یورپی ملک چیک ری پبلک کی کرسٹینا پیزکووا نے مِس ورلڈ کا ٹائٹل جیت لیا۔
تفصیلات کے مطابق یورپی بھارت کے شہر ممبئی میں ایک تقریب ہوئی جس میں کئی ممالک کی حسیناؤں نے شرکت کی جہاں چیک ری پبلک کی کرسٹینا پیزکووا نے مِس ورلڈ کا ٹائٹل جیت لیا۔
کرسٹینا پیزکووا ایک ماڈل ہیں، جو قانون اور بزنس کی تعلیم مکمل کر رہی ہیں انہیں سابق مِس ورلڈ کیرولینا بیلاوسکا نے نئی مِس ورلڈ کو تاج پہنایا۔
اس کے علاوہ مس لبنان یاسمینہ زیتون رنر اپ قرار پائیں جبکہ بھارتی حسینہ رنر اپ میں بھی جگہ نہیں بنا پائیں۔
آسٹریلیا سے تعلق رکھنے والی 23 سالہ ماڈل جو مس یونیورس کے مقابلے کی فائنلسٹ رہی تھیں، گھڑ سواری کے دوران حادثے کا شکار ہو کر ہلاک ہوگئیں۔
سنہ 2022 کی مس یونیورس فائنلسٹ اور آسٹریلوی فیشن ماڈل سینا ویر ایک المناک حادثے کا شکار ہو کر اپنی جان سے ہاتھ دھو بیٹھیں۔
View this post on Instagram
23 سالہ سینا ویر کو اپنے آبائی وطن آسٹریلیا میں گھوڑے پر سواری کے دوران ایک خطرناک حادثے کا سامنا کرنا پڑا، جس کے باعث وہ انتقال کر گئیں۔
بتایا جارہا ہے کہ گزشتہ ماہ کے آغاز میں سینا ویر آسٹریلیا کے ونڈسر پولو گراؤنڈز میں گھڑ سواری میں مصروف تھیں، جب وہ ایک المناک حادثے کا شکار ہوئیں اور ایک ماہ بستر پر رہنے کے بعد 4 مئی کو چل بسیں۔
ماڈل کو ان کی چوٹوں کی وجہ سے کئی ہفتوں تک لائف سپورٹ پر رکھا گیا تھا۔
سینا ویر کی موت کی خبر ان کے اہلخانہ نے انسٹاگرام پر شیئر کی، فیملی کی جانب سے جاری بیان میں کہا گیا کہ انہوں نے ماڈل کو لائف سپورٹ سے ہٹانے کا فیصلہ کیا۔
View this post on Instagram
ان کی ماڈلنگ ایجنسی سکوپ مینجمنٹ نے بھی ان کی موت کی تصدیق کی اور انسٹاگرام پر ان کی متعدد تصاویر شیئر کیں۔
سینا ویر 2022 کے آسٹریلیائی مس یونیورس مقابلے میں 27 فائنلسٹوں میں سے ایک تھیں۔
انہوں نے سڈنی یونیورسٹی سے انگریزی ادب اور نفسیات میں ڈبل ڈگری حاصل کی، ماضی میں دیے گئے انٹرویوز میں انہوں نے بتایا تھا کہ وہ اپنا کیریئر جاری رکھنے کے لیے برطانیہ جانے کی منصوبہ بندی کر رہی ہیں۔
کیا آپ تصویر دیکھ کر اس خاتون کی اصل عمر بتا سکتے ہیں؟
جاپان سے تعلق رکھنے والی ماڈل ریسا ہیراکو ماڈل ہے، یہ ماڈلنگ کے ساتھ ساتھ سوشل میڈیا پر اپنی عمر کے حوالے سے معروف ہیں۔
اس 20 سے 25 سال کی نظر آنے والی خاتون کی عمر 51 سال ہے، جی ہاں یہ ایک حیران کن بات ہے کہ اس خاتون کی عمر واقعی 51 سال ہے۔
اس خاتون کو دیکھ کر ایسا لگتا ہے کہ جسم پر عمر بڑھنے کے اثرات رک چکے ہیں کیوں کہ اس خاتون کو دیکھنے والوں کا یہی ماننا ہے کہ ان کی عمر 20 سے 25 سال کے درمیان ہوگی۔
View this post on Instagram
ماڈل ریساہیرا 1971 میں پیدا ہوئیں، ان کے بارے میں لوگوں کو تجسس ہے کہ ان کی عمر بڑھنے کے باوجود ان کے چہرے پر نشان یا جھریاں کیوں نہیں ہے۔
ریسا ہیرا ماڈلنگ کے علاوہ پروڈیوسر اور آرٹسٹ بھی ہیں، وہ اپنا زیادہ تر وقت گھومنے میں گزارتی ہیں۔
View this post on Instagram
ریسا ہیرا کا کہنا ہے کہ بالوں کا رنگ اور ہیئر کٹ شخصیت پر نمایاں اثرات مرتب کرتے ہیں، مگر ان کی خوب صورتی کا سب سے بڑا راز غذا ہے، وہ خالص غذا کو اہمیت دیتی ہیں۔
ماڈل کا کہنا تھا کہ میں خالص غذا کھانا پسند کرتی ہوں، اور سی فوڈ کا بھی زیادہ استعمال کرتی ہوں۔
معروف ماڈل اور اداکارہ زویا ناصر مداحوں کی تنقید سے پریشان ہوگئیں، انہوں نے وضاحت دی ہے کہ جس کمنٹ پر انہیں تنقید کا نشانہ بنایا جارہا ہے وہ کمنٹ انہوں نے کیا ہی نہیں۔
ماڈل زویا ناصر نے انجان لڑکی کے کمنٹ پر خود کو مینشن کرنے والے افراد پر برہمی کا اظہار کرتے ہوئے واضح کیا ہے کہ انہوں نے اداکارہ درفشاں پر تنقید نہیں کی۔
حال ہی میں درفشاں نے جب انسٹاگرام پر اپنی تصاویر شیئر کی تھیں تو ان پر زویا ناصر نامی لڑکی کے اکاؤنٹ سے درفشاں پر تنقید کی گئی تھی کہ اداکارہ نے تصاویر کو خوبصورت بنا کر اور ایڈٹ کر کے لگایا ہے، تاکہ دوسری خواتین پریشان ہوجائیں۔
زویا ناصر نامی لڑکی کے اکاؤنٹ سے کمنٹ کیے جانے کے بعد اگرچہ درفشاں نے انہیں بتایا تھا کہ وہ تصاویر ایڈٹ نہیں کرتیں بلکہ ایسے انداز میں کھنچواتی ہیں کہ وہ دبلی پتلی اور خوبصورت دکھائی دیتی ہیں۔
تاہم اس کے باوجود زویا ناصر 11 کے نام کی وجہ سے لوگوں نے اداکارہ زویا ناصر کو تنقید کا نشانہ بنایا اور انہیں ذاتی پیغامات بھیج کر برا بھلا کہا۔
لوگوں کی جانب سے تنقید کیے جانے کے بعد زویا ناصر نے وضاحت کی کہ انہوں نے درفشاں پر تنقید کی ہی نہیں۔
انہوں نے واضح کیا کہ زویا ناصر 11 نامی اکاؤنٹ کسی اور کا ہے اور ان کا نام صرف زویا ناصر ہے جب کہ پروفائل میں ان کی تصویر بھی ہے تو ان پر تنقید کرنے والے لوگ یہ بات دماغ میں بٹھالیں کہ درفشاں پر تنقید کرنے والی لڑکی کوئی اور ہے۔
انہوں نے اداکارہ درفشاں کی خوبصورتی اور ٹیلنٹ کی تعریف بھی کی اور کہا کہ وہ ایسی طبیعت ہی نہیں رکھتیں کہ کسی اور کے لیے ایسے نامناسب کمنٹس کریں۔
زویا ناصر نے مداحوں کو اپیل کی کہ وہ غلطی کو ٹھیک کرلیں اور یاد رکھیں کہ درفشاں پر تنقید کرنے والی زویا ناصر کوئی اور خاتون ہیں اور انہیں میسیج بھیج کر تنگ نہ کیا جائے۔
معروف ماڈل و اداکارہ متھیرا نے اپنی شادی شدہ زندگی کے بارے میں بتاتے ہوئے کہا کہ شادی کا رشتہ برقرار رکھنا دونوں فریقین کی ذمہ داری ہوتی ہے، کوئی ایک فریق اکیلا اس رشتے کو نہیں چلا سکتا۔
تفصیلات کے مطابق معروف اداکارہ متھیرا اے آر وائی نیوز کے پروگرام ہمارے مہمان کی مہمان بنیں۔ دوران گفتگو انہوں نے شادی شدہ زندگی سے متعلق اپنے خیالات شیئر کیے۔
متھیرا کا کہنا تھا کہ تشدد کرنے والے شوہر کے سدھرنے کی امید کرنا ایک قسم کی ذہنی غلامی ہے، ایک بار جب ہاتھ اٹھتا ہے تو وہ رکتا نہیں، اور تشدد کرنے والے کی عادت کبھی نہیں بدلتی۔
انہوں نے کہا کہ چونکہ مجھ پر بولڈ ہونے کی چھاپ تھی لہٰذا جب میری شادی ہوئی تو میں نے ایک عام گھریلو عورت سے دس گنا زیادہ کام کیے تاکہ کسی کو کچھ کہنے کا موقع نہ ملے۔
متھیرا کا کہنا تھا کہ شادی کو قائم رکھنے کے لیے ٹیم ورک کی طرح دونوں فریقین کو کوشش کرنی پڑتی ہے، صرف عورت کی قربانیوں یا برداشت سے یہ رشتہ نہیں چل سکتا، ایک کامیاب رشتہ وہی ہوتا ہے جس میں شامل تمام فریقین اس رشتے کو قائم رکھنے کی کوشش کریں۔
انہوں نے مزید کہا کہ ان کے خیال میں ایک کامیاب شادی کا راز ایک دوسرے کی عزت کرنے اور ایک دوسرے کا خیال رکھنے میں ہے۔
یاد رہے کہ متھیرا نے سنہ 2012 میں ایک گلوکار سے شادی کی تھی تاہم 2018 میں دونوں کے درمیان علیحدگی ہوگئی تھی، دونوں کا ایک بیٹا بھی ہے۔
کراچی: ماضی کی معروف ماڈل اور اداکارہ جیا علی کا کہنا ہے کہ انہیں ماڈلنگ کا جنون تھا لیکن ایک وقت ایسا آیا کہ انہوں نے ماڈلنگ کے لیے آہستہ آہستہ منع کرنا شروع کردیا تاکہ نئی ماڈلز کو موقع مل سکے۔
تفصیلات کے مطابق معروف ماڈل جیا علی اے آر وائی نیوز کے پروگرام ہمارے مہمان کی مہمان بنیں جس کے دوران انہوں نے اپنی زندگی کے متعلق بہت کچھ بتایا۔
جیا نے بتایا کہ انہیں سفید رنگ پہننا بہت پسند ہے، وہ بہت خوش لباس ہیں اور جو بھی پہنتی ہیں سب ان کی تعریف کرتے ہیں۔
سابق ماڈل نے بتایا کہ ماڈلنگ ان کا جنون تھا لیکن ایک وقت ایسا آیا کہ انہوں نے ماڈلنگ کے لیے آہستہ آہستہ منع کرنا شروع کردیا تاکہ نئی ماڈلز کو موقع مل سکے۔
انہوں نے کہا کہ لڑکیوں کے لیے میرا مشورہ ہے کہ وہ اپنی مرضی کے کسی بھی شعبے کو اختیار کریں لیکن اپنی بنیادی تعلیم ضرور مکمل کریں، اس سے شخصیت میں اعتماد پیدا ہوتا ہے۔
جیا علی کے شوہر عمران نے بتایا کہ ان دونوں کی شادی اچانک ہوئی، شادی سے قبل انہوں نے جیا کا کوئی ڈرامہ یا فلم نہیں دیکھا تھا۔
دونوں نے بتایا کہ وہ باشعور ہیں لہٰذا شادی کے فیصلہ کرتے ہوئے انہوں نے صرف ان چیزوں کے بارے میں سوچا جو معنی رکھتی ہیں۔
ماضی کی معروف ماڈل اور اداکارہ ونیزہ احمد کی شادی کی خبر انکے مداحوں اور دوستوں کو اچانک ملی تھی، کئی سالوں بعد ونیزہ احمد نے اس معاملے پرخاموشی توڑدی ہے۔
تفصیلات کے مطابق ونیزہ احمد نے اے آر وائی ڈیجیٹل کے پروگرام شان سحور میں میزبان ندا یاسر سے گفتگو کرتے ہوئے اپنی شادی کے بارے میں بتایا۔
انہوں نے بتایا کہ وہ اپنے شوہر کو 25 سال سے جانتی تھیں، اس وقت انہوں نے شادی کرنے کا سوچا لیکن حالات سازگار نہیں تھے۔
اس کے بعد وہ امریکا چلے گئے جبکہ ونیزہ اپنے کیریئر میں مصروف ہوگئیں۔
ونیزہ کے مطابق بہت سالوں بعد وہ واپس آئے تو انہوں نے پھر سے شادی کی پیشکش کی اور اس بار ونیزہ نے ہاں کردی۔
ونیزہ کا کہنا تھا کہ انہوں نے صرف 3 دن بعد ہی شادی کی تاریخ رکھ لی تھی کہ کہیں وہ پھر سے اپنا فیصلہ نہ بدل لیں، کیونکہ وہ شادی سے بہت خوفزدہ تھیں۔
انہوں نے مزید کہا کہ سادگی سے شادی کرنا ان کی ترجیحات میں شامل تھا لہٰذا یہ شرط تھی جو انھوں نے رکھی۔
اکثر اوقات جانوروں کی مختلف مزاحیہ حرکتوں کی ویڈیوز سامنے آتی رہتی ہیں جنہیں دیکھ کر بے اختیار ہنسی آجاتی ہے، اب حال ہی میں ایک گائے کی ایسی ہی ویڈیو نے سب کو ہنسنے پر مجبور کردیا۔
بھارت میں سوشل میڈیا پر وائرل اس ویڈیو میں ایک گائے کیٹ واک کے انداز میں چلتی ہوئی نظر آرہی ہے۔
یہ ویڈیو سنہ 2018 کی ہے لیکن اب اچانک دوبارہ سوشل میڈیا پر گردش کرنے لگی ہے، ویڈیو کو اب تک 80 لاکھ بار دیکھا جا چکا ہے۔
ทำไมเราต้องมานั่งขำอะไรแบบนี้ด้วยเนี่ย 5555555555555555 pic.twitter.com/peMruwBSm4
— ᴮᴱ ₇ (@emesspace) February 22, 2021
بعض سوشل میڈیا صارفین کا کہنا ہے کہ گائے کسی انجری یا بیماری کا شکار بھی ہوسکتی ہے اس وجہ سے اس کے چلنے کا انداز ایسا ہے۔
اس سے قبل گزشتہ دسمبر میں بھی ایک گائے کی ویڈیو وائرل ہوئی تھی جس میں وہ ایک ٹرالی رکشہ کے پیچھے دیوانہ وار بھاگ رہی تھی۔
بھارتی ریاست اڑیسہ میں پیش آنے والے اس واقعے میں رکشے میں موجود شخص گائے کے زخمی بچھڑے کو جانوروں کے ڈاکٹر کے پاس لے کر جارہا تھا اور اس کی بے چین ماں رکشے کے پیچھے بھاگ رہی تھی۔
ماں نے اس طرح 3 کلو میٹر کا سفر طے کیا تھا جہاں اس کے بچھڑے کو جانوروں کے ڈاکٹر تک پہنچایا گیا۔
لاہور: پاکستانی ماڈل و گلوکارہ ایان علی نے بھی ویڈیو شیئرنگ ایپ ٹک ٹاک جوائن کرلی، انہوں نے اپنی پہلی ٹک ٹاک ویڈیو مداحوں کے ساتھ شیئر کی۔
تفصیلات کے مطابق سماجی رابطے کی ویب سائٹ انسٹا گرام پر ایان علی نے اپنی ٹک ٹاک ویڈیو پوسٹ کی جو ان کی پہلی ٹک ٹاک ہے۔
یہ ویڈیو ان کی تصاویر پر مبنی ہے۔ انہوں نے مداحوں سے یہ بھی کہا کہ وہ ان کے حالیہ البم کے گانوں پر ٹک ٹاک ویڈیوز بنائیں اور ان کے ساتھ شیئر کریں۔
اس سے قبل ایک پوسٹ میں ایان علی نے مداحوں کو اپنے فلاحی ادارے کے بارے میں بھی بتایا تھا۔
انہوں نے بتایا تھا کہ ان کا ادارہ بی مائے فرینڈ آرگنائزیشن خواتین اور بچوں کو محفوظ اور بہتر زندگی فراہم کرنے کے لیے کام کر رہی ہے، جبکہ ادارے کے تحت انہیں تمام تر بنیادی ضروریات بھی مہیا کی جارہی ہیں۔
لاہور: وزیراعلیٰ پنجاب سردار عثمان بزدار کا کہنا ہے کہ جنوبی پنجاب کے سیکرٹریٹ کے منصوبوں کا سنگ بنیاد جلد رکھا جائےگا۔
تفصیلات کے مطابق وزیراعلیٰ پنجاب عثمان بزدار نے بہاولپور اور ملتان میں سول سیکرٹریٹ کے ماڈل کی منظوری دے دی۔دونوں شہروں میں سیکرٹریٹ کے منصوبوں کا سنگ بنیاد جلد رکھا جائےگا۔
عثمان بزدار نے کہا کہ پنجاب انفرا اسٹرکچر ڈویلپمنٹ اتھارٹی نے سیکرٹریٹ کے ماڈل تیار کیے، دونوں سول سیکرٹریٹ کو جدید ترین طرز پر تعمیر کیا جائے گا۔
وزیراعلیٰ پنجاب کا کہنا تھا کہ جنوبی پنجاب کے عوام سے کیا گیا ہر وعدہ پورا کریں گے،حکومت کھوکھلے نعروں پر نہیں عملی اقدام پر یقین رکھتی ہے۔
انہوں نے کہا کہ سابق حکومتیں وعدوں پر جنوبی پنجاب کے عوام کو بہلاتی رہیں،سابق دور میں جنوبی پنجاب کو بری طرح نظر انداز کیا گیا،جنوبی پنجاب کے فنڈز من پسند ضلعوں پر خرچ کیے گئے،جنوبی پنجاب کے لیے مخصوص فنڈ صرف وہاں ہی خرچ ہوں گے۔
فرائض میں غفلت برتنے والے افسر کو عہدے پر رہنے کا حق نہیں، عثمان بزدار
یاد رہے کہ دو روز قبل وزیراعلیٰ پنجاب عثمان بزدار کا کہنا تھا کہ سرکاری فرائض میں کوتاہی برداشت نہیں،فرائض میں غفلت برتنے والے افسر کو عہدے پر رہنے کا حق نہیں ہے۔