Tag: متحدہ عرب امارات

ابوظہبی: متحدہ عرب امارات میں بہترین اور ذمہ دارانہ انداز میں ڈرائیونگ کرنے والے 53 ٹیکسی ڈرائیورز کو بطور انعام 3 لاکھ 60 ہزار درہم سے نوازا گیا۔

تفصیلات کے مطابق دبئی ٹیکسی کارپوریشن(ڈی ٹی سی) اور ٹرانسپورٹ اتھارٹی( ٹی آر اے) کی جانب سے 53 خوش نصیب ٹیکسی ڈرائیوز کو تین لاکھ ساٹھ ہزار درہم انعام کے طور پر دیا گیا۔

عرب میڈیا کا کہنا ہے کہ ٹیکسی ڈرائیوز کی حوصلہ افضائی اور ان کی قابلیت میں مزید اضافے کے لیے انعامی رقم سے نوازا گیا، جو ٹریفک حادثات کی روک تھام میں معاون ثابت ہوگا۔

ٹریفک قوانین کے احترام کو فروغ دینے کے لیے حکام کی طرف سے سختی اور سزاؤں کا استعمال تو ہر جگہ کیا جاتا ہے لیکن متحدہ عرب امارات میں اس مقصد کے لیے شاندار انعامات اور تعریفی اسناد سے نوازا جاتا ہے۔

امارات کی سڑکوں پر زیادہ تر ٹیکسی چلانے والے ٹریفک حادثات کا شکار ہوتے ہیں، تاہم گذشتہ سال ٹیکسی حادثات اور زخمی ہونے والوں کی تعداد میں 7 فیصد کمی ریکارڈ کی گئی ہے۔

دبئی ٹیکسی کارپوریشن کی جانب سے ہر ماہ ڈرائیوز کی حوصلہ افضائی کے لیے بہترین کارکردگی دکھانے پر قیمتی انعامات دیے جاتے ہیں، جبکہ سالانہ کی بنیاد پر دو ملین درہم انعامی رقم کے طور پر تقسیم ہوتے ہیں۔

علاوہ ازیں ڈرائیوز کو خاندان کے ہمراہ فری سفری سہولیات بھی فراہم کی جاتی ہیں تاکہ وہ اپنا وقت بیوی بچوں کے ساتھ بھی گزار سکیں۔

دبئی: متحدہ عرب امارات میں نوجوان نے موبائل فون نمبر کی دوبارہ رجسٹریشن کرواکے مہنگی گاڑی جیت لی۔

عرب میڈیا کے مطابق بھارتی شہری بلویر سنگھ نے اپنے موبائل نمبر کی دوبارہ رجسٹریشن کرواکے لگژری سپر کار میکلرین جیت لی جس کی مالیت سات لاکھ پچاس ہزار درہم ہے۔

بھارتی شہری بلویر سنگھ متحدہ عرب امارات میں کار پینٹر کی حیثیت سے کام کررہے ہیں، ان کا کہنا تھا کہ مجھے یقین نہیں آرہا ہے کہ میں نے موبائل نمبر کی دوبارہ رجسٹریشن کرواکے اتنی مہنگی گاڑی جیت لی ہے۔

متحدہ عرب امارات ٹیلی کمیونی کیشن کمپنی (ای آئی ٹی سی) کی جانب سے 31 جنوری سے قبل موبائل فون سم کی رجسٹریشن منسوخ ہونے کی صورت اسے دوبارہ رجسٹرڈ کروانے پر انعام دینے کا اعلان کیا گیا تھا۔

کمپنی کے مطابق 31 جنوری سے قبل جن اماراتی شہریوں کی جانب سے موبائل فون کی دوبارہ رجسٹریشن کرائی گئی ہے انہیں قرعہ اندازی کے ذریعے انعام دیا جائے گا۔

مزید پڑھیں: دبئی : اردن کے شہری نے 10 لاکھ امریکی ڈالر کی لاٹری جیت لی

لگژری کار جیتنے والے بلویر سنگھ کا تعلق بھارت کے شہر پنجاب کے چھوٹے سے قصبے سے ہے، وہ متحدہ عرب امارات میں دس سال سے مقیم ہیں اور کار پینٹر کی حیثیت سے کام کررہے ہیں۔

بلویر سنگھ کا کہنا تھا کہ وہ اور ان کے دوست شاپنگ کے ذریعے لکی کوپن حاصل کرتے رہتے ہیں تاکہ بڑا انعام حاصل کرسکیں لیکن آج کا دن ان کے لیے بہت ہی اہم ہے۔

بھارتی شہری کا کہنا تھا کہ ثابت ہوگیا کہ ’پیر‘ کا دن میرے لیے خوش قسمتی کی علامت ہے، اس سے قبل میرے بیٹے کی پیدائش بھی 14 جنوری پیر کے دن ہوئی تھی۔

بلویر سنگھ کا کہنا تھا کہ اس سے قبل انہوں نے کبھی گاڑی نہیں چلائی ہے اور نہ ہی ان کے پاس ڈرائیونگ لائسنس ہے۔

بھارتی شہری نے لگژری کار 6 لاکھ 25 درہم میں فروخت کردی اور اس سے حاصل کردہ رقم کو کسی بزنس میں انویسٹ کرنے کا ارادہ رکھتے ہیں۔

دبئی: متحدہ عرب امارات میں تیز بارش کے دوران شہریوں کی مدد کرنے والے پولیس اہلکاروں کی ویڈیو وائرل ہوگئی۔

خلیج ٹائمز کی رپورٹ کے مطابق متحدہ عرب امارات میں گزشتہ روز تیز بارش ہوئی جس کے سبب متعدد افراد سڑکوں پر گاڑی خراب ہونے کے سبب پھنس گئے، پولیس اہلکار نے شہریوں کی مدد کی جس کی ویڈیو وائرل ہوئی۔

دبئی پولیس چیف کی جانب سے بھی پولیس اہلکار کے عزم کی تعریف کی گئی ہے۔

كرّم سعادة اللواء عبد الله خليفة المري، القائد العام لشرطة دبي، الرقيب سعيد عباد قاسم مثنى، والشرطي عبد اللطيف ضيف الله علي صالح، وذلك لمساعدتهما سائق تاكسي تعطلت مركبته اثناء تساقط الامطار.
وأشاد سعادته بجهود وانضباط والتزام كل من الرقيب والشرطي، مثمناً أداءهما المتميز. pic.twitter.com/B0Q5gvs411

— Dubai Policeشرطة دبي (@DubaiPoliceHQ) February 20, 2019

دبئی پولیس چیف کی جانب سے افسروں کی جانب سے تیز بارشوں میں شہریوں کی مدد کرنے پر اہلکاروں کو اعزاز سے بھی نوازا جائے گا۔ دو اہلکاروں سعید عباد قاسم اور عبدالطیف علی صالح کو اعزاز سے نوازا گیا ہے۔

ویڈیو میں دیکھا جاسکتا ہے کہ پولیس اہلکاروں کے گشت کے دوران ایک ٹیکسی خراب نظر آرہی ہے جبکہ پولیس اہلکار اس کی گاڑی کو ٹھیک کرنے میں اس کی مدد کررہے ہیں۔

میجر المری کی جانب سے دونوں پولیس اہلکاروں کو ان کی خدمات کے اعتراف میں اعزاز دینے کو اچھا اقدام قرار دیا گیا۔

ان کا کہنا تھا کہ دونوں اہلکار سعید عباد قاسم اور عبدالطیف علی صالح اس ایوارڈ کے حق دار تھے۔

دبئی: متحدہ عرب امارات میں ایسی چند حرکتیں کرنا آپ کو جیل کی ہوا کھلا سکتا ہے، یہ بظاہر معمولی حرکات قید کے علاوہ بھاری جرمانے کا سبب بھی بن سکتی ہیں۔

عرب میڈیا کے مطابق متحدہ عرب امارات میں سوشل میڈیا استعمال کرنے والوں کو بہت احتیاط برتنی چاہئے کیونکہ چند ایسی حرکات جو دیگر ممالک میں قابل معافی ہیں ان کے یہاں ارتکاب پر آپ بھاری مصیبت کا شکار ہوسکتے ہیں۔

کسی بھی مرد یا عورت کی تصویریں یا ویڈیو اس کی اجازت کے بغیر سوشل میڈیا ویب سائٹس پر شیئر کرنا آپ کے لیے بڑی پریشانی کا باعث بن سکتا ہے کیونکہ یہ ذاتی زندگی میں مداخلت اور کاپی رائٹ کی خلاف ورزی کے زمرے میں آتا ہے۔

اکتوبر 2015 میں ایک مصری شہری کو دبئی پولیس نے گرفتار کیا جس نے سوشل میڈیا پر بلوندر ساہئی کو ڈی فائیو برانڈڈ روز رائس کی تصویر پوسٹ کی تھی جو مبینہ طور پر غلط پارک کی گئی تھی۔

مزید پڑھیں: اماراتی عدالت نے شوہر کو قتل کی دھمکیاں دینے والی خاتون کو ٹرائل پر بھیج دیا

واٹس ایپ پر کسی کو دھمکیاں نہ دیں کسی کو دھمکی آمیز پیغام بھیجنا، گالم گلوچ کرنے پر آپ کے خلاف مقدمے کا اندراج ہوگا جو آپ کو جیل بھی بھیج سکتا ہے۔

سوشل میڈیا پر شراب کی یا بولڈ تصاویر پوسٹ نہ کریں، شراب اور منشیات کی تصاویر کو اماراتی سماجی اقدار اور اسلامی شعائر کے خلاف تصویر کیا جاتا ہے، جنوری 2018 میں ایک عرب خاتون کو سوشل میڈیا پر نازیبا ویڈیوز پوسٹ کرنے کے جرم میں ایک سال قید کی سزا سنائی گئی تھی۔

اماراتی سائبر کرائم قانون کے مطابق جو شخص غلط معلومات پھیلائے گا اسے دس لاکھ درہم جرمانہ ادا کرنا ہوں گے، جون 2018 میں دبئی پولیس نے 43 ایشیائی باشندوں کو اس جرم میں گرفتار کیا تھا، ملزم نے ایک شخص کو لالچ دے کر اس سے بھاری رقم ہتھیا لی تھی۔