Tag: مالاکنڈ

پشاور: صوبہ خیبرپختونخواہ کے شہر مالاکنڈ، سوات اور گردونواح میں زلزلے کے جھٹکے محسوس کیے گئے جس سے لوگوں میں خوف و ہراس پھیل گیا۔

تفصیلات کے مطابق خیبرپختوانخوا کے شہر مالاکنڈ، مردان، سوات، دیر کرم ایجنسی او گردونواح میں زلزلے کے جھٹکے محسوس کیے گئے، لوگ کلمہ طیبہ کا ورد کرتے ہوئے گھروں سے باہرنکل آئے۔

زلزلہ پیما مرکز کے مطابق زلزلے کے جھٹکوں کی شدت 5.8 ریکارڈ کی گئی جبکہ زلزے کی گہرائی 157 کلو میٹر ریکارڈ کی گئی۔ زلزلہ پیما مرکز کا کہنا ہے کہ زلزلے کا مرکز ہندوکش ریجن افغانستان تھا۔

میرپور آزاد کشمیر کے علاقے جاتلاں میں دو روز قبل زلزلے کے جھٹکے محسوس کیے گئے تھے۔ زلزلہ پیما مرکز کا کہنا تھا کہ زلزلے کی شدت ریکٹل اسکیل پر3.1 ریکارڈ کی گئی تھی جس کی گہرائی 8 کلو میٹر تھی۔

آزاد کشمیر زلزلہ : جاں بحق ہونے والوں کی تعداد چالیس تک جا پہنچی

یاد رہے کہ گزشتہ ماہ 24 ستمبر کو آزاد کشمیر کے علاقے میرپور اور گردونواح میں زلزلہ آیا تھا جس کے نتیجے میں 40 افراد جاں بحق اور سیکڑوں زخمی ہوئے تھے جبکہ زلزلے کے باعث عمارتیں، گھر اور سڑکیں تباہ ہوئی تھیں۔

زلزلہ پیما مرکز کے مطابق زلزلے کی شدت 5.8 تھی اور اس کا مرکز جہلم سے 5 کلو میٹرشمال کی طرف تھا جبکہ گہرائی زیر زمین 10 کلو میٹر تھی۔

مالاکنڈ: خیبر پختون خوا حکومت نے مالاکنڈ میں ماحولیاتی آلودگی پھیلانے پر 7 اسٹیل ملز بند کرنے کے احکامات جاری کر دیے۔

تفصیلات کے مطابق خیبر پختون خوا کے ضلع مالاکنڈ میں ماحولیاتی آلودگی پھیلانے پر 7 اسٹیل ملیں بند کرنے کے احکامات جاری ہو گئے، کمشنر مالاکنڈ ریاض محسود کی جانب سے اعلامیہ جاری کر دیا گیا۔

اعلامیے میں کہا گیا ہے کہ اسٹیل ملز ماحولیاتی آلودگی میں اضافے کا سبب بن رہے ہیں، اسٹیل ملز سے مقامی آبادی کو شدید مشکلات کا سامنا تھا۔

اعلامیے کے متن میں کہا گیا کہ اسٹیل ملز کی فعالیت انوائرمنٹل پروٹیکشن ایجنسی کے این او سی سے مشروط ہے، ای پی اے کا تجویز کردہ ماحول دوست یونٹ لگنے تک اسٹیل ملز بند رہیں گی۔

یہ بھی پڑھیں:  خیبر پختونخواہ کے سرکاری دفاتر میں پلاسٹک کے استعمال پر پابندی عائد

دریں اثنا کمشنر مالاکنڈ ریاض محسود کا کہنا تھا کہ اسٹیل ملز آبادی کے بیچ میں واقع ہیں، جن سے پیدا ہونے والی آلودگی سے مقامی آبادی متاثر ہوتی ہے۔

واضح رہے کہ مالاکنڈ ڈویژن میں تجاوزات، بل بورڈز اور بینرز کے خاتمے کے لیے بھی مہم چلائی گئی ہے، کمشنر ریاض محسود کا کہنا تھا کہ مالاکنڈ ڈویژن اپنی خوب صورتی کے لحاظ سے دنیا میں مشہور ہے اس لیے سڑکوں پر بل بورڈز، بینرز، ہر قسم کے تجاوزات، دکانوں کے باہر غیر ضروری سیڑھیوں کو فوری طور پر ہٹایا جائے۔

مالاکنڈ: پاکستان تحریک انصاف کے سربراہ عمران خان کا کہنا ہے کہ پی ٹی آئی اقتدار میں آکر پہلے نیب اور ایف بی آر کو ٹھیک کرے گی۔

تفصیلات کےمطابق مالاکنڈ یونیورسٹی میں تقریب سے خطاب میں چیئرمین پاکستان تحریک انصاف نے کہا کہ ادارے مضبوط ہوں تو ملک آگے جاتا ہے، درست نظام میں عدالتیں فیصلہ کرتی ہیں تو یہ نہیں کہا جاتا کہ مجھے کیوں نکالا۔

عمران خان نے کہا کہ ملک تب تباہ ہوتا ہے جب ملک کے ادارے تباہ ہوجاتے ہیں، گورننس کی ناکامی سے ہی ملک مقروض ہوگیا ہے۔ انہوں نے کہا کہ آج بنگلہ دیش بھی پاکستان سے آگے نکل چکا ہے۔

پاکستان تحریک انصاف کے سربراہ نے کہا کہ گورننس کا مطلب ملکی اداروں میں قانون اورمیرٹ کا نظام بہترکرنا ہوتا ہے، مسلمان ملکوں کے پیچھے رہنے کی ایک وجہ بادشاہت ہے۔

عمران خان نے کہا پاکستان میں ملزمان 40 گاڑیوں کے پروٹوکول کے ساتھ عدالت آتے ہیں۔ انہوں نے کہا ہم نے خیبرپختونخواہ میں پولیس کا نظام بہترکیا۔

چیئرمین پاکستان تحریک انصاف نے کہا کہ پنجاب اور سندھ میں لوگ پولیس سے ڈرتے ہیں۔ انہوں نے کہا کہ اے ڈی خواجہ خود کہتے ہیں کہ سندھ میں پولیس افسران پیسے دے کر اوپر آتے ہیں۔

عمران خان نے کہا کہ خیبرپختونخواہ میں پولیس کی وجہ سے جرائم میں 70 فیصد کمی آئی۔ انہوں نے کہا کہ خیبرپختونخواہ پولیس کی طرح ہر ادارہ ٹھیک ہوسکتا ہے۔

پاکستان تحریک انصاف کے سربراہ عمران خان نے کہا کہ خیبرپختونخواہ میں 2013 سے پہلے 50 فیصد اسکولوں میں اساتذہ ہی نہیں تھے، ملک میں تین الگ الگ نظام تعلیم چل رہے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔