Tag: ماہانہ ایڈجسٹمنٹ

اسلام آباد : کے الیکٹرک صارفین کے لئے اچھی خبر آگئی ، فیول ایڈجسٹمنٹ کی مد میں بڑا ریلیف ملنے کا امکان ہے۔

تفصیلات کے مطابق کراچی کے لیے ماہانہ ایڈجسٹمنٹ میں بجلی کی قیمت میں کمی کا امکان ہے، کے الیکٹرک نے جنوری 2025 کی ماہانہ ایڈجسٹمنٹ کی درخواست نیپرا میں جمع کرادی ہے۔

کے ای نے جنوری کی ایڈجسٹمنٹ میں 4 روپے 84 پیسے فی یونٹ کمی مانگی ہے ، درخواست کے مطابق اس کمی سے 4 ارب 69 کروڑ 50 لاکھ روپے بنتے ہیں۔

نیپرا کے ای کی جنوری کی درخواست پر 20 مارچ کو سماعت کرے گی۔

یاد رہے نیشنل الیکٹرک پاور ریگولیٹری اتھارٹی (نیپرا) نے کے ای کی عبوری ماہانہ فیول چارجز ایڈجسٹمنٹ (ایف سی اے) کی درخواست پر اپنا فیصلہ جاری کیا تھا ، جس میں دسمبر 2024 کے لیے 3روپے فی کلو واٹ کا ریلیف دیا گیا ہے، یہ ریلیف صارفین کو اُن کے مارچ 2025ء کے بلوں کے ذریعے منتقل کیا جائے گا۔

ریگولیٹری اتھارٹی کے فیصلے کے مطابق ایف سی اے کا اطلاق لائف لائن صارفین، ڈومیسٹک پروٹیکٹڈ صارفین، الیکٹرک وہیکل چارجز اسٹیشنز (EVCS) اورپری پیڈ صارفین کے علاوہ تمام کیٹیگریز کے صارفین ہوگا جنہوں نے پری پیڈ ٹیرف کا انتخاب کیا ہے۔

کراچی : کراچی کے صارفین کو ماہانہ ایڈجسٹمنٹ میں بڑے ریلیف سے محروم کردیا گیا ، صارفین کو مزید پانچ ارب چوالیس کروڑ روپے کا فائدہ منتقل نہ ہوسکا۔

تفصیلات کے مطابق نیپرا نے کراچی والوں کو ماہانہ ایڈجسٹمنٹ میں بڑے ریلیف سے محروم کردیا۔

نومبر کی ایڈجسٹمنٹ میں پانچ روپے کمی بنتی تھی، مگر ایک روپے 23 پیسے فی یونٹ کمی کی گئی، جس سے کے الیکٹرک صارفین کو مزید پانچ ارب چوالیس کروڑ روپے کا فائدہ منتقل نہ ہوسکا۔

ممبر ٹیرف نیپرا مطہر نیاز رانا کا اختلافی فیصلہ سامنے آگیا ہے ، جس میں ممبر ٹیرف نیپرا نے کے ای صارفین کو پورا ریلیف نہ دینے کے فیصلے کی مخالفت کی۔

کے ای نے نومبر کی ایڈجسٹمنٹ میں چار روپے اٹھانوے پیسے فی یونٹ کمی مانگی تھی اور نومبرکی اصل ایڈجسٹمنٹ پانچ روپے فی یونٹ کمی بنتی ہے۔

نومبر کی ایڈجسٹمنٹ کی کمی سات ارب اکیس کروڑ پچاس لاکھ روپے بنتی ہے جبکہ پینڈنگ کاسٹ میں پانچ ارب چوالیس کروڑروپے کو ایڈجسٹمنٹ کیا گیا۔

ممبر ٹیرف نے اختلافی نوٹ میں لکھا کے ای صارفین کیلئے پانچ ارب چوالیس کروڑ روپے کمی کا فائدہ نہیں روکنا چاہیے، صارفین کو نومبر کی ایڈجسٹمنٹ کا پورا فائدہ ملنا چاہیے۔

اسلام آباد : کے الیکٹرک صارفین کو نومبر کے بل میں کتنے روپے فی یونٹ اضافی دینے ہوں گے؟ اس حوالے سے اہم خبر آگئی۔

تفصیلات کے مطابق کے الیکٹرک صارفین پر ماہانہ ایڈجسٹمنٹ کا بوجھ مزید بڑھ گیا ، نومبر میں کے ای صارفین ماہانہ ایڈجسٹمنٹ میں 2.17 روپے فی یونٹ اضافی دینے ہوں گے۔

اکتوبر کے مقابلے رواں ماہ کے ای صارفین ایڈجسٹمنٹ میں 58 پیسے فی یونٹ اضافی دیں گے، نومبر میں جون 2024 کی ایڈجسٹمنٹ میں کے ای صارفین 3.17 روپے فی یونٹ دیں گے۔

سہ ماہی ایڈجسٹمنٹ ملا کر کے ای صارفین نومبر میں4.91 روپےفی یونٹ اداکریں گے۔

اکتوبر میں کے ای صارفین کیلئے مئی 2024 کی ایڈجسٹمنٹ کا بوجھ 2.59 روپے فی یونٹ تھا جبکہ ستمبر 2024 میں کراچی والوں کے لیے ماہانہ ایڈجسٹمنٹ کا بوجھ ایک روپے فی یونٹ تھا۔

نومبر میں کے ای صارفین سہ ماہی ایڈجسٹمنٹ میں 1.74 روپے فی یونٹ الگ سے دیں گے، اپریل تا جون 2024 کی سہ ماہی ایڈجسٹمنٹ کے تحت کے ای صارفین سے وصولی ہوگی۔

دسمبر میں کے ای صارفین جولائی 2024 کی ایڈجسٹمنٹ میں 3.03 روپے فی یونٹ دیں گے۔

نیپرا سے کے الیکٹرک کے لیے اگست 2024 کی ماہانہ ایڈجسٹمنٹ کا فیصلہ آنا ابھی باقی ہے ، کے ای نے اگست کی ایڈجسٹمنٹ میں51 پیسےفی یونٹ کا اضافہ مانگ رکھا ہے۔