ARYNews.tv | Urdu – Har Lamha Bakhabar

Tag: مایا علی

  • 10 مئی کو ہمیشہ یاد رکھا جائے گا: مایا علی

    10 مئی کو ہمیشہ یاد رکھا جائے گا: مایا علی

    پاکستان شوبز انڈسٹری کی معروف اداکارہ و ماڈل مایا علی کا کہنا ہے کہ 10 مئی 2025 ہمیشہ یاد رکھا جائے گا۔

    مایا علی نے فوٹوز اینڈ ویڈیوز شیئرنگ ایپ انسٹاگرام پر جاری اپنے پیغام میں کہا کہ 10 مئی 2025 ایک ایسا دن جو ہمیشہ یاد رکھا جائے گا، جنگ بندی دونوں اطراف کے لیے امن لاتی ہے۔

    انہوں نے کہا کہ جیسا کہ میں ہمیشہ کہتی رہی ہوں کہ جنگ کبھی بھی حل نہیں تھی، اداکارہ پاکستان کی مسلح افواج اور ان بہادر سپاہیوں کو بھی خراجِ تحسین پیش کیا جو فرنٹ لائن پر ڈٹے رہے۔

    مسلح افواج کی تعریف کرتے ہوئے انہوں نے مزید کہا کہ ہمیں اپنی مسلح افواج پر فخر ہے، پاکستان زندہ باد، انہوں نے تکلیف برداشت کی اور قوم کے لیے کامیابی حاصل کی۔

     

    View this post on Instagram

     

    A post shared by Maya Ali (@official_mayaali)

    واضح رہے کہ 22 اپریل کو بھارت نے پاکستان پر سری نگر کے پہلگام میں اپنے سیاحوں پر حملہ کرنے کا الزام عائد کیا، پاکستان نے فوری طور پر الزامات کو مسترد کرتے ہوئے تحقیقات کی پیشکش کی جسے بھارت نے نظر انداز کر دیا۔

    بعد ازاں بھارت نے پاکستان پر حملہ کیا اور بھارت نے 6 اور 7 مئی کی درمیانی شب پاکستان پر فضائی حملہ کیا جس کا پاکستان نے بروقت اور موثر جواب دیا اور رات کی تاریکی میں میزائل حملوں میں معصوم شہریوں کو نشانہ بنانے والے بھارت کے 5 جنگی طیارے پاک فضائیہ نے مار گرائے، جن میں جدید طرز کے تین فرانسیسی جنگی طیارے رافیل بھی شامل ہیں۔

    لیکن جنگی جنون میں مبتلا بھارت پھر بھی نہ رکا اور اس نے پاکستان کے بڑے شہروں پر ڈرون حملہ کیا جسے پاکستان کی افواج نے نہ صرف ناکارہ کیا بلکہ اس سے جواب میں بھارت کے خلاف آپریشن کیا جس میں پاکستان کو کامیابی ملی۔

    پاکستان کے مسلح افواج کے کامیاب آپریشنز کو دنیا بھر نے سراہا جبکہ پاکستانی بھی اپنی فوج کو خراج تحسین پیش کر رہی ہے۔

  • مایا علی پر فدا ہوں اُن سے اپنی محبت کا اظہار کروں گا: اسامہ خان

    مایا علی پر فدا ہوں اُن سے اپنی محبت کا اظہار کروں گا: اسامہ خان

    پاکستان شوبز انڈسٹری کے نوجوان اداکار اسامہ خان نے اداکارہ مایا علی سے شادی کی خواہش کا اظہار کیا ہے۔

    اداکار اسامہ خان نے حال ہی میں ایک شو میں بطورِ مہمان شرکت کی جہاں اُنہوں نے اپنی پسندیدہ اکاراؤں کے طور پر مایا علی اور ماہرہ خان کی تعریف کی۔

    اسامہ خان نے کہا کہ اگر میں پاکستانی اداکاراؤں کی بات کروں تو مجھے ماہرہ خان اور مایا علی بہت پسند ہیں میں ان دونوں کے ساتھ کام کرنا چاہتا ہوں۔

    کسی کو ڈیٹ کرنے سے اچھا ہے نکاح کر لوں، اسامہ خان

    اسامہ خان نے کہا کہ مایا علی کو بھی پتا ہے کہ میں اُنہیں پسند کرتا ہوں کیونکہ میں کئی شوز میں اس بات کا اعتراف کرچکا ہوں، میں مایا علی سے ہی اپنی محبت کا اظہار کروں گا کیونکہ وہ ابھی تک سنگل ہیں۔

    اداکار اسامہ کا کہنا تھا کہ شادی کے بارے میں سوچا تو پہلے مایا علی سے اپنی محبت کا اظہار کروں گا اس کے بعد شادی کے بارے میں سوچوں گا۔

    زینب شبیر اور اسامہ خان نے منگنی کی خبروں پر خاموشی توڑ دی

    یاد رہے کہ اداکار اسامہ خان نے سال 2017 میں شوبز میں اپنے کریئر کا آغاز کیا تھا، وہ کئی ڈراموں میں اپنی جاندار اداکاری کے جوہر دکھا چکے ہیں۔

    واضح رہے کہ اداکار اسامہ خان نے اے آر وائی ڈیجیٹل کے ڈرامہ سیریل ’تیری راہ میں‘ مرکزی کردار ادا کیا تھا، ڈرامے کی دیگر کاسٹ میں زینب شبیر، شہروز سبزواری، بہروز سبزواری، شازیل شوکت ودیگر شامل تھے۔

  • مایا علی کے نیو یارک میں سیر سپاٹوں کی تصاویر وائرل

    مایا علی کے نیو یارک میں سیر سپاٹوں کی تصاویر وائرل

    شوبز انڈسٹری کی معروف اداکارہ مایا علی کے نیویارک کے ٹائم اسکوائر میں سیر سپاٹوں کی تصاویر وائرل ہوگئیں۔

    فوٹو اور ویڈیو شیئرنگ ایپ انسٹاگرام پر اداکارہ مایا علی نے نئی تصاویر شیئر کیں جس میں انہیں نیویارک کی مشہور  ٹائم اسکوائر میں سیر و تفریح کرتے دیکھا جاسکتا ہے۔

     

    View this post on Instagram

     

    A post shared by Maya Ali (@official_mayaali)

    انہوں نے چند گھنٹوں قبل یہ تصاویر شیئر کیں جسے مداحوں کی جانب سے خوب سراہا جارہا ہے اور اس پر تعریفی کمنٹس بھی کررہے ہیں۔

    مایا علی سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے مداح بھی پسند کرتے ہیں۔

    واضح رہے کہ مایا علی نے اے آر وائی ڈیجیٹل کے ڈرامہ سیریل ’پہلی سی محبت‘ میں (رخشی) اور شہریار منور نے (اسلم) کا کردار نبھایا تھا، ڈرامے کی دیگر کاسٹ میں شبیر جان، حسن شہریار یاسین، نوشین شاہ، صبا فیصل ودیگر شامل تھے۔

  • مایا علی کی انسٹاگرام تصاویر کے چرچے

    مایا علی کی انسٹاگرام تصاویر کے چرچے

    پاکستانی خوبرو اداکارہ مایا علی کی سوئمنگ پول پارٹی کی تصاویر سوشل میڈیا پر جاری ہوتے ہی وائرل ہوگئیں۔

    پاکستانی ڈراموں میں  اپنی بہترین اداکاری سے جان ڈالنے والی اداکارہ مایا علی نے حال ہی میں فوٹو اینڈ ویڈیو شیئر نگ ایپ انسٹاگرام پر اپنی چند تصاویر شیئر کی ہے جس میں انہیں پول میں سوئمنگ کرتے ہوئے دیکھا جاسکتا ہے۔

    مایا علی کی جانب سے جاری کی گئی تصویر میں انہیں غباروں سے بھرے ایک سوئمنگ پول میں ایک ٹیوب میں بیٹھے دیکھا جاسکتا ہے جس سے یہ اندازہ لھایا جاسکتا ہے کہ اداکارہ پول پارٹی سے لطف اندوز ہورہی ہے۔

     

    View this post on Instagram

     

    A post shared by Maya Ali (@official_mayaali)

    مذکورہ تصاویر میں اداکارہ سچ میں ایک بچے کی مانند ہنستی کھیلتی نظر آرہی ہیں اور اسی سبب انہوں نے اس پوسٹ کے کیپشن میں لکھا کہ ‘اندر چھپے بچے کو باہر لاتے ہوئے میں‘۔

    انہوں نے چند گھنٹوں قبل یہ تصویر شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

     

    View this post on Instagram

     

    A post shared by Maya Ali (@official_mayaali)

    مایا علی سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

    واضح رہے کہ مایا علی نے اے آر وائی ڈیجیٹل کے ڈرامہ سیریل ’پہلی سی محبت‘ میں (رخشی) اور شہریار منور نے (اسلم) کا کردار نبھایا تھا، ڈرامے کی دیگر کاسٹ میں شبیر جان، حسن شہریار یاسین، نوشین شاہ، صبا فیصل ودیگر شامل تھے۔

  • مایا علی سوشل میڈیا پر چھا گئیں

    مایا علی سوشل میڈیا پر چھا گئیں

    شوبز انڈسٹری کی معروف اداکارہ مایا علی کی نئی تصاویر سوشل میڈیا پر وائرل ہوگئیں۔

    فوٹو اور ویڈیوز شیئرنگ ایپ انسٹاگرام پر مایا علی نے نئی تصاویر شیئر کیں ہیں جس میں وہ بلیک ٹی شرٹ اور بلیو جینز کے ساتھ خصوصی پوز بنوارہی ہیں۔

    اداکارہ نے تصاویر شیئر کرتے ہوئے کیپشن میں لکھا کہ لکھا Blissful

    مایا علی نے یہ تصاویر ایک گھنٹے قبل شیئر کیں جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔

     

    View this post on Instagram

     

    A post shared by Maya Ali (@official_mayaali)

     

    مایا علی کے انسٹاگرام پر فالوورز کی 7.5 ملین فالوورز رکھتی ہیں، اداکارہ اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

    گذشتہ روز بھی مایا علی نے اپنے انسٹاگرام پر ایک تصویر شیئر کی تھی جس میں انہیں اماراتی سفارتکار سے گولڈن ویزا وصول کرتے ہوئے دیکھاجاسکتا ہے۔

     

    View this post on Instagram

     

    A post shared by Maya Ali (@official_mayaali)

     

    اداکارہ نے پوسٹ کے کیپشن میں گولڈن ویزا ملنے پر اماراتی حکام سے اظہار تشکر کرتے ہوئے اسے اپنے لیے اعزاز قرار دیا تھا۔

    واضح رہے کہ مایا علی نے اے آر وائی ڈیجیٹل کے ڈرامہ سیریل ’پہلی سی محبت‘ میں (رخشی) اور شہریار منور نے (اسلم) کا کردار نبھایا تھا، ڈرامے کی دیگر کاسٹ میں شبیر جان، حسن شہریار یاسین، نوشین شاہ، صبا فیصل ودیگر شامل تھے۔

  • مایا علی کا سامنا معروف کرکٹر کے ہمشکل سے ہوگیا، پھر کیا ہوا؟

    مایا علی کا سامنا معروف کرکٹر کے ہمشکل سے ہوگیا، پھر کیا ہوا؟

    پاکستان کی معروف اداکارہ مایا علی کو پاکستان کے معروف کرکٹر شاہین آفریدی کا ہمشکل مل گیا جس کی ویڈیو انہوں نے سوشل میڈیا پر شیئر کی ہے۔

    مایا علی نے اپنے سوشل میڈیا اکاؤنٹ انسٹاگرام پر ایک ویڈیو شیئر کی ہے، اس ویڈیو میں ایک لڑکے کو فوکس کیا جا رہا ہے۔

    مایا علی نے اس ویڈیو کو اپلوڈ کرتے ہوئے لکھا ہے کہ دیکھیں میں نے کس کا ہمشکل تلاش کیا ہے، کسی کو اندازہ ہے؟

    مایا علی کی ویڈیو میں نظر آنے والا نامعلوم لڑکا ہوبہو قومی کرکٹ ٹیم کے کھلاڑی شاہین آفریدی جیسا لگ رہا ہے۔

    شیئر کی گئی ویڈیو پر کرکٹر کے مداحوں کی جانب سے مختلف تبصرے جاری ہے، ایک صارف نے کہا کہ یہ تو ہو بہو شاہین آفریدی کی طرح لگ رہا ہے جبکہ ایک اور صارف نے کہا کہ بلکل بھی فاسٹ بولر کی طرح نہیں لگ رہا۔

  • میرا بندہ کہاں ہے؟ مایا علی کی دلچسپ ویڈیو وائرل

    میرا بندہ کہاں ہے؟ مایا علی کی دلچسپ ویڈیو وائرل

    معروف پاکستانی اداکارہ مایا علی نے اعتراف کرلیا کہ وہ سنگل ہیں اور ان کی زندگی میں کوئی شخص نہیں، یہ اعتراف انہوں نے ایک دلچسپ مزاحیہ ویڈیو کے ساتھ کیا۔

    تفصیلات کے مطابق مایا علی نے سماجی رابطے کی ویب سائٹ انسٹاگرام پر ایک ویڈیو پوسٹ کی جس میں وہ اپنی سہیلیوں کے ساتھ موجود ہیں۔

    ویڈیو میں مایا علی کہتی دکھائی دیتی ہیں، یہ گانا خاص طور پر میرے بندے کے لیے ہے، اس کے بعد ہو چپ ہوجاتی ہیں۔

    ایک سہیلی پریشان ہو کر پوچھتی ہیں، گانا کہاں ہے؟ جس پر مایا علی جواب دیتی ہیں، بندہ کہاں ہے؟ اس کے ساتھ ہی پس منظر میں گانا چلنے لگتا ہے۔

     

    View this post on Instagram

     

    A post shared by Maya Ali (@official_mayaali)

    اس ویڈیو پر مایا علی نے کیپشن لکھا، دوبارہ نہیں پوچھنے کا۔

    مایا علی کی یہ ویڈیو سوشل میڈیا پر وائرل ہوگئی اور لوگوں نے اس پر مختلف دلچسپ تبصرے کیے۔

    خیال رہے کہ مایا علی سوشل میڈیا پر سب سے زیادہ فالو کی جانے والی شخصیات میں سے ایک ہیں، وہ اب تک کئی ڈراموں اور فلموں میں اپنی اداکاری کے جوہر دکھا چکی ہیں۔

     

    View this post on Instagram

     

    A post shared by Maya Ali (@official_mayaali)

  • شہریار منور اور مایا علی کا ’’پہلی سی محبت‘‘

    شہریار منور اور مایا علی کا ’’پہلی سی محبت‘‘

    کراچی: پاکستانی شوبز انڈسٹری کے معروف اداکار شہریار منور اور مایا علی اے آر وائی ڈیجیٹل کے نئے ڈرامے ’پہلی سی محبت‘ میں ایک بار پھر ایک ساتھ نظر آئیں گے۔

    اے آر وائی ڈیجیٹل پر جلد ناظرین کے لیے نیا ڈرامہ سیریل ’پہلی سی محبت‘ نشر کیا جائے گا، جس کی پہلی جھلک جاری کردی گئی ہے، ڈرامے کی پہلی جھلک میں اداکارہ مایا علی اور شہریار منور کو دکھایا گیا ہے۔

    پہلی جھلک میں مایا علی سرخ لباس زیب تن کیے ہوئے بارش میں بھیگ رہی ہیں جبکہ شہریار منور کو افسردگی کے عالم میں دکھایا گیا ہے۔

    اداکار شہریار منور کی ٹی وی اسکرین پر 7 سال بعد واپسی ہورہی جبکہ مایا علی بھی 4 سال کے بعد چھوٹے پردے پر نظر آئیں گی، اس سے قبل دونوں فنکار فلم پرے ہٹ لو میں ایک ساتھ جلوہ گر ہوئے تھے۔

    شہریار منور نے کہا کہ ان کی دوبارہ ٹی وی اسکرین پر آنے کی وجہ نئی ڈرامہ سیریل ’پہلی سی محبت‘ کا اسکرپٹ ہے، اس طرح کے اسکرپٹ کی کافی عرصے سے تلاش تھی۔

    اداکار نے بتایا کہ پہلی سی محبت نام کی طرح ایک لو اسٹوری ہے جو آگے چل کر نیا رخ اختیار کرلیتی ہے، ڈرامے میں بہت سے اتار چڑھاؤ آئیں گے، امید ہے کہ ناظرین اس سے لطف اندوز ہوں گے۔

    ڈرامہ سیریل پہلی سی محبت کی ہدایت کاری کے فرائض انجم شہزاد نے انجام دئیے ہیں جبکہ اس کی رائٹر فائزہ افتخار ہیں۔ ڈرامے کی کاسٹ میں شہریار منور، مایا علی، شبیر جان، حسن شہریار یاسین، نوشین شاہ شامل ہیں۔

  • ’’وقت ہمیشہ مرہم نہیں بنتا‘‘

    ’’وقت ہمیشہ مرہم نہیں بنتا‘‘

    کراچی: پاکستانی فلم اور ڈرامہ انڈسٹری کی معروف اداکارہ مایا علی نے اپنے مرحوم والد کی برسی کے موقع پر جذباتی پوسٹ شیئر کردی۔

    تفصیلات کے مطابق اداکارہ مایا علی نے فوٹو شیئر ویب سائٹ انسٹاگرام پر اپنے والد کی یادگار تصویر شیئر کرتے ہوئے لکھا کہ ’بابا چار سال قبل آپ ہمیں اس دنیا میں تنہا چھوڑ کر چلے گئے تھے۔‘

    انہوں نے لکھا کہ ’لوگ کہتے ہیں وقت سے اچھا مرہم کوئی نہیں لیکن حقیقت یہ ہے کہ ہمیشہ وقت مرہم نہیں بنتا۔‘ مایا علی نے کہا کہ ’بابا میں ہر لمحہ آپ کو یاد کرتی ہوں، آپ ہمیشہ میری دعاؤں اور خیالات میں شامل ہوتے ہیں۔‘

    مایا علی نے مداحوں کو پیغام دیا کہ ’والدین کو اہمیت دیں اور ان کے ساتھ زیادہ سے زیادہ وقت گزاریں، جب وہ ایک بار چلے گئے تو لوٹ کر واپس نہیں آئیں گے۔

    اداکارہ نے مداحوں سے اپیل کی کہ وہ ان کے مرحوم والد کے لیے سورۃ الفاتحہ پڑھیں۔

    مایا علی کی جذباتی پوسٹ پر مداحوں نے دعا کی کہ اللہ تعالیٰ آپ کے مرحوم والد کے درجات بلند فرمائے اور انہیں جنت الفردوس میں اعلیٰ مقام عطا فرمائے۔

    ایک صارف نے اداکارہ کو ہمت دیتے ہوئے کہا کہ ’آپ کے بابا ہمیشہ آپ کے ساتھ ہیں۔‘

  • آئیں چلیں مظفرآباد، وزیراعظم کی پکار پر شوبز فنکاروں نے لبیک کہہ دیا

    آئیں چلیں مظفرآباد، وزیراعظم کی پکار پر شوبز فنکاروں نے لبیک کہہ دیا

    کراچی:  وزیراعظم عمران خان کی جانب سے کشمیریوں سے اظہار یکجہتی کے لیے جمعے کو مظفرآباد میں جلسے کا اعلان کیا جس پر شوبز فنکاروں نے لبیک کہہ دیا۔

    تفصیلات کے مطابق وزیراعظم کی جانب سے کشمیریوں سے اظہار یجہتی کے لیے جمعے کو مظفرآباد میں ہونے والے جلسے میں شرکت کا اعلان کیا گیا ہے جس پر شوبز فنکاروں مایا علی، ہمایوں سعید، ساحر علی بگا اور کرکٹر شاہد آفریدی نے لبیک کہہ دیا۔

    ہمایوں سعید نے لکھا کہ میں مظفرآباد جلسے میں جاؤں گا، آئیں دنیا کو دکھادیں کہ ہم کشمیریوں کے ساتھ ہیں۔


    موسیقار اور گلوکار ساحر علی بگا نے بھی جلسے میں شرکت کا اعلان کرتے ہوئے کہا کہ کشمیریوں کے لیے آواز اٹھانے میں وزیراعظم کا ساتھ دیں،

    بوم بوم آفریدی نے لکھا کہ آئین مل کر کشمیریوں کے لیے آواز اٹھانے میں وزیراعظم عمران خان کا ساتھ دیں، میں جمعے کو مظفرآباد جارہا ہوں، آئیں اور ہمارا ساتھ دیں۔

    آئیں چلیں مظفرآباد، وزیراعظم کی پکار پر شوبز فنکاروں نے لبیک کہہ دیا

     

    شاہد خان آفریدی نے وزیراعظم عمران خان کا ٹویٹ ری ٹویٹ بھی کیا۔

    دوسری جانب معروف پاکستانی اداکارہ مایا علی نے بھی وزیراعظم کی آواز پر لبیک کہتے ہوئے کشمیریوں سے اظہار یکجہتی کے لیے مظفرآباد جانے کا اعلان کیا ہے۔

    اداکارہ مایا علی نے کہا کہ ’آئیے اس جمعے کو اپنے وزیراعظم عمران خان کے ساتھ کھڑے ہوں اور اپنے کشمیریوں بھائی بہنوں کے لیے یکجہتی کا اظہار کریں۔

    مایا علی کا کہنا تھا کہ میں آپ سب سے مظفرآباد جلسے میں شرکت کی درخواست کرتی ہوں، اب وقت آگیا ہے کہ کشمیریوں کے لیے اپنی آواز بلند کریں۔

    واضح رہے کہ وزیراعظم عمران خان نے آزاد کشمیر کے علاقے مظفرآباد میں 13 ستمبر کو جلسہ عام کرنے کا اعلان کیا ہے۔

    انہوں نے کہا تھا کہ مظفرآباد جانے کا مقصد پوری دنیا کو پیغام دینا ہے کہ ہم کشمیر کے ساتھ کھڑے ہیں، بھارت مقبوضہ وادی میں انسانی حقوق کی خلاف ورزیاں کررہا ہے اور میں اس ناانصافی کے خلاف ہر فورم پر آواز اٹھاؤں گا۔