Tag: متحدہ عرب امارات

ابوظبی: متحدہ عرب امارات میں اسکول وین اور مسافر بسوں پر پابندی عائد کردی گئی۔

عرب میڈیا کے مطابق متحدہ عرب امارات میں اسکول وین اور مسافر بسوں پر پابندی عائد کردی گئی، جس کا اطلاق 2021 اور 2023 میں ہوگا۔

فیڈرل ٹریفک کونسل کے مطابق اسکول وین پر پابندی کا اطلاق ستمبر 2021 سے ہوگا جبکہ مسافر بسوں پر پابندی جنوری 2023 سے ہوگی۔

میجر جنرل محمد سیف الزفین کی زیر صدارت میٹنگ میں مذکورہ تجویز ٹریفک پولیس کی جانب سے پیش کی گئی جس پر میٹنگ میں بیٹھے تمام ارکان نے اتفاق کیا اور وزارت ٹرانسپورٹ کے حکام نے فیصلے کی توثیق کی۔

کونسل میٹنگ میں ٹریفک خلاف ورزیوں، حادثات پر بھی گفتگو کی گئی جس میں بتایا گیا کہ گزشتہ سال متحدہ عرب امارات میں‌ ٹریفک خلاف ورزیوں میں 32 فی صد کمی آئی ہے۔

مزید پڑھیں: متحدہ عرب امارات میں منی بسوں پر پابندی عائد کرنے کا فیصلہ

یاد رہے کہ فیڈرل ٹریفک کونسل کی جانب سے منی بسوں کو بند کرنے کی درخواست گزشتہ سال مارچ میں دی گئی تھی۔

درخواست میں کہا گیا تھا کہ منی بسوں کو اس صورت میں چلانے کی اجازت دی جائے جب وہ سامان کی ترسیل کے لیے استعمال ہوں۔

دبئی پولیس کے ترجمان کا کہنا تھا کہ وین میں سفر کرنے والے مسافروں کی زندگیوں کو شدید خطرات لاحق تھے جن کی حفاظت کے پیش نظر یہ اقدام اٹھایا گیا ہے۔

دبئی پولیس ٹریفک ڈیپارٹمنٹ کے ڈائریکٹر کے مطابق دبئی میں ہونے والے 24 خطرناک حادثات میں منی بسیں شامل ہیں، ان حادثات میں 7 افراد جان کی بازی ہار گئے تھے۔

عجمان: متحدہ عرب امارات کی ریاست عجمان میں تین سالہ بچی اپارٹمنٹ کے چھٹے فلور سے گر کر جاں بحق ہوگئی۔

غیرملکی خبررساں ادارے کے مطابق اماراتی ریاست عجمان کی شیخ خلیفہ اسٹریٹ میں اپارٹمنٹ کے چھٹے فلور سے 3 سالہ بچی گر جاں بحق ہوگئی، بچی کی والدہ کا کہنا ہے کہ تین سالہ بچی گھر میں اکیلی تھی۔

رپورٹ کے مطابق معصوم بچی کو فوری طور پر شیخ خلیفہ اسپتال منتقل کیا گیا جہاں ڈاکٹروں نے اس کی موت کی تصدیق کردی۔

بچی کی ماں کا کہنا ہے کہ وہ سو رہی تھی جب میں اپنے دوسرے بچوں کو اسکول سے لینے گئی واپس آئی تو یہ افسوسناک واقعہ رونما ہوچکا تھا۔

دوسری جانب عینی شاہدین کا کہنا ہے کہ جب بچی کی والدہ واپس آئی تو بچی بالکونی کی چیئر پر بیٹھی کہ اچانک گر گئی وہ اس کو اوپر سے تھامنے میں ناکام رہیں۔

مزید پڑھیں: عجمان، شامی شہری نے فلیٹ کے ساتویں فلور سے بچے کو گرنے سے بچالیا

پولیس کی جانب سے افسوسناک حادثے کی تحقیقات کا آغاز کردیا گیا جبکہ بچی کی تدفین مقامی قبرستان میں کردی گئی۔

واضح رہے کہ گزشتہ ماہ عجمان میں شامی شہری نے فلیٹ کے ساتویں فلور کی کھڑکی سے بچے کو گرنے سے بچایا تھا، پولیس کی جانب سے نوجوان کو اعزاز سے نوازا گیا تھا۔

شامی شہری انیس العرابی نے اپنے رہائشی فلیٹ کی کھڑکی سے باہر دیکھا تو سامنے والی بلڈنگ پر انہیں تین سالہ بچہ کھڑکی سے باہر لٹکتا نظر آیا، وہ فوری طور پر مذکورہ فلیٹ پر پہنچے۔

تیس سالہ العرابی کا کہنا تھا کہ دروازہ کھٹکھٹانے پر گھریلو ملازمہ باہر آئی، بچے کے والدین اس وقت گھر پر نہیں تھے، ملازمہ سے کچھ کہہ بغیر میں اس کمرے کی جانب گیا جہاں بچہ خطرناک انداز میں باہر کو لٹکا ہوا تھا اور گرنے ہی والا تھا تاہم میں نے اسے بچایا اور گلے سے لگا لیا۔

دبئی: متحدہ عرب امارات میں رہائش پذیر بنگلہ دیشی شہری نے اپنی دوست کو واٹس ایپ پر بلاک کیے جانے پر قتل کردیا۔

عرب میڈیا کے مطابق متحدہ عرب امارات میں رہائش پذیر بنگلہ دیشی شہری نے اپنی دوست کو واٹس ایپ پر بلاک کیے جانے پر اسے قتل کردیا، ملزم کو جرم ثابت ہونے پر 10 سال قید کی سزا سنادی گئی۔

تیس سالہ بنگلہ دیشی شہری نے ناصرف خاتون کو قتل کیا بلکہ اس کا موبائل فون بھی چرایا، ملزم کو 10 سالہ قید کے علاوہ موبائل فون کی چوری پر بھی 6 ماہ قید کی سزا سنائی گئی ہے۔

ملزم کو سزا مکمل ہونے کے بعد ڈی پورٹ کردیا جائے گا، افسوس ناک واقعہ گزشتہ سال 16 دسمبر کو الرفا کے علاقے میں پیش آیا تھا۔

مزید پڑھیں: متحدہ عرب امارات، شوہر نے چھریوں کے وار کرکے بیوی کو قتل کردیا، دو بچے زخمی

پولیس کا کہنا تھا کہ ملزم کو سی سی ٹی وی فوٹیج کی مدد سے گرفتار کیا گیا، مقتولہ نے 7 ہزار رقم کا تقاضا کیا تھا اور واٹس ایپ پر بلاک کیے جانے پر اس سے انتہائی قدم اٹھایا۔

عینی شاہد نے عدالت میں بیان ریکارڈ کراتے ہوئے کہا کہ میں نے ملزم کو کمرے میں داخل ہوتے ہوئے دیکھا تھا، وہ مجھ سے جھوٹ بول رہا تھا اس کے کپڑے پر خون کے دھبے نمایاں تھے جسے وہ تولیے سے چھپانے کی ناکام کوشش کررہا تھا۔

ملزم نے عدالت میں انکشاف کیا کہ میں اپنی دوست سے جنسی تعلقات قائم کرنا چاہتا تھا مگر وہ مجھ سے رقم کا تقاضا کررہی تھی۔

فرانزک رپورٹ کے مطابق موت کی وجہ سینے جکڑنے وجہ سے ہوئی کیونکہ مقتولہ کو سانس لینے میں شدید دشواری کا سامنا تھا۔

دبئی: متحدہ عرب امارات میں نئی وزارت کے قیام کا اعلان کیا گیا ہے جس کا نام ’کچھ بھی ناممکن نہیں’ ہے، نئی وزارت کا کوئی وزیر مقرر نہیں ہوگا تاہم کابینہ کے تمام ارکان اس کے رکن ہوں گے۔

گلف نیوز کی رپورٹ کے مطابق متحدہ عرب امارات کے نائب صدر اور دبئی کے حکمران شیخ محمد بن راشد المکتوم نے دبئی میں ایک غیرروایتی وزارت تشکیل دینے کا اعلان کیا ہے نئی وزارت کا نام ’اللامستحیل’ ہے جس کا مطلب ’کچھ بھی ناممکن نہیں‘ کی وزارت ہے۔

رپورٹ کے مطابق نئی وزارت کا کوئی وزیر مقرر نہیں ہوگا تاہم کابینہ کے تمام ارکان اس کے رکن ہوں گے، کچھ بھی ناممکن نہیں وزارت مستقبل کے امکانات کا جائزہ لے گی، اسے امکانات کی وزارت کا نام بھی دیا جاسکتا ہے۔

We launched the world's first virtual "Ministry of Possibilities," a new government work system in the UAE. The virtual ministry, administered by the cabinet, will address pressing national portfolios and build future government systems. pic.twitter.com/DQAu3N8zqx

— HH Sheikh Mohammed (@HHShkMohd) April 23, 2019

شیخ محمد بن راشد المکتوم نے دبئی میں اپنے ٹویٹر اکاؤنٹ پر اس نئی وزارت کا اعلان کرنے کے بعد کہا کہ امارات کی حکومت کے تحت ایک نئی اور غیرروایتی وزارت کے قیام کا فیصلہ کیا ہے، ہم نے اس کا نام وزارت کچھ بھی ناممکن نہین رکھا ہے۔

انہوں نے لکھا کہ ہماری ڈکشنری میں ناممکن کا لفظ نہیں، ہم ناممکنات کو ممکن بنائیں گے اسی لیے وزارت کا نام ہی کچھ بھی ناممکن نہیں رکھا ہے۔

قبل ازیں امارت اس طرح کی غیر روایتی وزارتوں کے قیام کا فیصلہ کیا تھا ان میں سے ایک وزارت خوشی بھی ہے، اسی طرح وزازرت رواداری اور وزارت نوجوانان کا بھی اعلان کیا گیا تھا۔

نئی وزارت پر ٹویٹر صارفین نے خوشی کا اظہار کرتے ہوئے کہا کہ امارات نے اپنے قیام سے لے کر اب تک ناممکنات کو ممکن بنا کر دکھایا ہے۔