کراچی: حیدرعباس رضوی نے کہا ہے کہ عمران خان کی اشتعیال انگیز پریس کانفرنس قابل مزمت ہے ۔
متحدہ قومی مومنٹ کے رہنما حیدر عباس رضوی کا پریس کانفرنس کرتے ہوئے کہنا تھا کہ ایم کیو ایم کا ایک ایک کارکن غمگین اور آفسردہ ہے، عمران خان کی تقریر دھرنوں کی طرح پہلے سے طے شدہ ہے ۔
انہوں نے کہا کہ جب بلدیہ فیکٹری میں آگ لگی تو پی ٹی آئی اور عمران خان کہاں تھے؟ دنیا جانتی ہے الطاف حسین کے خلاف بازاری زبان استعمال کرنے والے کا کردار کیا ہے، کھلے عام منشیات اور نشہ آور ادویات کون استعمال کرتا رہا؟اسلام آباد دھرنے میں کیا کیا ہوتا رہا ہے دنیا جانتی ہے، پورا پاکستان جانتا ہے کہ سازش کیا ہے، کہیں ایم کیو ایم کو مائنس ون فارمولے کی جانب لے جانے کی کوشش تو نہیں کی جا رہی ۔
حیدر عباس رضوی کا کہنا تھا کہ عمران خان لندن جاکر شوق پورا کرلیں، ہم اور عوام موجودہ صورتحال کو سمجھ سکے ہیں، تحریک انصاف طالبان کا سیاسی ونگ ہے، اس صورتحال کو دیکھ کر لگتا ہے ایم کیو ایم کو کچلا جارہا ہے، نفرت کا جواب نفرت سے نہیں بلکہ قائد سے محبت کا اظہار ہے۔
ان کاکہنا تھا عمران خان کے دھرنوں میں صحافیوں پر تشدد اور خواتین صحافیوں کے ساتھ برا سلوک کیا گیا ، ڈاکٹر عمران فاروق کے قتل کا مقدمہ الطاف حسین سمیت ایم کیو ایم کےکسی رہنما پر نہیں،الطاف حیسن کو بزدلی کاطعنہ دینے والے طالبان کی گود میں بیٹھ کر سیاست کرتے ہیں۔
متحدہ قومی موومنٹ کی رابطہ کمیٹی نے ملک بھر میں الطاف حسین کے چاہنے والے عوام اور ایم کیو ایم کے کارکنان سے اپیل کی ہے کہ وہ تحریک انصاف کے سربراہ عمران خان کی اشتعال انگیز تقریر کے جواب میں اپنے قائد الطاف حسین کی تعلیمات کے مطابق صبر و برداشت کا مظاہرہ کریں اور کسی بھی افوا ہ پر کان نہ دھریں اپنے معمولات زندگی و کاروبار معمول کے مطابق جاری رکھیں۔
