Tag: مانسہرہ

مانسہرہ: آسمانی بجلی اورسیلابی ریلے میں ایک ہی خاندان کے 20 افراد ملبے تلے دب کرجاں بحق ہوگئے ، جس میں سے 17 لاشیں نکال لی گئیں ہیں۔

تفصیلات کے مطابق خیبرپختونخوا کے دور افتادہ پہاڑی علاقے ہلکوٹ ڈھیری، حلیم نیل بند میں کلاؤڈ برسٹ اور سیلابی ریلے نے قیامت ڈھا دی۔

واقعے میں ایک ہی خاندان کے 20 افراد جاں بحق ہوگئے جن میں 7 خواتین، 3 بچے اور 10 مرد شامل ہیں۔

ریسکیو 1122 اور مقامی افراد نے اب تک 17 لاشیں ملبے تلے سے نکال لی ہیں جبکہ 2 زخمیوں کو طبی امداد فراہم کی گئی ہے تاہم مزید لاشوں کی تلاش کا عمل تیزی سے جاری ہے۔

وفاقی وزیر مذہبی امور سردار محمد یوسف حادثہ کی اطلاع ملنے پر فوری طور پر جائے وقوعہ پہنچے اور ضلعی انتظامیہ کے ہمراہ نقصانات کا جائزہ لیا۔

انہوں نے متاثرہ خاندان کے واحد زندہ بچ جانے والے شخص جانس محمد سے ملاقات کی، جس کی بیوی اور پانچ بچے بھی حادثے میں جاں بحق ہوئے۔

سردار محمد یوسف نے لواحقین سے تعزیت کرتے ہوئے کہا کہ قدرتی آفات انسان کے بس کی بات نہیں ہوتیں، تاہم وفاقی اور صوبائی حکومتیں متاثرین کے ساتھ کھڑی ہیں۔ انہوں نے اعلان کیا کہ جاں بحق افراد کے لواحقین کو 20،20 لاکھ روپے مالی امداد فراہم کی جائے گی۔

وفاقی وزیر نے بتایا کہ انہوں نے چیف سیکرٹری خیبرپختونخوا اور این ڈی ایم اے چیئرمین سے رابطہ کیا ہے اور ریسکیو و ریلیف ٹیموں کو فوری روانہ کرنے کی ہدایت جاری کردی گئی ہے۔ ان کا کہنا تھا کہ رابطہ سڑکوں کی بحالی اور ریلیف آپریشن میں مزید تیزی لائی جا رہی ہے۔

انہوں نے مقامی افراد کے کردار کو سراہا جنہوں نے ریسکیو ٹیموں کے ساتھ مل کر لاشوں کی تلاش اور متاثرین کی مدد میں بھرپور تعاون کیا۔

مانسہرہ: جیپ کھائی میں گرنے سے 4 افراد جاں بحق ہوگئے ، جاں بحق افراد میں بچی اور 3 خواتین شامل ہیں۔

تفصیلات کے مطابق مانسہرہ میں جیپ ڈرائیور سے بےقابو ہو کر کھائی میں جا گری، حادثے میں بچی سمیت چار خواتین جاں بحق جبکہ چھ مسافر زخمی ہوگئے۔

واقعہ وادی سرن کے علاقے جبوڑی میں پہاڑی علاقے سنڈی سے آتے ہوئے پیش آیا، مقامی لوگوں نے زخمیوں اورلاشوں کو نکال کر قریبی اسپتال منتقل کیا۔

ابتدائی طبی امداد کے بعد زخمیوں کو مانسہرہ منتقل کردیا گیا ہے۔

مزید پڑھیں : چکوال : موٹروے کلر کہار پر مسافر بس حادثے کا شکار ، 5 مسافر جاں بحق

یاد رہے گذشتہ ماہ چکوال میں موٹروے کلر کہار پر مسافربس بے قابو ہوکر الٹ گئی تھی، حادثے کے نتیجے میں پانچ مسافر جاں بحق اور تیرہ زخمی ہوگئے تھے۔

ترجمان موٹروے پولیس کے مطابق حادثے کا شکار بس راولپنڈی سے وہاڑی جارہی تھی، حادثہ ڈرائیور کی غفلت کےباعث پیش آیا تاہم ریسکیو اہلکار، پولیس اور علاقہ مکین نے جائے وقوعہ پر ملبے میں پھنسے زخمی افراد کو نکال کر قریبی ایم ایس ٹراما کلر کہار منتقل کیا۔

مانسہرہ : ماں اور کمسن بچی کے قتل میں ملوث 6 ملزمان کو گرفتار کرلیا گیا ، غیرت کے نام پرماں اور بیٹی کا سفاکانہ قتل کیا گیا تھا۔

تفصیلات کے مطابق مانسہرہ کےعلاقے جابہ میں غیرت کے نام پرماں اورکمسن بچی کے قتل میں ملوث چھےملزم پکڑے گئے۔

پولیس کا کہنا ہے حکام کے نوٹس پر چھاپے مارے گئے اور تمام ملزم گرفتارکرلیے ہیں ، ڈی پی او مانسہرہ کی زیرنگرانی اسپیشل انویسٹی گیشن ٹیم نے مؤثر سرچ آپریشن کیے۔

حکام نے بتایا کہ سفاکانہ قتل میں ملوث پانچ ملزم وصی شاہ، رزاق شاہ، نیازعلی شاہ، قائم شاہ اوراحسن علی شاہ کوپہلے گرفتار کیا گیا، ان ملزمان کی نشاندہی پر پولیس چھٹے ملزم سید مہتاب شاہ کو بھی گرفتار کرنے میں کامیاب ہوگئی۔

پولیس نے کہا کہ گرفتار ملزمان سے مزید تفتیش جاری ہے۔

یاد رہے چند روز قبل مانسہرہ میں غیرت کے نام پرایک خاتون اور اسکی سولہ ماہ کی بچی کو گولیاں مار کر قتل کر دیا گیا تھا۔

پولیس ذرائع کا کہنا تھا کہ رابعہ نے محمد عمر سے پسند کی شادی کی تھی، اب ان کی سولہ ماہ کی بیٹی بھی تھی جبکہ مقتولہ رابعہ کا شوہر عمر سعودی عرب میں مقیم ہے۔

مقامی زرائع نےانکشاف کیا تھا کہ مقتولہ نے اپنی زات پات برادری سےباہرایک سیدخاندان کے نوجوان سے چھپ کرشادی کرلی تھی۔

مانسہرہ : ہزارہ موٹروے کلگان موڑ پر مسافر بس الٹنےسے پانچ افراد جاں بحق اور چار زخمی ہوگئے، بس گلگت سےراولپنڈی جارہی تھی۔

تفصیلات کے مطابق مانسہرہ کے علاقے ہزارہ موٹروے کلگان موڑ پربس الٹ گئی، حادثے کے نتیجے میں 5 افراد جاں بحق اور 4 زخمی ہوئے۔

پولیس کا کہنا ہے حادثہ بارش اور سڑک پر پھسلن کے باعث پیش آیا، گلگت سے راولپنڈی آنے والی مسافر بس ہزارہ موٹر وے پرالٹ گئی۔

تمام زخمیوں اورجاں بحق افراد کی لاشوں کوکنگ عبداللہ اسپتال مانسہرہ منتقل کردیا گیا ہے۔

یاد رہے اگست میں مسافر وین کھائی میں جاگری تھی ، جس کے نتیجے میں دو خواتین سمیت 6 افراد جاں بحق ہوگئے تھے۔

وین کو حادثہ مونگن مچھی پول کے مقام پر پیش آیا تھا، حادثے کا شکار وین الائی بٹگرام سے مانسہرہ آرہی تھی۔

اس سے قبل تحصیل اوگی کے علاقے میں تیز رفتاری کے باعث مسافر وین گہری کھائی میں گرنے سے 8 افراد ہلاک اور متعدد زخمی ہوگئے تھے۔

مانسہرہ: تھانہ صدر کی حدود ڈاک سنٹر کے قریب ہزارہ موٹروے پر قتل اور اغوا میں ملوث ملزمان کو 6 گھنٹوں کے اندر گرفتار اور مغویہ کو بازیاب کروا لیا کرلیا۔

  ڈی پی او شفیع اللہ گنڈا پور کی جانب سے واقعہ پر جاری کردہ پریس ریلیز کے مطابق ہزارہ موٹروے پر طارق محمود ولد میاں دادسکنہ ٹھاکرہ کے قتل ہونے اور 13سالہ لڑکی کے اغواء کی اطلاع ملی جس پر ملزمان کو فوری طور پر گرفتار کرنے کے لیئے ایس ایچ او اور تھانہ صدر اسٹاف کو سختی سے ہدایات جاری کیں۔

 ہدایات پر عملدرآمد کرتے ہوئے پولیس نے صرف 6 گھنٹوں کے اندر دوہرے قتل میں ملوث نامزد مرکزی ملزمان شعیب اور آصف کو گرفتار اور اغواء شدہ لڑکی کو بازیاب کروا لیا۔

پولیس کا کہنا ہے کہ ملزم شعیب مقتول طارق کا قریبی دوست ہے جو کہ طارق محمود کو فیملی کے ساتھ ہزارہ موٹر وے نزد ڈاک سنٹر میں ملا اور مقتول طارق محمود کے بیٹی کو اپنے ساتھ لے جانے کا اسرار کیا جس پر دونوں فریقین کے درمیان توں تکرار ہوئی اور ملزم شعیب نے مقتول محمود کی گاڑی پر اندھا دھند فائرنگ شروع کر دی۔

پولیس کا کہنا ہے کہ فائرنگ کے نتیجے میں طارق محمود موقع پر ہی جان بحق اور دیگر فیملی ممبران زخمی ہوگئے، اسکے بعد ملزم شعیب لڑکی اور زین کو اپنے ساتھ زبردستی اغواء کر کے لے گیا۔

پولیس نے ملزمان کا تعاقب شروع کیا اور 6 گھنٹوں کے اندر زین کی لاش برآمد کرنے کے ساتھ ساتھ واقع میں ملوث مرکزی ملزمان شعیب اور ساتھی آصف کو گرفتار کرلیا اور اغواء شدہ بچی کو بازیاب کروا لیا۔ پولیس کی جانب سے مزید تفتیش کا سلسلہ جاری ہے۔