ARYNews.tv | Urdu – Har Lamha Bakhabar

Tag: ماسک

  • کرونا وائرس: چینی ارب پتی کی امریکا کے لیے امداد

    کرونا وائرس: چینی ارب پتی کی امریکا کے لیے امداد

    بیجنگ: چینی ارب پتی اور ای کامرس کمپنی علی بابا کے بانی جیک ما نے امریکا کے لیے 10 لاکھ ماسکس اور 5 لاکھ کرونا وائرس ٹیسٹنگ کٹس بھجوا دیں۔

    سماجی رابطے کی ویب سائٹ ٹویٹر پر تصاویر پوسٹ کرتے ہوئے جیک ما نے لکھا کہ ٹیسٹنگ کٹس اور ماسکس کی پہلی کھیپ شنگھائی سے امریکا کے لیے روانہ ہورہی ہے، امریکا میں موجود دوستوں کے لیے نیک تمنائیں۔

    جیک ما کے اس اقدام کو سوشل میڈیا پر بے حد سراہا جارہا ہے۔

    ایک ٹویٹر صارف نے کہا کہ اس موقع پر عالمی اشتراک کی بے حد ضرورت ہے، اگر سرحدیں بند بھی ہیں تب بھی ماسک کے لیے دروازے ضرور کھولے جانے چاہیئں۔

    ایک اور صارف نے لکھا کہ جیک ما آپ بہت مہربان ہیں۔

    ایک صارف نے طنزیہ لکھا کہ چین تیسری دنیا کے ممالک جیسی طبی سہولیات رکھنے والے ملک امریکا کو امداد دے رہا ہے۔

    یاد رہے کہ امریکا میں اب تک کرونا وائرس کے 6 ہزار 515 کیسز کی تصدیق ہوچکی ہے، اور وائرس سے اب تک 115 افراد ہلاک ہوچکے ہیں۔

  • وزیراعلیٰ پنجاب کا ماسک، حفاظتی کٹ، سینیٹائزر تیار کرنے کا حکم

    وزیراعلیٰ پنجاب کا ماسک، حفاظتی کٹ، سینیٹائزر تیار کرنے کا حکم

    لاہور: وزیراعلیٰ پنجاب سردار عثمان بزدار نے ماسک،حفاظتی کٹ، سینیٹائزر کی مقامی سطح پر تیاری کی ہدایت کر دی۔

    تفصیلات لاہور میں وزیراعلیٰ پنجاب سردار عثمان بزدار کی زیر صدارت کرونا وائرس سے متعلق اجلاس ہوا جس میں کرونا کے معاشی اثرات کاجائزہ لینے کے لیے وزیر خزانہ کی سربراہی میں کمیٹی قائم کر دی۔

    اجلاس میں فیصلہ کیا گیا کہ ڈپٹی کمشنر کی سربراہی میں سول سوسائٹی ارکان پر مشتمل کمیٹیاں بنائی جائیں گی، ڈسٹرکٹ کمیٹیاں کرونا سے نمٹنے کے لیے مقامی سطح پر اقدامات کرسکیں گی۔

    وزیراعلیٰ پنجاب نے ماسک،حفاظتی کٹ، سینیٹائزر کی مقامی سطح پر تیاری کی ہدایت کرتے ہوئے کہا کہ این ڈی ایم اے پنجاب کو ایک ہفتے میں 10 ہزارحفاظتی ملبوسات فراہم کرے گا۔

    سردار عثمان بزدار کا کہنا تھا کہ ایک ہزار حفاظتی کٹس پہنچ گئی، 5 ہزار مزیدکٹس جلد پہنچا دی جائیں گی، ڈاکٹروں اور طبی عملے کی حفاظت کے لیے تمام تر اقدامات کریں گے۔

    انہوں نے کہا کہ ماسک وغیرہ کی ذخیرہ اندوزی کرنے والوں سے سختی سے نمٹا جائےگا، پنڈی اور لاہور میں کارروائیوں کے دوران 90 ہزار ماسک برآمد کیے گئے۔

    وزیراعلیٰ پنجاب نے کہا کہ ملتان کی لیبر کالونی میں 3 ہزار سے زائد مریضوں کے لیے قرنطینہ قائم ہوگا، تعلیمی اداروں کے ہاسٹلز کے کمروں کو آئسولیشن کے لیے استعمال کیا جائے گا۔

    سردار عثمان بزدار کا کہنا تھا کہ بس اسٹینڈز پر دیگرصوبوں سے آنے والے افراد کی طبی چیکنگ کی جائے، مرکزی اور ضلعی سطح پر کرونا آگاہی کے لیے ہیلپ لائن قائم کی جائے۔

    پنجاب میں کرونا وائرس کے 8 کیسز کی تصدیق

    اس سے قبل وزیراعلیٰ پنجاب سردار عثمان بزدار نے صوبے میں کرونا وائرس کے 8 کیسز کی تصدیق کی تھی۔

  • سعودی عرب میں ماسک کی قلت، قیمتوں میں اضافہ

    سعودی عرب میں ماسک کی قلت، قیمتوں میں اضافہ

    ریاض: کرونا وائرس کے پھیلاؤ کے بعد سعودی عرب میں ماسک کی قلت پیدا ہوگئی ہے جبکہ بعض مقامات پر اس کی قیمتوں میں بھی اضافہ ہوگیا ہے۔

    سعودی ویب سائٹ کے مطابق سعودی عرب میں کرونا وائرس کے پھیلاؤ کے بعد طبی ماسک کی قلت پیدا ہوگئی ہے جبکہ قیمتوں میں اضافہ بھی ہوگیا ہے۔

    رپورٹ کے مطابق فارمیسیوں اور دکانوں میں شیلف حفاظتی ماسک سے خالی پڑے ہیں، بعض دکانوں اور فارمیسیوں میں یہ بورڈ بھی چسپاں کردیا گیا ہے کہ ہمارے یہاں حفاظتی ماسک ختم ہوچکے ہیں۔

    دکانداروں کا کہنا ہے کہ حفاظتی ماسک کا ذخیرہ ختم ہوگیا ہے، فی الوقت مارکیٹ میں جو ماسک دستیاب ہیں وہ مہنگے ہیں۔

    ایک دکاندار 35 ریال میں ماسک کا ایک پیکٹ فروخت کرتے ہوئے یہ بھی کہہ رہا تھا کہ دوسری دکانوں پر یہی پیکٹ 50 ریال سے کم میں نہیں ملے گا۔

    ایک فارماسسٹ کا کہنا تھا کہ ہمارے یہاں ماسک کا ذخیرہ ختم ہوچکا ہے البتہ این 95 ماسک دستیاب ہیں، ان کی قیمت 150 سے 200 ریال کے درمیان ہے۔

    ان کا کہنا ہے کہ میرا مشورہ ہوگا کہ عام لوگ یہ ماسک نہ خریدیں، یہ عام لوگوں کے لیے نہیں بلکہ ڈاکٹروں اور خصوصی طبی عملے کے لیے ہیں، عام آدمی کو اس طرح کے ماسک استعمال کرنے کی کوئی ضرورت نہیں۔

    ایک اور فارمیسی نے ایسے حفاظتی ماسک دکھائے جن پر خوبصورت نقوش بنے ہوئے تھے، اس کی قیمت 15 تا 30 ریال بتائی گئی۔ ایک اور فارمیسی پر 5 ماسک 10 ریال میں بیچے جارہے ہیں۔

    کئی صارفین نے تاجروں پر الزام لگایا کہ وہ من مانی قیمت کے لیے ماسک مارکیٹ پر اجارہ داری کی کوشش کر رہے ہیں۔

    ایک شہری کا کہنا تھا کہ اسے ایک دکان سے ماسک کا کارٹن 40 ریال میں مل گیا، اس سے ظاہر ہوتا ہے کہ ہر ایک اس سلسلے میں من مانی کررہا ہے۔

  • ماسک کے پیچھے چھپی چینی ڈاکٹرز کی مسکراہٹ نے امید کی کرن جگا دی

    ماسک کے پیچھے چھپی چینی ڈاکٹرز کی مسکراہٹ نے امید کی کرن جگا دی

    بیجنگ: دنیا بھر میں اپنی تباہ کاریاں پھیلانے والے کرونا وائرس کو چین نے بالآخر شکست دے دی، وائرس سے نمٹنے کے لیے ووہان میں بنایا گیا آخری عارضی اسپتال بھی بند کردیا گیا جس کے بعد چینی ڈاکٹرز نے چہرے سے ماسک ہٹا کر عظیم کامیابی کا جشن منایا۔

    کرونا وائرس کا آغاز چینی شہر ووہان سے ہوا تھا اور یہی شہر اس وائرس سے سب سے زیادہ متاثر تھا۔ وائرس سے نمٹنے کے لیے ووہان میں 10 دن کی ریکارڈ مدت میں عارضی اسپتال بھی تعمیر کیے گئے تھے۔

    دسمبر سے ہزاروں افراد کو اپنا شکار بنانے کے بعد اس وائرس کی شدت کم ہوتی گئی جس کے بعد بتدریج عارضی اسپتال بھی بند کیے جاتے رہے۔

    اب ووہان کا آخری (کرونا وائرس سے نمٹنے کے لیے) عارضی اسپتال بھی بند کردیا گیا جس کے بعد چینی ڈاکٹرز اور نرسوں نے اپنے چہرے سے ماسک ہٹا کر اور مسکرا کر پوری دنیا کو اپنے پہاڑ جیسے حوصلے کا ثبوت دے دیا۔

    ہر وقت چہرے پر ماسک لگائے اور اپنے آپ کو حفاظتی لباس میں چھپائے یہ چینی ڈاکٹرز کئی ماہ سے دن رات کام کر رہے تھے۔

    یاد رہے کہ چین میں اس جان لیوا وائرس نے 80 ہزار 824 افراد کو متاثر کیا، ان میں سے 3 ہزار 189 افراد زندگی کی بازی ہار گئے جبکہ 65 ہزار سے زائد افراد صحتیاب ہو کر گھروں کو لوٹ گئے۔

    تاہم چین کے علاوہ دیگر ممالک میں کرونا وائرس تاحال بے قابو ہے اور اس میں مزید اضافہ ہوتا جارہا ہے۔

    چین سمیت دنیا بھر میں اب تک 5 ہزار 542 افراد موت کے گھاٹ اتر چکے ہیں جبکہ وائرس سے متاثرہ افراد کی تعداد 1 لاکھ 47 ہزار 802 ہوچکی ہے۔

  • چند گھنٹوں میں کرونا وائرس کی تشخیص کرنے والا ماسک تیار

    چند گھنٹوں میں کرونا وائرس کی تشخیص کرنے والا ماسک تیار

    برطانوی ماہرین نے ایسا ماسک تیار کرلیا جو کم وقت میں اور بالکل درست کرونا وائرس کی تشخیص کرسکتا ہے، جان لیوا کرونا وائرس سے دنیا بھر میں اب تک 3 ہزار سے زائد ہلاکتیں ہوچکی ہیں۔

    برطانیہ کی یونیورسٹی آف لیسسٹر کے ماہرین نے کرونا وائرس کے مشتبہ مریضوں کی جانچ کے لیے جدید ماسک تیار کیا ہے۔ اس ماسک کے اندر تھری ڈی پرنٹڈ پٹیاں نصب کی گئی ہیں اور یہی پٹیاں وائرس کی تشخیص میں معاون ثابت ہوں گی۔

    یہ پٹیاں پہننے والے کی سانس کے ساتھ خارج ہونے والے چھینٹوں کو محفوظ کرتی ہیں اور بعد ازاں صرف اس ماسک کوٹیسٹ کر کے مذکورہ شخص میں کرونا وائرس کی درست تشخیص کی جاسکتی ہے۔

    2 یورو کا یہ ماسک اس سے قبل ٹیوبر کلوسس (ٹی بی) بھی تشخیص کرنے کے کام آچکا ہے، ماہرین کے مطابق ماسک نے ٹی بی کے 90 فیصد کیسز کی درست تشخیص کی۔

    اب یہ ماسک کرونا وائرس کی بھی تشخیص کرسکتا ہے کیونکہ یہ وائرس بھی ٹی بی ہی کی طرز پر پھیپھڑوں کو نقصان پہنچاتا ہے۔

    ماہرین کا کہنا ہے کہ اس وقت کرونا وائرس کی تشخیص میں 48 گھنٹوں کا وقت لگ جاتا ہے، متاثرہ ممالک سے واپس آنے والے والے افراد کی علامات کا جائزہ لینا، اس کے بعد ان کے نمونے جمع کرنا، انہیں ٹیسٹ کے لیے بھیجنا اور وہاں سے منفی یا مثبت تصدیق ہو کر واپس آنے تک 48 گھنٹے لگ جاتے ہیں۔

    اس کے برعکس یہ ماسک صرف آدھے دن میں وائرس کی تشخیص کرسکتا ہے۔

    فی الوقت اس ماسک کی قیمت 2 یورو ہے تاہم اگر اسے بڑے پیمانے پر بنایا جائے تو اس کی قیمت مزید کم ہوجائے گی۔

    واضح رہے کہ دنیا بھر میں کرونا وائرس سے متاثرہ افراد کی تعداد 89 ہزار 608 ہوچکی ہے جبکہ مہلک ترین وائرس کا شکار 45 ہزار 120 افراد صحتیاب بھی ہوئے ہیں۔

    کرونا وائرس سے اب تک دنیا بھر میں اموات کی تعداد 3 ہزار سے تجاوز کرچکی ہے۔

  • کراچی: رینجرز کی کارروائی، 74 ہزار سرجیکل ماسک برآمد

    کراچی: رینجرز کی کارروائی، 74 ہزار سرجیکل ماسک برآمد

    کراچی: شہر قائد کے علاقے پی ای سی ایچ ایس میں کارروائی کرتے ہوئے ملزم محمد عثمان کو گرفتار کیا اور اس کی نشاندہی پر 74 ہزار سرجیکل ماسک برآمد کر لیے۔

    تفصیلات کے مطابق رینجرز نے خفیہ اطلاع پر کراچی کے علاقے پی ای سی ایچ ایس میں کارروائی کرتے ہوئے کار شو روم کا پارٹنر محمد عثمان گرفتار کرلیا۔ملزم کی نشاندہی پر 74 ہزار سرجیکل ماسک اور 2 سو انفلوژن واٹر ڈرپس بھی برآمد برآمد کر لیں۔

    ترجمان سندھ رینجرز نے بتایا کہ ملزم محمد عثمان نے شو روم کے مالک مزمل امام کے ساتھ مل کر بڑے پیمانے پر ماسک خریدے اور ملزم او ایل ایکس پر مہنگے داموں ماسک فروخت کر رہا تھا۔

    دوسری جانب رینجرز نے کراچی کے علاقے واٹر پمپ چورنگی کے قریب کارروائی کرتے ہوئے دکان دار کو گرفتار کر لیا جس سے بھاری مقدار میں فیس ماسک برآمد کر لیے۔ ملزم فی پیکٹ 1650 روپے میں فروخت کر رہا تھا۔

    یاد رہے کہ گزشتہ دنوں پاکستان میں کرونا کے دو مریضوں کی تصدیق ہوئی تھی ، کراچی میں رپورٹ ہونے والے کرونا وائرس کے شخص کی شناخت یحییٰ جعفری کے نام سے ہوئی جو زیارت کر کے چند روز قبل ایران سے کراچی پہنچا تھا جبکہ دوسرے شخص کا تعلق قبائلی علاقے سے تھا اور وہ بھی ایران سے لاہور پہنچا تھا۔

  • ماسک مہنگے داموں فروخت کرنے پر ڈریپ کا میڈیکل اسٹورز، ہول سیلرز کو انتباہ

    ماسک مہنگے داموں فروخت کرنے پر ڈریپ کا میڈیکل اسٹورز، ہول سیلرز کو انتباہ

    کراچی: پاکستان میں کرونا وائرس کے کیسز سامنے آنے کے بعد ماسک کی مہنگے داموں فروخت اور ذخیرہ اندوزی کرنے پر ڈریپ نے انتباہ جاری کر دیا۔

    تفصیلات کے مطابق ڈرگ ریگولیٹری اتھارٹی نے کرونا وائرس سے بچاؤ کے ماسک، ڈسپوزیبل بیگس، سوٹ اور گوگلز مہنگا فروخت اور ذخیرہ کرنے والوں کے خلاف ڈنڈا اٹھا لیا۔

    ڈریپ نے کیمسٹ، فارماسسٹ، میڈیکل اسٹور مالکان، ہول سیل ڈیلرز اور امپورٹرز کو وارننگ جاری کرتے ہوئے کہا ہے کہ ایمرجنسی حالات میں ضروری طبی اشیا مہنگی فروخت کرنا خلاف قانون ہے۔

    سرجیکل ماسک مہنگے داموں فروخت کرنے والوں کے خلاف کریک ڈاؤن شروع

    ڈریپ کی جانب سے منافع خوروں اور ذخیرہ اندوزوں کے لیے تنبیہی پبلک نوٹس بھی جاری کیا گیا، جس میں کہا گیا ہے کہ ماسکس، ڈسپوزیبل بیگس اور گوگلز دسمبر 2019 کی قیمتوں پر فروخت کیے جائیں، اور عوام مہنگے داموں ماسک کی فروخت پر ڈریپ کو آگاہ کریں۔

    دریں اثنا، ڈاکٹر ظفرمرزا نے کہا ہے کہ کرونا وائرس سے بچاؤ کے آلات کی فراہمی کے لیے ہر ممکن اقدامات کیے جا رہے ہیں، ڈریپ فیس ماسک وغیرہ بنانے کے لیے فاسٹ ٹریک لائسنس اور رجسٹریشن کا اجرا کرے گی، مینوفیکچررز کو ایمرجنسی بنیاد پر لائسنس دیے جائیں گے۔

    ڈاکٹر ظفر مرزا کی ہدایت پر جاری مراسلے میں ڈریپ نے کہا ہے کہ کمپنیاں ضروری میڈیکل ڈیوائس بنانا چاہیں تو ہنگامی بنیاد پر لائسنس دیے جائیں گے۔ خیال رہے کہ پاکستان میں کرونا وائرس کے کیسز سامنے آنے کے بعد فیس ماسک کی قیمتیں آسمان سے باتیں کرنے لگی ہیں۔

  • کروناوائرس پاکستان منتقل، سرجیکل ماسک مارکیٹ سے غائب

    کروناوائرس پاکستان منتقل، سرجیکل ماسک مارکیٹ سے غائب

    کراچی: ملک میں کروناوائرس سے بچنے کے لیے استعمال ہونے والے سرجیکل ماسک شہریوں کی پہنچ سے دور ہوگئے۔

    اے آر وائی نیوز کے مطابق سرجیکل ماسک مارکیٹ سے غائب ہوگئے، کسی کے کان پر جوں تک نہ رینگی، مارکیٹ میں سرجیکل ماسک کا باکس1000روپے کا ہوگیا۔

    ذرائع کا کہنا ہے کہ جس کے پاس ماسک ہے وہ بلیک کررہا ہے، ماسک کی بیرون ملک اسمگلنگ ہورہی ہے، مارکیٹ میں ہر گھنٹے بعد ماسک کے ریٹ تبدیل ہورہے ہیں۔

    پاکستان میں کرونا وائرس سے شکار ہونے والے دو افراد کی تفصیلات سامنے آگئیں، کراچی میں رپورٹ ہونے والے کرونا وائرس کے شخص کی شناخت یحییٰ جعفری کے نام سے ہوئی ہے جو زیارت کر کے چند روز قبل ایران سے کراچی پہنچا تھا۔

    کرونا وائرس، کراچی سمیت سندھ کے اسکول آج اور کل بند رکھنے کا اعلان

    دوسرے شخص کا تعلق قبائلی علاقے سے ہے اور وہ بھی ایک ہفتے قبل ایران سے لاہور پہنچا تھا، متاثرہ شخص میں کرونا وائرس کی علامات ظاہر ہونے پر اسلام آباد کے پمز اسپتال منتقل کیا گیا جہاں خون کے نمونے لے کر قومی ادارہ صحت بھیجے گئے۔

    خیال رہے کہ ممکنہ خطرے کے پیش نظر بلوچستان اور سندھ نے تعلیمی ادارے بند رکھنے کا اعلان کیا ہے۔

  • کرونا وائرس: پاکستان سے ماسک اور دستانوں کی برآمد پر پابندی کا فیصلہ

    کرونا وائرس: پاکستان سے ماسک اور دستانوں کی برآمد پر پابندی کا فیصلہ

    اسلام آباد: کرونا وائرس سے بچاؤ کے طور پر پاکستان سے ماسک اور دستانوں کی برآمد پر پابندی لگانے کا فیصلہ کرلیا گیا ہے۔

    نیشنل ڈیزاسٹر مینجمنٹ اتھارٹی (این ڈی ایم اے) کے ترجمان کے مطابق پاکستان سے ماسک اور دستانوں کی برآمدگی پر پابندی لگانے کا فیصلہ کیا گیا ہے، پابندی کا فیصلہ کرونا وائرس سے بچاؤ کے طور پر کیا جا رہا ہے۔

    اس حوالے سے این ڈی ایم اے نے متعلقہ وزارتوں اور صوبائی حکومتوں کو مراسلہ ارسال کر دیا ہے۔

    مراسلے کے مطابق کرونا وائرس سے بچاؤ کے لیے ماسک اور دستانوں کا استعمال ناگزیر ہے۔ وائرس سے بچاؤ کے لیے ہر وقت ہر جگہ پر ضروری اسٹاک موجود ہونا چاہیئے۔

    مراسلے میں لکھا گیا ہے کہ زمینی، فضائی یا بحری راستوں سے ماسک اور دستانوں کی برآمدگی روکی جائے۔ اس سلسلے میں تمام وفاقی وزارتوں اور صوبائی حکومتوں کو آگاہ کر دیا گیا ہے۔

    ترجمان این ڈی ایم اے کا کہنا ہے کہ بین الاقوامی ایئرپورٹس پر 12 ہزار سے زائد مسافروں کی اسکریننگ کی گئی، متعلقہ محکموں سے فوکل پوائنٹ اور ٹیلی فون نمبرز کا تبادلہ کیا گیا ہے۔

    ترجمان کے مطابق نیشنل ایمرجنسی کنٹرول سینٹر صورتحال پر نظر رکھے ہوئے ہے، اقوام متحدہ کے ادارے اور میڈیا کے ذریعے معلومات حاصل کی جا رہی ہیں۔

    خیال رہے کہ کرونا وائرس سے سب سے زیادہ متاثر چینی شہر ووہان میں اب تک 213 افراد جان کی بازی ہار گئے جبکہ 10 ہزار سے زائد افراد اس وائرس کا شکار ہوچکے ہیں۔

    عالمی ادارہ صحت نے کرونا وائرس کی روک تھام کے لیے بین الا قوامی ہیلتھ ایمرجنسی کا اعلان کردیا ہے، عالمی ادارہ صحت کے مطابق کمزور نظام صحت والے ممالک میں اس وائرس کے ممکنہ پھیلاؤ کا خدشہ ہے، وائرس کو مزید پھیلنے سے روکنے کے لیے مل کر کام کرنا ہوگا۔

  • لاٹری کی رقم جیتنے والے نے چہرے پر ماسک کیوں پہنا؟

    لاٹری کی رقم جیتنے والے نے چہرے پر ماسک کیوں پہنا؟

    کنگزٹن : جمائیکا میں 15 لاکھ امریکی ڈالر کی لاٹری جیتنے والا شخص گھروالوں سے پیسے چھپانے کےلیے انوکھا ماسک پہن کر انعامی رقم لینے پہنچ گیا۔

    تفصیلات کے مطابق براعظم افریقہ کے ملک جمائیکا کے دارالحکومت کنگزٹن کے رہائشی شخص کیمپ بیل نے 15 لاکھ امریکی ڈالر کی لاٹری جیت لی لیکن 54 روز تک لاٹری کمپنی سے کوئی رابطہ نہیں کیا تاکہ اہل خانہ کو اس بات کا علم نہ ہوسکے۔

    غیر ملکی خبر رساں ادارے کا کہنا ہے کہ کیمپ بیل (جھوٹا نام) نامی شخص 5 فروری کو لاٹری میں جیتی گئی رقم وصول کرنے پہنچا تو سپر لوٹو کمپنی کی انتظامیہ یہ دکھ کر حیران رہ گئی کہ کیمپ بیل سنہ 1996 میں ریلیز ہونے والی ڈراؤنی فلم ’اسکریم‘ کا ماسک پہن پہنچا تھا۔

    ملین ڈالر لاٹری جیتنے والے شخص کا کہنا ہے کہ ’مجھے پیسوں سے بہت محبت ہے‘ اس لیے میں ماسک پہن کرآیا ہوں تاکہ اپنی شناخت گھر والوں اور دوستوں سے مخفی رکھ سکوں۔

    خبر رساں ادارے کا کہنا ہے کہ مذکورہ شخص نے اپنی انعامی رقم وصول کرنے کےلیے 54 روز تک انتظار کیا اور لاٹری انتظامیہ سے رابطہ نہیں تاکہ گھر والوں کو انعامی رقم سے متعلق خبر نہ ہوجائے۔

    کیمپ نیل کا کہنا تھا کہ میں انعامی رقم سے ’بہترین گھر‘ خریدوں گا، مجھے پیسہ لگانا پسند ہے لیکن میں کسی سے پیسے نہیں مانگتا، میرا چھوٹا سا کاروبار ہے اور اب انعامی رقم سے اس کاروبار کو وسیع کروں گا۔

    خیال رہے کہ کیمپ بیل سپر لوٹو لاٹری جیتنے والے جمائیکا کے 17 ویں شہری ہیں۔

    غیر ملکی میڈیا کا کہنا تھا کہ گزشتہ برس جون میں جمائیکا کی خاتون نے 15 لاکھ امریکی ڈالر کی رقم جیتی تھی اور وہ بھی چہرے پر ماسک پہن کر انعامی چیک وصول کرنے گئی تھیں۔