شارجہ: دوسرے ون ڈے میں پاکستان نے ویسٹ انڈیز کو 59رنز سے شکست دے کر تین میچوں کی سیریز 2-0 سے اپنے نام کرلی ہے ۔

تفصیلات کے مطابق ویسٹ انڈیز کی ٹیم نے مقرررہ 50اوورز میں 7وکٹوں کے نقصان پر278ر نز بنائے جس میں براوو 61رنز کے ساتھ سر فہرست رہے جبکہ سیمول 57اور بریتھ ویٹ 39رنز کے ساتھ تیسرے نمبر پر رہے ۔

پاکستان کی جانب سے وہاب ریاض نے دو اور محمد عامراور عماد وسیم نے ایک ایک کھلاڑی کو پولین پہنچایا جبکہ ویسٹ انڈیز کے 3 کھلاڑی رن آوٹ ہوئے۔

اس سے قبل  پاکستان نے ٹاس جیت کر پہلے بیٹنگ کرنے کا فیصلہ کیا، پاکستان کی جانب سے کپتان اظہر علی اور شرجیل خان ٹیم کو اچھا آغاز فراہم نہ کرسکے۔ کپتان اظہر علی صرف 9 جبکہ ساتھی اوپنر شرجیل خان 24 رنز بنا کر آوٹ ہوگئے ۔

جس کے وسٹ اینڈیز کے خلاف پہلے ون ڈے میں سنچری اسکور کرنے والے بابر اعظم نے جارحانہ اننگز کھیلتے ہوئے 123 رنز کی شاندار اننگز کھیلی۔

آل راؤنڈر شعیب ملک نے جارحانہ انداز اپنایا اور حریف ٹیم کے اوسان خطا کردیئے ایک اوور میں لگاتار تین بلند و بالا چھکے لگا کر بولر کے ہوش اڑا دیئے، شعیب ملک نے بھی عمدہ بیٹنگ کا مظاہرہ کرتے ہوئے 90 اور ٹی ٹوئنٹی کے کپتان سرفراز احمد نے 60 رنز اسکور کئے۔

پاکستان مقررہ اوورز کے اختتام پر 5 کھلاڑیوں کے نقصان پر 337 رنز بنا کر مخالف ٹیم ایک بڑا ہدف دے دیا تھا ۔

واضح رہے کہ  پہلا ون ڈے جیت کر پاکستان ون ڈے کرکٹ میں سب سے زیادہ میچز جیتنے والی دوسری ٹیم بن گئی تھی، جبکہ دوسرا میچ بھی اظہرالیون نے جیت کر سریز اپنے نام کرلی ہے لیکن صرف سیریز جیتنے سے کام نہیں چلے گا۔

اس وقت پاکستان کی عالمی رینکنگ نویں ہے،اگر پاکستان ویسٹ انڈیز کو3 صفر سے شکست دے دے تو اس کی رینکنگ آٹھویں ہوسکتی ہے جب کہ ویسٹ انڈین ٹیم کو اپنی آٹھویں پوزیشن برقرار رکھنے کے لئے پاکستان کے خلاف 3 صفر سے کامیابی حاصل کرنا ضروری تھا۔

شارجہ : پاکستان اور ویسٹ انڈیز کے درمیان دوسرے ایک روزہ میچ میں پاکستان نے مخالف ٹیم کو جیت کے لیے 338 رنز کا ہدف دے دیا ۔

تفصیلات کے مطابق پاکستان اور ویسٹ انڈیز کے درمیان جاری دوسرے ایک روزہ میچ میں پاکستان نے ٹاس جیت کر پہلے بیٹنگ کرنے کا فیصلہ کیا، پاکستان کی جانب سے کپتان اظہر علی اور شرجیل خان ٹیم کو اچھا آغاز فراہم نہ کرسکے۔ کپتان اظہر علی صرف 9 جبکہ ساتھی اوپنر شرجیل خان 24 رنز بنا کر آوٹ ہوگئے ۔

جس کے وسٹ اینڈیز کے خلاف پہلے ون ڈے میں سنچری اسکور کرنے والے بابر اعظم نے جارحانہ اننگز کھیلتے ہوئے 123 رنز کی شاندار اننگز کھیلی۔

آل راؤنڈر شعیب ملک نے جارحانہ انداز اپنایا اور حریف ٹیم کے اوسان خطا کردیئے ایک اوور میں لگاتار تین بلند و بالا چھکے لگا کر بولر کے ہوش اڑا دیئے، شعیب ملک نے بھی عمدہ بیٹنگ کا مظاہرہ کرتے ہوئے 90 اور ٹی ٹوئنٹی کے کپتان سرفراز احمد نے 60 رنز اسکور کئے۔

پاکستان مقررہ اوورز کے اختتام پر 5 کھلاڑیوں کے نقصان پر 337 رنز بنا کر مخالف ٹیم ایک بڑا ہدف دے دیا ۔

خیال رہے کہ اس وقت پاکستان کی عالمی رینکنگ نویں ہے،اگر پاکستان ویسٹ انڈیز کو3 صفر سے شکست دے دے تو اس کی رینکنگ آٹھویں ہوسکتی ہے جب کہ ویسٹ انڈین ٹیم کو اپنی آٹھویں پوزیشن برقرار رکھنے کے لئے پاکستان کے خلاف 3 صفر سے کامیابی حاصل کرنا ضروری تھا۔

شارجہ : پاکستان اور ویسٹ انڈیز کے درمیان دوسرے ایک روزہ میچ میں پاکستان نے ٹاس جیت کر پہلے بیٹنگ کرنے کا فیصلہ کیا ہے اس میچ کے لیے پاکستان اپنے وننگ کمبینیشن کو برقرار رکھے گی،اس میچ میں پاکستان سیریز جیتنے کے لیے پرعزم جب کہ ویسٹ انڈیز کم بیک کے لیے تیار ہے۔

تفصیلات کے مطابق متحدہ عرب امارات میں قومی کرکٹ ٹیم ٹی ٹوئینٹی سیریز میں ویسٹ انڈیز کو چاروں شانے چت کروانے کے بعد ایک روزہ میچوں میں بھی کلین سوئپ کے پرعزم ہے،پہلے ایک روزہ میچ میں فتح کے بعد پاکستان کی قومی ٹیم پُراعتماد دکھائی دیتی ہے۔

متحدہ عرب امارات میں کھیلے گئے پاکستان اور ویسٹ انڈیز کے میچوں کا تقابلی جائزہ لیا جائے تو پاکستان کا پلڑہ بھاری نظر آتا ہے جب کہ مجموعی طور پر 128 ایک روزہ میچوں میں سے 69 میچز جیتنے والی ویسٹ انڈیز پاکستان پر حاوی نظرآتی ہے۔

واضح رہے تین ایک روزہ میچوں کی سیریز کا یہ دوسرا میچ ہے جو کہ پاکستانی وقت کے مطابق 4 بجے شارجہ کرکٹ اسٹیڈیم میں کھیلا جائے گا جب کہ تیسرے اور آخری میچ کے لیے دونوں ٹیمیں 5 اکتوبر کو بدھ کے روز ابوظہبی میں مد مقابل ہوں گی۔

خیال رہے کہ اس وقت پاکستان کی عالمی رینکنگ نویں ہے،اگر پاکستان ویسٹ انڈیز کو3 صفر سے شکست دے دے تو اس کی رینکنگ آٹھویں ہوسکتی ہے جب کہ ویسٹ انڈین ٹیم کو اپنی آٹھویں پوزیشن برقرار رکھنے کے لئے پاکستان کے خلاف 3 صفر سے کامیابی حاصل کرنا ضروری تھا۔

خیال رہے کہ دنیا کی8 ٹاپ ٹیمیں آئندہ سال30 ستمبر تک اپنی پوزیشن کو برقرار رکھ کر ورلڈ کپ میں براہ راست جگہ بنا پائیں گی جس کے پاکستان اور ویسٹ انڈیز کے درمیان رسہ کشی کا عمل جاری ہے۔