اسلام آباد : ایم کیوایم پرپابندی کے لئے سپریم کورٹ میں درخواست دائر کردی گئی درخواست میں مطالبہ کیا گیا ہے قائد ایم کیوایم کو انٹر پول کے ذریعے واپس لایا جائے۔
تفصیلات کے مطابق قائد ایم کیوایم کی پاکستان مخالف تقریر کے بعد سے ایم کیوایم کی مشکلات میں مزید اضافہ ہوتا جارہا ہے۔
ایم کیوایم پر پابندی کے حوالے سے سپریم کورٹ میں درخواست دائر کی گئی ہے۔ مذکورہ درخواست بیرسٹرسیف اللہ خان اوروطن پارٹی کے ہاشم شوکت نے دائر کی ہے۔
درخواست میں مطالبہ کیا گیا ہے کہ قائد ایم کیوایم کو انٹر پول کے ذریعے واپس بلاکر گرفتار کیا جائے۔ درخواست کذار نے کا مزید کہنا ہے کہ پیمرا کو ہدایت کی جائے کہ ایم کیوایم کی سرگرمیوں کی نشرواشاعت پر پابندی لگائی جائے۔
درخواست میں یہ بھی کہا گیا ہے کہ قائد ایم کیوایم اور ان کی معاونت کرنے والوں پر بھی غداری کا مقدمہ درج کیا جائے۔
یاد رہے کہ کزشتہ دنوں کراچی پریس کلب پر بھوک ہڑتالی کیمپ کے شرکاء سے خطاب کرتے ہوئے قائد ایم کیو ایم نے پاکستان مخالف نعرے لگائے، جس کی ملک بھر میں شدید مذمت کی جارہی ہے۔
