Tag: مالٹا

  • مالٹا میں ملازمت کا سنہری موقع : ورک ویزا کیسے ملے گا؟ جانیے

    مالٹا میں ملازمت کا سنہری موقع : ورک ویزا کیسے ملے گا؟ جانیے

    مالٹا، بیرونِ ملک روزگار کے خواہش مند افراد کے لیے ایک نئی امید بن چکا ہے، جہاں مخلتف شعبہ جات میں ہزاروں ہنرمندوں کی ضرورت ہے۔

    ماہرین کا کہنا ہے کہ مالٹا نے اپنے ورک ویزا کا نظام اس طرح ڈیزائن کیا ہے کہ یہاں ہنرمند اور غیر ہنرمند دونوں افراد کے لیے ملازمت کے بہترین مواقع موجود ہیں۔

    صحیح دستاویزات اور قوانین پر عمل کرتے ہوئے کوئی بھی غیر ملکی مالٹا میں اپنے بہتر مستقبل کی بنیاد رکھ سکتا ہے۔

    مالٹا میں سیاحت، آئی ٹی اور صحت جیسے شعبوں میں بڑھتی ہوئی طلب نے ہزاروں غیر ملکیوں کے لیے ملازمت کے دروازے کھول دیے ہیں۔ لیکن یہاں سوال یہ پیدا ہوتا ہے کہ ایک عام پاکستانی مالٹا میں ملازمت کرنے کے خواب کی تعبیر کس طرح حاصل کرسکتا ہے؟

    زیر نظر مضمون میں مالٹا کے ورک ویزا کے قواعد و ضوابط، رہائش اور دیگر سہولیات حاصل کرنے کا مکمل طریقہ کار بیان کیا جارہا ہے۔

    ویزے کے حصول کے لیے امیدواروں کو مخصوص مراحل سے گزرنا ہوگا، جنہیں مالٹا حکومت کی جانب سے ایک منظم نظام کے تحت مرتب کیا گیا ہے۔

    ویزا مراحل کیا ہیں؟

    درخواست گزار کو پہلے مرحلے میں تمام ضروری کاغذات مکمل کرنے اور انٹرویو کے بعد حتمی منظوری کا انتظار کیا جاتا ہے جو عموماً کئی ہفتوں سے چند ماہ تک ہوسکتا ہے، لیکن اگر درخواست ’کی ورکر ایکٹیویٹی‘ کے تحت دی جائے تو منظوری کا عمل زیادہ تیزی سے مکمل ہوتا ہے۔

    منظوری ملنے کے بعد ویزا جاری کیا جاتا ہے اور امیدوار مالٹا پہنچ کر اپنی ملازمت کا آغاز کر سکتا ہے۔ قانون کے مطابق درخواست گزار کو اپنی آمد کے چند دنوں کے اندر رہائش کی رجسٹریشن کرانا لازمی ہے۔

    ورک ویزا عموماً ایک سال کے لیے جاری کیا جاتا ہے اور اس کی سالانہ تجدید ممکن ہے، بشرطیکہ ملازمت برقرار رہے اور آجر بھی مکمل تعاون کرے۔

    پانچ سال تک مسلسل قیام اور ملازمت کے بعد امیدوار کو طویل مدتی رہائش یا مستقل رہائش کے لیے درخواست دینے کا حق حاصل ہو سکتا ہے۔ تاہم ویزا ہولڈرز پر لازم ہے کہ وہ تمام ملکی قوانین کی پاسداری کرے، ٹیکس ادا کرے اور ملازمت کے قواعد پر عمل درآمد کرے۔ اس کے علاوہ کسی دوسرے آجر کے ساتھ کام کرنے کے لیے نیا اجازت نامہ لینا ضروری ہے۔

    کن شعبہ جات میں ملازمتوں کے مواقع ہیں؟

    مالٹا میں چند نمایاں شعبوں میں غیر ملکی افراد کی بڑی تعداد میں ضرورت ہے جن میں سیاحت ہوٹلز، ریسٹورنٹس۔ انفارمیشن ٹیکنالوجی (سافٹ ویئر ڈویلپرز، آئی ٹی سپورٹ۔ تعمیرات اور مزدوری، شعبہ صحت میں نرسز، کیئرگیورز کے علاوہ تعلیم و تدریس۔ صفائی اور دیکھ بھال۔ ریٹیل اور کسٹمر سروس شامل ہیں۔

    درخواست گزار یہ بات ذہن نشین کرلے کہ اس کا ورک ویزا ایک سال کی مدت کے لیے ہے، لیکن اگر ملازمت جاری رہی تو اسے ہر سال تجدید کرانے کا حق حاصل ہوگا۔

    پانچ سال مسلسل محنت اور قانونی قیام کے بعد وہ یہاں مستقل رہائش کا بھی اہل ہو سکتا ہے، یاد رہے کہ یہ صرف ایک ملازمت کا سفر نہیں بلکہ ایک نئے اور روشن مستقبل کی کنجی بھی ہے۔

  • یورپ کی شہریت حاصل کرنے کے خواہشمند افراد کے لیے خوشخبری

    یورپ کی شہریت حاصل کرنے کے خواہشمند افراد کے لیے خوشخبری

    یورپی ملک مالٹا نے شہریت کے خواہشمند افراد کے لیے بڑا اعلان کردیا، چند قوائد و ضوابط پر پورا اترتے ہوئے کوئی بھی شخص ابھی یورپ کا شہری بن سکتا ہے۔

    بحیرہ روم کے کنارے واقع مالٹا حسین نظاروں کے حوالے سے ایک معروف یورپی ملک ہے، یہاں کے حکام نے یورپین یونین کی شہریت حاصل کرنے لیے ایک پرکشش پیشکش کی ہے، ایسے اشخاص جن کے پاس وافر مقدار میں رقم موجود اور وہ سرمایہ کاری کرنے کا ارادہ رکھتے ہیں وہ مالٹا کی شہریت حاصل کرسکتے ہیں۔

    جزیرے نما یہ ملک سرمایہ کاری پروگرام کے ذریعے یورپی یونین کی شہریت حاصل کرنے کا ایک نادر موقع فراہم کررہا ہے، اس پروگرام کے تحت دولت مند افراد مالٹا کا پاسپورٹ حاصل کرسکتے ہیں۔

    یہ بات بھی قابل غور ہے کہ یورپی ملک مالٹا کا پاسپورٹ رکھنے والے افراد دنیا بھر کے 180 سے زیادہ ممالک میں بغیر ویزا کے جاسکتے ہیں۔

    مالٹا کے سرمایہ کاری پروگرام میں اہل ہونے کے لیے درخواست دہندگان کو چند تقاضوں پر پورا اترنا ہوگا، امیدوار کی کم از کم عمر 18 سال ہو، وہ کوئی مجرمانہ ریکارڈ نہ رکھتا ہو جبکہ امیدوار کو جانچ کے سخت عمل سے گزارا جائے گا۔

    سب سے اہم بات یہ کہ درخواست دہندہ کو مالٹا میں قومی ترقی اور سماجی فنڈ میں کم سے کم 6 لاکھ یوریز کی سرمایہ کاری کرنا ہوگی، مالٹا میں کم از کم 3 لاکھ 50 ہزار یوروز مالیت کی جائیداد کی خریداری کرنا ہوگی جسے کم از کم 5 سال تک اپنے رکھنا ضروری ہے۔

    اس کے علاوہ مالٹا میں کم از کم 5 سال کے لیے پراپرٹی کرائے پر لینا ہوگی، جس کا کم از کم سالانہ کرایہ 16 ہزار یورو ہونا چاہے۔

    شہریت حاصل کرنے والے افراد کئی چیزوں سے مستفید ہوسکیں گے بشمول یورپ، برطانیہ اور امریکا سمیت 180 سے زیادہ ممالک کا ویزا فری سفر کرنے کے اہل ہونگے۔

    یورپی یونین کے کسی بھی ملک میں رہنے، کام کرنے اور تعلیم حاصل کرنے کے اہل ہونگے، درخواست دہندہ اعلی معیار زندگی، تعلیم اور صحت کی دیکھ بھال سے استفادہ حاصل کرے گا۔

    سرمایہ کاری پروگرام کے تحت مالٹا کی شہریت حاصل کرنے میں 12 سے 14 ماہ کا عرصہ لگ سکتا ہے، سب سے پہلے امیدوار کو ابتدائی درخواست اور ضروری دستاویزات جمع کروانا ہونگے۔

    اس کے بعد ایک جانچ کا عمل ہوگا، 12 ماہ کی رہائش کی ضروریات درکار ہونگی، مالٹا کی حکومت کی طرف سے منظوری درکا ہوگی اور مالٹا کے پاسپورٹ کے اجرا کے لیے امیدوار کو وفاداری کا حلف اٹھانا ہوگا۔

  • یورپ کا عیسائی اکثریتی ملک جہاں زبان میں عربی الفاظ بکثرت شامل ہیں

    یورپ کا عیسائی اکثریتی ملک جہاں زبان میں عربی الفاظ بکثرت شامل ہیں

    1964ء میں برطانوی پارلیمان نے قانونِ آزادی کے تحت مالٹا کو ریاست تو تسلیم کرلیا تھا، لیکن یہ ملک تاجِ‌ برطانیہ کا وفادار اور ملکہ کے زیرِ نگیں تھا، 1974ء میں مالٹا کو جمہوریہ کی حیثیت سے شناخت کیا جانے لگا۔

    1813ء میں برطانیہ نے اس سرزمین کو اپنی کالونی بنایا تھا۔ یہاں کے باشندوں نے طویل جدوجہد اور جنگ کے بعد آزادی حاصل کی۔ بحیرۂ روم کے کنارے واقع مالٹا جزیرہ قدرتی حُسن اور تاریخی مقامات کی وجہ سے بھی دنیا میں‌ مشہور ہے۔ والیٹا اس کا دارالحکومت ہے۔

    رقبے کے لحاظ سے مالٹا دنیا کے چھوٹے ممالک میں شامل ہے۔ اس جزیرے پر یونانی، رومن، بازنطینی، عرب، نارمن، ہسپانوی، فرانسیسی، اور برطانیہ کا راج رہا۔ ان اقوام کے رنگ مالٹا کی تہذیب و ثقافت سے جھلکتے ہیں اور تاریخ پر اس کے گہرے اثرات دیکھے جاسکتے ہیں۔

    اس تہذیب اور ثقافت کا اثر خاص طور پر یہاں کے طرزِ‌ تعمیر سے نمایاں ہوتا ہے۔ مالٹا میں‌ کئی قدیم اور تاریخی مقامات موجود ہیں جو فن و ثقافت اور تاریخ کے شیدائیوں، سیروسیّاحت کے شوقین افراد کے لیے باعثِ کشش ہیں۔

    مالٹا کی سرکاری زبان مالٹی (مالٹیز) اور انگریزی ہے جب کہ اس خطّے میں ہسپانوی، اطالوی، رومی اور برطانوی دور کے علاوہ عرب دور کے اثرات بھی نمایاں ہیں، لیکن زبان کی بات کی جائے تو یہ بات دل چسپی خالی نہیں‌ کہ مالٹیز زبان فرانسیسی، ہسپانوی اور اطالوی زبانوں کے زیرِ‌اثر نہیں‌ بلکہ یہ سامی زبان ہے اور عربی اور عبرانی کے گروپ سے اس کا تعلق ہے۔

    مالٹا کے قدیم اور تاریخی علاقوں کے ناموں میں اب بھی لمدینہ (المدینہ)، غین طیبہ، غین الکبیرہ مشہور ہیں۔ عرب گیارھویں صدی تک یہاں‌ حکم راں رہے تھے اور بعد میں اس جزیرہ پر ہسپانیہ کے کیتھولک حکم راں غالب ہوگئے تھے۔ آج یہاں اکثریت عیسائی مذہب کی پیروکار ہے جب کہ مسلمان دو فی صد ہیں۔ تاہم مالٹیز زبان کا ڈھانچا عربی کا ہے جس میں وقت کے ساتھ ساتھ یورپی اور انگریزی زبانوں کے الفاظ بھی شامل ہوگئے۔

    مالٹا کو دنیا کا محفوظ اور پُرامن ملک بھی کہا جاتا ہے۔ یہاں کئی قدیم معبد اور دوسری تاریخی عمارتیں موجود ہیں جب کہ مختلف ادوار میں کھدائی کے دوران یہاں سے تہذیبی آثار اور قدیم اشیا و نوادرات بھی برآمد ہوئے ہیں‌ جو مقامی میوزیم کا حصّہ ہیں‌۔

  • سردیوں کے پھل نارنگی میں چھپے بے شمار فوائد

    سردیوں کے پھل نارنگی میں چھپے بے شمار فوائد

    سردیوں کی آمد کے ساتھ ہی فضا میں خشک پتوں اور نارنگی کی خوشبو پھیل جاتی ہے۔ وٹامن سی سے بھرپور یہ پھل جو صرف سردیوں میں ہی دستیاب ہوتا ہے اپنے اندر بےشمار فوائد رکھتا ہے۔

    orange-5

    آئیے دیکھتے ہیں اس پھل سے ہمیں کیا کیا فوائد حاصل ہوسکتے ہیں۔

    ماہرین کا کہنا ہے کہ سیب کی طرح اگر آپ روز ایک نارنگی کھائیں تو آپ متعدد بیماریوں سے بچے رہنے کے ساتھ ساتھ صحت مند بھی رہیں گے۔

    نارنگی وٹامن سی سے بھرپور ہوتی ہے اور ان کے روزانہ استعمال سے جسم کا مدافعتی نظام فعال اور مضبوط ہوتا ہے۔

    نارنگی میں اینٹی آکسیڈنٹ بھی موجود ہوتا ہے جو انسانی جلد کے لیے انتہائی مفید ہے۔ روز نارنگی کھانے سے جلد کے ڈھلکنے کا عمل سست ہوجائے گا اور آپ جوان نظر آئیں گے۔

    orange-2

    اس میں پوٹاشیم، وٹامن اے اور سی ہوتے ہیں جو آنکھوں کے لیے نہایت مفید ہیں۔

    نارنگی میں موجود وٹامن سی آپ کو سردیوں کے امراض جیسے نزلہ اور زکام سے بھی حفاظت دیتا ہے۔

    اس پھل میں موجود فائبر انسانی معدے کے لیے نہایت ضروری ہے کیونکہ یہ معدے کے جملہ امراض سے نجات دلاتا ہے۔ یہ قبض اور معدے کے السر سے بھی نجات دلاتا ہے۔

    نارنگی کھانے میں تو فائدہ مند ہے ہی لیکن اس کے چھلکے بھی اپنے اندر بے شمار خوبیاں رکھتے ہیں جنہیں مندرجہ بالا طریقوں سے استعمال کیا جاتا ہے۔

    ornage-4

    اس کے چھلکے میں اینٹی بیکٹیریل، فنگل اور کلینزنگ کی خاصیت موجود ہوتی ہے۔ اگر انہیں جلد پر رگڑا جائے تو یہ جلد کو صاف کرتے ہیں۔

    اگر گھر میں کسی قسم کی بدبو محسوس ہورہی ہو تو نارنگی کے چھلکے ابال کر ان میں دار چینی یا لونگ شامل کر کے اس کی بھاپ گھر میں دیں۔ اس کی شاندار خوشبو سے آپ کا گھر معطر ہوجائے گا۔

    نارنگی کے چھلکوں کی انتہائی معمولی مقدار کو کھانوں میں شامل کر لیا جائے تو کھانوں میں سے شاندار خوشبو آئے گی جبکہ کھانا بھی انتہائی ذائقہ دار ہو جائے گا۔

    orange-3

    جن لوگوں کو کولیسٹرول کی شکایت ہے انہیں چاہیئے کہ وہ اپنے کھانے میں نارنگی کے چھلکوں کی ذرا سی مقدار شامل کرلیں۔ یہ بہت جلد جسم کے کولیسٹرول کو معمول کی سطح پر لے آتے ہیں۔

    نارنگی کے چھلکوں کو پیس کر پاؤڈر بنا کر کھانے سے نظام انہضام فعال اور بیماریوں سے پاک ہوجاتا ہے۔

    تو پھر ان سردیوں میں خوب نارنگی کھائیں اور اس کے بے شمار فوائد حاصل کریں۔

  • لیبیا کے مغوی طیارے کا ڈراپ سین، ہائی جیکرز کا اسلحہ جعلی نکلا

    لیبیا کے مغوی طیارے کا ڈراپ سین، ہائی جیکرز کا اسلحہ جعلی نکلا

    مالٹا : لیبیا کے مسافربردار طیارے کو ڈرامائی انداز میں ہائی جیک کرنے کی کوشش کا ڈراپ سین ہوگیا۔ کھودا پہاڑ نکلا چوہا کے مصداق اغواء کرنے والے ہائی جیکرز کا اسلحہ نقلی نکلا۔

    تفصیلات کے مطابق گزشتہ روز الفریقیہ ائرلائنز کا طیارہ صباح سے طرابلس جارہا تھا کہ ہائی جیکرز نے طیارے کو بم سے اڑانے کی دھمکی دی اور طیارے کو مالٹا ایئر پورٹ پر لینڈ کروادیا، اس جہاز میں عملے کے ارکان سمیت 118 مسافر سوار تھے۔

    ہائی جیکرز نے کرنل قذافی کے بیٹے کی رہائی کا مطالبہ کیا تھا۔ اس دوران ہائی جیکرز نے مسافروں کو رہا کر کے عملے کو یرغمال بنائے رکھا، جب عمل درآمد ہوتا نظر نہیں آیا تو ہائی جیکرز نے ہتھیار ڈال دیئے۔

    مالٹا کے وزیراعظم نے ٹوئٹ کیا ہے کہ ہائی جیکروں سے دستی بم اور دو پستول برآمد ہوئے ہیں۔ جن کی فرانزک رپورٹ سے معلوم ہوا ہے کہ ہائی جیکرز کا اسلحہ تو نقلی تھا۔

    مزید پڑھیں : لیبین طیارے کے ہائی جیکرزنے گرفتاری دے دی

    وزیراعظم مالٹا نے تصدیق کی ہے کہ دونوں ہائی جیکرز کی تلاشی لینے کے بعد حراست میں لے لیا گیا ہے۔ غیر ملکی میڈیا کے مطابق ہائی جیکروں کی گرفتاری طیارے میں محصور بہت سے مسافروں کی رہائی کے بعد عمل میں لائی گئی ہے۔ ہائی جیکرز مالٹا میں سیاسی پناہ کی کوشش بھی کر رہے تھے۔

  • لیبین طیارے کے  ہائی جیکرزنے گرفتاری دے دی

    لیبین طیارے کے ہائی جیکرزنے گرفتاری دے دی

    مالٹا: لیبیا کے طیارے کو ہائی جیک کرنے والے اغوا کاروں نے ہتھیار ڈال دیے اور گرفتاری دے دی، مالٹا کے وزیراعظم نے ہائی جیکرز کو گرفتار کرنے کی تصدیق کردی.

    تفصیلات کے مطابق نامعلوم ہائی جیکرز نے لیبیا میں ڈومیسٹک سطح پر چلنے والے طیارے اغوا کیا تھا،لبنان کی سرکاری ایئر لائن افریقیہ ایئر ویز نے ایئر بس اے 320 کے اغوا کی تصدیق کی۔

    مالٹا کے ذرائع ابلاغ کے مطابق ایئر بس اے 320 لیبیا میں اندرون ملک کے لیے محو پرواز تھی جس میں 118 مسافر سوار تھے، اس کا رخ زبردستی مالٹا کی جانب موڑ دیا گیا، تھوڑی دیر بعد ایئر لائن حکام نے طیارے کے اغوا کی تصدیق کردی۔

    ابتدائی رپورٹس کے مطابق طیارے میں 2 مسلح افراد موجود تھے جنہوں نے جہاز کو بم سے اڑانے کی دھمکی دی بعدازاں طیارہ مالٹا لے گئے اور وہاں خواتین اور بچوں کو رہا کردیا تاہم عملے کو یرغمال بنالیا۔

    اطلاعات سامنے آئیں کہ ہائی جیکرز نے عملے کے عوض لیبیا کے سابق صدر معمر قذافی کے بیٹے کی رہائی کا مطالبہ کیا۔

    اس ضمن میں مالٹا کے سیکیورٹی اداروں کو صدر کے حکم پر ہائی الرٹ اور کسی بھی صورتحال سے نمٹنے کے لیے تیار کردیا گیا تھا۔

    مالٹا کے ایئرپورٹ پر پریشان کن صورتحال کے باعث وہاں آنے والی پروازوں کو فی الحال قریبی اطالوی جزیرے سسلی کی جانب موڑنے کی ہدایت بھی دی گئیں۔

    اغوا کے چند گھنٹوں بعد اب مالٹا ایئرپورٹ پر فضائی آپریشن بحال کردیا گیا تھا۔

    مالٹا کے وزیراعظم نے کہا ہے کہ ہائی جیکرز نے تمام مسافروں کو نہیں صرف خواتین اور بچوں کو رہا کیا ہے۔

    بعدازاں اچانک اطلاعات آئیں کہ ہائی جیکرز نے ہتھیار ڈال دیے اور مالٹا کے سیکیورٹی اداروں کو گرفتاری دے دی جس کی مالٹا کے وزیراعظم نے ہائی جیکرز کو گرفتار کرنے کی تصدیق کردی۔

    واضح رہے کہ رواں سال مصر سے اندرون ملک جانے والے مصری ایئر لائن کے ایک اور طیارے کو بھی اغوا کر کے قبرص لے جایا گیا تھا تاہم بعد ازاں اغوا کار ایک نفسیاتی مریض نکلا جو اپنی بیوی سے ملاقات کا خواہش مند تھا۔

  • دنیا کے ماحول دوست ممالک کون سے ہیں؟

    دنیا کے ماحول دوست ممالک کون سے ہیں؟

    کیا آپ جانتے ہیں دنیا کے سب سے زیادہ ماحول دوست ممالک کون سے ہیں؟

    ماحولیاتی کارکردگی کی فہرست مرتب کرنے والا ادارہ ای پی آئی اے دو شعبوں میں کارکردگی دیکھتے ہوئے اپنی فہرست مرتب کرتا ہے۔ ایک انسانی صحت کے تحفظ اور دوسرے ماحول یا ایکو سسٹم کے تحفظ کے لیے کیے جانے والے اقدامات۔

    اس فہرست میں 4 یورپی ممالک فن لینڈ، آئس لینڈ، سوئیڈن اور ڈنمارک ابتدائی 4 پوزیشنز پر ہیں البتہ ان ممالک کا پڑوسی ملک ناروے اپنے بے تحاشہ کاربن اخراج اور زراعت میں فرسودہ طریقوں کے باعث پیچھے ہے۔

    finland-4

    فہرست میں دسویں نمبر پر فرانس ہے۔ نویں پر مالٹا، آٹھویں پر یورپی ملک ایسٹونیا، ساتویں پر پرتگال، چھٹے پر اسپین اور پانچویں پر سلووینیا شامل ہے۔

    چوتھے نمبر پر ڈنمارک ہے جو اپنے ماحول کی بہتری کو مدنظر رکھتے ہوئے اپنی معیشت میں بہتری لا رہا ہے جسے گرین گروتھ کا نام دیا گیا ہے۔

    تیسرے نمبر پر موجود ملک سوئیڈن میں پینے کے پانی کو محفوط کرنے اور استعمال شدہ پانی کو ٹھکانے لگانے کی بہترین حکمت عملیوں پر عمل ہورہا ہے۔

    دوسرے نمبر پر آئس لینڈ ہے جو اپنی توانائی کی تمام ضروریات قابل تجدید ذرائع (ری نیو ایبل) جیسے شمسی ذرائع سے پورا کرتا ہے۔

    finland-2

    فہرست کے مطابق دنیا کا سب سے زیادہ ماحول دوست ملک فن لینڈ ہے۔

    فن لینڈ نے ماحولیاتی شعبہ میں بے حد ترقی کی ہے جس کی بنیاد کاربن سے پاک ملک بنانے کے لیے اقدامات تھے۔ ان اقدامات سے فن لینڈ کی صحت، توانائی اور ماحولیات کے شعبہ میں بہتری آئی، آبی حیات، جنگلی حیات اور ان کی پناہ گاہوں کو محفوظ بنانے میں مدد ملی جبکہ فضائی آلودگی میں کمی اور آبی ذخائر میں اضافہ ہوا۔

    رپورٹ میں واضح کیا گیا ہے کہ بڑی عالمی معیشتیں جو صنعتی شعبہ میں روز بروز ترقی کر رہی ہیں اس فہرست میں بہت نیچے ہیں کیونکہ ان ممالک کا ماحول بدترین خطرات کا سامنا کر رہا ہے۔ اس کی ایک مثال چین ہے جو فہرست میں 109ویں درجہ پر ہے۔

    finland-3

    اس سے قبل عالمی اقتصادی فورم کی جانب سے جاری کی جانے والی ایک رپورٹ کے مطابق چین میں فضائی آلودگی کے باعث ایک لاکھ کی آبادی میں سے 164 افراد ہلاک ہوجاتے ہیں۔ چین اپنی ایندھن کی ضروریات زیادہ تر کوئلے سے پوری کرتا ہے اور یہی اس کی فضائی آلودگی اور بدترین ماحولیاتی خطرات کی بڑی وجہ ہے۔