کراچی: متحدہ قومی موومنٹ کے تین رکنی وفد نے کور کمانڈر کراچی لیفٹیننٹ جنرل نوید مختار سے ملاقات کی اور انہیں اپنے تحفظات سے آگاہ کیا ہے ۔

تفصیلات کے مطابق متحدہ کے رہنماو ں فاروق ستار ،کنورنوید اور نسرین جلیل نے کور کمانڈر کراچی سے ملاقات کی ،اس موقع پر فاروق ستار نے لیفٹیننٹ جنرل نوید مختار کو آفتاب احمد کی دوران حراست ہلاکت سے متعلق آگاہ کیا ۔

ایم کیوایم کے وفد نے لاپتہ اور ماورائے عدالت قتل کئے گئے کارکنوں کی تفصیل بھی بتائی وفد نے اپیل کی کہ آفتاب سمیت ماورائے عدالت قتل کی اعلیٰ سطحی تحقیقات کرائی جائیں۔

کور ہیڈ کوارٹرز کراچی میں ہونے والی اس ملاقات میں ڈی جی رینجرز بلا ل اکبر بھی شریک تھے۔

یاد رہے کہ آفتاب احمد ایم کیو ایم کے کارکن اور ڈاکٹر فاروق ستار کے کو آرڈینیٹر تھے، جنہیں چار روز قبل رینجرز نے ان کے گھر سے حراست میں لیا تھا۔پیر کی رات تشویشناک حالت میں ہسپتال لائے گئےجہاں وہ دوران علاج جاں بحق ہوگئے تھے۔

رینجرز کا کہنا تھا کہ ان کی موت ہسپتال میں حرکت قلب بند ہونے کی وجہ سے ہوئی جبکہ ڈاکٹر فاروق ستار نے واقعہ کا عدالتی تحقیقات کا مطالبہ کرتے ہوئے دعوی کیا کہ ’’آفتاب احمد کا ماورائے عدالت قتل کیا گیا۔ان کےجسم پر تشدد کےواضع نشانات موجود تھے‘‘۔

آرمی چیف جنرل راحیل شریف نے واقعے کی تحقیقات کرنے کا حکم دیتے ہوئے انصاف کے تقاضے پورے کرنے کا حکم دیا ہے۔

کراچی: لائنز ایریا میں متحدہ قومی موومنٹ کی ریلی کے دوران ایم کیو ایم اور حقیقی کے کارکن آمنے سامنے آگئے، پتھراؤ سے تین افراد زخمی ہوگئے۔

کراچی کے حلقے پی ایس ایک سو پندرہ پر سات اپریل کو ہونے والے ضمنی انتخاب سے پہلے ہی حلقے میں حالات کشیدہ ہو گئے، انتخابی مہم کے حوالے سے متحدہ نے ڈاکٹر فاروق ستار کی قیادت میں ریلی نکالی، لیکن حالات اس وقت قابو میں نہ رہے جب متحدہ قومی موومنٹ اور مہاجر قومی موومنٹ کے کارکنان آمنے سامنے آگئے، دونوں جماعتوں کے کارکنوں نے ایک دوسرے کے خلاف نعرے بازی، ڈنڈوں سے حملے اور پتھرائو کیا ۔

مشتعل افراد نے ایم کیو ایم کے انتخابی دفتر کو آگ لگانے کی کوشش اور ہوائی فائرنگ بھی کی جس سے تین افراد زخمی ہوئے ۔

ڈاکٹر فاروق ستار کہتے ہیں کہ لائنز ایریا میں حقیقی دہشت گردوں نے ان پر حملہ کیا، رینجرز اور پولیس دہشت گردی کا نوٹس لیں، ان کا مزید کہنا ہے کہ رکاوٹوں کے باوجود ٹی 20 انتخابی میچ جیت لیں گے۔

حلقے میں بڑھنے والی کشیدگی کے باعث ایم کیو ایم کے آفسسز کے باہر پولیس کی نفری کو تعینات کر دیا گیا ہے۔

کراچی: متحدہ قومی موومنٹ کے زیر اہتمام 03 اپریل بروز اتوارکو”پیمرا“کے خلاف پرامن احتجاجی مظاہرہ کیا جائے گا۔یہ احتجاجی مظاہرہ کراچی پریس کلب کے باہر دوپہر 2:00 بجے منعقد ہوگا ۔

احتجاجی مظاہرے میں ایم کیو ایم کی رابطہ کمیٹی کے سینئر زڈپٹی کنوینر ز، ڈپٹی کنوینرز،اراکین رابطہ کمیٹی ،حق پرست سینیٹرز ، ارکان قومی وصوبائی اسمبلی ،نامزد میئر کراچی وسیم اختر ، ڈپٹی میئر کراچی ارشد وہرا ، یوسی چیئر مینز ، وائس چیئر مینز ،یوسی کونسلرز، ٹاوٴن آفسیز کے ذمہ داران ، کا رکنان اور مختلف شعبہ ہائے زندگی سے تعلق رکھنے والے عوام شرکت کریں گے ۔

دریں اثناء متحدہ قومی موومنٹ کی رابطہ کمیٹی نے کارکنان و عوام سے اپیل کی ہے کہ وہ پیمرا کے خلاف ہونے والے احتجاجی مظاہرے میں زیادہ سے زیادہ تعداد میں شرکت کریں اور اپنا پرامن احتجاج ریکارڈ کرائیں ۔