کراچی: مسلم کمرشل بینک کی انتظامیہ عدالتی احکامات ماننے سے مسلسل انکار کر رہی ہے، سندھ ہائیکورٹ نے حاجی عبدالرزاق مرحوم کے اثاثوں کی تفصیلات ورثا کو فراہم کرنے کیلئے بینک کو آخری مہلت دے دی۔
یم سی بی کی نجکاری میں ہونے والی کرپشن کی کہانیاں اپنی جگہ تاہم اب یہ ادارہ میاں منشا کی ایماء پرعدالتی احکامات ماننے سے بھی انکاری ہے، ملک کی معروف سماجی ، کاروباری شخصیت مرحوم حاجی عبدالرزاق کے انتقال کے بعد ان کے ورثاء تاحال انکے اثاثوں کی تفصیلات جاننے سے محروم ہیں۔
سندھ ہائیکورٹ نےچار مرتبہ نوٹسز جاری کئے تاہم بینک انتظامیہ ٹس سے مس نہ ہوئی لیکن انصاف کے متلاشیوں کو انصاف نہ ملا۔۔عدالت عالیہ کے احکامات کے باوجود ورثاء کی داد رسی نہیں کی جارہی ۔
دو مارچ کو سماعت کے بعد اب سندھ ہائیکورٹ نے ایم سی بی کو ریکارڈ پیش کرنے کےلئے آخری مہلت دی ہے،ریکارڈ آئندہ تاریخ پر پیش نہ کرنے کی صورت میں عدالت نے کارروائی کا عندیہ دیا ہے۔
