Tag: متحدہ قومی موومنٹ

کراچی : سینٹرل جیل میں ڈاکتر عاصم کیس میں قید پاک سرزمین پارٹی کے رہنما انیس قائم خانی کو طبعیت بگڑنے پر جیل سے اسپتال منتقل کردیا گیا ہے۔

تفصیلات کے مطابق ڈاکٹر عاصم کیس میں دہشت گردوں کے علاج کروانے میں معاونت کرنے کے الزام میں گرفتار پاک سرزمین پارٹی کے رہنما انیس قائم خانی کی جیل میں طبعیت بگڑ گئی ہے، کمر اور کندھے میں شدید درد کی شکایت کے بعد انہیں اسپتال منتقل کردیا گیا ہے،ڈائریکٹر حادثات جناح اسپتال کے مطابق انیس قائم خانی کو اسپتال کے اسپیشل وارڈ میں داخل کیا گیا ہے۔

مزید جانیے : وسیم اختر،انیس قائم خانی، اورروف صدیقی کو سینٹرل جیل منتقل کردیا گیا

انیس قائم خانی کے اہل خانہ اطلاع ملنے پر فوری طور پر اسپتال پہنچ گئے ہیں،میڈیا سے بات کرتے ہوئے ان کا کہنا تھا کہ انیس قائم خانی گردوں کے عارضے میں مبتلا ہیں جب کہ انہیں گردن کے درد کی شکایت بھی رہتی تھی۔

یہ خبر بھی پڑھیں : ڈاکٹرعاصم کیس،انیس قائمخانی کی عبوری ضمانت منظور

واضح رہے کہ ڈاکٹر عاصم کیس میں ضمانت مسترد ہونے کے بعد پاک سرزمین پارٹی کے رہنما انیس قائم خانی کو احاطہ عدالت میں گرفتار کر لیا گیاتھا،اُن کے ساتھ گرفتار ہونے والے دیگر دو رہنماؤں میں رؤف صدیقی اور نامزد میئر کراچی وسیم اختر کا تعلق متحدہ قومی موومنٹ سے تھا جب کہ پیپلز پارٹی سے تعلق رکھنے والے عبدالقادر پٹیل عدالت سے بناء گرفتاری دیے واپس چلے گئے تھے۔

کراچی : متحدہ قومی موومنٹ کے ہیڈ کوارٹر نائن زیرو پر پریس کانفرنس کرتے ہوئے ایم کیو ایم کے رہنما کنور نوید جمیل کا کہنا تھا کہ وسیم اختر نے کوئی اعترافی بیان نہیں دیا ہے اُن پر من گھڑت اور جھوٹے الزامات لگائے جارہے ہیں تمام تر الزامات کے باوجود ایم کیو ایم کے نامزد میئر وسیم اختر ہی رہیں گے۔

پریس کانفرنس سے خطاب کرتے ہوئے متحدہ قومی موومنٹ کے رہنما کنور نوید جمیل نےاس بات کا اعادہ کیا کہ ایم کیو ایم کے نامزد میئر وسیم اختر ہی رہیں گے ،وسیم اختر کے حوالے سوشل میڈیا پر چلنے والے اعترافی بیان جھوٹ کا پلندہ ہے یہ من گھڑت،جھوٹے اور بے بنیاد الزامات ہیں جن کی کوئی آئینی حثیت نہیں کیوں کہ جے آئی ٹی کی کوئی قانونی حیثیت نہیں۔

نامزد میئر وسیم اختر نے سانحہ 12کے حوالے سے منسوب جھوٹی خبروں کی تردید اور مذمت اپنے وکلاء کے پینل سے کراچی سینٹرل جیل میں ملاقات کے موقع پر اپنے ہاتھ سے لکھے گئے خط میں کی جو متحدہ قومی موومنٹ کی رابطہ کمیٹی کے اراکین نے بدھ کے روز خورشید بیگم سیکریٹریٹ عزیز آباد میں منعقدہ پرہجوم پریس کانفرنس میں میڈیا کے سامنے پیش کیا اور اسے پڑھ کر سنایا ۔ پریس کانفرنس ایم کیوایم کی رابطہ کمیٹی کے ڈپٹی کنوینر کنور نوید جمیل نے کی جبکہ اس موقع پر ایم کیوایم کی رابطہ کمیٹی کے ارکان عارف خان ایڈووکیٹ اور ساتھی اسحاق بھی موجود تھے۔

انہوں نےبتایا کہ متحدہ قومی موومنٹ کے نامزد حق پرست میئر کراچی وسیم اختر نے میڈیا پر سانحہ12مئی کے اپنے سے منسوب جھوٹے اعترافی بیان کی سختی سے تردید کی ہے اور کہا ہے کہ میڈیا پر اس حوالے سے چلنے والی ساری خبریں جھوٹ پر مبنی ہیں اور میں نے سانحہ 12مئی کے حوالے سے کوئی اعترافی بیان دیا ہے نہ ہی 12مئی کے حوالے سے کوئی نئے انکشافات کئے ہیں بلکہ میں اپنے پچھلے بیانات کا اعادہ کرتا ہوں کہ اس سانحہ کی اعلیٰ عدلیہ سے اوپن انکوائری کروائی جائے۔

پریس کانفرنس سے خطاب کرتے ہوئے کنور نوید جمیل نے کہاکہ ٍ ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ12مئی کا واقعہ وقوع پذیر ہونے کے بعد سب سے پہلے ایم کیوایم نے ہی اس کی جوڈیشل انکوائری کا مطالبہ کیا تھا اس کی وجہ یہ تھی کہ اس میں ایم کیوایم کے 14بے گناہ کارکنان شہید ہوئے تھے ، ویسے اس میں بہت ساری سیاسی جماعتوں نے دعویٰ کیا کہ ہمارے کارکنان بھی شہید ہوئے ہیں لیکن باقی سب جماعتوں کے بیانات بیانات تک ہی محدود رہے ۔انہوں نے کہاکہ ہائی کورٹ کے سیٹنگ ججز پر مشتمل ایک کمیشن 12مئی کے حوالے سے تشکیل دیا گیا تھا اور انہوں نے اس پورے سانحہ کی تفصیل سے سماعت کی اور اس کی رپورٹ بھی آئی جس میں ایم کیوایم سے وابستہ کسی رکن کو یا کسی رہنما پر کوئی الزام نہیں لگایا گیا نہ ہی کسی کو نامزد کیا گیا اور کراچی بدامنی کیس میں بھی مسلسل اس کا ذکر رہا اور اس میں بھی کسی ایم کیوایم کے رہنما یا کارکن کو ملوث نہیں کیا گیا۔

انہوں نے کہا کہ وقت کے ساتھ ساتھ کراچی کے لوگوں میں یہ احساس مضبوط سے مضبوط تر ہوتا جارہا ہے کہ کراچی کو ایک کالونی کی طرح سے ڈیل کیاجارہا ہے اور کراچی کے لوگوں کو کسی کالونی کے باشندے ، محکوم لوگوں کی طرح سے ٹریٹ کیاجارہاہے ۔ جب آپریشن کی بات ہوتی ہے تو صرف کراچی میں آپریشن کی ہوتی ہے ،کراچی سے باہر آپریشن ہوگا تو صوبائی حکومت تیار نہیں ہوگی اور کہیں رینجرز پہنچ جائے گی تو انہیں گرفتار کرکے حوالات کی سزا دلائی جائے گی ۔

آخر میں کنور نوید جمیل نے اس بات کا اعادہ کیا کراچی کے میئر کے لیے ایم کیوایم کے امیدوار وسیم اختر ہی رہیں گے اور انشاء اللہ پر جھوٹے مقدمات اور اعترافی بیانات کی قلعی جلدکھل گئی ہے اور وہ بھی ان مقدمات سے سرخرو ہو باعزت بری ہوں گے۔

کراچی: متحدہ قومی موومنٹ کے ڈپٹی کنوینیئرعامر خان کو اُن کے عہدے سے سبکدوش کردیا گیا ہے، قائد ایم کیو ایم نے فیصلے کی توثیق کردی۔

اے آر وائی نیوز کے رپورٹر رافع حسین کے مطابق متحدہ قومی موومنٹ کے سینئر رہنما اور ڈپٹی کنوینیئر عامر خان کو رابطہ کمیٹی کی جانب سے موصول ہونے والی شکایات کی روشنی میں اُن کے عہدے سے سبکدوش کردیا گیا ہے۔

عامر خان کی عہدے سے سبکدوشی کا فیصلہ قائد ایم کیو ایم کی سربراہی میں جاری اجلاس میں کیا گیا جس میں رابطہ کمیٹی نے عامر خان کے حوالے سے موصول شکایات سے ایم کیو ایم کے سربراہ کو آگاہ کیا، جس پرانہوں نے غصے کا اظہار کرتے ہوئے نظم و ضبط کی خلاف ورزی کرنے پرعامر خان ڈپٹی کنوینیئرکے عہدے سے سبکدوش کردیا۔

تا ہم عامر خان بطور کارکن اپنے فرائض انجام دیتے رہیں گے، یاد رہے ایم کیو ایم کے رہنما عامر خان عمرے کی ادائیگی کے بعد ابھی سعودی عرب میں ہی مقیم ہیں۔

ذرائع کا کہنا ہے کہ ایم کیو ایم کی رابطہ کمیٹی میں چھ نئے ارکان کو بھی شامل کیا جارہا ہے، جن کے نام فی الحال سامنے نہیں آئے ہیں۔

واضح رہے عامر خان نے 1992 میں ایم کیو ایم سے علیحدگی اختیار کرکے آفاق احمد اور دیگر ساتھیوں کے ہمراہ ایم کیو ایم (حقیقی) کے نام سے نئی جماعت بنا ئی تھی بعد ازاں حقیقی کے چیئرمین آفاق احمد سے اختلافات کے بعد عامر خان ایم کیو ایم حقیقی (عامر خان) گروپ کی سربراہی کرتے رہے۔

بعد ازاں عامر خان چار سال قبل اپنے دیگر ساتھیوں کے ہمراہ دوبارہ متحدہ قومی موومنٹ میں شمولیت اختیار کرلی تھی جس کے بعد وہ بطور کارکن 2 سال تک کام کرتے رہے اور 2013 میں انہیں رابطہ کمیٹی میں شامل کیا گیا اور حال ہی میں انہیں ڈپٹی کنوینیئر مقرر کیا گیا تھا۔