ساہیوال: مبینہ پولیس مقابلے میں دومفرور ملزمان سمیت پانچ افراد مارے گئے، فائرنگ کے تبادلے میں چار پولیس اہلکار بھی زخمی ہوئے۔
ساہیوال پولیس دو ملزمان شفیق اور غلام فرید کو انسدادِ دہشتگردی کی عدالت میں پیشی کے لئے لے کر جارہی تھی کہ راستے میں کار سوار ملزمان نے پولیس پارٹی کا گھیراؤ کرلیا، حملہ آور دونوں ملزمان کو باآسانی پولیس حراست سے چھڑا کرلے گئے۔
پولیس کی اضافی نفری طلب کرکے ملزمان کا پیچھا کیا گیا، جہاں کسووال جنگل کے قریب ملزمان اور پولیس کے درمیان ایک بار پھر فائرنگ کا تبادلہ ہوا، جس کے نتیجے میں دو مفرور ملزمان اور تین حملہ آور مارے گئے جبکہ چار پولیس اہلکار زخمی ہوگئے۔
ہلاک ملزمان کے قبضے سے چھینا گیا سرکاری اسلحہ وائرلیس سیٹ اور دو گاڑیاں بھی ملی۔
ڈی پی او ساہیوال محمد ادریس کے مطابق ملزمان اغوا برائے تاوان اور قتل سمیت دیگر سنگین وارداتوں میں ملوث تھے۔
