Tag: مانیٹری پالیسی

کراچی : اسٹیٹ بینک آج اگلے ڈیڑھ ماہ کیلئے نئی مانیٹری پالیسی کا اعلان کرے گا، شرح سود برقرار رہنے کا امکان ہے۔

تفصیلات کے مطابق اسٹیٹ بینک اگلے ڈیڑھ ماہ کیلئے نئی مانیٹری پالیسی کا اعلان آج کرے گا، اس سلسلے میں مانیٹری پالیسی اجلاس گورنر اسٹیٹ بینک کی صدارت میں ہوگا۔

مانیٹری پالیسی کمیٹی کے اجلاس کے بعد مانیٹری پالیسی کا اعلان کیا جائے گا، اسٹیٹ بینک مانیٹری پالیسی کا اعلان پریس ریلیز کے ذریعے کرے گا۔

اس حوالے سے اسٹاک تجزیہ کار کا کہنا ہے کہ اگلے ڈیڑھ ماہ کیلئے پالیسی ریٹ میں کوئی تبدیلی کا امکان نہیں، بینکوں کیلئے پالیسی ریٹ 22 فیصد پر برقرار رکھا جا سکتا ہے۔

یاد رہے کہ 14ستمبر کو بھی اسٹیٹ بینک نے شرح سود میں ردوبدل نہیں کی تھی، ستمبر 2023 میں مہنگائی کی شرح 31.44 فیصد رہی تھی تاہم اب کرنٹ اکاؤنٹ خسارہ 164 ملین ڈالر سے کم ہو کر 8 ملین ڈالر رہ گیا۔

کراچی : اسٹیٹ بینک آج نئے مالی سال کی پہلی مانیٹری پالیسی کا اعلان کرے گا، 48 فیصد کی رائےمیں شرح سود 22 فیصد پر برقرار رہے گی۔

تفصیلات کے مطابق اسٹیٹ بینک کی مانیٹری پالیسی کمیٹی کا اجلاس شروع ہوگیا، کمیٹی معاشی اعدادوشمار کے جائزے کےبعد مانیٹری پالیسی ریٹ کا فیصلہ کرے گی۔

گورنر اسٹیٹ بینک نئے مالی سال کی پہلی مانیٹری پالیسی کااعلان کریں گے، موجودہ شرح سود22فیصد ہے۔

زیادہ تر معاشی ماہرین اور اسٹاک مارکیٹ کے تجزیہ کاروں کا کہنا ہے مرکزی بینک بائیس فیصد پر شرح سود کو برقرار رکھے گا جبکہ کچھ ماہرین کا کہنا ہے آئی ایم ایف کے دباؤ کی وجہ سے مرکزی بینک سو بیسز پوائنٹس کا اضافہ کرسکتا ہے۔

رپورٹ میں کہا گیا ہے کہ 48 فیصد کی رائےمیں شرح سود 22 فیصد پر برقرار رہے گی جبکہ 46 فیصد کی رائے میں شرح سود میں ایک فیصد تک کا اضافہ ہوگا۔

سروے رپورٹ کے مطابق 6 فیصد کی رائے میں شرح سود میں 1 فیصد سے زائد اضافہ کیا جاسکتا ہے۔

دوسری جانب ملک میں ہفتہ وار مہنگائی میں پھر اضافہ ہونے لگا ہے، گزشتہ سال مہنگائی کی شرح انتیس اعشاریہ ایک آٹھ فیصد تھی۔

کراچی: اسٹیٹ بینک آف پاکستان نے نئی مانیٹری پالیسی کا اعلان کر دیا، جس میں شرح سود کو برقرار رکھنے کا فیصلہ کیا ہے۔

اسٹیٹ بینک نے شرح سود برقرار رکھنے کا فیصلہ کیا ہے، جس سے بنیادی شرح سود 21 فیصد ہی رہے گی، اس حوالے سے اسٹیٹ بینک نے اعلامیہ جاری کردیا ہے۔

اسٹیٹ بینک کے اعلامیے میں بتایا گیا کہ اسٹیٹ بینک کی مانیٹری پالیسی کمیٹی کا اجلاس ہوا، جس میں ملکی اور غیرملکی اقتصادی صورتحال کا جائزہ لیا گیا۔ اور پالیسی ریٹ 100 بیسس پوائنٹس کو 21 فیصد پر برقرار رکھا گیا ہے۔

اسٹیٹ بینک نے جاری کردہ اعلامیے میں کہا کہ ملک میں مئی میں مہنگائی 38 فیصد رہی ہے، اگر کوئی نادیدہ حالات پیش نہ آئے تو توقع ہے کہ جون اور اس کے بعد مہنگائی میں کمی آنا شروع ہوگی۔

اسٹیٹ بینک آج نئی مانیٹری پالیسی کا اعلان کرے گا

اعلامیے میں کہا گیا کہ کمیٹی نے گذشتہ اجلاس کے بعد حالات میں  کئی اہم تبدیلیاں نوٹ کیں۔ جس سے یہ ظاہر ہوتا ہے کہ ملک کی حقیقی جی ڈی پی نمو مالی سال 23 کے دوران خاصی سست  ہوگئی ہے۔

اعلامیے میں کہا گیا کہ 9جون کو حکومت نے مالی سال 24 کے بجٹ کا اعلان کیا جس میں مالی سال 23 کے نظر ثانی شدہ تخمینوں کے مقابلے میں ایک تھوڑا تخفیفی مالیاتی موقف اختیار کیا گیا ہے۔

اعلامیے میں کہا گیا کہ اجناس کی عالمی قیمتیں اور مالی حالات  حال ہی میں کچھ بہتر ہوئے ہیں اور قلیل مدت میں توقع ہے کہ یونہی برقرار رہیں گے۔

کراچی: اسٹیٹ بینک آج نئی مانیٹری پالیسی کا اعلان کرے گا، بینک کو آئی ایم ایف کی جانب سے پالیسی ریٹ بڑھانے کا دباو موجود ہے۔

تفصیلات کے مطابق دولت پاکستان کی زری پالیسی کمیٹی کا اجلاس آ کراچی میں اسٹیٹ بینک آف پاکستان میں ہوگا، جس میں مانیٹری پالیسی کا فیصلہ کیا جائے گا۔

مانیٹری پالیسی کمیٹی کے اجلاس کے بعد مانیٹری پالیسی کا اعلان کیا جائے گا ، اسٹیٹ بینک مانیٹری پالیسی کا اعلان پریس ریلیز کے ذریعے کرے گا۔

معاشی ماہرین کا کہنا ہے کہ پچھلے کچھ دنوں میں پیٹرول کی قیمتیں کم ہونے اور ڈالر ریٹ میں استحکام کی وجہ سے مہنگائی میں تھوڑی کمی آئی ہے جس کے باعث یہ امید کی جا رہی ہے کہ اسٹیٹ بینک کی جانب سے پالیسی ریٹ میں کوئی رد بدل نہیں کہ جائے گی۔

معاشی ماہرین کا کہنا ہے کہ بینکوں کیلئے شرح سود اکیس فیصد پر برقرار رہے گا،  آئی ایم ایف کی جانب سے پالیسی ریٹ بڑھانے کا دباو موجود ہے۔

 اسٹیٹ بینک آئی ایم ایف کو خوش کرنے کیلئے پالیسی ریٹ میں اضافہ بھی کر سکتا ہے۔