Tag: متحدہ عرب امارات

دبئی: متحدہ عرب امارات کی ریاست دبئی میں مسلمان ٹیکسی ڈرائیور نے ایمان داری کی اعلیٰ مثال قائم کردی۔

خلیج ٹائمز کی رپورٹ کے مطابق دبئی میں مسلمان ٹیکسی ڈرائیور محمد ناظم نے نوٹوں سے بھرا بیگ واپس کرکے ایمانداری کی اعلیٰ مثال قائم کردی، دبئی پولیس نے محمد ناظم کے اقدام کو سراہا۔

رپورٹ کے مطابق دبئی کے علاقے خور فکان میں مسلمان ٹیکسی ڈرائیور کی گاڑی میں برازیلین فٹبال کے کھلاڑی بسمارک فیریرا سوار ہوئے اور منزل مقصود پر پہنچنے کے بعد اپنا نوٹوں سے بھرا بیگ گاڑی میں بھول گئے، برازیلین فٹ بال کے کھلاڑی خورفکان کی ٹٰیم سے کھیلتے ہیں۔

ٹیکسی ڈرائیور محمد ناظم کو جب گاڑی کی پچھلی سیٹ سے بیگ ملا تو انہوں نے فوراً نوٹوں سے بھرا بیگ دبئی پولیس کے حوالے کردیا۔

ٹٰیکسی ڈرائیور نے کہا کہ بیگ واپس کرنے پر دبئی پولیس نے میرے اس اقدام کو سراہا اور کہا کہ وہ مجھ سے دوبارہ ملاقات کریں گے۔

ڈرائیور محمد ناظم کے مطابق دو دن کے بعد میں حیران رہ گیا کہ دبئی پولیس کا ایک وفد میرے آفس پہنچ گیا اور مجھے اعلیٰ افسران اور میرے ساتھی ڈرائیورز کے سامنے اعزاز سے نوازا۔

محمد ناظم نے کہا کہ بڑا فخر محسوس ہوا کہ مجھے میرے ساتھیوں اور افسران کے سامنے سرٹیفکیٹ اور تحفہ دیا گیا۔

دبئی پولیس نے محمد ناظم کی ویڈیو بھی شیئر کی ہے، ٹیکسی ڈرائیور نے دیگر ڈرائیورز سے اپیل کی ہے کہ اگر کسی کی کوئی کھوئی ہوئی چیز انہیں مل جائے تو اسے فوری طور پر پولیس کے حوالے کردیں۔

دبئی: متحدہ عرب امارات کے شہر دبئی میں ڈالر سے بھرے باکس کی ویڈیو وائرل ہوئی جس کی وضاحت دبئی پولیس نے کردی ہے۔

گلف نیوز کی رپورٹ کے مطابق دبئی پولیس نے ڈالر سے بھرے باکس کی ویڈیو وائرل ہونے پر میڈیا سے گفتگو کرتے ہوئے کہا ہے کہ ایک افریقی گینگ ویڈیو کا کلپ ایک شخص کو بلیک میل کرنے کے لیے استعمال کررہے تھے جس نے ان کے جھانسے میں آنے سے انکار کردیا تھا۔

دبئی کے ڈائریکٹر آف سیکیورٹی میڈیا کرنل فیصل القاسم کے مطابق افریقی ملزمان نے اس شخص سے سوشل میڈیا پر رابطہ کیا اور اس کی رقم دگنا کرنے کا کہہ کر اسے دھوکا دینے کی کوشش کی اور اسے ویڈیو جعلی ڈالروں سے بھرے باکسز دکھائے۔

 

View this post on Instagram

 

. كشف حقيقة فيديو صناديق الدولارات . بالإشارة إلى الفيديو المتداول على مواقع التواصل الاجتماعي حول صناديق الدولارات، أوضح العقيد فيصل عيسى القاسم مدير إدارة الإعلام الأمني في شرطة دبي، بأن عصابة أفريقية حاولت الاحتيال على الشخص الموجود في الفيديو، عبر التعرف عليهم عن طريق وسائل التواصل الاجتماعي وثم تواصل معهم و إغرائه بقدرتهم على مضاعفة أمواله، مستدرجين إياه إلى شقة تحوي صناديق الدولارات المزورة، ثم قاموا بتصويره في محاولة لابتزازه ودفعه إلى إعطائهم مبالغ مالية، عندها سارع لإبلاغ الإدارة العامة للتحريات والمباحث الجنائية التي اتخذت بدورها الاجراءات اللازمة للقبض عليهم. وقال العقيد القاسم إن الشخص كاد أن يقع ضحية للعصابة لولا وعيه وسرعة تبليغه للإدارة العامة للتحريات والمباحث الجنائية التي سارعت بدورها في كشف الحقيقة ، ويهيب العقيد القاسم بأفراد الجمهور بأخذ الحيطة والحذر من التواصل الغرباء والاعلانات الوهمية في التواصل الاجتماعي وعدم تصديقهم، والإبلاغ عنهم عبر منصة ecrime.ae للبلاغات الإلكترونية أو الخدمة الذكية "عين الشرطة” عبر تطبيق شرطة دبي او الاتصال بالرقم ٩٩٩ أو بالرقم ٩٠١ . In connection to the viral video circulated on social media showing boxes filled with piles of dollars,Colonel Faisal AlQasim, Director of Dubai Police Security Media, said the video was secretly taken by an african gang who used the clip to blackmail the man in the footage after he had refused to give in for their claims. Colonel AlQasim said the scammers tried to deceive the man, whom the gang had lured through social media, promising him to double his money in no time while showing him boxes filled with counterfeit dollars . “The man who almost fell a prey to the gang, disbelieved their claims and reported the matter to Dubai Police who swiftly took necessary actions to arrest the suspects,” Col AlQasim added. The director of Dubai Police Security Media urged members of the public to stay alert against all scammers and online strangers, and to immediately report suspicious activities to Dubai Police through the force’s channels including the ecrime.ae platform , the emergency number 999 , Dubai Police Call centre 901, or through the (Police Eye) feature via Dubai Police App.

A post shared by Dubai Police شرطة دبي (@dubaipolicehq) on Sep 11, 2019 at 3:41am PDT

کرنل القاسم کا کہنا تھا کہ وہ شخص ملزمان کی باتوں میں نہیں آیا اور اس نے سارے واقعے سے پولیس کو آگاہ کیا، پولیس نے کامیابی کارروائی کرتے ہوئے ملزمان کو گرفتار کرلیا۔

ڈائریکٹر دبئی پولیس نے شہریوں سے اپیل کی ہے کہ جعلسازوں کے جھانسے میں نہ آئیں اور کسی بھی اجنبی شخص کو اپنے اکاؤنٹ اور کریڈٹ کارڈز کی معلومات نہ دیں۔

دبئی پولیس کا کہنا ہے کہ اس طرح کے واقعات کی اطلاع ہمارے ایمرجنسی نمبر 999، دبئی پولیس کال سینٹر 901 اور پولیس آئی دبئی پولیس ایپ پر دیں۔

دبئی: متحدہ عرب امارات کے شہر دبئی میں اسکول بس اور ٹینکر میں ہولناک تصادم کے نتیجے میں 15 طلباء زخمی ہوگئے۔

عرب میڈیا کے مطابق دبئی میں آج صبح اسکول بس اور واٹر ٹینکر میں خوفناک تصادم ہوا جس کے نتیجے میں 15 طلباء زخمی ہوگئے، زخمی طلباء کو فوری طور پر راشد اسپتال منتقل کیا گیا۔

رپورٹ کے مطابق 15 زخمی طالبعلم الورقہ انگلش ہائی اسکول میں زیر تعلیم ہیں۔

دبئی پولیس کا کہنا ہے کہ حادثے کے نتیجے میں 15 طالب علم زخمی ہوئے ہیں جن میں 14 طالب علم کو معمولی زخم آئے جنہیں طبی امداد کے بعد ڈسچارج کردیا گیا۔ جبکہ ایک زخمی طالب علم کی حالت تشویش ناک ہے۔

رپورٹ کے مطابق حادثے کے نتیجے میں واٹر ٹینکر ڈرائیور بھی زخمی ہوا جسے اسپتال میں طبی امداد فراہم کی جارہی ہے۔

اسکول انتظامیہ کا کہنا ہے کہ حادثے میں معمولی زخمی ہونے والے طالب علموں کو چیک اپ کے بعد اسکول کے لیے روانہ کردیا گیا تھا۔

دبئی پولیس کا کہنا ہے کہ حادثے کے بعد جائے وقوعہ سے گاڑیاں ہٹا کر ٹریفک بحال کردیا گیا ہے، حادثے کے وقت ٹریفک پولیس نے ڈرائیورز کو متبادل روٹس کے حوالے سے آگاہ کردیا تھا۔

دوسری جانب ڈائریکٹر جنرل ڈی ایچ اے حمید ال قتامی نے اسپتال پہنچ کر زخمی طلبا کی عیادت کی تھی۔

دبئی پولیس کا کہنا ہے کہ حادثے کی وجہ دونوں گاڑیوں میں فاصلے کا فقدان تھا جس کی سبب حادثہ رونما ہوا۔

یو این ایچ آر سی کمیشن بنا کر مقبوضہ وادی میں بھارتی مظالم کی تحقیقات کرائے، وزیراعظم

اسلام آباد: وزیراعظم عمران خان نے کہا ہے کہ یو این ایچ آر سی کمیشن بنا کر مقبوضہ وادی میں بھارتی مظالم کی تحقیقات کرائے۔

دبئی: متحدہ عرب امارات کے شہر دبئی کی ہائپر مارکیٹ کے پارکنگ ایریا میں ہولناک حادثہ رونما ہوا ہے۔

خلیج ٹائمز کی رپورٹ کے مطابق ہائپر مارکیٹ یونین کوپ کی جانب سے حادثے کی تفصیلات بتاتے ہوئے کہا ہے کہ پارکنگ ایریا کے ایک آؤٹ لیٹ کے پاس حادثہ پیش آیا تاہم اس میں خوش قسمتی سے کوئی زخمی نہیں ہوا۔

حادثہ تین کاروں کے درمیان ہائپر مارکیٹ کی ام سقیم برانچ میں منگل کے روز پیش آیا، ہائپر مارکیٹ نے سماجی رابطے کی ویب سائٹ ٹویٹر پر واضح کیا کہ حادثے میں کوئی انجری رپورٹ نہیں ہوئی ہے۔

#تعاونية_الاتحاد تكشف تفاصيل الحادث المنتشر عبر مواقع التواصلhttps://t.co/qRIYoqB5MN#البيان_القارئ_دائما pic.twitter.com/U9XsKUnw8w

— صحيفة البيان (@AlBayanNews) September 4, 2019

شاپنگ مال انتظامیہ کی جانب سے سوشل میڈیا پر ویڈیو شیئر کی گئی ہے جس میں بلیک کار سیدھے ہاتھ سے پارکنگ ایریا میں داخل ہوتی نظر آرہی ہے، اس کے بعد ایک گاڑی اور اندر آتی ہے تو پیچھے سے تیسری گاڑی کار کو گھسیٹتے ہوئے آگے لے جاتی ہے۔

مزید پڑھیں: دبئی میں خوفناک ٹریفک حادثہ، دو پاکستانی سمیت 17 ہلاک

دبئی پولیس کا کہنا ہے کہ حادثہ پہلے ڈرائیور کی جانب سے ایکسی لیٹر پر غلطی سے پیر رکھنے کی وجہ سے پیش آیا، پولیس نے تصدیق کی کہ حادثے کے نتیجے میں کوئی شہری زخمی نہیں ہوا ہے۔

أكدت القيادة العامة لـ #شرطة_دبي أن الفيديو المتداول للحادث المروري الذي وقع في مواقف إحدى الجمعيات التعاونية لم يسفر عن أي إصابات أو وفيات.
1/3 pic.twitter.com/hk3h366ZV0

— Dubai Policeشرطة دبي (@DubaiPoliceHQ) September 4, 2019

پولیس نے موٹریز کو نصیحت کرتے ہوئے کہا ہے کہ ڈرائیور گاڑی چلاتے ہوئے احتیاط برتیں اور موٹرویز پر بھی اسپیڈ لمٹ کا خیال کیا جائے۔

دبئی: متحدہ عرب امارات کی ریاست دبئی میں دنیا کی بلند ترین عمارت برج خلیفہ پر رواں ماہ ایل ای ڈی شو کا انعقاد کیا جائے گا۔

خلیج ٹائمز کی رپورٹ کے مطابق متحدہ عرب امارات کے شہری روزانہ 30 منٹ ویک اینڈ پر برج خلیفہ پر یہ خوبصورت منظر دیکھ سکیں گے۔

رپورٹ کے مطابق برج خلیفہ پر جمعرات، جمعہ اور ہفتے کے روز ایل ای ڈی شو 7:45 سے لے کر 10:45 منٹ تک ہوگا۔

میموری لین کے آرٹسٹ انتھونی برلینڈ کا کہنا ہے کہ اس خوبصورت منظر سے 1980 اور 90 کی دہائی کی پرانی یادوں کو تازہ کرتے ہیں، اس کا مقصد شہریوں کو تفریح فراہم کرنا ہے۔

مزید پڑھیں: دبئی، بھارت کے لیے ایک اور ہزیمت، برج خلیفہ پر بھارتی پرچم آویزاں نہیں کیا گیا

انتھونی برلینڈ کا کہنا ہے کہ ایل ای ڈی شو میں ریٹرو آرکیڈ مشین اور ونٹیج الیکٹرونکس کا استعمال کیا جائے گا۔

ایک اور مصور ٹیلر نائٹ نے کہا کہ موسم سرما کی تفریح کے دن قریب آرہے ہیں اور دھوپ کے ساحل سے لے کر رسیلے تربوز اور موسی پھلوں تک کی وہ تمام یادیں دوبارہ تازہ ہوجائیں گی۔

اس ایونٹ سے سب شاندار رنگوں اور رنگین موسیقی کے ساتھ اسکرین پر برج خلیفہ کی جگمگاتی روشنیاں جگمگائیں گی۔

ابوظبی: پائیدار ترقی کے لیے قائم امارات کے قومی ادارے نے اعلان کیا ہے کہ متحدہ عرب امارات نے غربت کا مکمل خاتمہ کردیا۔

غیرملکی خبررساں ادارے کے مطابق پائیدار ترقی کے قومی ادارے نے اپنی پہلی رپورٹ جاری کرکے بتایا کہ امارات میں غربت سے متعلق اب کوئی چیلنج باقی نہیں رہا، غربت کا 100 فیصد خاتمہ کردیا گیا ہے۔

[bs-quote quote=”متحدہ عرب امارات میں اب کوئی بھی ایسا شہری نہیں جس کی یومیہ آمدنی 1.25 ڈالر (4.6 درہم) سے کم ہو” style=”style-8″ align=”left” author_name=”رپورٹ”][/bs-quote]

رپورٹ کے مطابق ملک میں اب کوئی بھی ایسا شہری نہیں جو خط غربت کے تحت زندگی گزار رہا ہو، عالمی بینک گروپ کے مطابق یومیہ 1.25 ڈالر سے کم آمدنی غربت میں شمار کی جاتی ہے۔

متحدہ عرب امارات میں اب کوئی بھی ایسا شہری نہیں جس کی یومیہ آمدنی 1.25 ڈالر (4.6 درہم) سے کم ہو، یہ رپورٹ اولیور ویمن کنسلٹنسی نے اماراتی ادارے کے اشتراک سے تیار کی۔

رپورٹ میں بتایا گیا کہ متحدہ عرب امارات ہلال احمر جیسی امدادی تنظیموں کے ذریعے عالمی سطح پر بھی اقوام متحدہ کے ترقیاتی اہداف کے حصول کے لیے کوشاں ہیں۔

یو اے ای نے گزشتہ برسوں کے دوران اس مد میں بھاری رقوم خرچ کی ہیں، رپورٹ میں یہ بھی واضح کیا گیا کہ امارات نے سرکاری کارکردگی کا معیار بلند کرنے کا ہدف حاصل کرنے کے لیے 93 فیصد سے زیادہ کامیابی حاصل کرلی ہے۔

رپورٹ کے مطابق اماراتی وزارت داخلہ ملک کو امن و امان والے ممالک کی فہرست میں برقرار رکھنے کے لیے کوشاں ہیں، 2021 تک تمام سرکاری ادارے اس ہدف کو منطقی انجام تک پہنچانے کا مشن جاری رکھیں گے۔