نیویارک : ہیلری کلنٹن نے پہلے صدارتی مباحثے میں کہا کہ غریبوں کی زندگی کو بہتر بنانے کے لیے امیروں پر ٹیکس لگا نا ہوگاجبکہ ڈونلڈ ٹرمپ کہنا تھا کہ امیروں کو ٹیکس میں چھوٹ دینے سے نوکریوں میں اضافہ ہوگا۔
تفصیلات کےمطابق نیویارک میں آج پہلے صدراتی مباحثے میں ڈونلڈ ٹرمپ کا کہنا تھاکہ جب سے اوباما اقتدار میں آئے ہیں ،4 ہزار افراد ہلاک ہو چکے ہیں اس لیے ہم کو پولیس اور کمیونٹی میں تعلقات بہتر بنانے کی ضرورت ہے۔
صدارتی امیدوار ہیلری نےکہا کہ غریبوں کی زندگی کو بہتر بنانے کے لیے امیروں پر ٹیکس لگا نا ہوگا،انہوں نے کہا کہ میرے والد چھوٹے تاجر تھے،جنہوں نے نچلی سطح سے محنت کی،میرا تجربہ ٹرمپ سے مختلف ہے ۔
ریپبلکن پارٹی کے صدارتی امیدوار کا کہنا ہے کہ امریکہ میں نوکریاں ختم ہو تی جا رہی ہیں،تجارتی اور سیاسی معاہدوں کو دوبارہ دیکھنا ہوگا ۔
انہوں نے بتایا کہ میرے والد سے مجھے اتنا کچھ نہیں ملا جتنا سمجھا جا تا ہے،میں خود سے محنت کر کے آگے بڑھا ہوں ۔
ہیلری کلنٹن کا کہنا تھا ہم نے 30 فیصد امریکی برآمدات میں اضا فہ کیا۔ان کا کہنا تھا کہ ہمیں توانائی کے متبادل زرائع میں سرمایہ کاری کرنا ہو گی۔
ٹرمپ کا کہنا تھا کہ چین اور دیگر ملکوں کے ساتھ تجارتی معاہدہ پر نظر ثانی کر نا ہو گی کیو نکہ وہ ہمارے ساتھ اچھا نہیں کررہے، صرف ٹیکس لگا کر ہیلری کوئی بڑا کا رنامہ نہیں کرسکتیں ۔
ہیلری کلنٹن نے بتایا کہ 8 سال پہلے بد ترین مالی بحران ہوااس بحران سے 90 لاکھ افراد کی نوکریاں چلی گئیں۔اب آٹھ سال بعد معیشت بہتر ہو ئی ہے۔
ڈیموکریٹک پارٹی کی صدارتی امیدوار کا کہنا تھا کہ نسلی امتیار بہت بڑا چیلنج ہے اور اسکولوں اور دفاتر میں یہ دیکھنے کو ملتا ہے۔
ٹرمپ نے مزید کہا کہ توانائی کے بہتر استعمال پر یقین رکھتا ہوں ہمیں روزگار کے نئے مواقع پیدا کرنے کی ضرورت ہے۔30 سال تک ان معاملات پر ڈیمو کریٹ کچھ نہیں کر پائے اب سب کیسے بدل جائے گا ؟۔
ہیلری نے کہا کہ اس ضمن میں کئی اقدامات کرنے ہوں گے ،اقلیوں اور کمیونیٹیز میں خلادور کر نا ہوگی۔ ہمیں کرمنل جسٹس سسٹم میں اصلاحات کی ضرورت ہے اور بندوق کلچر تبدیل کرنے کی ضرورت ہے عام افراد کے ہاتھ میں اسلحہ آنا خطرناک ہے۔
خیال رہے کہ امریکہ میں گزشتہ دو امریکی صدارتی انتخابات میں نوجوان ہسپانوی،سیاہ فام،اور ایشین امریکی ووٹرز نے اوباما کے لیےریکارڈ سطح پر ووٹ کاسٹ کیے تھے۔
یاد رہےکہ موجودہ انتخابات میں 47 فیصد جن کی عمر18سے34 تک کے ووٹرز نے ووٹ دینے کا فیصلہ کیا ہے جن کی تعداد اوباما کے صدارتی انتخابات میں 74 فیصد تھی۔
واضح رہے کہ امریکی چینل سی این این کے سروے کےمطابق پہلا صدارتی مباحثہ ہیلری کلنٹن نے 62 فیصد ووٹ لے کر جیت لیا جبکہ ڈونلڈ ٹرمپ کو صرف 27 فیصد ووٹ ملے۔
