Tag: متحدہ عرب امارات

دبئی : اماراتی پولیس نے سعودی سیاح پر تشدد کرنے اور اس کے موبائل فونز چوری کرنے کے الزام میں مصری خاتون کو اس کے ساتھی کے ہمراہ گرفتار کرلیا۔

تفصیلات کے مطابق متحدہ عرب امارات کی ریاست دبئی میں ایک کاروباری خاتون نے اپنے مصری ساتھی کے ہمراہ سعودی عرب سے تعلق رکھنے والے سیاح کو دوبارہ فلیٹ میں داخل ہونے پر تشدد کا نشانہ بنایا اور اس کے قیمتی موبائل بھی چوری کر لیے۔

متاثرہ سعودی شہری نے بتایا کہ اس نے نومبر میں دبئی کے علاقے حور العین میں واقع ایک فلیٹ میں ماہانہ 1 ہزار درہم پر ایک بیڈ کرائے پر لیا تھا۔

مقامی خبر رساں ادارے کا کہنا تھا کہ ایک دن متاثرہ شہری فلیٹ سے باہر گیا اور کچھ دیر بعد واپس آیا تھا تو مصری خاتون نے سعودی شہری کو گھر سے نکال دیا۔

اماراتی خبر رساں ادارے کا کہنا تھا کہ خاتون کے ساتھ ایک مصری شخص بھی فلیٹ میں موجود تھا جس نے سیاح سے کہا کہ خاتون سے اپنے معاملات حل کرلوں ورنہ تمھارا سیکیورٹی ڈیپازٹ(ایڈوانس) واپس نہیں ہوگا۔

مقامی میڈیا کا کہنا ہے کہ متاثرہ سیاح فلیٹ میں داخل ہوا تو 40 سالہ مصری شخص نے فلیٹ کا دروازہ بند کردیا اور خاتون کے ہمراہ سعودی شہری کو تشدد کا نشانہ بنایا اور دو آئی فونز بھی چھین لیے۔

اماراتی میڈیا کے مطابق ملزمان نے سعودی سیاح کو پولیس میں شکایت درج کروانے پر بھی دھمکیاں بھی دیں تھیں تاہم پولیس نے مصری جوڑے کو گرفتار کرکے عدالت میں پیش کردیا۔

اماراتی خبر رساں ادارے کا کہنا تھا کہ پراسیکیوٹر مصری جوڑے کے خلاف سعودی سیاح پر تشدد کرنے اور موبائل فونز لوٹنے کی کا مقدمہ درج کیا تھا۔

دبئی: متحدہ عرب امارات کے 47ویں جشن آزادی کی خوشی میں تمام ریٹیلرز نے 60فیصد خصوصی رعایت دینے کا اعلان کردیا، جس کے تحت 5کروڑ 50 لاکھ درہم مالیت کی 25 ہزار سے زائد اشیاء کم قیمت پر فروخت کی جائیں گی۔

خلیج ٹائمز کی رپورٹ کے مطابق متحدہ عرب امارات کے تمام ہی شاپنگ مالز میں مختلف کمپنیوں کی جانب سے لگائی جانے والی خصوصی سیل کی کامیابی کو دیکھتے ہوئے بھی خوردہ فروشوں نے اشیاء کم قیمت پر فروخت کرنے کا اعلان کیا۔

یونین کوپ کے چیف ایگزیکٹو آفیسر خالد الفالاسی کا کہنا تھا کہ ’دکانداروں کی جانب سے اس اقدام کا مقصد قومی دن کی اہمیت کو اجاگر کرنا ہے، تمام دکانوں اور خریداری کے مراکز  پر جشن آزادی سے متعلق بینرز بھی آویزاں کیے جائیں گے‘۔

مزید پڑھیں: دبئی، 90 فیصد رعایت کی سپر سیل

انہوں نے بتایا کہ ’ملک بھر میں 5 کروڑ 50 لاکھ درہم مالیت کی 25 ہزار اشیاء پر خصوصی رعایت دی جائے گی، یہ سیل صرف مقامیوں کے لیے نہیں بلکہ غیر ملکی بھی استفادہ کرسکتے ہیں، ریٹیلرز روزمرہ کے استعمال سمیت دیگر اشیاء 50 سے 60 فیصد تک کی رعایت پر فروخت کریں گے‘۔

اُن کا کہنا تھا کہ ’اس اسکیم کا آغاز 27 نومبر سے ہوگا جو 12 جنوری 2019 تک جاری رہے گی، اس دوران تین روز تک خریدار اپنی مرضی کی چیزیں بغیر ٹیکس ادا کیے خرید سکیں گے‘۔ اُن کا کہنا تھا کہ ’29 تا 31 دسمبر تک فروخت ہونے والی چیزوں پر ٹیکس بالکل معاف ہوگا یا پھر اسے دکاندار خود ہی ادا کرے گا، اس وجہ سے اشیاء کی قیمت بھی کم ہوجائے گی‘۔

انہوں نے وعدہ کیا کہ ’قیمتی انعامات، الیکٹرانکس کی اشیاء جن کی قیمت ہزاروں درہم میں ہیں وہ بھی خصوصی رعایت کے ساتھ فروخت کی جائیں گی‘۔

خریداری کے اوقات کار بتاتے ہوئے خالد الفالاسی کا کہنا تھا کہ ’یونین کوپ کی ملک بھر میں موجود 14 برانچز سے روزانہ صبح 6 بجے سے رات ایک بجے تک خریداری کی جاسکے گی‘۔

انہوں نے یہ بھی بتایا کہ ’امِ سقویم، الصفہ اور ال ٹاور کی تمام برانچز 24 گھنٹے کھلی رہیں گی جہاں سے صارف کسی بھی وقت خصوصی رعایت پر خریداری کرسکے گا‘۔