مانچسٹر : مانچسٹر سٹی کے گراؤنڈ کے باہر چیمپئنز لیگ کے اہم میچ سے پہلے دکان میں آنشزدگی کا واقعہ پیش آیا، مانچسٹر سٹی اور کلب برگ کے درمیان آج رات چیمپینز لیگ کا میچ ہونا ہے۔
تفصیلات کے مطابق مانچسٹر سٹی کے گراؤنڈ کے باہر چیمپئنز لیگ کے اہم میچ سے پہلے دکان میں آگ لگ گئی، اسٹیڈیم کے مرکزی دروازے کے قریب تجارتی سامان کی دکان میں آگ لگی ، جس سے متاثرہ علاقے کو فوری طور پر خالی کرایا گیا۔
ترجمان فائر سروس نے بتایا کہ اتحاد اسٹیڈیم کی دکان میں لگنے والی آگ پر قابو پالیا گیا ہے تاہم مانچسٹر سٹی نے اضافی احتیاطی تدابیر اختیار کیں اور آگ کے باعث ٹیموں کی آمد کا پلان تبدیل کر دیا گیا۔
خیال رہے مانچسٹر سٹی اور کلب برگ کے درمیان آج رات چیمپینز لیگ کا میچ ہونا ہے۔
دونوں ٹیمیں اگلے مرحلے میں جگہ کے لیے راؤنڈ 8 میں ایک دوسرے سے لڑیں گی۔
واضح رہے مانچسٹر سٹی، جو پریمیئر لیگ کی ٹاپ ٹیموں میں سے ایک ہے، کئی شکستوں کا سامنا کرنے کے باوجود چیمپئنز لیگ میں کافی ٹھوس ریکارڈ رکھتی ہے۔ دوسری طرف، بیلجیئم سے تعلق رکھنے والے کلب بروگ کے وی، اگرچہ کافی اچھی کارکردگی کا مظاہرہ کر رہے ہیں، پھر بھی بڑی یورپی ٹیموں کے ساتھ مقابلہ کرنے میں دشواری کا سامنا ہے۔
