متحدہ عرب امارات میں 40 سال میں پہلی بار نیا میڈیا ریگولیشن سسٹم متعارف کرادیا گیا۔
غیر ملکی ذرائع ابلاغ کے مطابق متحدہ عرب امارات میں اماراتی میڈیا کونسل کا کہنا ہے کہ میڈیا قوانین کی خلاف ورزی پر 20 لاکھ درہم تک جرمانہ عائد کیا جاسکتا ہے۔
کونسل کے مطابق میڈیا قوانین کی خلاف ورزی پر 7 کروڑ 64 لاکھ سے 15 کروڑ 28 لاکھ پاکستانی روپے جرمانہ ہوگا۔
امارات میں 40 سال میں پہلی بار میڈیا قوانین میں بڑی تبدیلیاں کی گئی ہے، میڈیا مواد کیلئے20 نئے معیار مقرر کیے گئے ہیں َ
اماراتی میڈیا کونسل کا کہنا ہے کہ مقامی مواد کی حوصلہ افزائی کے لیے خصوصی پیکیجز شامل ہونگے، نیا پلیٹ فارم عوامی نگرانی کے لیے جلد متعارف ہوگا۔
میڈیا کونسل نے دوبارہ خلاف ورزی پر جرمانے دگنا کرنے کا اعلان بھی کیا ہے۔
میڈیا ادارے قائم کرنے کے لیے مخصوص شرائط وضع کی گئی ہیں، لائسنس منسوخی اور دیگر سخت سزائیں بھی قوانین میں شامل ہے۔
دوسری جانب گزشتہ روز متحدہ عرب امارات میں رہنے والوں کے لیے چیٹ جی پی ٹی پلس کی مفت سہولت فراہمی سے متعلق اہم پیش رفت سامنے آئی ہے، دبئی، ابوظہبی، شارجہ سمیت پورے امارات میں چیٹ جی پی ٹی پلس ورژن بلکل فری ہوگا۔
غیر ملکی ذرائع ابلاغ کے مطابق امارات پورے ملک کو فری سروس فراہم کرنے والا پہلا ملک بن گیا ہے۔
متحدہ عرب امارات میں ملازمت کے خواہشمند افراد کیلیے بڑا اعلان
چیٹ جی پی ٹی پلس پلیٹ فارم کا جدید ترین ورژن ہے جو تیز ترین کارکردگی، بہتر جوابات، اور زیادہ ٹریفک کے اوقات میں بھی ترجیحی رسائی فراہم کرتا ہے۔
