اسلامآباد :ماہر معاشیات خرم شہزاد کا کہنا ہے کہ آفت ٹلی نہیں ہے آفت کاوقت تھوڑا آگے ہوگیا ہے، یہ ہمارا آخری چانس ہے۔
تفصیلات کے مطابق ماہر معاشیات خرم شہزاد نے اے آر وائی نیوز کے پروگرام میں گفتگو کرتے ہوئے کہا کہ یہ ہمارا آخری چانس ہے ،اپنے خرچے کم کرنے پڑیں گے، آفت ٹلی نہیں ہے آفت کاوقت تھوڑا آگے ہوگیا ہے۔
خرم شہزاد کا کہنا تھا کہ ستمبر کے آخرمیں آئی ایم ایف کاایک اور ریویو آئے گا، ستمبر کے آخرمیں ہمارے ملک میں نگران حکومت ہوگی، نگران حکومت کے دوران ہمارا ٹیکس کاٹارگٹ پورا نہیں ہوگا، ٹیکس کا ٹارگٹ پورا نہ ہونا ہمارے لیے مشکلات کا باعث بنے گا۔
ماہر معاشیات نے کہا کہ آئی ایم ایف کہے گا ٹارگٹ پوراکرنےکےلیےٹیکس مزید بڑھائیں، نجی تنخواہ دارطبقے پر اس دوران بہت زیادہ بوجھ آجائے گا۔
ان کا مزید کہنا تھا کہ اس وقت کسی بھی سیاسی جماعت کےپاس کوئی پلاننگ نہیں ہے، 6 ماہ بعد کوئی بھی پارٹی آئے اس کے پاس معیشت کا پلان نہیں ہوگا، نگران حکومت کو بھی معیشت کے لیے مشکل فیصلے کرنے پڑیں گے۔