مانسہرہ میں سردی سے بچاؤ کے لئے جلائی گئی انگیٹھی نے دو مکانوں اور پانچ دکانوں کو جلا کر خاک کر دیا۔
مانسہرہ کے علاقے تھانہ کاغان کی حدود میں واقع ایک مکان میں اچانک آگ بھڑک اٹھی اور دیکھتے ہی دیکھتے آگ کے شعلوں نے قریبی مکان اور دکانوں کو اپنی لپیٹ میں لے لیا، مقامی لوگوں نے پولیس کی مدد سے دو گھنٹوں کی طویل جدو جہد کے بعد آگ پر قابو پالیا۔
پولیس کے مطابق آگ گھر میں سردی سے بچاؤ کے لئے جلائی گئی انگیٹھی کے باعث لگی، آگ نے پرانا بازار میں واقع پانچ دکانوں اور دو مکان کو جلا کر خاکستر کر دیا، پولیس کے مطابق آگ کے باعث لاکھوں روپے کا سامان جل کر راکھ ہوگیا جبکہ کوئی جانی نقصان نہیں ہوا۔
