Tag: ماڈل کورٹس

کراچی: ماڈل کورٹس کی کارکردگی کی بدولت ملک کے 4 اضلاع میں قتل کے کیسز کی تعداد صفر ہو گئی ہے۔

تفصیلات کے مطابق ماڈل کورٹس کی 15 روز کی کارکردگی رپورٹ جاری کی گئی ہے، ان پندرہ دنوں میں ماڈل عدالتوں نے قتل کے 93 اور منشیات کے 393 مقدمات کے فیصلے کیے، اور اس دوران 2676 گواہان کے بیانات قلم بند کیے گئے۔

رپورٹ کے مطابق ملک کے متعد اضلاع اور تحصیلوں میں مختلف کیسز کی تعداد صفر ہو گئی ہے، جب کہ قتل کی کیٹگری میں 4 اضلاع میں کیسز کی تعداد زیرو ہو گئے ہیں۔

قتل کی کیٹیگری میں صفر کیسز والے اضلاع میں بلوچستان کے خاران، مستونگ، ژوب اور سبی شامل ہیں، منشیات کی کیٹیگری میں بھی تربت، مستونگ، ژوب، خاران اور سبی میں کیسز کی تعداد کم رہی۔

پنجاب میں قتل کے 34 اور منشیات کے 89 مقدمات کے فیصلے کیے گئے، اسلام آباد میں قتل کے 1، منشیات کے 6 مقدمات کے فیصلے کیے گئے۔

خیبر پختون خوا میں قتل کے 19، اور منشیات کے 87 مقدمات کے فیصلے کیے گئے، سندھ میں قتل کے 38، اور منشیات کے 209 مقدمات کے فیصلے کیے گئے، جب کہ بلوچستان میں قتل کے 1 اور منشیات کے 2 مقدمات کے فیصلے ہوئے۔

اسلام آباد: مقدمات کو تیزی سے نمٹانے کے لیے پاکستان میں قائم 465 ماڈل کورٹس نے اہم سنگ میل عبور کر لیا ہے، ڈی جی ماڈل کورٹس سہیل ناصر کا کہنا ہے کہ 167 دنوں میں عدالتوں میں 50 ہزار 743 مقدمات کا فیصلہ ہو گیا۔

تفصیلات کے مطابق پاکستان میں قائم تیز ترین ماڈل عدالتوں نے صرف 167 دنوں میں پچاس ہزار سے زائد مقدمات نمٹا کر اہم سنگ میل عبور کر لیا ہے۔

چیف جسٹس پاکستان آصف سعید کھوسہ نے ماڈل کورٹس کے ججوں اور مجسٹریٹس کو سنگ میل عبور کرنے پر مبارک باد دیتے ہوئے انھیں جوڈیشل ہیروز کا خطاب دیا۔

ماڈل کورٹس آف پاکستان کے ڈائریکٹر جنرل سہیل ناصر نے کہا ہے کہ اب تک جتنے مقدمات نمٹائے گئے ہیں ان میں قتل کے 7 ہزار 356، منشیات کے 12 ہزار 168 اور فوجداری 13 ہزار 571 مقدمات شامل ہیں۔

انھوں نے بتایا کہ مقدمات کی سماعت کے دوران ایک لاکھ 24 ہزار 669 گواہان کے بیان قلم بند کیے گئے، 11 ہزار 330 دیوانی اپیلیں، 5560 فیملی، 785 کرایہ داری اپیلوں کا فیصلہ کیا گیا۔

ڈی جی کا کہنا تھا ماڈل عدالتوں کی یہ کام یابی ججوں، وکلا، پولیس، پراسیکیوشن، محکمہ صحت اور دیگر اداروں کے تعاون کا نتیجہ ہے۔

خیال رہے کہ رواں سال مارچ میں چیف جسٹس آصف سعید کھوسہ کی سربراہی میں قومی عدالتی پالیسی ساز کمیٹی نے فیصلہ کیا تھا کہ مقدمات ایک سے دوسری نسل تک چلنے کی کہانی اب ختم کر دی جائے گی، اور فوری انصاف کی فراہمی کے لیے ملک بھر میں ماڈل عدالتیں بنیں گی، اور ان ماڈل کورٹس میں کارروائی روزانہ کی بنیاد پر ہوگی۔

اسلام آباد: پاکستان کی ماڈل کورٹس نے 373 مقدمات کا فیصلہ سنا دیا جس کے تحت ایک مجرم کو سزائے موت اور 8 کو عمر قید کی سزا سنائی گئی۔

تفصیلات کے مطابق سپریم کورٹ کی ہدایت پر بننے والی ماڈل کورٹس میں تیز ترین سماعتوں کا سلسلہ جاری ہے، مانیٹرنگ سیل کی جانب سے جاری اعلامیے کے مطابق 9 اکتوبر کو ملک بھر کی عدالتوں نے 579 مقدمات نمٹائے۔ ملک بھر کی 167 ماڈل کورٹس نے 46 قتل، 83 منشیا ت کے مقدمات کا فیصلہ سنایا، عدالتوں نے کُل 788 گواہان کے بیانات قلم بند کیے۔

اعلامیے کے مطابق پنجاب میں قتل کے 11 اور منشیات کے 39، اسلام آباد میں قتل کا 1، سندھ میں قتل کے 20 اور منشیات کے 9، خیبرپختونخواہ ، بلوچستان میں بالترتیب قتل کے 12، 2 اور منشیات کے 33، 2 مقدمات نمٹائے گئے۔

مجموعی طور پر ایک مجرم کو سزائے موت اور 8 کو عمر قید کی سزا سنائی گئی جبکہ دیگر27 مجرمان کو 33سال قید اور 29 لاکھ 29 ہزار روپے جرمانہ کیا گیا۔

اسی طرح  96سول ایپلٹ ماڈل کورٹس نے آج مجموعی طور پر 266دیوانی، فیملی اور رینٹ اپیلوں و درخوست نگرانی کے فیصلے کر دیے جبکہ 110 ماڈل مجسٹریٹس عدالتوں نے184مقدمات کے فیصلے کر دیے۔

ان عدالتوں نے523گواہان کے بیانات قلمبند کیے۔مجموعی طور پر 65مجرمان کو 29سال،5ماہ قید اور 3189682روپے جرمانہ کی سزا سنائی گئی۔

اسلام آباد: پاکستان کی ماڈل کورٹس میں مقدمات کی تیز ترین سماعتوں کا سلسلہ جاری ہے، 373 ماڈل عدالتوں نے آج مجموعی طور پر 496 مقدمات کا فیصلہ سنایا۔

تفصیلات کے مطابق زیر التوا مقدمات کی تیز ترین سماعت کے لیے قائم کی گئی عدالتوں کی کارکردگی جاری ہے، 167 ماڈل کورٹس نے آج قتل اور منشیات کے 103 مقدمات کا فیصلہ سنایا۔

اعلامیے کے مطابق تمام عدالتوں نے کُل 647 گواہان کے بیانات قلم بند کیے، تمام عدالتوں نے 5 مجرموں کو سزائے موت جب کہ 4 کوعمر قید کی سزا سنائی، جب کہ 35 مجرموں کو 41 سال 5 ماہ قید، 2287300 روپے جرمانے کی سزا دی گئی۔

96 سول ایپلٹ ماڈل کورٹس نے 210 دیوانی، فیملی، رینٹ اپیلوں کے فیصلے کیے، 110 ماڈل مجسٹریٹس عدالتوں نے 183 مقدمات کے فیصلے کیے، ان تمام عدالتوں نے 55 مجرموں کو 30 سال قید اور 287400 روپے جرمانہ کیا۔

یہ بھی پڑھیں:  ماڈل کورٹس کی تیز ترین سماعتیں جاری، 418 نمٹا دیے، 6 مجرمان کو سزائے موت

ماڈل عدالتیں سپریم کورٹ آف پاکستان کی خصوصی ہدایت پر بنائی گئی ہیں، جو ہزاروں زیر التوا کیسز کو تیز ترین سماعت کے ذریعے نمٹا رہی ہیں۔

یاد رہے کہ 4 اکتوبر کو ان عدالتوں نے 418 مقدمات نمٹائے تھے، 6 مجرموں کو سزائے موت اور 13 کو عمر قید کی سزا سنائی گئی، 27 مجرموں کو کُل 82 سال 5 ماہ 3 دن قید اور 48 لاکھ 43 ہزار روپے سے زیادہ جرمانہ عائد کیا گیا۔

ماڈل مجسٹریٹس عدالتوں نے 169 مقدمات کے فیصلے کیے جن میں 71 مجرموں کو 77 سال، 2 ماہ قید، 4409410 روپے جرمانے کی سزا سنائی گئی۔

اسلام آباد: سپریم کورٹ کی ہدایت پر بنائے جانے والے ماڈل کورٹس میں تیز ترین سماعتوں کا سلسلہ جاری ہے، 373 عدالتوں نے 418 مقدمات نمٹا دیے۔

تفصیلات کے مطابق ملک بھرکےماڈل کورٹس میں مقدمات کی تیزترین سماعت کہ سلسلہ جاری ہے، پاکستان بھر میں قائم 373ماڈل کورٹس نےآج مجموعی طورپر418مقدمات کافیصلہ سنایا۔

اعلامیے کے مطابق 167 ماڈل کورٹس نےقتل  اور منشیات کے94مقدمات کافیصلہ سنایا جن میں سے 6 مجرمان کو سزائے موت اور 13 کو عمر قید کی سزا سنائی گئی جبکہ دیگر27 مجرمان کو کل 82 سال 5 ماہ 3 دن قید اور 48 لاکھ 43 ہزار روپے سے زیادہ جرمانہ عائد کیا گیا۔

اسی طرح 96سول ایپلٹ ماڈل کورٹس نے155دیوانی،فیملی،رینٹ اپیلوں فیصلےکیے، 110ماڈل مجسٹریٹس عدالتوں نے169مقدمات کےفیصلےکیے جن میں 71مجرمان کو77سال،2ماہ قید، 4409410روپےجرمانے کی سزا سنائی گئی۔

یاد رہے کہ ملک بھر میں قائم ہونے والی ماڈل کورٹس نے 27 ستمبر کو 373 کیسز نمٹاتے ہوئے 5 مجرمان کو سزائے موت سنائی تھی۔ پاکستان بھر کی ماڈل کورٹس نے 27 ستمبر کو ملک کے مختلف علاقوں میں قائم کردہ 167 کورٹس نے 373 مقدمات کا فیصلہ سنایا تھا۔