Tag: متحدہ عرب امارات

  • بچوں کو گاڑی میں بھول جانے پر 10 لاکھ درہم جرمانہ اور 10 سال قید کی سزا

    بچوں کو گاڑی میں بھول جانے پر 10 لاکھ درہم جرمانہ اور 10 سال قید کی سزا

    دبئی: متحدہ عرب امارات میں بچوں کو گاڑی میں بھول جانے پر ایک ملین درہم جرمانہ اور 10 سال قید کی سزا بھگتنا پڑے گی۔

    عرب میڈیا کے مطابق والدین اور اسکول بس ڈرائیور کی جانب سے گاڑی میں بچوں کو بھول جانے کے سبب بچوں کی اموات ہوئی تھی جس کے بعد امارات میں چائلڈ رائٹس قانون کے تحت سزا اور جرمانے کا اعلان کیا گیا ہے۔

    شارجہ میں چند روز قبل والد کی جانب سے دو سالہ بچے کو گاڑی میں بھولنے کے سبب معصوم بچہ زندگی و موت کی کشمکش میں اسپتال میں زیر علاج ہے۔

    رپورٹ کے مطابق والد بچے کو لے کر جمعہ کی نماز پڑھنے گئے اور جب واپس آئے تو گاڑی لاک کرکے گھر کے اندر چلے گئے چند گھنٹے بعد جب انہیں احساس ہوا کہ بچہ موجود نہیں ہے تو وہ گاڑی کی جانب سے روانہ ہوئے، معصوم بچے کو بیہوشی کی حالت میں اسپتال منتقل کیا گیا۔

    مزید پڑھیں: دبئی کی اسکول بس میں بند ہوجانے سے 6 سالہ بچہ جاں بحق

    پولیس کے مطابق بچے کو القاسم اسپتال میں طبی امداد دی جارہی ہے لیکن اس کی حالت تشویش ناک ہے، واقعے کی تحقیقات کا آغاز کردیا ہے بظاہر اس میں والد کی لاپرواہی ظاہر ہورہی ہے۔

    واضح رہے کہ گزشتہ ماہ دبئی کی اسکول بس میں بند ہوجانے سے ایک بچہ زندگی کی بازی ہار گیا تھا، فرحان فیصل اسلامیہ مدرسے میں تحفیظ القرآن کی تعلیم حاصل کررہا تھا بچے کی موت بس میں شدید حبس کے باعث ہوئی۔

    یاد رہے کہ اکتوبر 2014 میں بھی ابوظبی میں 4 سالہ بھارتی بچی اسکول بس کا دروازہ بند ہونے کے باعث زندگی کی بازی ہار گئی تھی۔

  • ابوظبی، دو اسکول بسوں میں تصادم، 9 طالب علم زخمی، اسپتال منتقل

    ابوظبی، دو اسکول بسوں میں تصادم، 9 طالب علم زخمی، اسپتال منتقل

    ابوظبی: متحدہ عرب امارات کی ریاست ابوظبی میں دو مختلف حادثات میں اسکول بسیں حادثے کا شکار ہوگئیں، جس کے نتیجے میں 9 طالب علم زخمی ہوگئے۔

    تفصیلات کے مطابق ابوظبی میں دو مختلف حادثات کے نتیجے میں 9 طالب علم زخمی ہوگئے جنہیں طبی امداد کے لیے مقامی اسپتالوں میں منتقل کردیا گیا۔

    رپورٹ کے مطابق پہلا حادثہ الریم آئی لینڈ کے قریب پیش آیا جہاں اسکول بس تیز رفتار کار سے ٹکرائی جس کے نتیجے میں 6 بچے زخمی ہوئے۔

    دوسرا حادثہ الرہا ساحل روڈ پر پیش آیا جہاں کار اور اسکول بس میں تصادم ہوا جس کے نتیجے میں تین اماراتی بچوں سمیت 2 خواتین زخمی ہوئیں۔

    بریگیڈیئر جنرل سہیل الخلیلی نے گزشتہ روز اسپتال کا دورہ کیا اور اسپتال انتظامیہ کو بچوں کی جلد صحت یابی کی ہدایت کی۔

    مزید پڑھیں: متحدہ عرب امارات، خوفناک ٹریفک حادثے میں 4 بچوں کی ماں جاں بحق

    الخلیلی کا کہنا تھا کہ ابوظبی پولیس کو ہدایت کی کہ وہ حادثات کی روک تھام کے لیے آگاہی مہم چلائیں تاکہ حادثات کی روک تھام میں مدد مل سکے۔

    ان کا کہنا تھا کہ شہری گاڑی چلاتے ہوئے قانون پر عملدرآمد یقینی بنائیں اور ڈرائیونگ موبائل فون کا استعمال نہ کریں، اسپیڈ لمٹ کا بھی خیال رکھا جائے۔

    واضح رہے کہ متحدہ عرب امارات میں حادثات میں اضافہ ہوا ہے، چند روز قبل بھی راس الخیمہ میں خوفناک تصادم میں تین بچے اور خاتون جاں بحق ہوگئی تھیں۔

    اس سے قبل دبئی میں سیاحوں کی بس کو خطرناک حادثہ پیش آیا تھا جس کے تنیجے میں 17 سیاح ہلاک ہوگئے تھے جن میں دو پاکستانی بھی شامل تھے۔

  • متحدہ عرب امارات حکومت نے پیٹرولیم مصنوعات کی قیمتوں میں کمی کردی

    متحدہ عرب امارات حکومت نے پیٹرولیم مصنوعات کی قیمتوں میں کمی کردی

    دبئی: متحدہ عرب امارات حکومت نے ماہ جولائی کے لیے پیٹرولیم مصنوعات کی قیمتوں میں کمی کا اعلان کردیا۔

    عرب میڈیا کے مطابق متحدہ عرب امارات حکومت نے ماہ جولائی کے لیے پیٹرولیم مصنوعات کی قیمتوں میں معمولی کمی کی ہے، سپر 98 پیٹرول کی قیمتوں میں 2.30 درہم فی لیٹر کمی کی گئی ہے جبکہ ماہ جون میں 2.53 اضافہ کیا گیا تھا۔

    اسپیشل 95 پیٹرول کی قیمتوں میں 2.18 درہم کمی کی گئی ہے، گزشتہ ماہ 2.42 اضافہ کیا گیا تھا۔

    ایک لیٹر ڈیزل کی قیمت میں 2.35 درہم کمی کی گئی ہے، ماہ جون میں 2.56 درہم اضافہ کیا گیا تھا۔

    پیٹرولیم مصنوعات کی نئی قیمتوں کا اطلاق یکم جولائی سے ہوگا۔

    واضح‌ رہے کہ گزشتہ ماہ عالمی منڈی میں‌ پیٹرول کی قیمتوں‌ میں‌ اضافے کے سبب متحدہ عرب امارات حکومت نے پیٹرولیم مصنوعات کی قیمتوں‌ میں‌ اضافہ کیا تھا.

  • ابوظبی، نشے میں دھت خاتون کا پولیس اہلکار پر حملہ

    ابوظبی، نشے میں دھت خاتون کا پولیس اہلکار پر حملہ

    ابوظبی: متحدہ عرب امارات کی ریاست ابوظبی میں نشے میں دھت خاتون نے پولیس اہلکار پر حملہ کردیا اور اس کی گاڑی کو بھی نقصان پہنچایا۔

    عرب میڈیا کے مطابق ابوظبی کی عدالت میں پولیس اہلکار پر حملے کے کیس کی سماعت ہوئی جس میں خاتون نے نشے میں دھت ہوکر بغیر لائسنس گاڑی چلانے کا اعتراف کیا۔

    [bs-quote quote=”خاتون نے عدالت میں بغیر لائسنس نشے میں دھت ہوکر گاڑی چلانے کا اعتراف کرلیا” style=”style-8″ align=”left”][/bs-quote]

    خاتون پر الزام ہے کہ اس پر ابوظبی میں پولیس اہلکار پر حملہ اور گاڑی کے شیشے کو نقصان پہنچایا۔

    خاتون نے عدالت میں بغیر لائسنس نشے میں دھت ہوکر گاڑی چلانے کا اعتراف تو کیا تاہم اپنے اوپر عائد پولیس اہلکار پر حملے اور پولیس گاڑی کے شیشے کو نقصان پہنچانے کے الزام کو مسترد کردیا۔

    پراسیکیوٹر کا کہنا تھا کہ خاتون کو مذکورہ واقعے کے حوالے سے کچھ بھی یاد نہیں ہے جس کی وجہ یہ ہے کہ وہ نشے میں دھت ہوکر گاڑی چلارہی تھیں۔

    خاتون کے وکیل کا کہنا تھا کہ خاتون کو شراب کا لائسنس حاصل کرنے کی ضرورت نہیں تھی کیونکہ وہ مسلمان نہیں ہے اور اس کا اطلاق خاتون پر نہیں ہوتا۔

    خاتون نے عدالت میں موقف اختیار کیا کہ وہ 6 سال سے متحدہ عرب امارات میں رہائش پذیر ہے اور یہاں کے قانون پر ہر صورت عملدرآمد کرتی ہے اور نہ ہی ان کا کوئی کرمنل ریکارڈ ہے۔

    ملزمہ کا کہنا تھا کہ جب تک عدالت میں کیس چل رہا ہے مجھے ریلیف فراہم کیا جائے۔

  • ابوظبی: بیرون ملک فرار کی کوشش ناکام، 600 ملین درہم چرانے والا بینک ملازم گرفتار

    ابوظبی: بیرون ملک فرار کی کوشش ناکام، 600 ملین درہم چرانے والا بینک ملازم گرفتار

    ابوظبی: متحدہ عرب امارات کی ریاست ابوظبی میں 600 ملین درہم چرا کر بھاگنے والے بینک ملازم کو جہاز سے گرفتار کرکے اس کی بیرون ملک فرار کی کوشش ناکام بنادی گئی۔

    غیرملکی خبررساں ادارے کے مطابق ابوظبی میں 600 ملین درہم چرانے پر نوکری سے نکالے جانے والے ملازم کو پولیس نے جہاز سے گرفتار کرلیا، ملزم ملک چھوڑ کر بھاگ رہا تھا۔

    رپورٹ کے مطابق پولیس نے ایئرپورٹ سیکیورٹی فورس نے ملزم کا نام بلیک لسٹ شامل میں ہونے پر اسے حراست میں لیا، اس کا نام 15000 درہم کا چیک باؤنس ہونے پر بلیک لسٹ میں شامل کیا گیا تھا۔

    ملزم نے بینک سے 600 ملین درہم کا فراڈ کرکے مذکورہ رقم آن لائن کے ذریعے دوسرے ممالک کے بینک اکاؤنٹس میں منتقل کی تھی، ملزم نے یہ کارروائی شام کے دوران کی جب بینک کے الیکٹرانک سسٹم ایک دن کے لیے بند تھے۔

    مزید پڑھیں: دبئی: جعلی چیک کے ذریعے مہنگی گاڑیاں خریدنے والا عرب شہری گرفتار

    ایئرپورٹ سیکیورٹی فورس کے ہاتھوں گرفتار ہونے کے بعد ملزم نے خود کو بینک کا ایک سینئر ملازم ٖظاہر کیا، اس نے کہا کہ میں چیک باؤنس کی رقم دینے کو تیار ہوں مجھے جانے دیا جائے۔

    سیکیورٹی فورس نے مذکورہ شخص کو پیش کش کو مسترد کرتے ہوئے اسے پبلک پراسیکیوٹر کے سامنے پیش کرنے کو کہا، بعدازاں پراسیکیوٹر کی جانب سے تفتیش کرنے پر پتا چلا کہ اس نے ایک بینک سے 600 ملین درہم کی رقم چرا کر بیرون ملک منتقل کردی ہے۔

    ابوظبی کی عدالت میں اگر مذکورہ شخص پر جرم ثابت ہوجاتا ہے تو اسے 15 سال قید کی سزا بھگتنا ہوگی۔

    ملزم کی جانب سے کورٹ میں اپیل کرنے پر سزا میں 7 سال تک کمی ہوسکتی ہے تاہم وہ اگر 600 ملین درہم کی رقم بینک کو واپس کردیتا ہے تو ملزم کو سزا پوری کرنے کے بعد ڈی پورٹ کردیا جائے گا۔

  • متحدہ عرب امارات، نوجوانوں کے لیے مفت ویزا پالیسی متعارف

    متحدہ عرب امارات، نوجوانوں کے لیے مفت ویزا پالیسی متعارف

    ابوظبی: متحدہ عرب امارات نے 18 سال یا اس سے کم عمر نوجوانوں کے لیے مفت ویزا پالیسی متعارف کرادی۔

    عرب میڈیا کے مطابق نوجوانوں یا نابالغ افراد کے لیے مفت ویزا پالیسی کی مدت 2 ماہ تک جاری رہے گی اور دنیا کے تمام ممالک کے افراد اس سہولت سے استفادہ کرسکیں گے۔

    پالیسی کے مطابق 15 جولائی سے 15 ستمبر تک دنیا بھر کے 18 برس یا اس سے کم عمر کے نوجوانوں کو متحدہ عرب امارات کا ویزا حاصل کرنے کے لیے کوئی فیس ادا نہیں کرنی ہوگی۔

    متحدہ عرب امارات میں لوگوں نے اسے خوش آئند قرار دیتے ہوئے کہا ہے کہ اس سے امارات اور خلیجی ممالک میں سیاحت کو فروغ ملے گا۔

    مزید پڑھیں: دبئی: غیر ملکیوں کے لیے نئی ویزا پالیسی متعارف

    خیال کیا جارہا ہے کہ گرمیوں میں دو ماہ کے لیے مفت ویزا سے پاکستان، بھارت، بنگلہ دیش اور دیگر قریبی ممالک سے بڑی تعداد میں لوگ متحدہ عرب امارات پہنچیں گے۔

    واضح رہے کہ حکومت نے ہر سال دو ماہ کے لیے 18 سال یا اس سے کم عمر افراد کے لیے مفت ویزا پالیسی کا اعلان گزشتہ سال کیا تھا اور رواں برس اس کا اطلاق کیا جارہا ہے۔

    حکام کو توقع ہے کہ دو ماہ کے لیے مفت ویزا پالیسی سے متحدہ عرب امارات میں سیاحت میں اضافہ ہوگا۔

  • متحدہ عرب امارات میں لگژری کاروں کا قبرستان

    متحدہ عرب امارات میں لگژری کاروں کا قبرستان

    ابوظبی : شارجہ ریگستان میں سینکڑوں انتہائی قیمتی کاریں مٹی کا ڈھیر بن رہی ہیں، کاروں کے مالکان قرض ادا کرنے سے قاصر رہے اور دیوالیہ ہونے پر ملک سے چلے گئے۔

    تفصیلات کے مطابق متحدہ عرب امارات کی ریاست شارجہ کے ایک میدان میں بینٹلے، فیراری، رینج روور، رولس رائس اور دیگر قیمتی ترین سپر اور اسپورٹس کاروں کا ایک ڈھیر ریگستانی مٹی میں مٹی بن رہا ہے۔

    غیر ملکی خبر رساں ادارے کا کہنا ہے کہ ایسی صورتحال میں کاروں کے اس قبرستان کو دنیا کا سب سے قیمتی کباڑخانہ قرار دیا جاسکتا ہے۔ اگرچہ بہت سی گاڑیاں بری حالت میں ہیں لیکن ان کے فاضل پرزے بھی اچھی قیمت پر فروخت ہوسکتے ہیں۔

    میڈیا ذرائع کا کہنا تھا کہ شدید گرمی ، خشکی اور ریگستانی ریت کے حملے نے ان کاروں کا حسن گہنا دیا ہے، سپر کاروں کے مالکان قرض ادا کرنے سے قاصر رہے اور دیوالیہ ہونے پر ملک سے جاچکے ہیں۔

    متحدہ عرب امارات اور بالخصوص دبئی میں 2012 میں شدید معاشی بحران آیا تھا، یہاں سے جانے والوں میں کئی برطانوی، امریکی اور دیگر باشندے بھی شامل ہیں جو اپنی پُرتعیش زندگی جاری نہ رکھ سکے اور اس بیابان میں لگژری کاریں اس طرح چھوڑ کر چلے گئے کہ بعض میں چابیاں بھی لگی تھیں۔

    غیر ملکی میڈیا کا کہنا تھا کہ بعض نے کاریں ایئرپورٹ پر ہی چھوڑدی تھیں، یہ افراد شدید جرمانے اور قرض میں جکڑے تھے اور گرفتاری کے خوف سے اپنی کاریں چھوڑ کر بھاگ نکلے جن میں مرسڈیز، بی ایم ڈبلیو، اوڈی ، مسٹنگ اور دیگر گاڑیاں شامل ہیں جو پڑے پڑے گل سڑ رہی ہیں۔

  • متحدہ عرب امارات، ٹریفک حادثے میں عرب خاتون جاں بحق

    متحدہ عرب امارات، ٹریفک حادثے میں عرب خاتون جاں بحق

    راس الخیمہ: متحدہ عرب امارات کی ریاست راس الخیمہ میں ٹریفک حادثے کے نتیجے میں عرب خاتون جاں بحق ہوگئیں۔

    عرب میڈیا کے مطابق متحدہ عرب امارات کی ریاست راس الخیمہ کے علاقے خزام میں عرب خاتون تیز رفتار گاڑی کی زد میں آکر جاں بحق ہوگئیں، خاتون نے پیڈسٹرین برج کا استعمال ترک کرکے روڈ کراس کیا جس کے سبب حادثہ رونما ہوا۔

    راس الخیمہ پولیس اور ایمبولینس فوری طور پر جائے وقوعہ پہنچی اور خاتون کو سقر اسپتال منتقل کیا تاہم پورے جسم پر شدید چوٹیں آنے کے سبب وہ جانبر نہ ہوسکیں۔

    پولیس کا کہنا ہے کہ عرب خاتون بیوٹی سیلون گئی تھیں جہاں سے وہ اپنا کام مکمل کرنے کے بعد روڈ کراس کررہی تھی۔

    راس الخیمہ پولیس کے مطابق خاتون کے پیڈسٹرین برج استعمال نہ کرنے اور ڈرائیور کی تیز رفتاری کی وجہ سے حادثہ پیش آیا، اسی وجہ سے خاتون اُس کی گاڑی کے سامنے آئیں اور دونوں سنبھل نہیں سکے۔

    مزید پڑھیں: دبئی میں خوفناک ٹریفک حادثہ، دو پاکستانی سمیت 17 ہلاک

    اسپتال انتظامیہ کے مطابق ضابطے کی کارروائی کے بعد خاتون کی لاش کو ورثا کے حوالے کردیا گیا ہے۔

    واضح رہے کہ چند روز قبل دبئی میں خوفناک ٹریفک حادثے میں دو پاکستانی شہری سمیت 17 افراد ہلاک ہوگئے تھے۔

    حادثے میں ہلاک ہونے والوں میں 12 کا تعلق پڑوسی ملک بھارت سے تھا، جبکہ جاں بحق ہونے والوں میں دو پاکستانی، ایک آئرش اور ایک عمانی شہری شامل تھا۔

    یاد رہے کہ اماراتی دارالحکومت ابوظبی کے ضلع الفلاح میں عید کے پہلے روز خوفناک ٹریفک حادثے کے نتیجے میں تین بچے اور خاتون جاں بحق ہوگئی تھی، حادثہ تیز رفتاری کے سبب پیش آیا تھا۔

  • ابوظبی، خوفناک ٹریفک حادثہ، 3 بچے اور خاتون جاں بحق

    ابوظبی، خوفناک ٹریفک حادثہ، 3 بچے اور خاتون جاں بحق

    ابوظبی: متحدہ عرب امارات کی ریاست ابوظبی میں خوفناک ٹریفک حادثے میں خاتون سمیت 3 بچے جاں بحق ہوگئے۔

    عرب میڈیا کے مطابق ابوظبی کے ضلع الفلاح میں عید کے پہلے روز خوفناک ٹریفک حادثے کے نتیجے میں تین بچے اور خاتون جاں بحق ہوگئی، حادثہ تیز رفتاری کے سبب پیش آیا۔

    رپورٹ کے مطابق حادثے میں جاں بحق خاتون بچوں کی آیا تھی، جبکہ بچوں کی والدہ کو شدید زخمی حالت میں اسپتال منتقل کردیا گیا۔

    حادثہ تیز رفتاری کے سبب پیش آیا جب خاتون گاڑی کو کنٹرول نہیں کرسکیں اور گاڑی پول سے ٹکرا گئی۔

    حادثے میں جاں بحق ہونے والے اماراتی بچے کی عمر 15 سال جبکہ ان کی بہنوں کی عمریں 12 اور 11 سال ہیں۔

    مزید پڑھیں: شارجہ: ہولناک ٹریفک حادثہ، بھارتی سیاح جوڑا ہلاک، 5 افراد زخمی

    لیفٹیننٹ کرنل عبداللہ السعودی کا کہنا تھا کہ گاڑی چلانے والی خاتون کے پاس ڈرائیونگ لائسنس نہیں تھا، ڈرائیونگ لائسنس کے بغیر گاڑی چلانا قانون کی سنگین خلاف ورزی ہے۔

    انہوں نے کہا کہ ڈرائیونگ لائسنس کے بغیر گاڑی چلانا آرٹیکل 51 کی خلاف ورزی ہے جس کی صورت میں مذکورہ شخص کو 3 ماہ قید کی سزا اور 5 ہزار درہم جرمانے کا سامنا کرنا پڑٖتا ہے۔

    السعودی نے شہریوں سے اپیل کی ہے کہ وہ ٹریفک قوانین کی پاسداری کریں، گاڑی چلاتے وقت اسپیڈ لمٹ کا خیال رکھیں اور سیٹ بیلٹ کا استعمال لازمی کریں۔

    واضح رہے کہ رواں سال فروری میں شارجہ میں خطرناک ٹریفک حادثے میں بھارت سے تعلق رکھنے والا سیاح جوڑا ہلاک ہوگیا تھا جبکہ اسی خاندان کے پانچ افراد زخمی ہوئے تھے۔

  • امریکا اور متحدہ عرب امارات کا دفاعی سمجھوتے پرعمل درآمد کا فیصلہ

    امریکا اور متحدہ عرب امارات کا دفاعی سمجھوتے پرعمل درآمد کا فیصلہ

    واشنگٹن/ابوظبی : معاہدے کے تحت امریکا اور متحدہ عرب امارات نے ایک دوسرے کے ساتھ فوجی اور دفاعی تعاون بڑھانے پر اتفاق کیا تھا۔

    تفصیلات کے مطابق امریکا اور متحدہ عرب امارات نے رواں سال طے پانے والے دفاعی معاہدے پر باضابطہ عمل درآمد شروع کرنے کا فیصلہ کیا ہے، اس معاہدے کے تحت دونوں ملکوںنے ایک دوسرے کے ساتھ فوجی اور دفاعی تعاون بڑھانے پر اتفاق کیا تھا۔

    ابو ظبی اور واشنگٹن کا کہنا ہے کہ موجودہ وقت اور حالات باہمی عسکری، سیاسی اور مضبوط اقتصادی شراکت دونوں ملکوں کو ایک دوسرے کے درمیان مربوط تعلقات کے قیام میںپیش رفت کے لیے انتہائی موزوں ہیں۔

    عرب ٹی وی کے مطابق امریکا اور متحدہ عرب امارات نے خطے میں امن واستحکام کے لیے مشترکہ گہرے تعاون کو آگے بڑھانے کے لیے ٹھوس اقدامات کریں گے۔

    دونوں ملک ایک دوسرے کے دفاعی اور فوجی صلاحیت سے استفادہ کرنے اور خلیجی خطے میں دیر پا قیام امن کے لیے مشترکہ کوششیں جاری رکھیں گے۔

    خیال رہے کہ متحدہ عرب امارات کے ولی عہد اور مسلح افواج کے ڈپٹی کمانڈر الشیخ محمد بن زاید آل نھیان نے امریکی قومی سلامتی کے مشیر جان بولٹن سے خطے کی صورت حال، دہشت گردی کے خلاف جنگ اور ایران کی طرف سے خطے کو لاحق خطرات پر تبادلہ خیال کیا۔

    قبل ازیں امریکی قومی سلامتی کے مشیر جان بولٹن نے کہا تھا کہ سعودی عرب، متحد عرب امارات اور امریکا مل کر ایران کو ایٹمی صلاحیت حاصل کرنے سے روکیں گے۔

    ابو ظبی میں امریکی سفارت خانے میں صحافیوں سے بات کرتے ہوئے مسٹر بولٹن کا کہنا تھا کہ ایرانی جنرل قاسم سلیمانی کا عراق کی ملیشیاﺅں کو ہمارے خلاف استعمال کرنے پر گہری تشویش ہے۔

    انہوں نے کہا کہ ہم اپنے علاقائی اتحادیوں کے ساتھ مل کر ایرانی ایجنٹوں کی سرگرمیوں کا مقابلہ کرنے اور ایران کی طرف سے لاحق کسی بھی خطرے کا پوری قوت کے ساتھ مقابلہ کریں گے۔