ARYNews.tv | Urdu – Har Lamha Bakhabar

Tag: ماہرہ خان

  • بچوں کے ساتھ ہونے والی زیادتیوں کو کیسے روکنا ہے، شوبز ستاروں اور سابق کرکٹر نے صدا بلند کردی

    بچوں کے ساتھ ہونے والی زیادتیوں کو کیسے روکنا ہے، شوبز ستاروں اور سابق کرکٹر نے صدا بلند کردی

    کراچی: شوبز ستاروں اور سابق کرکٹر یونس خان نے بچوں کے ساتھ ہونے والی زیادتیوں کو روکنے اور انہیں آگاہی فراہم کرنے کے لیے صدا بلند کردی۔

    تفصیلات کے مطابق کراچی پریس کلب میں ہونے والی پریس کانفرنس سے خطاب کرتے ہوئے معروف اداکارہ ماہرہ خان، زندگی ٹرسٹ کے روح رواں شہزاد رائے ودیگر نے کہا کہ بچوں کو اچھے اور برے انداز میں چھونے سے متعلق آگاہی فراہم کرنی ہے، تعلیمی اداروں کے نصاب میں اس کی موجودگی بہت ضروری ہے۔

    زندگی ٹرسٹ کے سی ای او شہزاد رائے کا کہنا تھا کہ بچوں کو آگاہی دینے کے لیے ایک تعلیمی پروگرام ترتیب دیا ہے، حکومت سے بات بھی کی ہے لیکن پنجاب اور خیبرپختونخوا کے تعلیمی اداروں میں ابھی تک اس کا نفاذ نہیں ہوسکا ہے۔

    معروف اداکارہ ماہرہ خان نے کہا کہ بچوں زیادتی کے بہت کم واقعات رپورٹ ہوتے ہیں ایسے واقعات کو رپورٹ کرنا ہوگا۔

    معروف اداکارہ زیبا بختیار نے کہا کہ 1990 سے بچوں کے ساتھ ہونے والے واقعات کو اٹھا رہی ہوں، اب وقت آگیا ہے کہ اس موضوع پر بحث کی جائے اور والدین اپنے بچوں کی حفاظت کریں۔

    قومی کرکٹ ٹیم کے سابق کپتان یونس خان کا کہنا تھا کہ بچوں کے ساتھ ہونے والے زیادتی کے واقعات کو رپورٹ کرنا ہوگا، معاشرے میں اس حوالے سے شعور اجاگر کرنے کی ضرورت ہے۔

    پریس کانفرنس میں شریک سماجی شخصیات نے اس عزم کا اظہار کیا کہ ملکی سطح پر بچوں کے ساتھ ہونے والے زیادتی کے واقعات کی روک تھام کے لیے تمام طبقات کے ساتھ مل کر چلیں گے اور معصوم بچوں کو بہتر مستقبل فراہم کریں گے۔

  • دنیا کی پرکشش شخصیات کی فہرست میں 4 پاکستانی شامل

    دنیا کی پرکشش شخصیات کی فہرست میں 4 پاکستانی شامل

    کراچی: دنیا کے 100 خوبصورت اور پرکشش شخصیات کی فہرست جاری کردی گئی ہے جس میں اداکار فواد خان، عمران عباس، اداکارہ ماہرہ خان اور گلوکارہ مومنہ مستحسن کو نامزد کیا گیا ہے۔

    ٹی سی کینڈلز کی جانب سے ہر سال دنیا بھر سے 100 پرکشش شخصیات کی فہرست جاری کی جاتی ہے، پاکستانی اداکاروں کے ساتھ اس فہرست میں کورین اداکار لی من ہو، اداکار ایان سمر ہالڈر ودیگر شامل ہیں۔

    فہرست میں بھارتی اداکار شاہ رخ خان، سلمان خان، ہالی ووڈ اداکار ٹام کروز، زیک ایفرون سمیت شوبز کی دنیا کے بڑے نام شامل ہیں، کینڈلز نے اس فہرست کو سماجی رابطے کی ویب سائٹ انسٹاگرام پر شیئر کیا ہے۔

    رپورٹ کے مطابق چند روز میں ووٹنگ کا عمل شروع کیا جائے گا جس کے بعد واضح ہوسکے گا کہ کون سا اداکار یا اداکارہ کس نمبر پر براجمان ہیں۔

    یاد رہے کہ گزشتہ برس بھی اس فہرست میں دو پاکستانی اداکار فواد خان اور عمران عباس جگہ بنانے میں کامیاب رہے تھے۔

    اداکار فواد خان نے بھارتی فلموں میں بھی اداکاری کے جوہر دکھائے ہیں اور انہیں بھارتی ایوارڈ فلم فیئر سے بھی نوازا گیا تھا۔

  • ماہرہ خان کے فریج پر گووندا کی تصویر

    ماہرہ خان کے فریج پر گووندا کی تصویر

    کراچی: پاکستانی ڈرامہ و فلم انڈسٹری کی معروف اداکارہ اور ماڈل ماہرہ خان نے سماجی رابطے کی ویب سائٹ پر بالی ووڈ اداکار گووندا کی تصویر شیئر کی۔

    اداکارہ بھارت کے مزاحیہ اداکارہ گووندا سے اتنی متاثر ہیں کہ انہوں نے اپنے فریج پر اداکار کی تصویر اوراُس کے ساتھ گانے کا مشہور جملہ والا مقناطیس چسپاں کررکھا ہے۔

    ماہرہ خان نے تصویر شیئر کرتے ہوئے لکھا کہ ’گھر کے فریج پر لگا میرا پسندیدہ میگنیٹ ہے‘۔ مقناطیسی تصویر پر گووندا کا مسکراتا چہرا ہے اور اُس پر قلی نمبر 1 کے مشہور گانے کا جملہ ’تجھے مرچی لگی تو میں کیا کروں‘ درج ہے۔

    پاکستانی اداکارہ کی پوسٹ پر بھارتی ٹینس اسٹار ثانیہ مرزا سمیت سیکڑوں مداحوں نے کافی دلچسپ تبصرے کیے جبکہ کچھ نے تنقید کرتے ہوئے مشورہ بھی دیا کہ ’ماہرہ آپ اب بھی بالی ووڈ میں محصور ہیں‘۔

    View this post on Instagram

    🤷🏻‍♀️ P.S this is my favorite magnet on our fridge at home!

    A post shared by Mahira Khan (@mahirahkhan) on

    یاد رہے کہ ماہرہ خان نے 2016 میں ماہرہ خان نے بالی ووڈ کے کنگ شاہ رخ خان کے مدمقابل فلم رئیس سے بالی ووڈ سفر کا آغاز کیا تھا، انہیں بھارت اور پاکستان میں بہت سراہا گیا تھا جبکہ بالی ووڈ ہدایت کار نے اس بات کا بھی اعتراف کیا تھا کہ بھارتیوں نے باصلاحیت پاکستانی اداکارہ کے ساتھ اچھا برتاؤ نہیں کیا۔

    یہ بھی دیکھیں: ماہرہ خان کی رخصتی، تصاویر سامنے آگئیں

    مزید پڑھیں: ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

    واضح رہے کہ ماہرہ خان نےاپنے کیریئر کا آغاز 2006  میں بطور معاون ٹی وی ہوسٹ کیا تھا، سنہ 2011 میں فواد خان کے ساتھ ایک ڈرامے  نے اس جوڑی کی شہرت کو چار چاند لگادیے، اور یہی ڈرامہ ان کی خوش قسمتی کا باعث بھی بننا۔

    ڈرامے میں کام کرنے والے پاکستانی اداکاروں نے اپنی اداکاری کی صلاحیتوں کو نہ صرف ملک میں منوایا بلکہ بالی ووڈ ہدایت کار بھی انہیں اپنی فلموں میں کام دینے پر راضی ہوئے جس کے بعد فواد اور ماہرہ نے بالی ووڈ انڈسٹری میں بھی قدم رکھا۔

    خیال رہے کہ گزشتہ برس پاکستانی اداکارہ ایشیا کی پرکشش خواتین کی فہرست میں جگہ بنانے میں کامیاب ہوئیں تھیں، انہوں نے 4 درجے ترقی کے بعد پانچویں پوزیشن حاصل کی تھی۔

  • اداکارہ ماہرہ خان نے ایک اور عالمی اعزاز اپنے نام کرلیا

    اداکارہ ماہرہ خان نے ایک اور عالمی اعزاز اپنے نام کرلیا

    دبئی: معروف پاکستانی اداکارہ ماہرہ خان نے ایک اور بین الاقوامی اعزاز اپنے نام کرلیا۔

    تفصیلات کے مطابق معروف اداکارہ ماہرہ خان کو ڈسٹنکٹیو انٹرنیشنل عرب فیسٹیول میں ایوارڈ سے نوازا گیا ہے انہیں یہ ایوارڈ فلم انڈسٹری میں گراں قدر خدمات کے اعتراف میں دیا گیا ہے۔

    ڈسٹنکٹیو انٹرنیشنل عرب فیسٹیول ایوارڈ کا تیسرا ایڈیشن جمعے کے روز دبئی میں منعقد کیا گیا جس میں دنیا بھر کی نامور شخصیات سمیت شوبز ستاروں نے بھی شرکت کی۔

    خوبرو اداکارہ ماہرہ خان نے ایوارڈ تقریب میں ہلکے آسمانی رنگ کا لباس زیب تن کیا، 34 سالہ اداکارہ کی ایوارڈ وصول کرتے ہوئے ویڈیو بھی سوشل میڈیا پر وائرل ہوگئی۔

     

    View this post on Instagram

     

    Receiving Award 🏆 .@mahirahkhan @diafaofficial

    A post shared by Mahirah Khan_Fanpage😍 (@oneanonly_mahirahkhan) on

    واضح رہے کہ ڈسٹنکٹیو انٹرنیشنل عرب فیسٹیول انتظامیہ اپنے شعبے میں بہترین خدمات انجام دینے والی شخصیات کو ایوارڈ سے نوازتی ہے۔

    ماہرہ خان کو سال 2017 میں لبنان کے آٹھویں بیروت انٹرنیشنل ایوارڈ فیسٹیول کی تقریب میں بھی خصوصی طور پر مدعو کیا گیا تھا جہاں بین الاقوامی سطح پر شہرت پانے اور ان کی صلاحیتوں کا اعتراف کرتے ہوئے انہیں ایوارڈ سے نوازا گیا تھا۔

    یاد رہے کہ ماہرہ خان کی نئی آنے والی فلم ’دی لیجنڈ آف مولا جٹ‘ ہے جس کا ٹریلز ریلیز کیا جاچکا ہے جبکہ فلم رواں سال عید پر ریلیز کی جائے گی۔

    دی لیجنڈ آف مولا جٹ میں ماہرہ خان کے ہمراہ فواد خان، حمزہ علی عباسی شامل ہیں جبکہ فلم کی ہدایت کاری کے فرائض بلال لاشاری نے انجام دئیے ہیں۔

    خیال رہے کہ ماہرہ خان بالی ووڈ میں بھی اداکاری کے جوہر دکھا چکی ہیں، ان کی شاہ رخ خان کے ساتھ فلم رئیس بھی باکس آفس پر کامیاب ثابت ہوئی تھی۔

  • دی لیجنڈ آف مولا جٹ کا ٹریلر جاری

    دی لیجنڈ آف مولا جٹ کا ٹریلر جاری

    کراچی: پاکستان کی میگا بجٹ فلم ’دی لیجنڈ آف مولا جٹ‘ کا ٹریلر جاری کردیا گیا۔

    تفصیلات کے مطابق معروف پاکستانی ہدایت کار بلال لاشاری کی میگا بجٹ فلم ’دی لیجنڈ مولا جٹ‘ عید الفطر کے موقع پر ریلیز ہوگی جس میں‌ فواد خان، حمزہ علی عباسی اور ماہرہ خان اداکاری کے جوہر دکھائیں گے۔

    علاوہ ازیں حمیمہ ملک، شفقت چیمہ، گوہر رشید، فارس شفیع، نیئر اعجاز، صائمہ بلوچ اور علی عظمت سمیت دیگر اسٹارز بھی ایکشن میں نظر آئیں گے۔

    لیجنڈ آف مولا جٹ کے ٹریلر میں مختلف مناظر شامل کیے گئے جبکہ اس میں فواد خان اور حمزہ علی عباسی کی لڑائی بھی دکھائی گئی۔

    ’’دی لیجنڈ آف مولا جٹ‘‘ جنوبی ایشیاء کی پہلی فلم ہوگی جسے مقامی سینیماؤں کے ساتھ چین میں بھی بیک وقت ریلیز کیا جائے گا۔

    مزید پڑھیں: ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

    فلم کی شوٹنگ مکمل ہوچکی جبکہ یہ ایڈیٹنگ کے مراحل میں ہے، سن 70 کی دہائی میں فلم ’مولا جٹ‘ ریلیز کی گئی تھی جس کو مقبول ترین فلم کا اعزاز بھی ملا تھا۔

    ہدایت کار بلال لاشاری نے سماجی رابطے کی ویب سائٹ پر ایک پوسٹ کے ذریعے کہا تھا کہ ’یہ فلم نہ تو مولا جٹ کا سیکوئل ہے اور نہ ہی اس کا ری میک بنایا جارہا ہے‘۔

    یہ بھی پڑھیں: ’اب دیکھنا یہ ہے باکس آفس پر فواد خان کا راج ہوگا یا سلمان خان کا؟‘

    یاد رہے کہ سنہ 2013 میں بلال لاشاری کی فلم ’وار‘ نے پاکستانی سینما کی بحالی میں اہم کردار ادا کیا تھا اور اس فلم نے دنیا بھر میں مقبولیت حاصل کی تھی۔

  • ’اب دیکھنا یہ ہے باکس آفس پر فواد خان کا راج ہوگا یا سلمان خان کا؟‘

    ’اب دیکھنا یہ ہے باکس آفس پر فواد خان کا راج ہوگا یا سلمان خان کا؟‘

    ممبئی: بالی ووڈ کے نامور فلمی پنڈت ترن آدرش نے پیش گوئی کی ہے کہ پاکستانی اداکار فواد خان آئندہ برس سلمان خان کو ٹکر دینے والے ہیں۔

    تفصیلات کے مطابق ترن آدرش نے سماجی رابطے کی ویب سائٹ پر ایک ٹویٹ کیا جس میں اُن کا کہنا تھا کہ ’سلمان خان بمقابلہ فواد خان، آئندہ سال عید پر پاکستان کی بڑی فلم مولا جٹ جبکہ سلمان خان کی بھارت ریلیز ہورہی ہے‘۔

    اُن کا کہنا تھا کہ ’اب دیکھنا یہ ہے باکس آفس پر سلمان خان کا راج ہوگا یا فواد خان راج کرے گا‘۔

    یاد رہے کہ معروف پاکستانی ہدایت کار بلال لاشاری کی میگا بجٹ فلم ’دی لیجنڈ مولا جٹ‘ عید الفطر کے موقع پر ریلیز ہوگی جس میں‌ فواد خان، حمزہ علی عباسی اور ماہرہ خان اداکاری کے جوہر دکھائیں گے۔

    مزید پڑھیں: ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

    ’’دی لیجنڈ آف مولا جٹ‘‘ جنوبی ایشیاء کی پہلی فلم ہوگی جسے مقامی سینیماؤں کے ساتھ چین میں بھی بیک وقت ریلیز کیا جائے گا۔

    فلم کی شوٹنگ مکمل ہوچکی جبکہ یہ ایڈیٹنگ کے مراحل میں ہے، جس کا ٹریلر جلد ریلیز ہونے کا امکان ہے۔ سن 70 کی دہائی میں فلم ’مولا جٹ‘ ریلیز کی گئی تھی جس کو مقبول ترین فلم کا اعزاز بھی ملا تھا۔

    یہ بھی پڑھیں: ’واہگہ بارڈر‘ پر پاکستانی جھنڈا کیوں لہرایا؟ سلمان خان کا پرچہ کٹ گیا

    دوسری جانب بالی ووڈ کے دبنگ خان اپنی نئی آنے والی فلم ’بھارت‘ می شوٹنگ میں مصروف ہیں جسے سال 2019 میں عیدالفطر کے موقع پر ریلیز کیا جائے گا۔ بھارت کی ہدایت کاری علی عباس کررہے ہیں جبکہ اس میں کترینہ کیف سلمان خان کے مدمقابل کردار ادا کرتی نظر آئیں گی۔

  • ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

    ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

    کراچی: پاکستانی تاریخ کی مہنگی ترین فلم’’دی لیجنڈ آف مولا جٹ‘‘ نے ٹریلر آنے سے پہلے ہی دھوم مچا دی۔

    تفصیلات کے مطابق معروف ہدایت کار بلال لاشاری کی اس میگا بجٹ فلم میں‌ فواد خان، حمزہ علی عباسی اور ماہرہ خان جیسے سپر اسٹار جلوہ گر ہوں‌ گے.

    [bs-quote quote=”’’دی لیجنڈ آف مولا جٹ‘‘ پہلی ساؤتھ ایشین فلم ہوگی، جو مقامی سینماؤں کے ساتھ بیک وقت چین میں بھی ریلیز کی جائے گی” style=”style-7″ align=”left”][/bs-quote]

    ’’دی لیجنڈ آف مولا جٹ‘‘ پاکستانی انڈسٹری کی مہنگی ترین فلم ہے،  جو 2019 میں عید کے موقع پر ریلیز ہوگی۔

    ’’دی لیجنڈ آف مولا جٹ‘‘ پہلی ساؤتھ ایشین فلم ہوگی، جو مقامی سنیماؤں کے ساتھ بیک وقت چین میں بھی ریلیز کی جائے گی۔

    واضح رہے کہ یہ اعزاز بالی وُڈ کے خان بھی اپنے نام نہیں کرسکے تھے۔ ہندوستان کی کامیاب ترین فلمز ’’دنگل‘‘ اور ’’باہو بلی‘‘ بھی اپنی ریلیز  کے کچھ عرصے بعد چین میں نمائش کے لیے پیش کی گئیں۔

    مزید پڑھیں: ماہرہ خان اور صنم سعید ایشیا کی پرکشش خواتین قرار

    البتہ ہدایت کار بلال لاشاری کی فلم’’ دی لیجنڈ آف مولا جٹ‘‘ لوکل سرکٹ کے ساتھ بیک وقت چین میں ریلیز ہونے کا اعزاز اپنے نام کرنے جارہی ہے۔

    فلم کی شوٹنگ مکمل ہوچکی ہے۔ فلم کی ایڈیٹنگ کے مراحل سےگزررہی ہے، ٹریلر جلد ریلیز کیا جائے گا۔

    یہ 70 کی دہائی کے مقبول ترین فلم "مولا جٹ” کا ماڈرن ورژن ہے، جسے بہت سی امیدیں‌ وابستہ ہیں.

  • ماہرہ خان اور صنم سعید ایشیا کی پرکشش خواتین قرار

    ماہرہ خان اور صنم سعید ایشیا کی پرکشش خواتین قرار

    کراچی: پاکستانی اداکارہ ماہرہ خان اور صنم سعید نے ایشیا کی پرکشش خواتین کا اعزاز اپنے نام کرلیا۔

    تفصیلات کے مطابق برطانوی جریدے ایسٹرن آئی نے سال 2018 میں ایشیا کی پرکشش خواتین کی فہرست جاری کی جس میں بالی ووڈ حسیناؤں کا نام بھی شامل ہے، عالمی شہرتِ یافتہ پاکستانی اداکارہ نے خوبصورتی کے معاملے میں کترینہ کیف، عالیہ بھٹ اور سونم کپور کو شکست دے دی۔

    برطانوی جریدے نے جو فہرست جاری کی اُس میں 50 خواتین کے نام شامل ہیں، عوامی رائے کے بعد اس لسٹ کو مرتب کیا گیا۔

    مزید پڑھیں: ماہرہ خان اور مومنہ ایشیائی پرکشش خواتین کی فہرست میں شامل

    بالی ووڈ اداکارہ دپیکا پڈوکون سرفہرست رہیں جبکہ گزشتہ برس وہ تیسرے نمبر پر تھیں، دوسرے نمبر پر پریانکا چوپڑا، تیسرے پر نیہا شرما اور چوتھے پر پاکستانی اداکارہ ماہرہ خان کا نام شامل ہے جبکہ صنم سعید فہرست میں 19ویں پوزیشن حاصل کرسکیں۔

    پانچویں نمبر پر بھارتی اداکارہ شیوانگی ، چھٹے پر عالیہ بھٹ ساتویں پر سونم کپور، آٹھویں پر حنا خان، نویں پر کترینہ کیف جگہ بنانے میں کامیاب ہوئیں۔

    ماہرہ خان کا کہنا ہے کہ ‘میں ایک بار پھر ایشیاء کی پرکشش خاتون بننے پر اپنے مداحوں کا شکریہ ادا کرتی ہوں کیونکہ یہ سب اُن کی وجہ سے ہی ممکن ہے‘۔

    صنم سعید سماجی رابطے کی ویب سائٹ پر خواتین کے حق میں آواز بلند کرنے پر فہرست میں جگہ بنانے میں کامیاب رہیں، علاوہ ازیں ارمینہ خان نے 24ویں،  مہوش حیات اور اقرار عزیز 46ویں نمبر پر ہیں۔

  • ماہرہ خان کی رخصتی، تصاویر سامنے آگئیں

    ماہرہ خان کی رخصتی، تصاویر سامنے آگئیں

    کراچی: پاکستانی فلم اور ڈرامہ انڈسٹری کی معروف اداکارہ ماہرہ خان کی عروسی جوڑے میں رخصتی کی تصاویر سامنے آگئیں۔

    شوبز انڈسٹری سے تعلق رکھنے والی شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس کافی متحرک نظر آتی ہیں۔

    سوشل میڈیا پر موجود شوبز شخصیات اپنی تصاویر شیئر کرتی ہیں جن کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔

    سوشل میڈیا صارفین اور خصو صاً مداح تصاویر اور ویڈیوز  کو نہ صرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔

    مزید پڑھیں: ماہرہ خان فیس بک اور گوگل کے دفاتر کا دورہ کرنے والی پہلی پاکستانی اداکارہ

    پاکستانی فلم اور ڈرامہ انڈسٹری کے ساتھ بالی ووڈ میں اپنی صلاحیتوں کا لوہا منوانے والی اداکارہ ماہرہ خان کی نے سماجی رابطے کی ویب سائٹ انسٹا گرام پر اپنی رخصتی کی تصاویر شیئر کیں اور انہوں نے ساتھی اداکاروں کا شکریہ بھی ادا کیا۔

    تصاویر: بشکریہ ماہرہ خان

    اداکارہ دراصل ایک کمرشل کے لیے کام کررہی ہیں جس میں وہ دلہن اور نامور اداکار عدنان صدیقی اُن کے والد کا کردار ادا کرتے نظر آرہے ہیں۔

    واضح رہے کہ ماہرہ خان نے شوبز کیریئر کا آغاز 2011 سے بطور معاون اداکار کیا جس کے بعد انہیں فواد خان کے ساتھ ڈرامے میں کام کرنا کا موقع ملا یہی ان کی خوش قسمتی کا باعث بھی بننا۔

    یہ بھی دیکھیں: ماہرہ خان کی ’مونچھوں‘ والی تصویر وائرل

    ڈرامے میں کام کرنے والے پاکستانی اداکاروں نے اپنی اداکاری کی صلاحیتوں کو نہ صرف ملک میں منوایا بلکہ بالی ووڈ ہدایت کار بھی انہیں اپنی فلموں میں کام دینے پر راضی ہوئے جس کے بعد فواد اور ماہرہ نے بالی ووڈ انڈسٹری میں بھی قدم رکھا۔

    تصاویر: بشکریہ ماہرہ خان

    ماہرہ خان کی گزشتہ برس بھارتی اداکار کے ہمراہ نازیبا تصاویر بھی سامنے آئیں جس کے بعد انہیں ہر طرف سے شدید تنقید کا نشانہ بنایا گیا، اداکارہ نے خصوصا پاکستانیوں اور دنیا بھر میں بسنے والے مداحوں سے معذرت بھی کی۔

    یہ بھی پڑھیں: 23 برس مکمل، ماہرہ کا کنگ خان کے لیے خاص پیغام

    خیال رہے کہ گزشتہ برس پاکستانی اداکارہ ایشیا کی پرکشش خواتین کی فہرست میں جگہ بنانے میں کامیاب ہوئیں تھیں، انہوں نے 4 درجے ترقی کے بعد پانچویں پوزیشن حاصل کی تھی۔

    تصاویر: بشکریہ ماہرہ خان

    یہ بھی یاد رہے کہ ماہرہ خان نے گزشتہ برس فلم ’رئیس‘ سے اپنے بالی ووڈ کے سفر کا آغاز کیا، اس فلم میں انہوں کنگ خان کے ساتھ مرکزی کردار ادا کیا، پاک بھارت کشیدگی کے باعث ماہرہ اپنی شوٹنگ مکمل کر کے جلد وطن لوٹیں اور پرموشن کے وقت بھی ٹیم کا حصہ بھی نہ بن سکیں تھیں۔

    بعد ازاں بالی ووڈ ہدایت کار نے اس بات کا اعتراف کیا تھا کہ بھارتیوں نے باصلاحیت پاکستانی اداکارہ کے ساتھ اچھا برتاؤ نہیں کیا۔

  • ماہرہ خان فیس بک اور گوگل کے دفاتر کا دورہ کرنے والی پہلی پاکستانی اداکارہ

    ماہرہ خان فیس بک اور گوگل کے دفاتر کا دورہ کرنے والی پہلی پاکستانی اداکارہ

    کیلی فورنیا: اداکارہ ماہرہ خان پاکستانی شوبز انڈسٹری کی وہ شخصیت بن گئیں جنہوں نے انٹرنیٹ کی سب سے بڑی کمپنی گوگل اور فیس بک کے مرکزی دفاتر کا دورہ کرنے کا اعزاز حاصل کیا۔

    تفصیلات کے مطابق پاکستانی اداکارہ ماہرہ کا شمار اُن شخصیات میں ہوتا ہے جو بین الاقوامی سطح پر پاکستان کی نمائندگی کرتے ہوئے ملک کا مثبت چہرہ سامنے لارہی ہیں۔

    دو روز قبل شوکت خانم کی جانب سے سفیر مقرر کی جانے والی ماہرہ اسپتال کی فنڈ ریزنگ کے لیے لاس اینجلس پہنچی۔ انہوں نے سماجی رابطے کی ویب سائٹ انسٹاگرام پر عمران خان کے دستخط شدہ بلے کی تصویر بھی شیئر کی جسے پروگرام میں بولی کے لیے پیش کیا گیا۔

    ماہرہ کا کہنا تھا کہ وہ بیڈ فروخت کرکے اس سے حاصل ہونے والی رقم شوکت خانم میں عطیہ کریں گی۔

    امریکا میں موجود پاکستانی اداکارہ نے گزشتہ روز گوگل اور فیس بک کے مرکزی دفاتر کا دورہ کیا۔

    مزید پڑھیں: شوکت خانم فنڈ ریزنگ، ماہرہ عمران خان کا دستخط شدہ بلا اٹھائے میدان میں‌ آگئیں

    ماہرہ نے شوکت خانم اسپتال کے سفیر کی حیثیت سے سماجی رابطے کی سب سے بڑی ویب سائٹ فیس بک کے ہیڈ آفس کا دورہ کیا۔ انہوں نے اپنی تصویر انسٹاگرام پر شیئر کی اور لکھا کہ ’شوکت خانم اسپتال نے فیس بک اور گوگل کا شکریہ ادا کیا کیونکہ یہ دونوں ادارے کافی عرصے سے لوگوں میں شعور و آگاہی بیدار کررہے ہیں‘۔

    پاکستانی اداکارہ نے امید ظاہر کی یہ دونوں کمپنیوں کی طرف سے یہ سلسلہ آئندہ بھی جاری رہے گا۔ بعد ازاں ماہرہ خان نے گوگل کے مرکزی دفتر کا دورہ کیا جہاں اُن کا کمپنی کی جانب سے انٹرویو بھی کیا گیا۔

    گوگل اور فیس بک ہیڈ کوارٹرز کے دورے کے دوران بنائی گئی تصاویر ماہرہ نے سماجی رابطے کی ویب سائٹ پر شیئر کیں جنہیں مداحوں نے بہت پسند کیا۔

    ماہرہ خان نے تصاویر شیئر کرتے ہوئے اعتراف بھی کیا کہ ’مجھے ٹیکنالوجی کے شعبے سے متعلق زیادہ معلومات نہیں اور نہ اس حوالے سے زیادہ جاننے کی دلچسپی ہے، مگر گوگل اور فیس بک کے مرکزی دفاتر کا دورہ کرکے اچھا محسوس ہوا‘۔

    یاد رہے کہ پاکستان کی شوبز انڈسٹری سے کسی بھی شخصیت نے گوگل اور فیس بک کے مرکزی دفاتر کا دورہ نہیں کیا، ماہرہ خان وہ واحد اداکارہ ہیں جنہیں یہ اعزاز حاصل ہوا۔

    ماہرہ خان نے فیس بک دفتر میں بات چیت کرتے ہوئے شوکت خانم اسپتال کی طرف سے مریضوں کو دی جانے والی سہولیات اور اس کے قیام کے اغراض و مقاصد بھی بتائے۔

     یاد رہے کہ شوکت خانم اسپتال دنیا بھر میں مقیم بالخصوص پاکستانیوں کے تعاون سے چلتا ہے، وزارتِ عظمیٰ کا منصب سنبھالنے سے قبل عمران خان دنیا بھر میں فنڈریزنگ کرتے تھے۔

    ماہرہ خان کی انسٹا گرام پوسٹ

    گوگل ہیڈ آفس کا دورہ

    فیس بک کے مرکزی دفتر کا دورہ