Tag: مال گاڑی

کراچی: کے بی ایکس ٹاور گودی میں ایک مال گاڑی پٹری سے اتر گئی، جس کے باعث ایک رکشہ اور کئی موٹر سائیکلیں تباہ ہو گئیں۔

اے آر وائی نیوز کے مطابق پاکستان ریلوے کی بدنظمی ختم نہ ہو سکی، نئے سی ای او کی ہدایت کے باوجود ڈی ریلمنٹ کے واقعات بدستور جاری ہیں۔

ریلوے ذرایع کا کہنا ہے کہ پٹری سے اترنے والی بوگیوں کی زد میں آ کر رکشہ اور موٹر سائیکلیں تباہ ہو گئیں، اس حادثے میں رکشہ ڈرائیور بھی زخمی ہو گیا۔

ذرایع نے بتایا کہ حادثے والی جگہ سے مسافر ٹرینیں نہیں گزرتیں اس لیے ٹرین آپریشن متاثر ہونے کا خدشہ نہیں ہے۔ مذکورہ مقام پر بینک آنے والے اور دیگر آفسز کے لوگ پٹری کے ساتھ ہی اپنی گاڑیاں پارک کر دیتے ہیں، متاثرہ مقام پر ریلوے کراسنگ بھی ہے۔

ریلوے پھاٹک نہ ہونے سے ایک اور حادثہ، 5 افراد جاں بحق

ریلوے ذرایع کا کہنا ہے کہ امکان ہے رکشے والے نے جلد بازی میں پٹری کراس کرنے کی کوشش کی ہو اور حادثے کا شکار ہو گیا ہو، تاہم حادثے کے فوراً بعد ریلیف ٹرین روانہ کر دی گئی ہے اور جلد بوگیاں پٹری پر لانے کا کام شروع ہو جائے گا۔

یاد رہے کہ مارچ میں سکھر، روہڑی کے قریب پیارو واہ کے مقام پر ریلوے پھاٹک نہ ہونے کی وجہ سے حادثے میں پانچ افراد جاں بحق ہو گئے تھے۔

گھوٹکی: صوبہ سندھ کے علاقے میرپور ماتھیلو اسٹیشن کے قریب مال گاڑی کی 5 بوگیاں پٹری سے اترگئیں، متاثرہ ٹریک سے بوگیاں ہٹانے کا کام تاحال شروع نہیں کیا جاسکا۔

تفصیلات کے مطابق گھوٹکی کے علاقے میرپور ماتھیلو اسٹیشن کے قریب مال گاڑی کی 5 بوگیاں پٹری سے اترگئیں، حادثے کے باعث ڈاؤن ٹریک پر ٹریفک معطل ہوگیا۔

کراچی جانے والی ٹرینوں کو مختلف اسٹیشنوں پر روک لیا گیا، متاثرہ ٹریک سے بوگیاں ہٹانے کا کام تاحال شروع نہیں کیا جاسکا۔

اس سے قبل رواں ماہ یکم اکتوبر کو روہڑی اسٹیشن پر مال گاڑی کی چار بوگیاں پٹری سے اترگئیں تھی، بوگیاں پٹری سے اترنے سے 400 فٹ پٹری کو نقصان پہنچا۔

یاد رہے کہ 19 جون کو ایران سے کوئٹہ آنے والی مال گاڑی کی 9 بوگیاں ٹریک سے اترگئیں تھی، مال گاڑی کو حادثہ بلوچستان کے علاقے چاغی کے قریب واقع پدگ میں پیش آیا۔

مال گاڑی کی بوگیاں اترنے کے باعث کوئٹہ سے ایران جانے اور آنے والا ریلوے ٹریک معطل ہوگیا تھا۔

گمبٹ ریلوے اسٹیشن پر مال گاڑی کی بوگیاں پٹری سے اترنے سے ڈاؤن ٹریک بلاک

واضح رہے کہ رواں سال 30 مئی کو خیرپور کے گمبٹ ریلوے اسٹیشن پرمال گاڑی کی 3 بوگیاں پٹری سے اترگئیں تھی جس کے باعث ڈاؤن ٹریک بلاک کردیا گیا تھا۔

ٹریک بند ہونے سے سکھرجانے والی سکھرایکسپریس کوروک لیا گیا تھا، رانی پور ریلوے اسٹیشن پر سکھرایکسپریس کے مسافر شدید مشکلات سے دوچار ہوگئے تھے۔

سکھر: صوبہ سندھ کے شہر خیرپور میں لاہور سے کراچی جانے والی مال گاڑی کی 3 بوگیاں پٹری سے اترگئیں۔

تفصیلات کے مطابق خیرپور کے گمبٹ ریلوے اسٹیشن پرمال گاڑی کی 3 بوگیاں پٹری سے اترگئیں جس کے باعث ڈاؤن ٹریک بلاک کردیا گیا۔

ٹریک بند ہونے سے سکھرجانے والی سکھرایکسپریس کوروک لیا گیا، رانی پور ریلوے اسٹیشن پر سکھرایکسپریس کے مسافر شدید مشکلات سے دوچار ہوگئے ہیں۔

ڈی ایس ریلوے سکھر کے مطابق بحالی ٹرین روہڑی سے روانہ کی گئی ہے۔

پڈعیدن کے قریب مال گاڑی کی بوگیاں پٹری سے اترگئیں

اس سے قبل رواں ماہ 17 مئی کو پڈعیدن میں ابراہیم شاہ کے مقام پر مال گاڑی حادثے کا شکار ہوئی تھی جس کے بعد کراچی سے لاہور اور پشاور جانے اور وہاں سے کراچی آنے والی ٹرینوں کو مختلف مقامات پر روک دیا گیا تھا۔

متاثرہ ٹریک کی بحالی کے لیے کوٹری سے امدادی ٹرین طلب کی گئی تھی جبکہ اپ اور ڈاؤن ٹریک بند کردیے گئے تھے۔

یاد رہے کہ رواں سال 6 مارچ کو سکھر اسٹیشن کے قریب گڈانی پھاٹک پرسلیپر سے بھری ہوئی مال گاڑی کے دو ڈبے پٹڑی سے اتر گئے تھے، مال گاڑی سکھر سے روہڑی جا رہی تھی۔