Tag: ماہرہ خان

عالمی شہرت یافتہ پاکستانی اداکارہ ماہرہ خان نے انکشاف کیا ہے کہ انہیں بھارتی ویب سیریز ’ہیرا منڈی‘ 15 سال قبل آفر ہوئی تھی۔

اداکارہ ماہرہ خان نے حالیہ انٹرویو میں انکشاف کیا کہ وہ ایک دوست کی شادی میں شرکت کے لیے ممبئی میں موجود تھی جب انہیں سنجے لیلا بھنسالی نے ’ہیرا منڈی‘ آفر کی تھی۔

ماہرہ خان نے کہا کہ ان کی دوست اپنی شادی کا جوڑا پسند کرنے کے لیے رضوان بیگ اور معین بیگ ڈیزائنر کے پاس موجود تھیں جب وہ ایک پاکستانی اداکارہ کی تلاش سے متعلق بات کررہے تھے۔

ماہرہ کے مطابق ان کی دوست رضوان بیگ کو انہیں کاسٹ کرنے کا مشورہ دیا تھا جو اس وقت بطور وی جے ٹی وی پر کام کررہی تھیں۔

اداکارہ کے مطابق ان کی ہدایت کار سنجے لیلا بھنسالی سے ملاقات کروائی گئی اور انہوں نے ہیرا منڈی میں انہیں کاسٹ کرنے کی خواہش ظاہر کی تھی۔

 

View this post on Instagram

 

A post shared by Galaxy Lollywood (@galaxylollywood)

انہوں نے بتایا کہ بدقسمتی سے اس کے بعد تاج کا واقعہ پیش آیا اور دونوں ممالک کے درمیان تعلقات کشیدہ ہوگئے جبکہ سجے لیلیٰ بھنسالی اس وقت رنبیر کپور اور سونم کپور کی ڈیبیو فلم ’سانوریا‘ میں مصروف تھے۔

واضح رہے کہ آٹھ قسطوں پر مشتمل ’ہیرا منڈی دی ڈائمنڈ بازار‘ میں ادیتی راؤ حیدری، ریچا چڈھا، شرمین سیگل، منیشا کوئرالہ، سوناکشی سنہا، سنجیدہ شیخ، نیٹ فلکس پر ریلیز کی گئی۔

کراچی: عالمی شہرت یافتہ پاکستانی اداکارہ ماہرہ خان نے انکشاف کیا ہے کہ وہ عبایا پہن کر کراچی کے مختلف مقامات پر جاچکی ہیں۔

اے آر وائی نیوز کے مطابق 17ویں عالمی اردو کانفرنس ’میں ہوں کراچی‘ سیشن جاری ہے جس میں اداکارہ ماہرہ خان نے بطور مہمان شرکت کی۔

انہوں نے کہا کہ شکر ہے کراچی کا موسم کچھ بہتر ہوا ہے، ایسے ایونٹس کرنا بہت بڑی بات ہے، میں کراچی میں پیدا ہوئی، 21 دسمبر کو میری سالگرہ ہے، میرا گھر کراچی میں ہی ہے اور میرا تعلق اسی شہر سے ہے۔

ماہرہ خان نے کہا کہ میرا اور کراچی کا زندگی بھر کا تعلق ہے، مجھے زینب مارکیٹ جانا بے حد پسند تھا، مجھے میرا بچپن یاد آجاتا ہے۔

انہوں نے انکشاف کیا کہ میں کئی بارعبایا پہن کر کراچی کے مختلف مقامات پر گئی ہوں۔

اداکارہ نے گھر میں چوری کا حال سناتے ہوئے کہا کہ گھر کا ڈرائیور ہی چوری کی واردات میں ملوث تھا۔

اس سے قبل ایک انٹرویو میں انہوں نے بتایا تھا کہ مجھے میرے شوہر کی طرف سے ملنے والے تمام تحائف بہت پسند ہیں لیکن میں نے اپنا پسندیدہ آخری تحفہ کھو دیا ہے، مجھے لگتا ہے کہ کسی نے اسے چوری کر لیا ہے اور جس نے بھی ایسا کیا ہے وہ یقیناً جہنم میں جائے گا کیونکہ میرے شوہر کا خیال ہے کہ میں نے اسے جان بوجھ کر کھو دیا لیکن میں نے ایسا نہیں کیا۔

ماہرہ خان نے کہا تھا کہ میرے شوہر مجھے جتنے بھی تحائف دیتے ہیں، ان میں سے مجھے وہ خوبصورت چوڑیاں سب سے زیادہ پسند ہیں جو وہ مجھے ہر عید پر دیتے ہیں۔

واضح رہے کہ گزشتہ سال اکتوبر میں ماہرہ خان اور سلیم کریم رشتہ ازدواج میں منسلک ہوئے تھے جس کی تصاویر اور ویڈیوز سوشل میڈیا پر وائرل ہوگئی تھیں۔

عالمی شہرت یافتہ پاکستانی اداکارہ ماہرہ خان نے انکشاف کیا ہے کہ وہ رئیس میں کام کرنے کے بعد تنقید کیے جانے پر ڈپریشن کا شکار ہوگئی تھیں۔

اداکارہ ماہرہ خان نے حال ہی میں پوڈ کاسٹ میں شرکت کی اور اس دوران نجی زندگی سمیت دیگر موضوعات پر اپنی رائے کا اظہار کیا۔

انہوں نے کہا کہ ڈپریشن یا ذہنی مسائل سے گزرنے والے افراد کو شرمندگی محسوس کرنے کے بجائے اپنی حالت کے بارے میں بات کرنی چاہیے اور ماہرین سے رجوع کرنا چاہیے۔

ماہرہ نے انکشاف کیا کہ 2016 میں بالی ووڈ کی فلم رئیس میں کام کرنے کے بعد بھارتی میڈیا اور سوشل میڈیا پر ہونے والی تنقید نے انہیں ڈپریشن کا شکار بنا دیا تھا۔

اداکارہ نے بتایا کہ اس مشکل وقت میں انہیں دوستوں، اہلخانہ اور بیٹے کی مدد کے ساتھ ساتھ ادویات اور روحانی تسکین سے بہت سہارا ملا اور وہ زندگی کی طرف واپس لوٹنے میں کامیاب رہیں۔

 

View this post on Instagram

 

A post shared by Galaxy Lollywood (@galaxylollywood)

ماہرہ خان نے کہا کہ ڈپریشن ایک بیماری ہے جس کا علاج موجود ہے اور اس  پر بات کرنا یا مدد مانگنا کسی کمزوری کی علامت نہیں ہے۔

ان کے مطابق ڈپریشن ایک کیمیائی عدم توازن کی وجہ سے پیدا ہوتا ہے جس کے پیچھے مختلف اسباب ہوسکتے ہیں لیکن یہ ایک قابل علاج مرض ہے، مشکل وقت میں ادویات نے سب سے زیادہ مدد کی اور وہ خدا کے قریب ہوگئیں۔

پاکستان شوبز انڈسٹری کی معروف اداکارہ ماہرہ خان اور اداکار ہمایوں سعید کی نئی فلم لوو گرو سے متعلق اہم خبر آگئی ہے۔

اداکارہ ماہرہ خان نے منگل کو لندن میں ایک تقریب کے دوران میڈیا سے گفتگو میں کہا کہ گذشتہ مہینے سے ایک پراجیکٹ کی شوٹنگ میں مصروف ہوں، یہ ہماری نئی آنے والی فلم ’لوو گرو‘ ہے جسے اگلے سال عید پر ریلیز کی جائے گی۔

رپورٹ کے مطابق فلم میں ماہر خان کے علاوہ  ہمایوں سعید اور احمد علی بٹ بھی جلوہ گر ہوں گے، فلم کی ہیروئن ماہرہ خان ہوں گی جن کے مقابلے میں ہمایوں سعید ہیرو کا کردار ادا کریں گے۔

 ماہرہ خان نے لندن میں مداحوں کی جانب سے ملنے والی پذیرائی پر خوشی کا اظہار کیا اور اپنے فینز کا شکریہ ادا کیا، یاد رہے کہ پاکستان کی فلمی صنعت گزشتہ دہائی میں کئی فلموں کی ریلیز کے سبب بحالی کی جانب گامزن ہے۔

پاکستانی سپراسٹار ماہرہ خان کو فلم رئیس میں شاہ رخ خان کے ساتھ کاسٹ کرنے کا مشورہ ان کی ساس اور گوری خان کی ماں نے دیا تھا۔

فلم رئیس کے ڈائریکٹر راہول ڈھولکیا نے بتایا کہ گوری کی ماں نے ماہرہ کو دیکھا تھا اور میری ماں نے بھی انھیں کسی پاکستانی ٹیلی ویژن ڈرامے میں دیکھا تھا، دونوں نے کہا کہ یہ لڑکی اچھی ہے، فلم کی کاسٹنگ کے وقت ماہرہ خان ممبئی میں ہی تھیں۔

راہول نے بتایا کہ ہنی ٹریہن ہماری فلم لیے کاسٹ کر رہے تھے، وہ ماہرہ کو جانتے ہیں انھوں نے کہا میں اسے کل لاؤں گا، آپ ان سے آڈیشن لے سکتے ہیں، ان کے آڈیشن کے بعد میں نے اعلان کیا کہ مجھے اپنی آسیہ مل گئی ہے۔

یوٹیوب چینل پر کاسٹنگ ڈائریکٹر مکیش چھابڑا کے ساتھ ایک انٹرویو میں ہدایت کار راہول ڈھولکیا نے بتایا کہ بہت سی معروف خواتین جن میں دیپیکا پڈوکون، کرینہ کپور اور انوشکا شرما شامل ہیں انھیں شاہ رخ کے مقابل کردار ادا کرنے کے لیے کاسٹ کرنے پر غور کیا جارہا تھا۔

یہ کردار بالآخر ماہرہ کی گود میں گرا کیوں کہ وہ کاسٹنگ کے عمل کے دوران اتفاق سے ممبئی میں تھیں، ہم چاہتے تھے کہ کوئی اداکار 1980 کی دہائی کی مسلم لڑکی کا کردار ادا کرے۔

راہول نے انٹرویو کے دوران بتایا کہ ہماری پہلی ترجیح ایک ایسی اداکارہ تھی جس میں ہندی بولنے کی مہارت ہو، اور اگر اس کے پاس تھوڑی سی اردو زبان کی بھی سوجھ بوجھ ہو تو بہتر ہے۔

ہدایت کار نے بتایا کہ ہم یہ بھی چاہتے تھے کہ ہماری ہیروئن کی معصومیت دکھے کیوں کہ شاہ رخ 50 سال کے تھے اس لیے ہمیں ایک ہیروئن چاہیے جو کم از کم 30 سال کی ہو۔

فواد خان اور ماہرہ کی فلم دی لیجنڈ آف مولا جٹ کی بھارت میں ریلیز کی تاریخ سامنے آگئی، مداحوں ریلیز کے حوالے سے کافی جوش و خروش پایا جاتا ہے۔

دی لیجنڈ آف مولا جٹ 2 اکتوبر کو ریلیز ہوگی، 10 سال بعد بھارت میں ریلیز ہونے والی یہ پہلی پاکستانی فلم ہوگی، 2016 میں اڑی واقعے کو بہانہ بنا کر بھارت میں پاکستانی فنکاروں پر پابندی عائد کی گئی تھی، تاہم اب بھارتی پنجاب میں پاکستانی سپرہٹ فلم کو ریلیز کیا جارہا ہے۔

فلم ‘دی لیجنڈ آف مولا جٹ’ کے بھارتی ڈسٹری بیوٹر ندیم منڈی والا نے بھارتی ذرائع ابلاغ سے گفتگو میں بتایا کہ وہ فلم کو پورے بھارت میں نہیں بلکہ صرف ریاست پنجاب میں ریلیز کر رہے ہیں، اُمید ہے کہ ‘دی لیجنڈ آف مولا جٹ’ بھارت میں غیر معمولی بزنس کر سکتی ہے۔

ندیم منڈی والا نے کہا کہ یہ فلم ابھی تک کسی بھی او ٹی ٹی پلیٹ فارم پر دستیاب نہیں ہے، تاہم فلم دنیا بھرمیں اپنی ریلیز کے دو سال بعد بھارت میں ریلیز ہورہی ہے۔

پاکستانی فلم بھارتی سنیما کے مرکز ممبئی میں ریلیز نہیں ہوگی جس سے بھارتی شائقین میں مایوسی پائی جاتی ہے، یہ فیصلہ بھارتی سیاست دان راج ٹھاکرے کی جانب سے فلم کی ریلیز کے خلاف دھمکی کے بعد آیا ہے، فلم کی بھارت میں ریلیز کو تنازعات کا سامنا کرنا پڑا ہے۔

یہ بات بھی قابل ذکر ہے کہ نومبر 2023 میں بھارتی سپریم کورٹ نے پاکستانی فنکاروں پر بھارت میں پرفارم کرنے یا کام کرنے پر مکمل پابندی لگانے کی درخواست کو مسترد کر دیا تھا۔

پاکستانی سپرہٹ فلم کے ہدایتکار بلال لاشاری نے بھی اس سے قبل انسٹاگرام پوسٹ میں اعلان کیا تھا کہ فلم اگلے ماہ 2 اکتوبر کو بھارتی پنجاب میں ریلیز کی جائے گی۔

1979 کی سپرہٹ پاکستانی فلم ’مولا جٹ‘ کے ری میک ’دی لیجنڈ آف مولا جٹ‘2022 میں پاکستان اور دنیا بھر میں ریلیز ہوئی تھی جبکہ فلم نے غیر معمولی طور پر 200 کروڑ سے زائد کا بزنس کیا تھا۔