ARYNews.tv | Urdu – Har Lamha Bakhabar

Tag: متحدہ مجلس عمل

  • کے پی کے میں300 ڈیمز بنانے کا جھوٹا پروپیگنڈا کیا جارہا ہے، سراج الحق

    کے پی کے میں300 ڈیمز بنانے کا جھوٹا پروپیگنڈا کیا جارہا ہے، سراج الحق

    مالاکنڈ : امیر جماعت اسلامی سینیٹر سراج الحق نے کہا ہے کہ کے پی کے میں300 ڈیمز بنانے کا جھوٹا پروپیگنڈا کیا جارہا ہے، وہاں نہ تو ڈیم ہیں اور نہ ہی ایک ارب درخت کہیں دکھائی دیئے، ایم ایم اے ملک میں قرآن وسنت کی بالا دستی قائم کرے گی۔

    ان خیالات کا اظہار انہوں نے مالا کنڈ میں متحدہ مجلس عمل کے تحت ہونے والے انتخابی جلسے سے خطاب کرتے ہوئے کیا۔ سینیٹر سراج الحق نے پی ٹی آئی کی حکومت پر تنقید کرتے ہوئے کہا کہ یہ پروپیگنڈا کیا جا رہا ہے کہ تحریک انصاف کی حکومت نے صوبہ خیبرپختونخوا میں تین سو ڈیمز بنائے ہیں۔

    اس سلسلے میں میں نے کے پی میں جاکر لوگوں سے پوچھا انہوں نے بتایا کہ انہیں تو کہیں کوئی ڈیم نظر نہیں آیا۔ اور نہ ہی دعوے کے برعکس ایک ارب درخت نظر آئے۔

    ان کا کہنا تھا کہ پروپیگنڈے کے زورپر کوئی جماعت عوام کو دھوکا نہیں دے سکتی۔ ان کا مزید کہنا تھا کہ اقتدار میں آنے کے بعد متحدہ مجلس عمل ( ایم ایم اے) اسلامی اور خوشحال پاکستان کی بنیاد رکھے گی، اس الیکشن میں دو تہذیبوں کے درمیان معرکہ ہے،25جولائی کو قوم کو اسلامی تہذیب اور مغربی تہذیب میں سے ایک کا انتخاب کرنا ہوگا۔

    ایم ایم اے ملک میں قرآن وسنت کی بالا دستی قائم کریگی، ہماری حکومت میں ناموس رسالت قانون میں ترمیم کی اجازت نہیں دی جائے گی، سراج الحق نے کہا کہ جمہوریت کے نام پر مخصوص لوگوں نے ملک کو لوٹا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • بنوں : ایم ایم اے امیدواراکرم خان درانی کی گاڑی پرفائرنگ

    بنوں : ایم ایم اے امیدواراکرم خان درانی کی گاڑی پرفائرنگ

    بنوں: ایم ایم اے کے امیدوار اکرم خان درانی کی گاڑی پر فائرنگ ہوئی تاہم وہ قاتلانہ حملے میں محفوظ رہے۔

    تفصیلات کے مطابق بنوں میں سابق وزیراعلیٰ خیبرپختونخواہ اور متحدہ مجلس عمل کے رہنما اکرم خان درانی کی گاڑی پرفائرنگ کی گئی تاہم وہ حملے میں محفوظ رہے۔

    پولیس کے مطابق نامعلوم حملہ آور فائرنگ کے بعد فرار ہونے میں کامیاب ہوگئے۔ سیکیورٹی فورسز نے علاقے کو گھیرے میں لے کرواقعے کی تحقیقات شروع کردی۔

    بنوں: ایم ایم اے امیدوار اکرم درانی کے قافلے پر حملہ، 4 افراد جاں بحق

    اس سے قبل رواں ماہ 13 جولائی کو اکرم خان درانی جلسے میں شرکت کے بعد واپس جا رہے تھے کہ بنوں کے علاقے حوید میں ان کی گاڑی کے قریب دھماکا ہوا تھا جس کے نتیجے میں 4 افراد جاں بحق ہوگئے تھے۔

    سانحہ مستونگ کے مزید زخمی دم توڑ گئے‘ شہدا کی تعداد 149 ہوگئی

    خیال رہے کہ 13 جولائی کو ہی مستونگ خودکش حملے میں بلوچستان عوامی پارٹی کے امیدوار سراج رئیسانی سمیت 149 افراد جاں بحق جبکہ درجنوں زخمی ہوگئے تھے۔

    واضح رہے کہ 10 جولائی کو پشاور کے علاقے یکہ توت میں عوامی نیشنل پارٹی کی کارنرمیٹنگ میں خودکش دھماکے کے نتیجے میں اے این پی امیدوار ہارون بلور سمیت 22 افراد جاں بحق ہوگئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اب حکومتیں توپ سے نہیں ووٹ سے بدلتی ہیں، ہمارا مقابلہ مغربی کلچر سے ہے، سراج الحق

    اب حکومتیں توپ سے نہیں ووٹ سے بدلتی ہیں، ہمارا مقابلہ مغربی کلچر سے ہے، سراج الحق

    پشاور : امیر جماعت اسلامی سراج الحق نے کہا ہے کہ اب حکومتیں توپ سے نہیں ووٹ سے بدلتی ہیں، ووٹ امانت ہے، اللہ کا حکم ہے کہ امانت کو اس کے اہل کے حوالے کرو۔

    ان خیالات کا اظہار انہوں نے پشاور میں متحدہ مجلس عمل کے انتخابی جلسے سے خطاب کرتے ہوئے کیا، انہوں نے کہا کہ جماعت اسلامی اور متحدہ مجلس عمل کا مقصد صرف ووٹ لینا نہیں۔

    ووٹ عوام کی طاقت ہے، اب حکومتیں توپ سے نہیں ووٹ سے بدلتی ہیں، ووٹ اللہ کی طرف سے گواہی و امانت ہے، اللہ کاحکم ہے کہ امانت کو اس کے اہل کے حوالے کرو۔

    امیرجماعت اسلامی کا جلسے سے خطاب میں مزید کہنا تھا کہ عوام اپنی طاقت اسلام ،شریعت اور نظام مصطفی کے نفاذ کیلئے استعمال کریں، آج عالمی سطح پر کشمیر، فلسطین وافغانستان میں مقابلہ ہے اور ہمارا مقابلہ مغربی کلچر سے ہے۔

    انہوں نے کہاکہ 2018کا الیکشن یہ فیصلہ کرے گا کہ پاکستان ایک اسلامی ملک رہے گا یا لبرل اور سیکولر پاکستان بنے گا،یہ الیکشن نظریا ت ، تہذیب اور کلچر کا مقابلہ ہے،یہ غیر ت اور بے غیرتی اور حیااور بے حیائی کے درمیان مقابلہ ہے۔

    سینیٹر سراج الحق کا کہنا تھا کہ متحدہ مجلس عمل عام آدمی کو خوشحال دیکھنا چاہتی ہے اس لئے ظلم کرپشن اور غربت کے خاتمہ کیلئے جدوجہد کررہی ہے،ہم تعلیم کو بالکل مفت کردیں گے۔

    انہوں نے کہا کہ انتخابی عمل کو غیر جانبدار اور شفاف بنانے کیلئے نگران حکومت اور الیکشن کمیشن مربوط اقدامات کریں، اگر حالیہ انتخابات پر عوام کا اعتماد نہ رہا تو ملک میں انتشار اور انارکی کو پھیلنے کا خدشہ ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • حکمرانوں نے ملک تباہ کردیا، پاکستان کو دیانت دار قیادت کی ضرورت ہے، سراج الحق

    حکمرانوں نے ملک تباہ کردیا، پاکستان کو دیانت دار قیادت کی ضرورت ہے، سراج الحق

    کراچی : امیر جماعت اسلامی پاکستان سینیٹر سراج الحق نے کہا ہے کہ70سال سے مسلط حکمرانوں نے ملک کو تباہ کردیا، پاکستان کو ایک دیانت دار قیادت کی ضرورت ہے، کراچی کی محرومیاں ختم ہونے کے دن قریب ہیں۔

    ان خیالات کا اظہار انہوں نے کراچی کے باغ جناح میں متحدہ مجلس عمل کے زیر اہتمام انتخابی جلسے سے خطاب کرتے ہوئے کیا، سینیٹر سراج الحق نے کہا کہ پاکستان کو ایک دیانت دار قیادت کی ضرورت ہے کیونکہ 70سال سے مسلط حکمرانوں نے ملک کو تباہ کردیا،2018کا الیکشن نظریات کے درمیان مقابلہ ہے.

    ایم ایم اے چہروں کے بجائے نظام کی تبدیلی پر یقین رکھتی ہے، کرپشن سے پاک پاکستان کیلئے کتاب پرمہر لگائیں، انہوں نے اس عزم کا اعادہ کیا کہ ہم پاکستان کو گرین اور کلین پاکستان بنائیں گے، کراچی کی محرومیاں ختم ہونے کے دن قریب ہیں، اس پر پورے پاکستان کا حق ہے یہ شہر سب سے زیادہ ریونیو دیتا ہے، کراچی کو ایسا بنائیں گے کہ دنیا دیکھے گی۔

    انہوں نے مزید کہا کہ ہم اقتدار میں آکر زکوٰۃ و عشر کا نظام نافذ کریں گے، اور پہلے بجٹ میں نو کروڑ لوگ زکوٰۃ دیں گے جس سے اتنا پیسہ جمع ہوگا کہ کوئی لینے والا بھی نہیں ہوگا، ہم باہر کی این جی اوز کے محتراج نہیں ہوں گے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کہیں کھمبے، کہیں ٹرانسفارمر کے عوض ووٹ کے سودے جاری ہیں، مولانا فضل الرحمان

    کہیں کھمبے، کہیں ٹرانسفارمر کے عوض ووٹ کے سودے جاری ہیں، مولانا فضل الرحمان

    کراچی: متحدہ مجلس عمل کے صدر مولانا فضل الرحمان نے کہا ہے کہ ووٹ انتہائی اہمیت کا حامل اور قیمتی چیز ہے لیکن کہیں کھمبے اور کہیں ٹرانسفارمر کے عوض ووٹ کے سودے جاری ہیں۔

    ان خیالات کا اظہار انھوں نے کراچی میں ایم ایم اے کے جلسے سے خطاب کرتے ہوئے کیا، ان کا کہنا تھا کہ بد قسمتی سے ووٹ کو وہ مقام نہیں مل سکا جو آئین دیتا ہے۔

    جمعیت علمائے اسلام (ف) کے سربراہ نے کہا ’پانچ برسوں میں کسی کو انصاف یاد نہیں آیا، اب اچانک انصاف کیوں یاد آ گیا ہے، ہم انصاف کے خلاف نہیں لیکن وقت کا بھی کچھ خیال رکھنا چاہیے۔‘

    مولانا فضل الرحمان کا کہنا تھا کہ ماضی میں ووٹ بندوق، توپ اور گولی کے ذریعے حاصل کیا جاتا تھا، اب ان کی جگہ ووٹ کی پرچی نے لے لی ہے۔

    مستونگ، بنوں اور پشاور کے سانحات پر قوم افسردہ ہے، سراج الحق

    انھوں نے کہا ’روشن خیال قوتیں مذہب کے نام پر ملک پر قبضہ کرنا چاہتی ہیں، عوام 25 جولائی کو ووٹ کی مدد سے سیکولر قوتوں کو شکست دیں۔‘

    ایم ایم اے کے صدر کا کہنا تھا کہ 70 برس سے ملک پر استحصالی نظام مسلط ہے لیکن ہم نے جمہوری ماحول میں قوم کے سامنے اپنا نظریہ پیش کرنا ہے۔

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مستونگ، بنوں اور پشاور کے سانحات پر قوم افسردہ ہے، سراج الحق

    مستونگ، بنوں اور پشاور کے سانحات پر قوم افسردہ ہے، سراج الحق

    کراچی: امیر جماعت اسلامی پاکستان سراج الحق نے کہا ہے کہ مستونگ، بنوں اور پشاور کے سانحات پر قوم افسردہ ہے۔

    ان خیالات کا اظہار انھوں نے کراچی میں متحدہ مجلس عمل کے جلسے سے خطاب کرتے ہوئے کیا، سراج الحق نے کہا ’آمریت نے پاکستان کو نقصان پہنچایا، سازشیں کرنے والوں نے پاکستان کو تقسیم کیا۔‘

    امیر جماعت اسلامی کا کہنا تھا کہ ملک میں انتخابات وقت پر ہونے چاہئیں، بر وقت انتخابات نگراں حکومتوں اور الیکشن کمیشن کی ذمہ داری ہے، ماضی کی غلطیوں کو بار بار نہیں دہرانا چاہیے۔

    سراج الحق نے کہا کہ ملک سے طبقاتی اور استحصالی نظام معیشت کا خاتمہ چاہتے ہیں، حکومت میں آئے تو تعلیم پر سب سے زیادہ خرچ کیا جائے گا، غریبوں کے بچوں کے تعلیمی اخراجات حکومت برداشت کرے گی۔

    انھوں نے کہا ’ہماری حکومت آئی تو سرکاری اسپتالوں میں غریبوں کا مفت علاج ہوگا، بہترین تعلیم اور صحت کی سہولتیں فراہم کرنا ریاست کی ذمہ داری ہے، امیر اور غریب کے بچوں کے لیے یکساں تعلیمی نظام لانا چاہتے ہیں۔‘

    امیر جماعت اسلامی کا کہنا تھا کہ نوجوانوں کو روزگار ملنے تک بے روزگاری الاؤنس دیا جائے گا، بزرگوں کو گزارا الاؤنس دیں گے، فلاحی ریاست کا قیام ایم ایم اے کا منشور ہے۔

    سراج رئیسانی سپرد خاک، آرمی چیف کی نمازِ جنازہ میں شرکت، زخمیوں کی عیادت

    سراج الحق نے کہا ’ایم ایم اے ظلم کے نظام کے خلاف بغاوت کا اعلان کرتی ہے، موجودہ نظام میں امیر کے کتے مکھن اور پلاؤ کھاتے ہیں جب کہ غریب کے بچے کچرے کے ڈھیر میں رزق تلاش کرتے ہیں۔

    ان کا کہنا تھا کہ اوورسیز پاکستانی سالانہ اربوں کا زرِ مبادلہ ملک بھجواتے ہیں، ایم ایم اے اوورسیز پاکستانیوں کو ووٹ کا حق دینے کا مطالبہ کرتی ہے۔

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بنوں: ایم ایم اے امیدوار اکرم درانی کے قافلے پر حملہ، 4 افراد جاں بحق

    بنوں: ایم ایم اے امیدوار اکرم درانی کے قافلے پر حملہ، 4 افراد جاں بحق

    بنوں: متحدہ مجلس عمل کے امیدوار اکرم درانی کے قافلے پر بم حملہ کیا گیا ، جس کے نتیجے میں 4 افراد جاں بحق اور 35 زخمی ہوئے جبکہ اکرم درانی محفوظ رہے۔

    تفصیلات کے مطابق بنوں کے مضافاتی علاقے حوید میں متحدہ مجلس عمل کے امیدوار اکرم درانی کے قافلے پر نامعلوم افراد کی جانب سے بم حملہ کیا گیا، حملے کے نتیجے میں 4 افراد جاں بحق اور 35 زخمی ہیں جبکہ اکرم درانی کے محفوظ ہونے کی اطلاعات ہیں۔

    ڈی پی او خرم رشید کا کہنا ہے کہ اکرم درانی جلسے کے بعد قافلے کی صورت میں واپس آرہے تھے کہ خود کش حملہ آور نے قافلے کو نشانہ بنایا گیا، حملے میں اکرم درانی کے اسکواڈکی گاڑی کونقصان پہنچا۔

    پولیس اور امدادی ٹیموں نے موقع پر پہنچ کر کارروائی کا آغاز کر دیاہے جبکہ سیکیورٹی فورسز نے علاقے کو گھیر ے میں لے لیا ہے۔

    عینی شاہدین کے مطابق خودکش حملہ آور موٹرسائیکل پر سوار تھا۔

    ریسکیو ذرائع کا کہنا ہے کہ زخمیوں کوقریبی اسپتال منتقل کیاجارہاہے، زخمیوں میں پولیس اہلکاربھی شامل ہیں۔

    آرپی اوبنوں کریم خان نے کہا کہ حملہ خودکش نہیں تھا، جائے وقوعہ سے ایک ریموٹ بھی ملاہے، فول پروف سیکیورٹی کے باعث دھماکا جلسہ گاہ میں نہیں ہوا۔

    خیال رہے کہ اکرم درانی این اے35سےایم ایم اے امیدوار  ہے، جہاں ان کا مقابلہ  عمران خان سے ہیں جبکہ وہ کے پی کے کے وزیراعلیٰ بھی رہ چکے ہیں۔

    اکرم درانی کے قافلے پر بم حملہ، سیاسی رہنماؤں کی مذمتیں

    نگراں وزیر اعظم جسٹس(ر)ناصرالملک نے بنوں دھماکے کی مذمت کرتے ہوئے قیمتی جانوں کےضیاع پر گہرے دکھ کا اظہار اور لواحقین سے اظہار ہمدردی کیا جبکہ زخمیوں کی جلد صحت یابی کی دعا بھی کی۔

    پی ٹی آئی رہنما اسدعمرنے  اکرم درانی کےقافلے پر حملےکی مذمت کرتے ہوئے کہا کہ دعاہے زخمی جلدصحت یاب ہوں اور جانی نقصان نہ ہو،ا  سیاسی وابستگی سے بالاتر ہوکر دہشت گردی کے خلاف متحدہوناچاہیے۔

    سابق صدر اور پیپلز پارٹی کے شریک چیئرمین آصف زرداری نے اکرم درانی پر حملے کی مذمت کرتے ہوئے کہا کہ نگراں حکومت کو قانون کی رٹ بحال کرنا ہوگی اور تمام امیدواروں کو تحفظ فراہم کرے، کے پی میں دہشت گردی کے واقعات باعث تشویش ہیں، واقعے کے منصوبہ سازوں کو گرفتار کر کے بے نقاب کیا جائے۔

    نگراں وزیراعلیٰ خیبرپختونخوا دوست محمد خان نے اکرم درانی کے قافلے پر حملے کی مذمت کرتے ہوئے کہا ذمہ دار عناصر کو ہر صورت کیفر کردار تک پہنچایا جائے گا، بزدلانہ حملے ہماری قوم کے حوصلے پست نہیں کرسکتے۔

    نگراں وزیراعلیٰ نے دھماکے کے بعد ہنگامی اجلاس طلب کرلیا ہے ، اجلاس میں نگراں وزرا اور سیکیورٹی سے متعلق حکام شرکت کریں گے۔

    پیپلز پارٹی کے چیئرمین بلاول بھٹو نے اکرم درانی پر دہشت گرد حملے کی شدید مذمت کرتے ہوئے کہا کہ انتخابی امیدواروں کےتحفظ کویقینی بنایاجائے، دہشت گردی سے نمٹنے کیلئے قوم، اداروں کو متحد ہوناپڑے گا۔

    امیرجماعت اسلامی سراج الحق نے اکرام درانی پر حملے کی مذمت کرتے ہوئے کہا کہ دہشت گردی کا ناسور ایک بار پھر پھوٹ پڑا ہے، دہشت گردی کو جڑ سے اکھاڑنے کے لیے قوم پرعزم ہے۔

    مزید پڑھیں : پشاور: اے این پی کی کارنر میٹنگ میں خودکش دھماکا، ہارون بلور سمیت 13 شہید

    واضح رہے کہ 10 جولائی کو صوبہ خیبر پختونخواہ کے دارالحکومت پشاور کے علاقہ یکہ توت میں عوامی نیشنل پارٹی کی انتخابی مہم کے دوران ہونے والے خودکش دھماکے ہوا، جس کے نتیجے میں اے این پی کے امیدوار ہارون بلور سمیت 21 افراد شہید اور 75 افراد زخمی بھی ہوئے تھے۔

    ہارون بلور صوبائی اسمبلی کے حلقہ پی کے 78 سے الیکشن میں حصہ لے رہے تھے، ان کی شہادت کے باعث پی کے 78 پر الیکشن ملتوی کردیے گئے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سیاست دانوں کو کرپٹ کہہ کر جیلوں میں ڈالا جاتا ہے، مولانا فضل الرحمان

    سیاست دانوں کو کرپٹ کہہ کر جیلوں میں ڈالا جاتا ہے، مولانا فضل الرحمان

    اسلام آباد: جمعیت علمائے اسلام ف کے سربراہ مولانا فضل الرحمان نے کہا ہے کہ سیاست دانوں کو کرپٹ کہہ کر جیلوں میں ڈال دیا جاتا ہے۔

    ان خیالات کا اظہار وہ میڈیا سے گفتگو کرتے ہوئے کر رہے تھے، انھوں نےکہا کہ نظریاتی سیاست ختم ہوچکی ہے، اب صرف سرمائے کی سیاست ہو رہی ہے۔

    متحدہ مجلس عمل کے صدر کا کہنا تھا کہ عالمی قوتیں پاکستان کے وسائل پر قبضہ جمانا چاہتی ہیں، دنیا چاہتی ہے کہ ہمیں اپنا غلام بنالے۔

    مولانا فضل الرحمان نے کہا کہ ملک اس وقت مشکل حالات میں ہے، ملک کو بے شمار چیلنجز کا سامنا ہے، سیاست دانوں کو کرپٹ کہہ کر جیلوں میں ڈال دیا جاتا ہے، ایسے حالات میں ملک میں اصل تبدیلی ایم ایم اے لے کر آئے گی۔

    انھوں نے یو این او کے کردار پر تنقید کرتے ہوئے کہا کہ اقوام متحدہ دنیا کو امن نہیں دے سکتا، اس کا کردار مشکوک نظر آ رہا ہے، اقوام متحدہ نے آج تک کس مظلوم قوم کو آزادی دلائی ہے؟

    خیال رہے کہ ایم ایم اے کی طرف سے انتخابات 2018 کے لیے ملک بھر میں امیدواروں کے اعلانات کا سلسلہ جاری ہے، آج کراچی سے امیدواروں کا اعلان کردیا گیا ہے۔

    متحدہ مجلس عمل کے اعلان کے مطابق قومی اسمبلی کے حلقے 246 سے مولانا نورالحق جب کہ این اے247 سے محمد حسین محنتی کا انتخاب کیا گیا ہے۔

    ایم ایم اے کے منشور کا اعلان، بااختیار اور آزادعدلیہ، تعلیم، صحت، روزگار کی فراہمی کا عزم

    قومی اسمبلی کے حلقے 250 سے جماعت اسلامی کے کراچی کے امیر حافظ نعیم الرحمان متحدہ مجلس عمل کے پلیٹ فارم سے الیکشن لڑیں گے۔

    کراچی سے قومی اسمبلی کے حلقے 256 سے امیر جماعت اسلامی صوبہ سندھ ڈاکٹر معراج الہدیٰ صدیقی متحدہ مجلس عمل کے امیدوار ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایم ایم اے 5 جون تک امیدواروں کے ناموں کو حتمی شکل دے گی

    ایم ایم اے 5 جون تک امیدواروں کے ناموں کو حتمی شکل دے گی

    لاہور: متحدہ مجلس عمل نے پارلیمانی بورڈ تشکیل دے دیا ہے، 5 جون تک امیدواروں کے ناموں کو حتمی شکل دی جائے گی۔

    تفصیلات کے مطابق ایم ایم اے کی مرکزی پارلیمانی بورڈ میں پانچ اتحادی جماعتوں کے سربراہان شامل ہیں، مرکزی پارلیمانی بورڈ امیدواروں کے ناموں کو حتمی شکل دے گا۔

    ذرائع کے مطابق متحدہ مجلس عمل کے مرکزی پارلیمانی بورڈ میں امیر جماعت اسلامی سراج الحق، جمعیت علمائے پاکستان کے صدر اعجاز ہاشمی، قائد ملت جعفریہ پاکستان علامہ ساجد نقوی اور امیر مرکزی جمعیت اہل حدیث پاکستان ساجد میر نمائندگی کریں گے۔

    ذرائع کا کہنا ہے کہ مولانا فضل الرحمان ایم ایم اے کے منشور کا اعلان چار جون کو اسلام آباد میں کریں گے، دیگر جماعتوں سے سیٹ ایڈجسٹمنٹ بھی ہوسکتی ہے، ایم ایم اے نے فیصلہ کیا ہے کہ جنرل نشستوں پر 5 فی صد خواتین امیدواروں کو بھی کھڑا کیا جائے گا۔

    واضح رہے کہ چند دن قبل سراج الحق نے کہا تھا کہ چند خاندان سیاست کو اپنے گھر کی لونڈی اور اقتدار پر اپنا حق سمجھتے ہیں، لیکن ایم ایم اےعام آدمی کے لیے ایوانوں کے دروازے کھول دے گی، ان کا کہنا تھا کہ ایم ایم اے ایک  انتخابی اتحاد ہے۔

    مولانا فضل الرحمانایم ایم اے کے صدر منتخب، اتحاد میں‌ شامل تمام جماعتوں‌ کو یکساں قرار دے دی

    دوسری طرف متحدہ مجلس عمل کے سربراہ مولانا فضل الرحمان نے کہا تھا کہ حکومت ایم ایم اے کے حوالے کردو، کرپشن خود ختم ہوجائے گی۔

    یاد رہے کہ ڈھائی ماہ قبل جمعیت علمائے اسلام (ف) کے سربراہ مولانا فضل الرحمان کو ایم ایم اے کا صدر منتخب کیا گیا تھا، اس موقع پر انھوں نے کہا تھا کہ متحدہ مجلس عمل میں شامل تمام جماعتوں کو یکساں اہمیت حاصل ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • متحدہ مجلس عمل13مئی کو مینار پاکستان پر جلسہ کرے گی، سراج الحق

    متحدہ مجلس عمل13مئی کو مینار پاکستان پر جلسہ کرے گی، سراج الحق

    لاہور : متحدہ مجلس عمل نے تیرہ مئی کو مینار پاکستان پر جلسے کا اعلان کر دیا ہے، امیر جماعت اسلامی سراج الحق کا کہنا ہے کہ نواز شریف خود اڈیالہ جیل کی بات کر رہے ہیں، اب استغفار کریں۔

    ان خیالات کا اظہار انہوں نے منصورہ میں جماعت اسلامی پنجاب کے زیراہتمام پنجاب بھر سے آئے ہوئے ضلعی امرا اور ضلعی شوراؤں کے کنونشن سے خطاب کے بعد میڈیا کے نمائندوں سے گفتگو کرتے ہوئے کیا

    لاہور سے اے آر وائی نیوز کے نمائندے شہزاد ملک کی رپورٹ کے مطابق جماعت اسلامی کے امیر سینیٹر سراج الحق نے منصورہ میں میڈیا سے گفتگو کرتے ہوئے تیرہ مئی کو مینار پاکستان پر جلسے کا اعلان کیا اور کہا کہ یہ جلسہ سرمایہ دارانہ سیاست کے خاتمے کے لئے ہوگا جس میں متبادل سیاسی نظام پیش کریں گے۔

    سراج الحق نے کہا کہ مجھ سے نواز شریف کا نہیں،غریب عوام کا مستقبل پوچھیں، نواز شریف تو خود ہی اڈیالہ جیل کی باتیں کر رہے ہیں، انہیں مشورہ دوں گا کہ وہ اب استغفار کریں۔

    انہوں نے کہا کہ موجودہ اسٹیٹس کو کی سیاست نے عوام کو عزت کی زندگی سے محروم کیاہے، اس نظام میں غریب کا کام ان بڑوں کو کاندھوں پر بٹھا کراقتدار کے ایوانوں میں پہنچانا اور پھر ان کی عیاشیوں کے لیے بڑے بڑے بل اور ٹیکس ادا کرناہے، ستر سال سے یہی تماشا لگا ہوا ہے، ہم نے غریب کے لیے سیاست کا موٹروے کھولناہے۔

    سیاسی مسافر پارٹیاں تبدیل کرکے کیا تبدیلی لائیں گے؟ یہ ایسے خوش قسمت یتیم ہیں جن کی کفالت کرنے کے لیے ہر پارٹی تیار ہوتی ہے ، انہی لوگوں نے ہماری سیاست کو بدنام کیاہے، سیاسی پارٹیوں کو کرپٹ عناصر کی حوصلہ افزائی نہیں کرنی چاہیے۔

    اس موقع پر سینیٹر سراج الحق نے آئندہ عام انتخابات کے لئے جماعت اسلامی کی چندہ مہم کا آغاز کیا اور اپنی جیب سے پانچ ہزار روپے کا چندہ جمع کروا کر مہم کی ابتداء کی، اس موقع پر انہوں نے ملکی سلامتی کے لئے دعا بھی کرائی۔

    مزید پڑھیں: متحدہ مجلس عمل کو مکمل طور پر بحال کرنے کا اعلان

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔