ARYNews.tv | Urdu – Har Lamha Bakhabar

Tag: مانچسٹر ایئرپورٹ

  • مانچسٹر ایئرپورٹ پر پاکستانی نژاد فیملی پر تشدد، باکسر عامر خان کا رد عمل

    مانچسٹر ایئرپورٹ پر پاکستانی نژاد فیملی پر تشدد، باکسر عامر خان کا رد عمل

    برطانیہ کے مانچسٹر ایئرپورٹ پر پولیس کی جانب سے پاکستانی نژاد فیملی کو تشدد کا نشانہ بنائے جانے کے معاملے پر باکسر عامر خان نے بھی رد عمل دیا ہے۔

    غیر ملکی ذرائع ابلاغ کے مطابق باکسر عامر خان نے واقعہ کو ناگوار رویہ قرار دیتے ہوئے کہا کہ مانچسٹر ایئرپورٹ پر جو ہوا وہ انتہائی افسوسناک ہے۔

    باکسر عامر خان نے کہا کہ امید ہے جن لڑکوں پر تشدد ہوا وہ خیریت سے ہونگے، انہوں نے کہا کہ مانچسٹر ایئرپورٹ پر پولیس نے والدہ کے سامنے بیٹوں پر تشدد کیا، مانچسٹر ایئرپورٹ پر جو ہوا اس سے پہلے کبھی نہیں دیکھا۔

    واضح رہے کہ گزشتہ روز برطانیہ کے مانچسٹر ایئرپورٹ پر پولیس نے پاکستانی نژاد فیملی کو تشدد کا نشانہ بنایا تھا، جس کی ویڈیو سوشل میڈیا پر وائرل ہوگئی۔

    ایئرپورٹ پولیس کے اہلکاروں نے پاکستانی نژاد فیملی کے 2 نوجوانوں پر تشدد کیا۔ اہلکار زمین پر گرے نوجوان کو لاتوں سے مارتے رہے جبکہ ماں اپنے بیٹے کو تشدد سے بچانے کی کوشش کرتی رہی۔

    واقعے کی ویڈیو وائرل ہونے پر تشدد کرنے والے 5 اہلکاروں کو معطل کر دیا گیا جبکہ ملوث 7 اہلکاروں کے خلاف تحقیقات جاری ہے۔

    گریٹر مانچسٹر پولیس نے واقعے پر جاری اپنے بیان میں کہا کہ ایئرپورٹ پر مسافروں میں جھگڑا ہوا تھا جہاں پولیس موقع پر پہنچی، مطلوبہ شخص نے گرفتاری کی کوشش پر اہلکاروں پر حملہ کیا تھا۔

    نیویارک کے ایئرپورٹ پر آگ بھڑک اٹھی

    پولیس نے بتایا کہ ہاتھا پائی میں 3 اہلکار زخمی ہوئے جبکہ خاتون اہلکار کی ناک کی ہڈی ٹوٹ گئی، آرمڈ پولیس نے 4 افراد کو گرفتار کر کے حالات قابو میں کیے، ایئرپورٹ پر پولیس تشدد کی ویڈیو کا متعلقہ محکمہ جائزہ لے رہا ہے۔

  • مانچسٹر ایئرپورٹ پر مسافروں کی لمبی قطاریں، وجہ سامنے آگئی

    مانچسٹر ایئرپورٹ پر مسافروں کی لمبی قطاریں، وجہ سامنے آگئی

    مانچسٹر: بارڈرفورس کے سسٹم میں خرابی کے باعث مانچسٹر ایئرپورٹ پر مسافروں کی لمبی قطاریں لگ گئیں۔

    غیر ملکی ذرائع ابلاغ کے مطابق ایئر پورٹ حکام کا کہنا ہے کہ بارڈر فورس کو قومی سطح پر اس تکنیکی خرابی کا سامنا ہے، مسافروں کی مینؤل امیگریشن کی جا رہی ہے۔

    ایئرپورٹ حکام کے مطابق مانچسٹر ایئرپورٹ پر سسٹم کی خرابی کو دور کرنے کے لیے کام جاری ہے۔

    گزشتہ دنوں بھی برطانیہ کے مانچسٹر ایئرپورٹ کو طیارے میں بم کی اطلاع پر عارضی طور پر بند کردیا گیا تھا، جس کے باعث موقع پر موجود مسافروں میں خوف و ہراس پھیل گیا تھا۔

    ٹرمپ کیلئے نئی مشکل، فحش فلموں کی اداکارہ نے خاموشی توڑ دی

    گریٹر مانچسٹر پولیس کی جانب سے واضح کیا گیا تھا کہ مکمل تلاشی کے بعد بھی تاحال طیارے سے کوئی بم نہیں ملا، طیارے میں بم کی اطلاع پولیس کو ای میل کے ذریعے بھیجی گئی تھی۔

  • مانچسٹر ایئرپورٹ بند، خوف و ہراس پھیل گیا

    مانچسٹر ایئرپورٹ بند، خوف و ہراس پھیل گیا

    برطانیہ کے مانچسٹر ایئرپورٹ کو طیارے میں بم کی اطلاع پر عارضی طور پر بند کردیا گیا، جس کے باعث موقع پر موجود مسافروں میں خوف و ہراس پھیل گیا۔

    بین الاقوامی خبر رساں ادارے کی رپورٹ کے مطابق اماراتی ایئرلائن کے طیارے کو لینڈ کرتے ہی رن وے پر روک دیا گیا۔

    گریٹر مانچسٹر پولیس کی جانب سے واضح کیا گیا ہے کہ مکمل تلاشی کے بعد بھی تاحال طیارے سے کوئی بم نہیں ملا، طیارے میں بم کی اطلاع پولیس کو ای میل کے ذریعے بھیجی گئی تھی۔

    موجودہ صورتحال میں دبئی واپسی کی پرواز ڈھائی گھنٹے تاخیر سے روانہ ہوگی۔

    اس سے قبل لوٹن ایئرپورٹ پرخوفناک آتشزدگی کے باعث تمام پروازیں معطل کردی گئی تھیں، حکام کا اس حوالے سے کہنا تھا کہ آگ کار پارک میں لگی، ایمرجنسی سروسز موقع پر پہنچ گئیں۔

    آتشزدگی کے باعث افراتفری کی صورتحال پیدا ہوگئی، سوشل میڈیا پر موجود فوٹیج میں آگ کے شعلے دکھائی دے رہے تھے۔

    رپورٹ کے مطابق 10 فائر انجن آگ پر قابو پانے میں مصروف تھے، جبکہ ایمبولینس سروس بھی موقع پر پہنچ گئی تھی، تاہم کسی کے زخمی ہونے کی اطلاع نہیں ملی۔

  • مانچسٹر سے اسلام آباد آنے والی پرواز سیکیورٹی وجوہ پر منسوخ

    مانچسٹر سے اسلام آباد آنے والی پرواز سیکیورٹی وجوہ پر منسوخ

    مانچسٹر: اسلام آباد کے لیے مانچسٹر ایئر پورٹ سے آنے والی ایک پرواز کو سیکیورٹی وجوہ کی بنا پر منسوخ کر دیا گیا۔

    تفصیلات کے مطابق مانچسٹر سے اسلام آباد آنے والی پرواز سیکیورٹی وجوہ پر منسوخ کر دی گئی، ایئر لائن ورجن اٹلانٹک کا کہنا ہے کہ اسلام آباد ایئر پورٹ کے گرد ہونے والے مظاہروں کے پیش نظر ہماری کارپوریٹ ٹیم نے پرواز منسوخ کر دی ہے۔

    ورجن اٹلانٹک کے مطابق فلائٹ VS0362 کو سیکیورٹی خدشات کے پیش نظر روک دیا گیا ہے، ہمارے لیے مسافروں اور عملے کی حفاظت بہت اہم ہے۔

    رپورٹس کے مطابق مسافر چیک اِن کر کے بورڈنگ گیٹس کی طرف جا رہے تھے جب فلائٹ کو کینسل کیا گیا۔

  • مانچسٹر ایئرپورٹ پر لینڈنگ کے وقت طیارے کے ساتھ دل دہلا دینے والا واقعہ، کمزور دل افراد ویڈیو نہ دیکھیں

    مانچسٹر ایئرپورٹ پر لینڈنگ کے وقت طیارے کے ساتھ دل دہلا دینے والا واقعہ، کمزور دل افراد ویڈیو نہ دیکھیں

    مانچسٹر: برطانیہ میں مانچسٹر ایئرپورٹ پر ایک دل دہلا دینے والا واقعہ پیش آیا ہے، طیارہ لینڈنگ کے وقت خوفناک طوفانی ہواؤں کی زد میں آ گیا۔

    اس سلسلے میں ایک ویڈیو سامنے آئی ہے، جس میں دیکھا جا سکتا ہے کہ لینڈنگ کے وقت طیارہ بری طرح ناکام رہا، اور ہوائیں اسے بار بار اچھالتی رہیں۔

    برطانوی میڈیا رپورٹس کے مطابق طیارہ ملک نامی طوفان کی تیز ہواؤں کی زد میں آ گیا تھا، جس کی وجہ سے لینڈنگ کے وقت خوف ناک صورت حال پیدا ہو گئی، اور پائلٹ نے بہتیری کوشش کے بعد آخر کار لینڈنگ کا عمل ترک کر دیا۔

    ویڈیو میں دیکھا جا سکتا ہے کہ طوفانی ہواؤں نے طیارے کی لینڈنگ کس طرح مشکل بنائی، اور پائلٹ کے لیے رن وے پر نہایت کھٹن صورت حال پیدا کر دی۔

    جیٹ 2 طیارے کی بوئنگ 737 کی پرواز ہفتے کی دوپہر کو ایئرپورٹ پہنچی تھی، طیارے کے ٹائر بھی رن وے سے ٹکرا گئے تھے، اور لینڈنگ گیئر مکمل طور پر انگیج تھا، لیکن ہوائیں اسے دائیں سے بائیں اچھال رہی تھیں۔

    حکام کے مطابق لندن ہیتھرو ایئر پورٹ پر 90 کلو میٹر کی رفتار سے ہوائیں چل رہی تھیں، جن میں مسافر بردار طیارہ دائیں بائیں خوف ناک انداز میں ڈولتا رہا، تاہم تجربہ کار پائلٹ کی مہارت سے طیارہ حادثے سے بال بال بچ گیا۔

  • وسیم اکرم سے بد تمیزی کا معاملہ، مانچسٹر ایئر پورٹ انتظامیہ کا نوٹس

    وسیم اکرم سے بد تمیزی کا معاملہ، مانچسٹر ایئر پورٹ انتظامیہ کا نوٹس

    مانچسٹر: برطانوی شہر مانچسٹر کے ایئر پورٹ پر پاکستان کے لے جنڈ کرکٹر وسیم اکرم کے ساتھ افسوس ناک واقعہ پیش آیا، ٹویٹر پر شکایت کے بعد ایئر پورٹ انتظامیہ نے واقعے کا نوٹس لے لیا۔

    تفصیلات کے مطابق مانچسٹر ایئر پورٹ پر سابق قومی ٹیم کپتان وسیم اکرم کے ساتھ ایئر پورٹ حکام نے بد تمیزی کی، سابق کرکٹر نے ٹویٹر پر واقعے سے متعلق اطلاع دیتے ہوئے لکھا کہ حکام نے انسولین سے متعلق برا رویہ اپنایا۔

    سوئنگ کے سلطان مانچسٹر ایئر پورٹ حکام پر برس پڑے، ایئر پورٹ پر انسولین روکے جانے پر شدید غصے کا اظہار کرتے ہوئے کہا ’دنیا بھر میں سفر کرتا ہوں، کبھی کسی نے نہیں روکا۔

    وسیم اکرم نے ٹویٹ میں لکھا کہ مانچسٹر ایئر پورٹ حکام نے میرے ساتھ بد تمیزی کی، مجھے کہا گیا انسولین نکال کر پلاسٹک بیگ میں ڈال دیں۔

    یہ بھی پڑھیں:  یوٹیوب گولڈن بٹن کا اعزاز ملنے کے بعد شعیب اختر کا بڑا اعلان

    ان کا کہنا تھا کہ وہ دنیا بھر میں سفر کرتے رہتے ہیں، انھیں کبھی اس طرح پریشان نہیں کیا گیا، لیکن مانچسٹر ایئر پورٹ حکام کے رویے سے سخت مایوس ہوئے ہیں۔

    قومی ٹیم کے سابق کپتان کا یہ بھی کہنا تھا کہ انھیں سخت بے عزتی محسوس ہوئی، حکام نے سب کے سامنے نہایت بد تہذیبی سے پوچھ گچھ کی اور حکم دیا کہ میں اپنی انسولین کو ٹھنڈے سفری بیگ سے نکال کر ایک پلاسٹک بیگ میں ڈال دوں۔

    خیال رہے کہ سابق فاسٹ بولر وسیم اکرم 1997 سے ذیابطیس کے مریض ہیں اور باقاعدگی سے انسولین استعمال کرتے ہیں۔

    ایئر پورٹ انتظامیہ کا نوٹس

    وسیم اکرم سے بد تمیزی کے معاملے پر مانچسٹر ایئر پورٹ انتظامیہ نے ٹویٹر پر ان کی شکایت کا نوٹس لے لیا، ایئر پورٹ انتظامیہ نے وسیم اکرم سے تفصیلات طلب کر لیں، انتظامیہ نے کہا کہ وسیم اکرم واقعے سے متعلق براہ راست آگاہ کریں۔

    لے جنڈ کرکٹر وسیم اکرم کے ٹویٹ پر مانچسٹر ایئرپورٹ انتظامیہ کی جانب سے ریپلائی میں کہا گیا کہ آپ نے اس مسئلے کی طرف ہماری توجہ دلائی جس کے لیے شکرگزار ہیں۔

    جس پر وسیم اکرم نے بھی انتظامیہ کا شکریہ ادا کیا اور کہا فوری رد عمل کے لیے شکریہ، میں آپ کے ساتھ رابطے میں رہوں گا۔

    قبل ازیں وسیم اکرم نے ایک اور ٹویٹ میں لکھا کہ میرے ساتھ دوسروں سے مختلف رویہ کیسے رکھا جا سکتا ہے، تمام لوگوں کے ساتھ ڈیلنگ کرتے ہوئے ایک معیاری رویہ اپنایا جانا چاہیے، میں سمجھتا ہوں کہ حفاظتی اقدامات کیے جاتے ہیں تاہم اس کا مطلب یہ نہیں کہ لوگوں کی بے عزتی کی جائے۔