Tag: مافیا

اٹک: معاون خصوصی زلفی بخاری نے کہا ہے کہ وزیراعظم عمران خان ملک اور بیرون ملک بیٹھے مافیا کا مقابلہ کر رہے ہیں۔

تفصیلات کے مطابق اٹک میں ٹائیگر فورس کی تقریب سے خطاب کرتے ہوئے زلفی بخاری کا کہنا تھا کہ غریب عوام کی آواز اٹھانے والا واحد لیڈر عمران خان ہے۔انہوں نے کہا کہ وزیراعظم ملک اور بیرون ملک بیٹھے مافیا کا مقابلہ کر رہے ہیں۔

احساس پروگرام سے متعلق زلفی بخاری کا کہنا تھا کہ یہ منصوبہ حکومت کا سب سے بڑا منصوبہ ہے، ملک کوترقی وخوشحالی کی طرف گامزن کرنا حکومت کا مشن ہے۔

انہوں نے تقریب سے خطاب کے دوران کہا کہ وزیراعظم عمران خان کو ٹائیگر فورس سے بڑی امیدیں اور توقعات ہیں۔

گیس سے محروم علاقوں کے لیے حکومت کا اہم اعلان

اس سے قبل معاون خصوصی زلفی بخاری نے اٹک کے مختلف مقامات کے دوران کرونا کے پیش نظر عوام کو درپیش مسائل اور حفاظتی اقدامات کا جائزہ لیا تھا۔

اس موقع پر وزیراعظم کے معاون خصوصی زلفی بخاری کا کہنا تھا کہ گیس سے محروم علاقوں میں دسمبر تک فراہمی کا آغاز ہو جائے گا۔

راولپنڈی: کرونا وائرس انفیکشن کے علاج کے لیے استعمال کیا جانے والا ایکٹیمرا انجیکشن بلیک میں فروخت کرنے والے گروہ کا ایک اہم رکن گرفتار کر لیا گیا۔

اے آر وائی نیوز کے مطابق اسپیشل برانچ راولپنڈی نے ایک کارروائی میں Actemra انجیکشن کی بلیک میں فروخت کرنے والے گروہ کا اہم رکن گرفتار کر لیا، گروہ سے متعلق معلوم ہوا ہے کہ یہ پورے پاکستان میں پھیلا ہوا ہے۔

ڈی ایس پی اسپیشل برانچ طاہر انیس نے بتایا کہ عوامی شکایات کے اندراج کے بعد ٹیکنیکل آلات کی مدد سے گروہ کے رکن کو ٹریس کیا گیا، یہ گروہ Actemra انجیکشن بلیک مارکیٹ میں حکومت کی طرف سے مقرر کردہ قیمت سے 6 سے 8 گنا زیادہ داموں پر بیچ رہا تھا۔

‘پلازمہ اور ڈیکسا میتھاسون اور ایکٹیمرا کرونا کا علاج نہیں’

خیال رہے کہ منافع خور مافیا جوڑوں کے درد کے ضرورت مند مریضوں اور کرونا کے تشویش ناک مریضوں کی مجبوریوں کا مسلسل فائدہ اٹھا رہا ہے، طبی ماہرین کی جانب سے یہ دعویٰ سامنے آنے کے بعد کہ ٹوسیلو زومیب انجیکشن کرونا کے مریضوں کے لیے مفید ہے، پاکستان میں اس مافیا نے مارکیٹ سے اس انجیکشن ہی کو غائب کر دیا تھا، اور اب اسے نہایت مہنگے داموں بیچا جا رہا ہے۔

بتایا گیا ہے کہ مذکورہ گروہ راولپنڈی، پشاور اور کراچی میں پھیلا ہوا ہے، آج اسپیشل برانچ راولپنڈی کی نشان دہی پر راولپنڈی پولیس اور محکمہ صحت نے مشترکہ کارروائی کرتے ہوئے پر اس گروہ کے ایک رکن کو پکڑا۔

پولیس نے مذکورہ مافیا رکن کے خلاف مقدمہ درج کرنے کے بعد مزید تفتیش شروع کر دی ہے۔

اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ پی ٹی آئی میں کوئی مافیا نہیں ہے دیگرجماعتوں میں ہے۔

تفصیلات کے مطابق اے آروائی نیوز کے پروگرام آف دی ریکارڈ میں گفتگو کرتے ہوئے فواد چوہدری کا کہنا تھا کہ پی ٹی آئی میں کوئی مافیانہیں ہے دیگرجماعتوں میں ہے،کوئی غیرقانونی قیمتیں کنٹرول کر رہا ہے تو وہ مافیا ہے۔

وفاقی وزیر نے کہا کہ اسپیکر قومی اسمبلی کو کہا مہنگائی سے متعلق کمیٹی بنا لیں، اسپیکرقومی اسمبلی کو یہ بھی کہا کہ مہنگائی پر بحث کرا لیں، اسمبلی میں بحث ہونی چاہیے اور کمیٹی تشکیل دینی چاہیے۔

فواد چوہدری کا کہنا تھا کہ اپوزیشن اسمبلی میں بغیر تیاری آتی ہے، اپنے کیس پر رو دھو کر چلے جاتے ہیں، تیاری نہیں ہوتی، ہمارا حال بھی اچھا نہیں ہے۔

انہوں نے کہا کہ تمام کیسز ن لیگ کے دور میں بنائے گئے ہم نے کوئی کیس نہیں بنایا، چیئرمین نیب سے لے کر چپڑاسی تک ن لیگ کے تعینات کردہ ہیں، احتساب کا قانون نوازشریف نے بنایا تھا۔

وفاقی وزیر نے مزید کہا کہ ہمیں حکومت میں آ کر نیب کی صفائی کرنی چاہیے تھی، ہمیں حکومت میں آکر پراسیکیوشن کی اوورہالنگ کرنا تھی، ہمیں حکومت میں آکر کیسز کے چالان کا جائزہ لینا چاہیے تھا۔

اسلام آباد: وزیر سرحدی امور و انسداد منشیات شہریار خان آفریدی کا کہنا ہے کہ مافیا کے خلاف وزیر اعظم کی قیادت میں جدوجہد جاری رکھیں گے۔

تفصیلات کے مطابق وزیر سرحدی امور و انسداد منشیات شہریار خان آفریدی نے کہا کہ مافیا کے خلاف وزیر اعظم کی قیادت میں جدوجہد جاری رکھیں گے، سازشوں کے باوجود وزیر اعظم عمران خان تمام وعدے پورے کریں گے۔

شہریار آفریدی کا کہنا تھا کہ 10 ارب کے منصوبے سے کوہاٹ، کرک اور ہنگو میں گیس فراہمی منظور کرائی، گیس کی فراوانی ممکن بنائیں گے، 22 یوسیز کے لیے 22 کروڑ کے ترقیاتی منصوبوں کا اعلان کرتا ہوں۔

وزیر مملکت کا کہنا تھا کہ عمران خان پاکستان کو فلاحی اسلامی ریاست بنا کر دم لیں گے، عمران خان واحد حکمران ہے جس نے 14 ارب ڈالر کا غیر ملکی قرض واپس کیا۔

عمران خان نے ہینڈ پمپ کی سیاست ختم کردی: شہریار آفریدی

یاد رہے کہ رواں ماہ 4 جنوری کو وزیر مملکت شہریار آفریدی کا کہنا تھا کہ کرک میں نلکے لگانے کے سوا کوئی ترقیاتی کام نہیں کیا گیا، عمران خان نے ہینڈ پمپ اور پریشر پمپ کی سیاست ختم کردی۔

اسلام آباد: معاون خصوصی برائے اطلاعات فردوس عاشق اعوان نے کہا کہ مافیا کی حکومت نے لفافہ کلچرشروع کیا تھا، عمران خان کی مافیا کے خلاف جنگ جاری رہے گی۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے کہا کہ لیگی ترجمان سن لیں مافیا کی حکومت نے لفافہ کلچرشروع کیا تھا، اخبارات کے دفاتر پرحملے، نیوز پرنٹ بلیک میلنگ کی جاتی تھی۔

فردوس عاشق اعوان نے کہا کہ لوگوں کو آج بھی سیف الرحمان کا کردار یاد ہے، اخبارات،سیاسی مخالفین پر جھوٹے مقدمے درج کرنا ان کا مشغلہ تھا، اداروں کا قانون پرعمل کرنا ڈاکو، چور، مافیا کو برا لگتا ہے۔

لیگی ترجمان سن لیں مافیا کی حکومت نے لفافہ کلچر شروع کیاتھا، اخبارات کے دفاتر پر حملے اور نیوزپرنٹ بلیک میلنگ کی جاتی تھی۔ لوگوں کو آج بھی سیف الرحمن کا کردار یاد ہے جب اخبارات اور سیاسی مخالفین پر جھوٹے مقدمات درج کرنا انکا مشغلہ تھا۔

— Firdous Ashiq Awan (@Dr_FirdousPTI) December 27, 2019

معاون خصوصی برائے اطلاعات نے کہا کہ عمران خان کی مافیا کے خلاف جنگ جاری رہے گی، چور لٹیروں، ڈاکوؤں سے قوم کا مال نکلوانا عبادت ہے، نیک مقصد سے پیچھے نہیں ہٹیں گے۔

پرانے سسٹم سے پیسہ بنانے والے مافیا کے لیے 2020 مشکل سال ہوگا، وزیراعظم

یاد رہے کہ گزشتہ روز وزیراعظم عمران خان کا کہنا تھا کہ پرانے سسٹم سے پیسہ بنانے والے مافیا کے لیے 2020 مشکل سال ہوگا، 2020 میں عوام کو بہتر تبدیلی نظر آئے گی۔

وزیراعظم کا کہنا تھا کہ ہم نے ایک سال بڑی مشکل میں گزارا ہے، دونوں حکومت نے 10سال میں باریاں کیں، 4 گنا قرضہ بڑھایا، ہم نے جو پہلے سال ٹیکس اکٹھا کیا اس کا آدھا قرضوں کے سود میں چلا گیا۔