Tag: متحدہ قومی موومنٹ

حکومت قدرتی آفت سے نمٹنے کے اقدامات کریں، الطاف حسین

کراچی: متحدہ قومی مومنٹ کے قائد الطاف حسین نے کہا کہ نیشنل ڈیزاسٹر مینجمنٹ اتھارٹی کو جدیدخطوط پراستوارکیاجائے۔

ایم کیو ایم کے قائد الطاف حسین کا خدمت خلق فاؤنڈیشن کی ڈیزاسٹرمینجمنٹ کمیٹی کے ارکان کے اجلاس سے خطاب میں کہنا تھا کہ شمالی علاقہ جات میں زلزلے کے ممکنہ خطرات کے پیش نظروفاقی وصوبائی حکومتوں سے مطالبہ کیاہے کہ نیشنل ڈیزاسٹر مینجمنٹ اتھارٹی کو جدیدخطوط پراستوارکیاجائے۔

ڈیزاسٹرمینجمنٹ کمیٹی نے الطاف حسین کو بتا یا کہ پاکستان کے صوبہ خیبرپختونخوا اورشمالی علاقہ جات میں تواتر سےآنے والے زلزلے کے جھٹکے اس کا ثبوت ہیں کہ یہ علاقے زلزلے کی زدپرہیں الطاف حسین نے ان رپورٹس پر تشویش کااظہارکرتے ہوئے کہ وفاقی حکومت نیشنل ڈیزاسٹرمینجمنٹ اتھارٹی کوجدیدخطوط پر استوارکرے اوروفاقی وصوبائی حکومتیں کسی بھی قدرتی آفت سے نمٹنے کیلئے تمام ضروری اقدامات کریں۔

الطاف حسین نے اس ضمن میں خدمت خلق فاوٴنڈیشن کی ڈیزاسٹر مینجمنٹ کمیٹی کی کاوشوں کوسراہا انہوں نے دعاکی کی اللہ تعالیٰ پاکستان کوہرقسم کی آفات سے محفوظ رکھے۔

اکتوبر 11, 2014
ملالہ کونوبل پرائزملناپاکستان کیلئے باعثِ فخرہے،الطاف حسین

لندن: متحدہ قومی موومنٹ کے قائد الطاف حسین نے ملالہ یوسف زئی کو”دنیا بھر میں لڑکیوں کی تعلیم کیلئے کاوشیں “ کرنے پر ”امن کا نوبل انعام “ ملنے پاکستانی قوم کو دلی مبارکباد پیش کی ہے۔

الطاف حسین نےکہا ہے کہ ملالہ یوسف زئی کو امن کے نوبل انعام سے نوازنے سے ثابت ہوگیا ہے کہ پاکستانی قوم اعتدال پسند ، روشن خیال ، ترقی پسند ، تعلیم یافتہ اور مہذب معاشرہ کی تشکیل کیلئے اپنے اندر بھر پور صلاحتیں رکھتی ہیں ۔

اپنے ایک تہنیتی بیان میں انہوں نے کہا کہ سوات میں ملالہ یوسف زئی کو بچیوں کی تعلیم کیلئے عملی کوششوں سے باز رکھنے کیلئے دہشت گردوں نے اندھا دھند فائرنگ کرکے نشانہ بنایا لیکن اللہ تعالیٰ کے فضل و کرم سے ملالہ یوسف زئی کی زندگی بچ گئی اوراس بہادر بچی نے صحت مند ہوکر دہشت گردوں کے خلاف اور تعلیم کو عام کرنے کیلئے جس جرات اور بہادری کا مظاہرہ کیا اس پر وہ نوبل انعام کی ہی حقدار تھی ۔

انہوں نے کہا کہ ملالہ یوسف زئی کو امن کا انعام پاکستان کیلئے باعث فخر ہے اور پاکستانی قوم کیلئے خوشی کا باعث ہے جس پر سب کو سجدہ شکر ادا کرنا چاہئے ۔

الطاف حسین نے امن کا نوبل انعام ملنے پر ملالہ یوسف زئی کو دل کی گہرائیوں سے زبردست مبارکباد پیش کی اور کہا کہ ملالہ یوسف زئی نے ایک مرتبہ پھر پاکستانی قوم کو سر فخر سے بلند کردیا ہے۔

اکتوبر 10, 2014
اپنے خلاف زہر افشانی کرنے والوں کو معاف کرتا ہوں، الطاف حسین

کراچی: الطاف حسین کا کہنا ہے کہ سندھ کے شہری علاقوں کی آبادی کم ظاہرکرکےان کی حق تلفی کی گئی، یہ سلسلہ زیادہ دیرتک جاری رہ سکتا۔

ایم کیوایم کے مرکز نائن زیرو پر ٹیلفونک خطاب کرتے ہوئے الطاف حسین کا کہنا تھا کہ ایم کیوایم کو صفہ ہستی سے مٹانے کا خواب صرف خواب ہی رہیگا،عید کے موقع پر اپنے خلاف نازیبا زبان استعمال کرنے والوں کو معاف کرتا ہوں ۔

ایم کیوایم کے قائد الطاف حسین کہا ہے کہ سندھ کے شہری علاقوں کے عوام کی آبادی کوہمیشہ سازش کے تحت کم کرکے دکھایاگیااور غیرمنصفانہ حلقہ بندیوں کے ذریعے ان کے سیاسی حقوق پر ڈاکہ ڈالاگیالیکن اب یہ ناانصافیوں اورحق تلفیوں کاسلسلہ زیادہ عرصہ جاری نہیں رہ سکتا۔

ان کا کہنا تھا کہ کچھ نام نہاد اینکر پرسن تجزیہ کرتے ہیں کہ ایم کیوایم کا ووٹ بینک ختم ہوگیا،لیکن آنا والا الیکشن ان کے تجزیہ کو غلط ثابت کردیگا۔

الطاف حسین کاکہناتھا اگرکسی علاقے کے عوام کی مسلسل حق تلفی کی جائے اور ان کی آواز دبائی جائے تو ان کے جذبات بھی پریشر ککر کی طرح پھٹ پڑتے ہیں۔

اکتوبر 7, 2014
ایم کیوایم پاکستان کی سلامتی اوربقاء کی ضامن ہے، الطاف حسین

لاہور: الطاف حسین کاکہناہےکہ ایم کیوایم پاکستان کی سلامتی اوربقاء کی ضامن ہے۔

ایم کیوایم کے قائد نےایم کیوایم اپرپنجاب کے ذمہ داروں اورکارکنوں سے فون پر گفتگو کرتے ہوئے الطاف حسین کاکہناتھاایم کیوایم پاکستان کوترقی کی منزلوں پر پہنچائے گی اورغریب محنت کش طبقہ کے مسائل کو عملی طورپرحل کرکے دکھائے گی،اس موقع پر رابطہ کمیٹی کے رکن میاں عتیق بھی موجودتھے جنہیں حال ہی میں ایم کیوایم پنجاب کا صدربھی بنایاگیاہے۔

الطاف حسین نے کہاکہ خدمت خلق فاوٴنڈیشن ایک منظم فلاحی ادارہ ہے جوگزشتہ کئی برسوں سے ملک بھر کے غریب ومستحق افراد کی بلاامتیاز خدمت کررہا ہے، خدمت خلق فاوٴنڈیشن کے ایمبولینس سینٹر،میت بس سروس،بلڈبینک، ڈسپنسریز اوراسپتال رات دن عوام کی خدمت میں مصروف ہیں، اس کے ساتھ ساتھ اسی فلاحی ادارے سے منسلک اسکول اور یونیورسٹی بھی تعلیم کے فروغ میں کوشاں ہے۔

اکتوبر 5, 2014
سندھ کی تقسیم ایم کیو ایم کا مطالبہ نہیں،الطاف حسین

لندن : متحدہ قومی موومنٹ کے قائد الطاف حسین کا کہنا ہے کہ سندھ کی تقسیم ایم کیو ایم کا مطالبہ نہیں، عید پر زبردستی کھالیں چھینے والوں کو پارٹی سے نکال دیا جائے گا۔

ایم کیو ایم کے قائد الطاف حسین کا کہنا ہے کہ ایک گھر میں چار کمرے بننے سے گھر نہیں ٹوٹتا، جلسوں کا موسم ہے، چار روز پہلے آرمی چیف کو اپنا دکھ درد سنایا تھا، الفاظ سے کسی کی دل آزاری ہوئی ہے تو معذرت چاہتا ہوں۔

انھوں نے مزید کہا کہ عید الاضحی پر کسی نے زبردستی کھال چھینی تو پارٹی سے نکال دیا جائے گا۔

الطاف حسین نے ایم کیوایم حیدرآباد کی زونل کمیٹی کے ارکان سے گفتگو کرتے ہوئے مزید کہا کہ حیدرآباد زون کے ذمہ داران وکارکنان جلد ہی شہر میں ایک بڑا جلسہ کرکے ثابت کردیں کہ حیدرآباد آج بھی حق پرستوں کا قلعہ ہے۔

اکتوبر 4, 2014
اہل علم کی خاموشی تعصب پرمبنی ہے، الطاف حسین

لندن: ایم کیوایم کےقائد الطاف حسین نےکہاہےتیس ستمبر اوریکم اکتوبر کے واقعات مہاجروں پرظلم وستم کی بھیانک یادداشت ہیں۔

تیس ستمبر اوریکم اکتوبرمیں جاں بحق ہونے والوں کی چھبیسویں برسی کے موقع پر الطاف حسین نے کہا کہ دونوں سانحات سندھ کے مستقل باشندوں کے اتحاد کو ناکام بنانے کیلئے منظم منصوبے اور سازش کے تحت کرائے گئے، معصوم اور بے گناہ خواتین، بچوں نوجوانوں اور بزرگوں کے خون سے ہولی کھیلی گئی۔

الطاف حسین نےکہا کہ تیس ستمبر یکم اکتوبر کے سانحات کو چھبیس برس گزرگئےدونوں سانحات میں ملوث سازشی عناصر قانون کی گرفت سے محفوظ ہیں، ایم کیوایم کے قائد نے کہنا تھا کہ بھیانک واقعات پراہل علم اور دانشوروں کی خاموشی تعصب پر مبنی ہے۔

ستمبر 30, 2014
الطاف حسین نے سندھ کودولخت کرنے کی بات نہیں کی،رحمان ملک

کراچی: سابق وفاقی وزیرِداخلہ اورپیپلزپارٹی کے سینیٹررحمان ملک نے کہا ہے کہ موجودہ صورتحال میں فریقین سے اپیل کرتا ہوں کہ جرگے کی تجاویز پرسنجیدگی سےغورکریں۔

یہ بات انہوں نے صحافیوں سے گفتگو کرتے ہوئے کہی، سینیٹر رحمان ملک نے میڈیا سے گفتگو کرتے ہوئے کہا کہ حکومت ،عمران خان اور طاہرالقادری سیاسی جرگے کی تجاویزپرغور کریں۔

ان کا مزید کہنا تھا کہ متحدہ قومی موومنٹ کے قائد الطاف حسین نے کبھی سندھ کو دو لخت کرنے کی بات نہیں کی انتظامی یونٹس کی بات کرنا الطاف حسین کاحق ہے۔

کراچی میں امن و امان کی صورتحال پر ان کا کہنا تھا کہ رینجرزاورپولیس نےمل کرکراچی سےدہشت گردی کاخاتمہ کیا۔ امیدہےنئی ٹیم کراچی کوٹارگٹ کلرز،بھتہ مافیاسےنجات دلائےگی۔

ستمبر 24, 2014
کراچی جلسہ : پی ٹی آئی کے رہنماوں کا خطاب

کراچی میں پی ٹی آئی کے جلسے سے خطاب عوامی مسلم لیگ کے سربراہ شیخ رشید کا کہنا تھا کہ کراچی کی عوام آج چور ڈاکوں کے خلاف نکل گئی ہے،کراچی عوام سے مخاطب ہوتے ہوئے ان کا کہنا تھا کہ آپ زندہ قوم ہیں جب کراچی نکلتا ہے تو پاکستان نکل جاتا ہے۔

انہوں نے کہا کہ نواز شریف لوگ قربانی چاہتے ہیں، اقونامی نواز شریف نے تباہ کردیا، بجلی مہنگی ہوگئی، جس دن عمران خان کہے گا ٹرینوں پر دھرنا دینگے، اور ایک ہی نعرہ گونجے گا ۔۔ گو نواز گو ۔ نواز شریف سے کہتا ہوں خود چلے جائیں ۔

پی ٹی آئی کے نادر اکمل لغاری کا کہنا تھا کہ سندھ کی محرومیاں عروج پر ہیں انہوں نے کہا سندھ کی عوام عمران خان کے ساتھ ہیں، تین تلوار دھرنے اور مجھ پر الزامات میری شہرت میں اضافہ ہوا ہے، موجودہ پیپلز پارٹی بھٹو صاھب کی پارٹی نہیں ہے ۔ انہوں نے کہا کہ ڈرنے والے نہٰں ہیں کراچی عمران خان کا گھر ہے ۔

پاکستان تحریک انصاف کے رہنما شاہ محمود قریشی کا کہنا تھا کہ ان کا کہنا تھا کہ کراچی زندہ رہنے والے لوگوں کا شہر ہے، جو سیاست سے لاتعلق تھے انہوں نے عمران خان پر اعتماد کا اعلان کردیا، کل اسلام آباد کے جلسے کا چالیسواں ہے، لگتا ہے حکومت کا وقت قریب ہے ۔

انہوں نے کہا کہ تحریک انصاف کی قیادت کراچی والوں کا شکریہ ادا کرنے آئی ہے، عمران خان نے پاکستانی عوام کو جگادیا ہے ، تحریک انصاف اب اندروں سندھ ہر گلی ہر گاوں میں جائے گی، ہمیں معلوم ہے ہم سندھ کی عوام پر اتنی توجہ نہیں دی جتنی ان کو ضرورت تھا، ملتان میں 16 اکتوبر کو فیصلہ ہوگا کہ باغی باغی ہے یہ داغی ہے ۔

شاہ محمود قریشی کا کہنا تھا کہ عمران خان نے ملک کی سیاست کا نقشہ بدل دیا ہے، اسلام آباد میں حکومت کے وزراءکو کہتے ہیں کہ 3ہزار لوگ دھرنے میں شامل ہیں،میں ان کو دعوت دیتا ہوں یہاں کراچی میں آئیں اور عمران خان کے دیوانوں کی گنتی کر کے دکھائیں۔

ستمبر 21, 2014
پی ٹی آئی اور ایم کیو ایم ایک بار پھر ایک دوسرے کے مقابل

کراچی: پاکستان تحریکِ انصاف اور متحدہ قومی موومنٹ ماضی کی طرح ایک بار پھر ایک دوسرے کے مقابل کھڑی ہے، دونوں جماعتوں کے درمیان اس بار اختلافات کی وجہ سندھ کی انتظامی تقسیم بنی ہے۔

دو ہزار سات میں جب تحریکِ انصاف کے قائد عمران خان نے لاہور میں ایک پریس کانفرنس میں یہ بات کہی تھی کہ کراچی ایم کیو ایم کے قائد الطاف حسین کا نہیں، پاکستان کا شہر ہے اور ہر پاکستانی کسی بھی شہر جانے کا حق رکھتا ہے تو اس وقت ایم کیو ایم اور تحریکِ انصاف میں اختلافات پہلی مرتبہ واضح انداز سے سامنے آئے۔

بارہ مئی دو ہزار سات کے واقعے اور اختلافات کی بناء پر اُس وقت کی صوبائی حکومت نے کراچی میں ان کے داخلے پر پابندی عائد کر دی تھی، عمران خان نے متحدہ کے الطاف حسین کیخلاف اسکاٹ لینڈ یارڈ کو کئی دستاویزی ثبوت فراہم کیے، دونوں جماعتوں کے درمیان کبھی ایک دوسرے کیخلاف سڑکوں پر مظاہروں اور جلسے جلوسوں کی صورت میں، کبھی شہر کی دیواروں پر مخالفانہ نعروں کی چاکنگ کےذریعے اورکبھی ایوان کےفلور میں تقاریر اور کبھی ٹی وی اسکرین اور اخباری صفحات پر سرد اور گرم جنگ کا سلسلہ چلتا رہا ہے۔

اختلافات کی چنگاریوں نے دو ہزار تیرہ کے انتخابات کے دوران شعلے کا روپ دھارا جب کراچی میں تحریکِ انصاف کیجانب سے مرکزی رہنماء زہرہ شاہد کے قتل کا الزام ایم کیو ایم اور الطاف حسین پر لگایا گیا، جس کا ایم کیو ایم کیجانب سے سخت ردعمل سامنے آیا۔

ایم کیو ایم کی جانب سے عمران خان پر پانچ ارب روپے ہرجانے کا نوٹس بھجوایا گیا، انتخابات کے دوران بھی کچہ اختلافات سامنے آئے تاہم اس کے بعد ایک عرصے تک دونوں جماعتوں میں معاملات معمول پر رہے۔

اب ایک بار پھر متحدہ کیجانب سندھ کی انتظامی لحاظ سے تقسیم کے مطالبے کے بعد اختلافات کی دبی چنگاریاں شعلے کا روپ دھارتی دکھائی دے رہی ہیں۔

ستمبر 20, 2014
جب تک زندہ ہوں مظلوموں کیلئے جدوجہد کرتا رہوں گا، الطاف حسین

کراچی: قائد الطاف حسین کا کہنا ہے کہ عوام کے آئینی و قانونی اورجمہوری حقوق کی جدوجہد میں کسی قسم کی سودے بازی نہیں کرینگے۔

متحدہ قومی مومنٹ کے قائد الطاف حسین نے کراچی سمیت مختلف شہروں کے طالب علموں سے ٹیلیفونک خطاب کرتے ہوئے کہا کہ سندھ میں سندھ میں نئے انتظامی یونٹس کے قیام کی مخالفت کرنا قابل مذمت ہے، الطاف حسین کا کہنا تھا کہ جب تک میرے جسم میں جان موجود ہےاردوبولنے والی عوام کے ساتھ مظلوموں کے حقوق کی جدوجہد کرتا رہوں گا۔

ان کا کہنا تھا کہ پاکستان کی ترقی کے لئے نئے صوبوں کا قیام ضروری ہے ملک میں نئے صوبوں کے قیام کی ہمایت اورسندھ میں مخالفت دوغلا عمل ہے،الطاف حسین نے کہا کہ جاگیرداروں اوروڈیروں کے مظالم سے نجات کیلئے پُرامن جمہوری جدوجہد کررہے ہیں۔

ایم کیوایم کے قائد نے عوام سے اپیل کی کہ وہ متحد،منظم اوراپنی صفوں میں اتحاد کو برقرار رکھےاورآنے والی نسلوں کے بہتر مستقبل کے لئے اپنی جدوجہد جاری رکھیں۔

ستمبر 19, 2014