ARYNews.tv | Urdu – Har Lamha Bakhabar

Tag: مالک

  • کراچی: لیاری میں کارروائی،دوہرےقتل کا ملزم گرفتار

    کراچی: لیاری میں کارروائی،دوہرےقتل کا ملزم گرفتار

    کراچی : شہر قائد کے علاقے لیاری میں قانون نافذ کرنے والے اداروں نے کارروائی کرتے ہوئے دوہرے قتل کے ملزم کو گرفتار کر لیا۔

    تفصیلات کےمطابق 2 روز قبل کراچی کے علاقےکھارادر کا غذی بازار میں بیکری پر لوٹ مار کے دوران 2 افراد کے قتل میں ملوث گرفتار ملزم کی نشاندہی پر کارو ائی کے دوران دہرے قتل کے واقعہ میں ملوث دوسرے ملزم وسیم کچھی کو گرفتار کرلیاگیا۔

    ملزم وسیم کچھی کو ملزم عبداللہ کچھی کی نشاند ہی پر لیاری کے علاقے نیا آباد سے گرفتار کیا گیا ملزم عبد ا للہ کچھی کو فائرنگ کے واقعے کے کچھ دیر بعد سول اسپتال سے زخمی حالت میں گرفتار کر لیا گیا تھا۔

    دونوں ملزمان نے جمعرات کی صبح کوثر بیکری میں لوٹ مار کے دوران فائرنگ کر دی تھی جس کے نتیجے میں بیکری کا مالک ممتاز اور سیلز مین اختر جان کی بازی ہار گئے تھے۔

    دوسری جانب کراچی کے علاقے عزیز آباد میں رینجرز نے سرچ آپریشن کرکے دو مشتبہ افراد کو حراست میں لے لیا۔

    عزیز آباد دو نمبر کے علاقے میں رینجرزکے ٹارگٹڈآپریشن کے دوران مخصوص مقامات کا محاصرہ کیاگیا،اس موقع پر آپریشن کے دوران گلیوں میں کسی کو بھی داخلے کی اجازت نہیں تھی۔

    ذرائع کے مطابق رینجرز نے دو نوں گرفتان ملزمان کو حراست میں لےکر نامعلوم مقام پر منتقل کردیا ہے ۔

    واضح رہے کہ کراچی کے علاقےکھارادار میں دو افراد کے قتل میں ملوث گرفتار دونوں ملزمان وسیم کچھی اور عبداللہ کا تعلق لیاری گینگ وار عمر کچھی گروپ سے ہے۔

  • امریکا میں ٹیسلا کار نے اپنے مالک کی جان بچائی

    امریکا میں ٹیسلا کار نے اپنے مالک کی جان بچائی

    میسوری: امریکا میں خودکار ٹیکنالوجی کی مدد سے چلنے والی ٹیسلا کار نے اپنے مالک کی طبعیت خراب ہونے پربحفاظت اسپتال پہنچا دیا.

    تفصیلات کے مطابق امریکی ریاست میسوری کے شہر اسپرنگ فیلڈ میں جوشوا نیلے اپنی ٹیسلا کار کے ماڈل ایکس میں دفتر سے گھر جا رہے تھے کہ اچانک راستے میں ان کی طبیعت خراب ہوگئی.

    ایمبولینس کو بلانے کی بجائے 37 سالہ جوشوا نے کار کے خود چلنے کے فیچر (سیلف ڈرائیونگ) استعمال کرنے اور خودکار ٹیکنالوجی کی مدد سے اسپتال پہنچنے کا فیصلہ کیا.

    بیس میل کے فاصلے پر واقع اسپتال تک کار نے جوشوا کو بحفاظت پہنچایا جہاں وہ خود کار پارک کر کے اندر چل کر گئے.

    ڈاکٹرز کے مطابق جوشوا کے پھیپھڑوں کی شریان میں رکاوٹ آگئی تھی اور اگر وہ بروقت اسپتال نہ پہنچتے تو ان کی موت بھی واقع ہوسکتی تھی.

    واضح رہے کہ گزشتہ ماہ امریکی ریاست مونٹانا میں ٹیسلا کار کے ماڈل ایکس کو حادثہ پیش آیا،تاہم کار میں موجود شخص اس میں محفوظ رہا.

  • فلم’’مالک‘‘نے ریلیزہوتے ہی باکس آفس پردھوم مچادی

    فلم’’مالک‘‘نے ریلیزہوتے ہی باکس آفس پردھوم مچادی

    کراچی : فلم مالک نےباکس آفس پرکامیابی کے جھنڈے گاڑ دیئے ہیں۔ فلم نے دوسرے ہی ہفتے دوکروڑ کا بزنس کرلیا، فلم کے ڈائریکٹر عاشرعظیم نے پذیرائی پر عوام کا شکریہ ادا کیا۔

    ان کا کہنا ہے کہ حکومت فلم کو باقاعدہ صنعت کا درجہ دے۔ تفصیلات کے مطابق اے آر وائی کے بینر تلے بننے والی فلم مالک نے باکس آفس پرکامیابی کے جھنڈے گاڑ دیئے۔

    562f2517422aa

    دھواں ڈرامے سے شہرت حاصل کرنے والے عاشر عظیم نے اس مرتبہ بڑی اسکرین پر کمال دکھادیا،بیس سال بعد ہدایتکار عاشر عظیم پاکستان سے محبت کا پیغام لئے بڑی اسکرین پر آگئے۔

    maalik1

    عاشر عظیم کی ہدایت کاری اور اے آر وائی کے بینر تلے بننے والی فلم مالک اس وقت فلم بینوں کی تمام تر توجہ کا مرکز بنی ہوئی ہے۔

    عاشر عظیم کا کہنا ہے کہ دنیا بھر میں فلم کو صنعت کا درجہ حاصل ہے اور امریکہ بھارت ، جنوبی کوریا کی معیشت میں یہ آمدنی کا اہم ذریعہ تسلیم کیا جاتا ہے۔

    Tatmain-ul-Qulb-768x380-1

     

    اے آر وائی نیوز کے پروگرام نیوز ایٹ تھری میں انہوں نے ملک سے محبت کا پیغام دیا، فلم مالک کی کامیابی نے ایک بار پھر ثابت کر دیا کہ اچھی اسٹوری اور بہترین ڈائریکشن اب بھی سینما گھروں میں ہاؤس فل کا بورڈ لگوا سکتی ہے۔

    Maalik-1

     

    انہوں نے بتایا کہ سیاست کے گرد گھومتی اس فلم کا ایک ایک سین پاکستان میں شوٹ کیا گیا ہے۔ ہدایتکاری کے ساتھ عاشر عظیم کی اداکاری نے بھی فلم میں جان ڈال دی۔۔۔مالک نے ریلیز کے دوسرے ہی ہفتے دوکروڑ کا بزنس کردکھایا۔