ARYNews.tv | Urdu – Har Lamha Bakhabar

Tag: ماڈل تھانے

  • کراچی میں ایک بار پھر ماڈل تھانے بنانے کا فیصلہ

    کراچی میں ایک بار پھر ماڈل تھانے بنانے کا فیصلہ

    کراچی: آئی جی سندھ غلام نبی میمن کی زیرصدارت اجلاس میں فیصلہ کیا گیا ہے کہ کراچی میں ایک مرتبہ پھر ماڈل تھانے بنائے جائیں گے۔

    آئی جی سندھ غلام نبی میمن کا کہنا تھا کہ تھانوں کی تنظیم نووقت کا تقاضاہے، چھوٹے تھانوں کو کیوں نہ بڑے تھانوں میں ضم کردیاجائے، انہوں نے کہا کہ تھانہ جات پر مشتمل پولیسنگ کی سطح کو درست کرنا ہوگا۔

    آئی جی سندھ نے کہا کہ کراچی میں 100سے زائد پولیس اسٹیشنز ہیں، پولیس کی استعدادکار میں اضافے کے لئے انتظامی اور مالیاتی امور کو بڑھانا ہوگا۔

    اس موقع پر ایڈیشنل آئی جی کراچی کی سربراہی میں کمیٹی تشکیل دے دی گئی، کمیٹی چھوٹے تھانوں کو بڑے تھانوں میں ضم کرنے پر سفارشات تیار کرے گی۔

    کمیٹی چھوٹے تھانوں کی چیک پوسٹس یارپورٹنگ سینٹرز میں تبدیلی سے متعلق رپورٹ بھی بنائے گی، جامع سفارشات پر مشتمل مسودہ تیار کرکے ارسال کیا جائے گا جبکہ اچھی شہرت کے حامل پولیس افسران کو تعینات کیا جائے گا۔

    ایڈیشنل آئی جی کراچی جاویدعالم نے کہا کہ شہری اوردیہی تھانوں کی پولیسنگ میں واضح فرق ہے، تھانوں کی تنظیم نو کے حوالے سے ایکسر سائزز ناگزیر ہوچکی ہیں۔

    ایڈیشنل آئی جی کراچی جاویدعالم اوڈھو نے آئی جی سندھ کے اقدام کو خوش آئند قرار دیا، جبکہ اجلاس میں صوبہ سندھ کے تمام متعلقہ افسران شریک ہوئے۔

  • ماڈل تھانے ختم کرنے کا فیصلہ، آج سے آغاز

    ماڈل تھانے ختم کرنے کا فیصلہ، آج سے آغاز

    کراچی: شہر قائد میں محکمہ پولیس نے ماڈل تھانے ختم کرنے کا فیصلہ کر لیا ہے، فیصلے کے بعد کراچی کے پہلے ماڈل تھانے کو ختم کر دیا گیا۔

    تفصیلات کے مطابق اے آر وائی نیوز نے 7 جون کو ماڈل تھانے ختم کرنے کے حوالے سے خبر نشر کی تھی، پولیس حکام کا کہنا ہے کہ اب ایڈیشنل آئی جی کراچی کی جانب سے زبانی احکامات جاری ہو گئے ہیں، پیر کے روز باقاعدہ آرڈر جاری کر دیا جائے گا۔

    یاد رہے کہ سابق ایڈیشنل آئی جی کراچی نے یہ ماڈل تھانےقائم کرائے تھے، جب کہ موجودہ ایڈیشنل آئی جی کراچی کی جانب سے متعلقہ افسران سے اس پر مشاورت کی گئی، اس سلسلے میں زون اور ڈسٹرکٹ افسران سے سفارشات اور رپورٹ طلب کی گئی ہے۔

    سابق اے آئی جی نے ماڈل تھانے قائم تو کر لیے تھے لیکن محکمہ داخلہ کی جانب سے ماڈل تھانوں کا نوٹیفکیشن جاری نہیں کیا گیا تھا۔

    آج سے فیصلے پر عمل درآمد شروع کر دیا گیا ہے، ماڈل تھانہ لیاقت آباد اور سپر مارکیٹ کو الگ کر دیا گیا، کامران حیدر کو ایس ایچ او سپر مارکیٹ تعینات کیا گیا ہے، جب کہ ایس ایچ او لیاقت آباد رضوان پٹیل کو برقرار رکھا گیا۔

    باقاعدہ فیصلہ کراچی پولیس چیف متعلقہ افسران کی رپورٹ آنے کے بعد جاری کریں گے، پیر کے روز ماڈل تھانے ختم کرنے کا نوٹیفکیشن جاری کر دیا جائے گا۔