کراچی: لیاقت آباد انڈرپاس میں مال برادر ٹرک بریک فیل ہوجانے پر متعدد گاڑیوں پر چڑھ دوڑا، موٹرسائیکل اور کئی گاڑیوں کو نقصان پہنچا۔
پولیس نے بتایا کہ لیاقت آباد انڈرپاس میں ٹریفک حادثہ رونما ہوا ہے تاہم کوئی جانی نقصان نہیں ہوا، مال برادر ٹرک بریک فیل ہوجانے پر متعدد گاڑیوں پر چڑھ دوڑا، حادثے میں موٹر سائیکلیں اور متعددگاڑیاں متاثر ہوئیں۔
کراچی میں ایک اور خونی ٹریفک حادثہ ، موٹر سائیکل سوار 2 افراد جاں بحق
حکام نے بتایا کہ پولیس نے ٹرک کو تحویل میں لےلیا ہے جبکہ ڈرائیور بھی زیرحراست ہے، مال بردار ٹرک سائٹ ایریا کی جانب سے آرہا تھا۔
پولیس حکام نے کہا کہ حادثے کے بعد مشتعل ہجوم نے ٹرک کو آگ لگانے کی کوشش کی، پولیس اور رینجرز نے پہنچ کر صورتحال کو کنٹرول کرلیا۔
https://urdu.arynews.tv/strictest-traffic-rules-enforced-in-karachi/