدود کی خلاف ورزی پر شامی سرحد پر روسی جنگی طیارہ ’سو 24‘ مار گرایا تھا.

    *روس نے طیارہ گرانے پر ترکی پر اقتصادی پابندیاں عائد کردیں

    روس نے طیارے گرائے جانے پر شدید ردعمل کا اظہار کرتے ہوئے ترکی سے معافی کا مطالبہ کیا تھا،تاہم معافی نہ مانگے جانے پر روس نے دوطرفہ تجارتی اور سیاحتی تعلقات ختم کردیے تھے.

    واضح رہے اس سے قبل ترک وزیر اعظم بن علی یلدرم نے کہا تھا کہ روس سے تعلقات سے متعلق کئی حوالوں سے پیشرفت ہوئی ہے،تاہم انہوں نے اس کی تفصیلات سے آگاہ نہیں کیا تھا.

  • ماسکو: روس میں طوفان کے باعث 2 کشتیاں ڈوبنےسے14 افراد ہلاک

    ماسکو: روس میں طوفان کے باعث 2 کشتیاں ڈوبنےسے14 افراد ہلاک

    ماسکو : روس میں 2 کشتیاں ڈوبنے سے 14 افراد ہلاک ہوگئے،واقعہ طوفان کے سبب پیش آیا، ہلاک شدگان میں پانچ بچے بھی شامل ہیں۔

    اطلاعات کے مطابق واقعہ شمالی روس کے علاقے کریلایا کی نہر سیمو زیرو میں پیش آیا، یہ افراد بچوں کے ساتھ پکنک منانے وہاں ہوئے تھے، جن میں سے دس افراد کا تعلق ماسکو سے ہے۔

    پولیس نے واقعے کی تحقیقات کرتے ہوئے بچوں کے انسٹرکٹر کو حراست میں لے لیا۔امدادی رضاکاروں نے چودہ لاشوں کو نکالا جن میں پانچ بچوں کی لاشیں بھی شامل ہیں۔

    خبر رساں ادارے کے مطابق حادثے میں بچ جانے والے 25 افراد نہر میں موجود ایک جزیرے پر پناہ لیے ہوئے ہیں جبکہ دیگر گیارہ افراد ایک مقامی گائوں میں موجود ہیں۔

     

    روسی حکام کا کہنا ہے کہ سیاحوں کو محفوظ مقامات پر منتقل کردیا گیا ہے اور بچوں کے والدین سے ملاقات کا بندوبست کیا جارہا ہے، حادثے میں ہلاک ہونے والے زیادہ تر افراد کا تعلق ماسکو سے ہے۔ اندوہناک واقعے پر روس کے میئر نے عوام سے اظہار تعزیت کیا ہے۔

  • ماسکو: 2گروہوں میں تصادم 3افراد ہلاک،23 زخمی

    ماسکو: 2گروہوں میں تصادم 3افراد ہلاک،23 زخمی

    ماسکو: روس میں دوگروہوں میں مسلح تصادم سے تین افراد ہلاک جبکہ تئیس زخمی ہوگئے، پولیس نے پندرہ ملزمان کوحراست میں لے لیا۔

    ماسکو میں دو گرہوں کے درمیان اراضی تنازعے پر شروع ہونے والی بحث خونریز تصادم میں تبدیل ہوگئی،فائرنگ کے تبادلے میں تین افرادہلاک جبکہ تئیس زخمی ہوگئے۔

    واقعے کی اطلاع ملتے ہی پولیس کی بھاری نفری نے جائے وقوع پر پہنچ صورتحال کو قابو کیا اور جھگڑے ملوث پندرہ افراد حراست میں لے کرتفتیش شروع کردی۔

    پولیس حکام کے مطابق جھگڑا قبرستان کی زمین کے ایک ٹکرے کیلئے ہوا جس کی ملکیت کےدعودیدار دونوں جماعتیں تھیں۔

  • روس میں طیارہ گرکرتباہ، 61 افراد ہلاک

    روس میں طیارہ گرکرتباہ، 61 افراد ہلاک

    ماسکو : دبئی سے روس جانے والا مسافر طیارہ لینڈنگ کے دوران گر کر تباہ ہوگیا۔حادثے میں عملے کے چھ ارکان سمیت 61 افراد ہلاک ہوگئے ۔

    غیرملکی میڈیا کے مطابق متحدہ عرب امارات کی فضائی کمپنی کا طیارہ روس کے سرحدی شہرروستوف اون ڈون کے ائیرپورٹ پر لینڈنگ کے دوران گرکرتباہ ہوا۔

    روس کی وزارت ایمرجنسی نے تصدیق کی ہے کہ ہفتہ کی صبح بوئنگ 737-800 تباہ ہوگیااور ترجمان نے بتایاکہ بدقسمت طیارے میں 61افرادسوار تھے اور تمام جاں بحق ہوگئے۔

    ابتدائی اطلاعات میں حادثے کی وجہ خراب موسم اورکم روشنی کوقراردیا گیا ہے۔ مقامی حکام کا کہنا ہے کہ طیارہ تباہ ہونے سےایک گھنٹے قبل فضا میں چکرلگاتا رہا۔

    طیارے میں لگی آگ کو بجھا دیا گیا ہے اورجائے حادثہ پرامدادی کارروائیاں جاری ہیں۔

  • ماسکو میں ملٹری میوزک فیسٹول، پاک فوج کے بینڈ شریک

    ماسکو میں ملٹری میوزک فیسٹول، پاک فوج کے بینڈ شریک

    ماسکو: روس میں پاک فوج کے بینڈ اورخٹک ڈانس نے سماں باندھ دیا۔ ملٹری میوزک فیسٹیول میں کئی ملکوں کے ملٹری بینڈدستوں نے شرکت کی ۔

    یہ ماسکو کا ریڈ اسکوائر ہے جہاں پاک فوج کابینڈ پریڈ کرتا ہوا داخل ہوا تو نگاہیں جم گئیں پاکستانی اورروسی پرچموں کے ساتھ خٹک ڈانس نے بھی ماضی کی تلخیاں بھلانے کااشارہ دیا چمکتی تلواروں کے ساتھ خٹک ڈانس کاروایتی انداز بھی دلفریب تھا۔

    Video of Pakistani tri services band which performed at Moscow, Russia Posted by ISPR Official on Monday, September 14, 2015

    ماسکو میں لگے فوجی میلے میں دنیا بھر کے بینڈز نے وہ باجے بجائے کہ سب کو ہلاکر رکھ دیا،لیکن جب باری آئی پاکستانی بینڈ کی تو برسوں پرانے ترانوں اور ہزاروں سال پرانے خٹک ڈانس نے سب کو پچھاڑ کر رکھ دیا۔

    آئی ایس پی آر کے مطابق پاکستان کی تینوں مسلح افواج کے بینڈ نے ماسکو میں ملٹری میوزک فیسٹیول میں شرکت کی اس دوران بینڈ نے اپنے فن کا خوب مظاہرہ کیا۔

    ماسکو کی آٹھ سو اڑسٹھویں سالگرہ کے جشن میں پاکستانی بینڈکی کارکردگی کوبہترین قراردیاگیا، اختتامی تقریب میں لیفٹیننٹ جنرل ضمیرالحسن شاہ نےشرکت کی ۔

  • ماسکو: آرمی چیف نے روس کی دفاعی نمائش کا معائنہ کیا

    ماسکو: آرمی چیف نے روس کی دفاعی نمائش کا معائنہ کیا

    ماسکو : آرمی چیف جنرل راحیل شریف نے روس میں ہونےو الی دفاعی نمائش کا معائنہ کیا،جدید ہتھیاروں اور طیاروں میں خصوصی دلچسپی لکا اظہار کیا۔

    تفصیلات کے مطابق آرمی چیف جنرل راحیل شریف نے روس میں جاری دفاعی نمائش کا دورہ کیا، پاک فوج کے ترجمان کے مطابق آرمی چیف نے نمائش میں رکھے گئے جدید ہتھیاروں اور طیاروں میں خصوصی دلچسپی لی۔  

    انہوں نے روسی پارلیمنٹ ڈوما کے چیئرمین سے ملاقات بھی کی جس میں باہمی تعلقات اور خطے میں قیام امن اور ترقی پر بات چیت ہوئی۔

    اس موقع پر چیئرمین ڈوما کا کہنا تھاکہ خطے میں استحکام کیلئے پاکستان کی کوششیں قابل ستائش ہیں، انہوں نے یقین دہانی کرائی کہ دہشت گردی کیخلاف جنگ میں روس پاکستان کے ساتھ ہے۔

  • آرمی چیف جنرل راحیل شریف کا ماسکو پہنچنے پر پرتپاک استقبال

    آرمی چیف جنرل راحیل شریف کا ماسکو پہنچنے پر پرتپاک استقبال

    ماسکو: آرمی چیف جنرل راحیل شریف روس کے تین روزہ دورے کیلئے ماسکو پہنچ گئے۔

    ترجمان پاک فوج کے مطابق آرمی چیف جنرل راحیل شریف کا ماسکو پہنچنے پر پرتپاک استقبال کیا گیا۔ اس موقع پر آرمی چیف کو گارڈ آف آنر بھی پیش کیا گیا۔

    آرمی چیف نے روس کے فوجیوں کی یادگار پر سلامی پیش کی۔ اس موقع پر روسی بینڈ نے پاکستان کے قومی ترانے کی دھن بجائی۔   جنرل راحیل شریف نے روس کے لینڈ فورس کمانڈر کرنل جنرل اولیگ سینکو سے بھی ملاقات  کی، ملاقات میں دوطرفہ باہمی دلچسپی کے امور پر تبادلہ خیال کیا گیا۔

    سربراہ پاک فوج اپنے 3 روزہ دورے کے دوران روسی حکام سے بھی ملاقاتیں کریں گے۔

  • نازیوں کے خلاف فتح : روس میں جشن کی تقریبات کا انعقاد

    نازیوں کے خلاف فتح : روس میں جشن کی تقریبات کا انعقاد

    ماسکو : دوسری جنگ عظیم میں نازیوں کوشکست دینے پر روس میں فتح کا جشن منایاجارہاہے،کیوباکےصدر راؤل کاسترو روس کی کامیابی پر اظہار یکجہتی کےلیےماسکو پہنچ گئے۔

    دوسری عالمی جنگ میں جرمنی کی شکست کوستر سال بیت گئے،نازیوں کے خلاف فتح حاصل کرنے پر آج روس میں جشن منایا جارہا ہے۔

    یوم فتح پر تقریبات اور ملٹری پریڈ منعقد کی جارہی ہیں،ماسکو کےریڈ اسکوائر پر مسلح افواج کےسولہ سو اہلکاروں پر مشتمل دستےمارچ کریں گے۔

    جدید ٹینک اورلیزر گائیڈڈ میزائل بھی پریڈ میں شامل ہوں گے،جیٹ طیارے سلامی پیش کرتے ہوئے کرتب دکھائیں گے، کیو باکےصدر راؤل کاسترو بھی روس سےاظہار یکجہتی کے لیے ماسکو پہنچے جہاں انہوں نے روس کے صدر ولادیمیر پیوٹن سے ملاقات کی۔

    جرمنی اور روس کے وزراءخارجہ نے جنگ عظیم دوم کی یادگارکادورہ کیا جہاں جنگ کےدوران دس لاکھ سےزائد افرادہلاک ہوئے تھے۔وزرائے خارجہ نے یادگار پر پھولوں کےگلدستے پیش کئے۔

  • جھلملاتی روشنیوں سے ماسکو جگمگا اٹھا

    جھلملاتی روشنیوں سے ماسکو جگمگا اٹھا

    ماسکو : جھلملاتی روشنیوں سے ماسکوجگمگا اٹھا، شہرمیں رنگ و نور سے سجے سرکل لائٹ فیسٹول نے میلہ لوٹ لیا۔ جب عمارتیں روشن ہوئیں  تو ہرنظر ہوئی چکا چوند ہوگئی۔

    ماسکو میں ہر طرف رنگ و روشنی کی بارش ہورہی ہے، چمکتے چہرے لائٹ فیسٹیول سے محظوظ ہورہے ہیں، روشنیوں کے میلے میں شہر کے تاریخی سینٹر اور دیگر عمارتوں کو متحرک تصویروں سے سجایا گیا۔

    سالانہ سرکل لائٹ فیسٹیول میں دنیا بھرسے ماہر لائٹ آرٹسٹس نے شاندار لائٹ پروجیکشن کا مظاہرہ کر کے شائقین کے دل جیت لئے، ایک کے بعد ایک رنگ بدلتی عمارتوں نے سماں گلرنگ کردیا۔

    جگمگاتی رنگ برنگی روشنیوں کے مختلف نظاروں سے بھر پورفیسٹول آج اختتام پزیر ہوجائے گا۔