Tag: ماہی گیروں

کراچی: ابراہیم حیدری کے قریب کشتی الٹنے سے 6 ماہی گیر ڈوب گئے، جس میں سے 4 افراد کو بچالیا گیا جبکہ ایک لاش نکال لی گئی اور دوسری کی تلاش جاری ہے۔

تفصیلات کے مطابق کراچی کے علاقے ابراہیم حیدری کے قریب کشتی الٹ گئی ، جس کے نتیجے میں 6 افراد ڈوب گئے۔

ماہر گیر رہنما یونس خاصخیلی نے بتایا کہ ڈوبنے والے ایک شخص کی لاش نکال لی گئی جبکہ 4 کو بچا لیا گیا تاہم مقامی غوطہ خور ڈوبنے والے ایک شخص کو تلاش کررہے ہیں۔

یونس خاصخیلی کا کہنا تھا کہ متاثرہ کشتی پر سوار افراد بھنڈارمیں میلے میں گھومنے آئے تھے، گہرے سمندر میں جانے کے باعث کشتی الٹ گئی۔

ریسکیو ہونے والے افراد میں حماد ،پرویز ،وقاص اور علی محمد شامل ہیں ہے جبکہ جاں بحق ہونے والےشخص کی شناخت نبیل کے نام سے ہوئی، حادثے کا شکار ہونے والے افراد ڈیفنس کے رہائشی تھے۔

جیوانی: بارش اور سمندری طوفان کے باعث ماہی گیر 400 کشتیوں سے محروم ہوگئے ، بھاری نقصان سے ماہی گیرشدید پریشان ہیں۔

تفصیلات کے مطابق گوادر میں حالیہ طوفانی بارشوں سے جیونی کےماہی گیروں کوکروڑوں روپے کا نقصان ہوا ، بڑی تعداد میں کشتیاں ٹوٹ پھوٹ کا شکار ہے جبکہ کئی سمندر برد ہوگئیں، بھاری نقصان سے ماہی گیرشدید پریشان ہیں۔

یو سی چئیرمین ج چیئرمین جیونی نے کہا کہ سیلابی ریلےاورسمندری ہواؤں سے400کشتیاں تباہ ہوئی ہیں اور 200کےلگ بگ کشتیاں آپس میں ٹکراکرناکارہ ہوچکی ہیں۔

چیئرمین جیونی کا کہنا تھا کہ تقریباْ200مزید کشتیاں سمندر میں ڈوب چکی ہیں، تباہ ہونےوالی فی کشتی کی مالیت 20 سے 30 لاکھ روپے ہے۔

دوسری جانب پاک بحریہ کی گوادراورساحلی علاقوں میں امدادی کارروائی جاری ہے، گوادرضلع کے سیلاب متاثرین میں راشن، ادویات اور گرم کپڑوں کی تقسیم کی گئی۔

امدادی آپریشن کےدوران ضلع گوادرکےعلاقوں جیوانی، گنز،پشوکان اورکپرمیں امدادی سامان ترسیل کیا گیا۔

مسلح افواج خصوصی امدادی ٹیموں کےذریعے سیلاب متاثرین کےگھروں اورگلیوں سےپانی کےمکمل اخراج کیلئےتمام وسائل بروئےکارلارہی ہے اور مسلح افواج سول انتظامیہ کے شانہ بشانہ سیلاب متاثرین کی ہر ممکن امدادیقینی بنائیں گی۔

ٹھٹھہ: حجامڑو کے قریب گہرے سمندرمیں ڈوبنے والی کشتی پر سوار تمام ماہی گیروں کو بچالیا گیا ، ماہی گیروں کی کشتی تیزہواؤں کے سبب ڈوبی تھی۔

تفصیلات کے مطابق ٹھٹھہ کےقریب گہرے سمندر میں ماہی گیروں کی کشتی ڈوب گئی، ترجمان کوسٹل میڈیا سینٹر نے بتایا کہ ڈوبنےوالی کشتی میں 50کےقریب ماہی گیرسوارتھے، ماہی گیروں کی کشتی تیزہواؤں کےسبب کراچی اورٹھٹھہ کےدرمیان حجاموکری کے قریب ڈوبی۔

واقعے کے بعد لاپتہ ماہی گیروں کے عزیزواقارب کی جانب سے اپنی مددآپ کے تحت تلاش کا کام شروع کیا گیا ، جس کے بعد لاپتہ ماہی گیروں کی تلاش کیلئےابراہیم حیدری سے کشتیاں روانہ ہوئیں۔

حجامڑو کے قریب ڈوبنے والی لانچ پر سوار تمام ماہی گیروں کو ریسکیو کرلیا گیا، تیز ہواوں کے سبب بلند لہروں نے ال اسد نامی کشتی الٹ دی جس سے ماہی گیروں کو معمولی چوٹیں آئیں۔

لانچ چھوٹی مچھلی کے شکار کے لئے ابراہیم حیدری سے روانہ ہوئی تھی، ترجمان فشر فورک فورم کمال شاہ کا کہنا ہے تیس سے زائد ماہی گیر کیٹی بندر پہنچ گئے ہیں، ماہی گیروں کو مختلف کشتیوں کے ذریعے ابراہیم حیدری لایاجارہا ہے، جہاں سے انہیں طبی معائنے کے بعد گھروں کو بھیجا جارہا ہے۔

کوئٹہ: بلوچستان کے ساحلی علاقوں میں تیز ہواؤں کے چلنے سے سمندر میں طغیانی کے خدشے کے پیش ںظر ماہی گیروں کو الرٹ رہنے کی ہدایت کردی گئی۔

تفصیلات کے مطابق محکمہ فشریز نے بلوچستان کے سمندر میں طغیانی کے خدشے کے پیش نظر ماہی گیروں کو الرٹ رہنے کی ہدایت کردی۔

اسسٹنٹ ڈائریکٹرفشریز نے کہا ہے کہ آج سے 26 اپریل تک بلوچستان کےساحلی علاقوں میں تیز ہواہیں چلیں گی، ماہی گیر آج سے 26 اپریل تک گہرے سمندر میں جانے سے گریزکریں۔

دوسری جانب محکمہ موسمیات کا کہنا ہے کہ بلوچستان کے بیشتر علاقوں میں موسم خشک اور جزوی ابرآلود رہے گا تاہم بعض علاقوں میں دن کے وقت تیز اور گردآلود ہوائیں متوقع ہے۔

محکمہ موسمیات کے مطابق تربت اور گوادر میں گرج چمک کے ساتھ بارش کا امکان ہے جبکہ کوئٹہ میں درجہ حرارت 30 کم سے کم 14ڈگری سینٹی گریڈ ریکارڈ کیا گیا۔