اسلام آباد : ماہر علم نجوم کی سال 2025 میں بانی پی ٹی آئی کی رہائی کے حوالے سے اہم پیش گوئیاں سامنے آگئیں۔
تفصیلات کے مطابق نیا سال کس کے لیے کامیابیاں اور کس کے لیے پریشانیاں لائے گا، اس حوالے سے ماہر علم نجوم نے اہم پیش گوئیاں کیں۔
ماہر علم نجوم نے بانی پی ٹی آئی کو ریلیف ملنے کا امکان ظاہر کرتے ہوئے کہا ہے کہ پی ٹی آئی نے لچک نہ دکھائی تو لمبی گمنامی ہو سکتی ہے۔
ماہر علم نجوم سید محمد علی نے اے آر وائی نیوز کے پروگرام میں پیش گوئی کی ستاروں کے مطابق بانی پی ٹی آئی مارچ تک رہا ہو سکتے ہیں، مارچ تک بانی پی ٹی آئی رہانہ ہوئے تو پورا سال جیل میں رہیں گے۔
سیدمحمدعلی کا کہنا تھا کہ بانی پی ٹی آئی کے رہائی کے امکانات بہت زیادہ ہیں لیکن اگر وہ مزید جیل میں رہے تو مقبولیت میں اضافہ ہو سکتا ہے۔
مزید پڑھیں : بلاول بھٹو 2025 میں وزیراعظم اور دولہا بھی بن سکتے ہیں، ماہر علم نجوم کی پیشگوئی
دوسری جانب آسٹرولوجسٹ عالیہ نزیر نے بھی بانی پی ٹی آئی کی رہائی کی پیش گوئی کرتے ہوئے کہا کہ جنوری سے مارچ تک بانی پی ٹی آئی جیل سے باہر آجائیں گے۔
عالیہ نذیر کا کہنا تھا کہ بانی پی ٹی آئی ڈیل نہیں مذاکرات کے سلسلے میں آئیں گے تاہم 2025 الیکشن کا سال ہے، حکومت تبدیل ہوسکتی ہے۔
