کراچی : ایم کیو ایم پاکستان کے رہنما کنور نوید جمیل نے کہا ہے کہ فاروق ستار مسلسل میڈیا میں ٖغلط بیانی کر رہے ہیں، انہوں نے کامران ٹیسوری کی ایما پر انیس قائم خانی سے ملاقاتیں کیں۔
یہ بات انہوں نے متحدہ قومی موومنٹ کے مرکز بہادرآباد میں میڈیا سے گفتگو کرتے ہوئے کہی ، انہوں نے کہا کہ کوئی دانستہ طور پر پارٹی کو نقصان پہنچانے کی کوشش کرے یہ بات کسی کو بھی برداشت نہیں ہے۔
ان کا کہنا تھا کہ غیرقانونی عمل کو روکنےکیلئے ہی فارق ستار کو کنوینر شپ سے ہٹایا گیا تھا، گزشتہ رات بھی فاروق ستار سے بہادرآباد آنے کی درخواست کی گئی لیکن وہ پھر بھی نہیں آئے۔
ایک سوال کے جواب میں انہوں نے کہا کہ انٹرا پارٹی کے غیر قانونی الیکشن میں ایک ایک آدمی 10۔10 ووٹ کاسٹ کررہاہے، ووٹنگ میں کارکنان کے ساتھ ساتھ عوام کو بھی بلایا گیا ہے۔
کنور نوید جمیل نے بتایا کہ فاروق ستار نے کامران ٹیسوری کی ایما پر انیس قائم خانی سے خفیہ ملاقاتیں کیں، فاروق ستار اس لائن پر کئی ماہ پہلے چلے تھے، ہم فاروق بھائئی سے تنظیمی باتوں کو چھپانے کی باتیں کیا کرتے تھے، لیکن اب باقی باتوں سے پردہ اٹھایا جائے گا۔
کراچی : متحدہ قومی موومنٹ پاکستان کے سربراہ ڈاکٹرفاروق ستار نے کہا ہے کہ امریکہ میں چلنے والی کراچی مخالف مہم کی سخت مذمت کرتے ہیں، پاکستان کے خلاف کسی سازش کو کامیاب نہیں ہونے دینگے۔
ان خیالات کا اظہار انہوں نے بہادر آباد کراچی کے دفتر میں پریس کانفرنس سے خطاب کرتے ہوئے کیا، صحافیوں سے گفتگو کرتے ہوئے ان کا کہنا تھا کہ امریکا میں بیٹھ کر ندیم نصرت کراچی مخالف مہم چلارہا ہے، اس کو پاکستان یا کراچی کیخلاف سازش نہیں کرنے دینگے۔
فاروق ستار نے کہا کہ پرامن جدوجہد سے اپنے حقوق حاصل کرنے کیلئے اب کراچی کے لوگ قومی دھارے کی سیاست کریں گے، عدم تشددکی پالیسی پر عمل کیا جائے گا۔
ان کا مزید کہنا تھا کہ ایم کیوایم پاکستان کی اڑان کو اب کوئی نہیں روک سکتا، کراچی کیخلاف مہم کے خاتمے کے لئے بھرپور کردارادا کیا جائے گا۔
نقیب اللہ قتل کیس سے متعلق ایک سوال کے جواب میں سربراہ ایم کیو ایم کا کہنا تھا کہ نقیب کے قتل کی پرزور الفاظ میں مذمت کرتے ہیں۔
ضرورت اس امر کی ہے کہ محکمہ پولیس سے راؤ انوار جیسے کرداروں کا خاتمہ کیا جائے، سندھ حکومت کو کیا پہلے معلوم نہیں تھا کہ ایس ایس پی ملیر کیا کر رہا ہے ؟
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
متحدہ قومی موومنٹ کے رہنما خواجہ اظہارالحسن نے کہا ہے کہ مشترکہ پریس کانفرنس ایم کیوایم، پی ایس پی ملاقات کا اعلامیہ تھا معاہدہ نہیں، اسٹیبلشمنٹ کاجس نے کہا اسی سے پوچھا جائے۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔
خواجہ اظہارالحسن نے کہا کہ کراچی کی سیاسی مفاہمتی فضا سے فائدہ نہیں اٹھایا جاسکا، اسٹیبلشمنٹ کے بارے میں جس نےکہا اسی سے پوچھا جائے۔
کراچی کے امن کی خاطر پی ایس پی والوں سے مفاہمت کی، ان سے جب بھی ملے ہیں پارٹی وفد کے ساتھ ملے ہیں اور یہ کوئی انوکھی بات نہیں ایم کیوایم پاکستان دیگر سیاسی جماعتوں سے بھی ملتی ہے، متحدہ قومی موومنٹ کسی کے ساتھ بھی اتحاد کرسکتی ہے۔
خواجہ اظہارالحسن نے کہا کہ ملاقات میں پی ایس پی اور ایم کیوایم پاکستان ختم کرنے کا کوئی فیصلہ نہیں کیا گیا تھا، ایم کیوایم پاکستان اپنے نام اور نشان کو نہیں ختم کرےگی، ہم سیاسی فضا کو برقرار رکھنے کی کوشش کریں گے۔
ایک سوال کے جواب میں خواجہ اظہار نے کہا کہ مصطفیٰ کمال نے فاروق ستار کے ساتھ بیٹھ کراتنی بات کہہ دی کہ ایم کیوایم کو دفن کریں گے، مشترکہ پریس کانفرنس ایم کیوایم، پی ایس پی ملاقات کا اعلامیہ تھا معاہدہ نہیں، فاروق ستار نے پوری رابطہ کمیٹی کو پی ایس پی سے متعلق اعتماد میں لیاتھا۔
انہوں نے بتایا کہ پی ایس پی رہنماؤں سے ملاقات کے وقت ایم کیوایم کا وفد موجود تھا، نسرین جلیل اس دوران نہیں تھیں، فاروق ستار نے پارٹی کے دیگر رہنماؤں کو بھی اعتماد میں لیا، معاہدہ یہ تھا کہ اجلاس میں مزید بات کرکے دونوں جماعتوں کا انضمام ہوگا۔
پی ایس پی اور ایم کیوایم ملاقات میں کسی کا کردارنہیں، رضا ہارون
دوسری جانب پروگرام میں گفتگو کرتے ہوئے پی ایس پی رہنما رضا ہارون نے کہا کہ پی ایس پی اورایم کیوایم کامعاہدہ بھی سب کے سامنےموجود ہے، معاہدہ یہی ہوا تھا کہ ایک نئے نشان،نام اور منشورکے ساتھ الیکشن لڑیں گے، پی ایس پی اور ایم کیوایم پاکستان کا انضمام ہونے کامعاہدہ ہوا تھا۔
انہوں نے کہا کہ جو آواز پی ایس پی نے لگائی تھی وہ ہی اب ایم کیوایم کہہ رہی ہے، کراچی کےعوام کی خواہش تھی کہ دونوں جماعتیں ایک ہوجائیں۔
ایک سوال کے جواب میں رضا ہارون کا کہنا تھا کہ پی ایس پی اورایم کیوایم ملاقات میں کسی کا کردارنہیں تھا، پی ایس پی اپنے فیصلےاور پالیسیاں بنانے میں آزاد ہے۔
انہوں نے کہا کہ فاروق ستار بتائیں وہ کس انجینئرڈ سیاست کی بات کررہےتھے، بات یہ ہوئی تھی کہ ایک مدعے پر پہنچے بغیر دونوں جماعتیں قائم رہیں گی، ایم کیوایم پاکستان کسی سے بھی اتحاد کرےہمیں فرق نہیں پڑتا۔
رضا ہارون نے مزید کہا کہ ایم کیوایم پاکستان کو24گھنٹے بعد غلطی کیوں یاد آئی؟ فاروق ستاراسی دن بات کرلیتے تو اچھا ہوتا۔
کیا ایم کیوایم پاکستان لاڑکانہ کامینڈیٹ تقسیم ہونے سے بچارہی ہے؟ ہمارا مطالبہ ہے فاروق ستار کے اعلیٰ حکام کو لکھے گئے خط کو پبلک کردینا چاہیے۔
کراچی : متحدہ قومی موومنٹ کے سربراہ ڈاکٹر فاروق ستار نے کہا ہے کہ ندیم نصرت امریکامیں پاکستان مخالف سرگرمیوں میں مصروف ہیں، مہاجروں کی نمائندگی کادعویٰ کرکے ایسی باتیں نہ کی جائیں، لندن والوں کےرویوں سےافسوس ہوتا ہے۔
ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا، ڈاکٹر فاروق ستار نے کہا کہ ایم کیوایم پاکستان عوام میں موجود ہے، پاکستان مخالف لابی کے ساتھ مل کرغلط زبان استعمال کی جارہی ہے، مہاجروں کانام استعمال کرنےکی مذمت کرتے ہیں۔
ویڈیو دیکھیں:
لندن والوں کارویہ 22اگست کی پالیسی کاتسلسل ہے، ان کا کہنا تھا کہ ندیم نصرت کی پاکستان مخالف لابی کے ساتھ سرگرمیاں قومی سلامتی کا معاملہ ہے، پاکستان مخالف سرگرمیاں انتہائی تشویشناک ہیں۔
ملک میں فرقہ واریت کو ہوا دینے کی سازش ہو رہی ہے، لندن سے آنے والے آڈیو بیانات اور پاکستان مخالف جارحانہ رویہ اختیارکیا جانا نامناسب عمل ہے۔
فاروق ستار کا کہنا تھا کہ قومی سلامتی کونقصان پہنچانےکی مذمت کرتےہیں، ایم کیوایم پاکستان عوام میں موجودہے، عوام میں رہ کران کےمسائل حل کرنےکی کوشش کررہےہیں، لندن والوں کےرویوں سےافسوس ہوتاہے، ایسےرویوں سےہماری حب الوطنی کومشکوک بنایا جارہا ہے۔
مہاجروں کو پاکستان کیخلاف کھڑا کرنے کی سازش کی جارہی ہے
ڈاکٹرفاروق ستار کا کہنا تھا کہ ڈائنابیکراورجان مکین سےہمیں کوئی توقع نہیں، سازش کی جارہی ہے کہ مہاجروں کو پاکستان کیخلاف کھڑا کیا جائے، انہوں نے کہا کہ ایم کیوایم امریکا کی اکثریت ہمارےساتھ ہے، کیونکہ امریکا کےکارکنوں نے پاکستان کے ساتھ کھڑےہونے کا فیصلہ کیاہے،
مہاجروں کی نمائندگی کادعویٰ کرکےایسی باتیں نہ کی جائیں، ہم یہاں پاکستان کی نمائندگی کرہےہیں۔ ڈاکٹر فاروق ستار نے کہا کہ ایم کیوایم پاکستان 22اگست کی پالیسی کو مسترد کرتےہوئے ایم کیوایم پاکستان 23اگست کی پالیسی پرعمل پیرا ہے۔
ہمارے کئی کارکنان آج بھی جیلوں میں ہیں
ایم کیوایم پاکستان کےکئی کارکنان آج بھی جیلوں میں ہیں، مسلسل22اگست کودہرایا جا رہا ہے، مظلومیت کا رونا رو کرپاکستان مخالف لابنگ کرناصحیح عمل نہیں۔
امریکی کانگریس سے پاکستان کی امداد بند کرنے کی بات مضحکہ خیز ہے، ایک ایک مہاجر نے طے کیاہے کہ ہمارا جینا مرنا پاکستان کیلئے ہے۔
کراچی : عدالتی احکامات کے بعد متحدہ قومی موومنٹ کے مرکزی رہنما کنور نوید جمیل کو سینٹرل جیل سے رہا کردیا گیا، رہائی کے فوری بعد وہ پی آئی بی کالونی میں ایم کیو ایم کے عارضی مرکز پر پہنچ گئے، کنور نوید کا رہنماؤں اور کارکنان نے بھرپور استقبال کیا۔
تفصیلات کے مطابق پاکستان مخالف نعروں اور میڈیا ہاؤس پر حملہ کیس کی سماعت کے دوران انسداد دہشت گردی کی خصوصی عدالت ( اے ٹی سی ) نے کنور نوید جمیل کے ضمانتی مچلکے منظور کرلیے۔
کراچی انسداد دہشت گردی کی عدالت نے کنور نوید جمیل کے پانچوں مقدمات میں ریلیز آرڈر جاری کردیئے، 22 اگست کے دو کیسز میں 20 ، 20 لاکھ روپے کے عوض ضمانت منظور کی گئی۔
کنور نوید جمیل کی تین کیسز میں ایک، ایک لاکھ روپے کےعوض ضمانت منظور ہوئی۔ جیل سے رہائی کے بعد کنور نوید جمیل کارکان کے ہمراہ ایم کیو ایم کے عارضی مرکز پی آئی بی کالونی پہنچے جہاں متحدہ سربراہ ڈاکٹر فاروق ستار اور دیگر نے ان کا استقبال کرتے ہوئے پھولوں کے ہار پہنائے اور مٹھائی کھلائی۔
اس موقع پر عامر خان، رؤف صدیقی، شبیر احمد قائم خانی اور دیگر بھی موجود تھے۔ صحافیوں سے گفگتو کرتے ہوئے کنورنوید نے کہا کہ جن لوگوں نے میری رہائی کیلئے دعا کی ان کاشکر گزار ہوں، یہ میری چوتھی قید تھی، ہمارے لئے قیدو بند کی سعوبتیں برداشت کرنا کوئی بڑی بات نہیں.
کنورنوید نے کہا کہ اےآروائی نیوز کے دفتر پر حملے کے وقت میں وہاں موجود ہی نہیں تھا، ان کا کہنا تھا کہ اگر ایک منتخب ایم این اے کو جھوٹے الزام میں 150دن بند کیا جاسکتا ہے تو سوچنے کی بات ہے کہ عام کارکن کے ساتھ کیا سلوک ہوتاہوگا؟
لندن: متحدہ قومی موومنٹ لندن کے رہنما ندیم نصرت نے کراچی یادگارہ شہدا پر موجود کارکنوں سے اپیل کی ہے کہ وہ پرامن طور پر منتشر ہوجائیں اور رینجرز ہمارے گرفتار کارکنوں کو رہا کرے۔
لندن سے اے آر وائی نیوز سے ٹیلی فونک گفتگو کرتے ہوئے انہوں نے کہا کہ نو دسمبر کو الطاف بھائی کے بھائی اور بھتیجے کو شہید کیا گیا ویسے بھی ہزاروں کارکنوں کو شہید کیا گیا تو طے کیا گیا کہ 9 دسمبر کو یوم شہدا منایا جائے اس لیے اسے ہم باقاعدہ طور پر مناتے ہیں لیکن یہ سیاسی ایونٹ نہیں۔
انہوں نے کہا کہ یہ ایک ذاتی ایونٹ ہے، جو لوگ شہیید ہوگئے ان کے عزیز یہ دن مناتے ہیں، یادگار شہدا جناح گرائونڈ میں ہے، اس دن کو منانے دیا جائے اس کی کوئی سیاسی حیثیت نہیں لیکن پھر بھی راستے بندکیے گئے اور لوگوں کو آنے سے روکا گیا،حیدرآباد مین شیلنگ کی گئی ہوائی فائرنگ کی گئی۔
ندیم نصرت نے کہا کہ حکومت فورسز کو ہدایت کرتی کہ یہ ایونٹ منانے سے نہ روکا جائے، ہم نہیں چاہتے کہ شہر کا امن خراب ہو، تصادم ہو او فورسز سے محاذ آرائی ہو، ہم الطاف بھائی کی طرف سے کارکنوں سے اپیل کرتے ہیں کہ وہ منتشر ہوجائیں اور فورسز سے اپیل ہے کہ جو لوگ آئے ان کے خلاف کوئی قانونی کارروائی نہ کی جائے،جو گرفتار ہیں انہیں رہا کیا جائے۔
کراچی : پیپلزپارٹٰی کے سابق رہنما نبیل گبول نےموٹرسائیکل میں سوارہوکر اپنے پرانے حلقہ انتخاب لیاری کے مختلف علاقوں کا دورہ کیا۔
تفصیلات کے مطابق سابق رکن قومی اسمبلی نبیل گبول نے موٹر سائیکل پر سوار ہوکر بغیر پروٹوکول کے لیاری کے مختلف علاقوں کا دورہ کیا اور علاقہ عمائدین سمیت لوگوں سے ملاقات کی۔
اپنے مختصرخطاب میں لیاری سے منتخب ہونے والے نبیل گبول نے کہا ہے کہ لیاری گینگ وار کے بھٹکے ہوئے نوجوانوں کے ساتھ زیادتی نہیں ہونے دیں گے ایسے نوجوانوں کو چاہیے کہ وہ خود کو پولیس کے حوالے کردیں۔
اس موقع پرانہوں نے لیاری میں قیام امن میں رینجرز کے کردار کو سراہتے ہو ئے اعلان کیا کہ غلط ہاتھوں میں استعمال ہونے والے لیاری کے معصوم اورغریب بچوں کو قانونی معاونت مہیا کرکے معاشرے کا صحت مند شہری بنائیں گے۔
واضح رہے کچھ روز قبل پاکستان پیپلز پارٹی کی شہید چیرمین بے نظیر بھٹو کی دونوں صاحبزادیوں بختاور بھٹو اور آصفہ بھٹو نے لیاری کا دورہ کیا تھا اور منتخب ممبران اسمبلی کے ہمراہ لوگوں میں گھل مل گئیں تھیں۔
واضح رہے کہ پاکستان پیپلز پارٹی کے پلیٹ فارم سے سیاست شروع کرنے والے سردارنبیل بلوچ لیاری کے رہائشی اور اسی حلقے سے 1996 میں صوبائی اسمبلی کے ممبر منتخب ہو کر ڈپٹی اسپیکر سندھ کے فرائض انجام دے چکے ہیں۔
بعد ازاں وہ اسی حلقے سے پیپلز پارٹی کے رکن قومی اسمبلی بھی منتخب ہوئے اور ڈیفینس میں رہائش اختیار کی تا ہم سابق صدر آصف علی زرداری سے اختلاف کے اور ٹکت نہ ملنے کے باعث 2013 میں پیپلز پارٹی سے علیحدگی اختیار کرکے متحدہ قومی موومنٹ میں شرکت کی اور عزیز آباد سے رکن قومی اسمبلی منتخب ہوئے۔
تا ہم محض دو سال بعد ہی متحدہ قومی موومنٹ سے بھی علیحدگی کا اعلان کرتے ہوئے اپنی نشست سے مستعفیٰ ہو گئے تھے،اُن کے بارے میں کہا جا رہا تھا کہ وہ تحریک انصاف میں شمولیت اختیار کریں گے تا ہم ابھی تک انہوں نے کسی سیاسی جماعت کی رکنیت حاصآل نہیں کی ہے۔
کراچی : رینجرز نے متحدہ قومی موومنٹ پاکستان کے رہنما گلفراز خان خٹک ایڈووکیٹ کو حراست میں لے لیا ہے، رابطہ کمیٹی کے رکن کئی مقدمات میں مطلوب تھے۔
تفصیلات کے مطابق رینجرزنے ایم کیو ایم پاکستان کے رہنما اوررابطہ کمیٹی کے اہم رکن گلفرازخٹک کوانسداد دہشت گردی کی عدالت سے باہر نکلتے ہوئے حراست میں لے لیا ہے۔
رکن رابطہ کمیٹی کو حراست میں لیے جانے کے بعد نامعلوم مقام پر منتقل کردیا گیا ہے جہاں اُن سے اہم مقدمات کے بارے میں تفتیش کا عمل جاری ہے۔
اے آر وائی کے رپورٹر کی جانب سے رینجرز سے رابطہ کرنے پر رینجرز حکام نے بتایا کہ ایم کیو ایم کے رہنما گلفراز خٹک کو رینجرز نے حراست میں نہیں لیا ہے بعد ازاں پولیس حکام نے بتایا ہے کہ گلفرازخٹک کو ٖیفینس تھانے کے تفتیشی سیل کے حوالے کردیا گیا ہے۔
یاد رہے دو روز قبل عزیزآباد میں واقع ایم کیو ایم کے مرکزی آفس کے قریب ایک بند گھر کی زیر زمین ٹینک سے بھاری مقدار میں جنگی اسلحہ برآمد ہوا تھا جس کے بعد 2015 میں ایم کیو ایم کے مرکز90 کے منتظمین سے تفتیش کرنے کا فیصلہ کیا گیا تھا۔
واضح رہے کہ رکن رابطہ کمیٹی گلفراز خٹک میڈیا ہاؤس پر حملے،پاکستان مخالف تقریر کرنے میں سہولت کار بننے،اشتعال انگیزی پھیلانے اور بغاوت سمیت کئی اہم مقدمات میں پولیس کو مطلوب ہیں۔
گلفراز خٹک ایم کیو ایم کے کارکنان اور ہمدردوں کو قانونی سہولیات فراہم کرنے والے شعبے لیگل ایڈ کمیٹی کے رکن کی حثیت سے اپنے سیاسی کیریر کا آغاز کیا اور بعد ازاں ایم کیو ایم کی اعلی ترین کمیٹی رابطہ کمیٹی کے رکن بنے۔
کراچی: ایم کیو ایم پاکستان کے سربراہ ڈاکٹر فاروق ستار کا کہنا ہے کہ 22 اگست کو جو متحدہ کو حلوہ سمجھ کر ہڑپ کرنا چاہتے تھے 23 اگست کے ہمارے اقدام نے ان کے دانت کھٹے کردیے
ایم کیو ایم کے عارضی مرکز پی آئی بی کالونی میں جنرل ورکرز اجلاس کے شرکا سے خطاب کرتے ہوئے ڈاکٹر فاروق ستار کا کہنا تھا مہاجر عوام متحد و منظم ہیں، جو نادان دوست چوہدری بننا چاہتے ہیں ان کی حسرت ، حسرت ہی رہے گی۔
ڈاکٹر فاروق ستار نے کہا کہ ہم نے 100 اینٹ کی مسجد کو اسی طرح قائم و دائم رکھنا ہے اگر ہمارا اتحاد اسی طرح متحد و منظم رہے گا تو کوئی ہمیں نقصان نہیں پہنچا سکتا۔
ان کا کہنا تھا کہ 22 اگست کو جو متحدہ کو حلوہ سمجھ کر ہڑپ کرنا چاہتے تھے 23 اگست کے ہمارے اقدام نے ان کے دانت کھٹے کردیے۔
اس موقع پر رابطہ کمیٹی کے رکن عبدالحسیب اور فیصل سبزواری نے بھی خطاب کیا، رکن رابطہ کمیٹی عبدالحسیب نے کہا کہ بکھیری ہوئی قوم کبھی بھی اپنے مقصد میں کامیاب نہیں ہوتی ہے اس لیے ہم سب کو متحد اور یکجا ہونا ہوگا تاکہ ہم اپنے مقصد میں کامیابی حاصل کر سکیں، ایم کیو ایم پاکستان کے رہنما فیصل سبزواری نے کہا کہ سرزمین پاکستان میں رہتے ہوئے اپنے حقوق کی جدوجہد کرنی ہوگی۔
لندن : متحدہ قومی موومنٹ کی رابطہ کمیٹی کے کنوینر ندیم نصرت نے کہا ہے کہ قائد تحریک سے لاتعلقی کا اظہار کرنے والے اپنے معافی نامے جمع کروا کرقائد تحریک سے آکر ملیں۔
ایک بیان میں ندیم نصرت نے کہا کہ وہ ایم کیو ایم کے کارکنوں کو منتخب کردہ اور قائد تحریک کے توثیق یافتہ کنوینر کی حیثیت سے تمام رہنماؤں ، منتخب ارکان سینیٹ ، قومی و صوبائی اسمبلی ، ذمہ داران اور کارکنان سے آخری مرتبہ یہ اپیل کررہے ہیں کہ وہ اپنی غلطیوں کی اصلاح کرلیں اورقائد تحریک کے قافلے میں واپس آجائیں۔
ان کا کہنا تھا کہ جو بھی اپنی اصلاح کا ذرہ برابر بھی ارادہ رکھتا ہے وہ ایسی جگہ جگہوں پر ہرگز حاضریاں نہ لگائے جہاں قائد تحریک کیخلاف باتیں کی جاتی ہوں۔
انہوں نے کہا کہ قائد تحریک سے لاتعلقی کرنے والے اسٹیبلشمنٹ کے خوف، جبر اور دھونس و دھمکی کا شکار ہوکر خود کو تحریک سے علیحدہ نہ کریں۔
ندیم نصرت نے تمام رہنماؤں، منتخب نمائندگان، ذمہ داران، اور کارکنان سے کہا ہے کہ وہ محفوظ طریقہ کار اختیار کرکے مجھے یا لندن میں رابطہ کمیٹی کے دیگر وفادار اراکین کو اپنے پیغام اور خیالات سے آگاہ کریں۔
