ARYNews.tv | Urdu – Har Lamha Bakhabar

Tag: متعارف

  • خواتین کے لیے پہلی بار ’’پنک ڈیبٹ کارڈ‘‘ متعارف، فوائد جانیے

    خواتین کے لیے پہلی بار ’’پنک ڈیبٹ کارڈ‘‘ متعارف، فوائد جانیے

    کراچی (21 اگست 2025): نیشنل بینک آف پاکستان نے خواتین کے لیے ملک کا پہلا پے پاک ڈیبٹ کارڈ متعارف کرا دیا ہے جس سے متعدد فوائد حاصل ہوں گے۔

    نیشنل بینک نے پاکستان کے 78 ویں یومِ آزادی اور این بی پی کی 75 ویں سالگرہ کے موقع پر خواتین کے لیے ملک کا پہلا پے پاک پنک ڈیبٹ کارڈ متعارف کرا دیا ہے۔ یہ خواتین کو مالی شمولیت اور با اختیار بنانے کی جانب این بی پی کی جانب سے اہم قدم ہے۔

    پے پبنک کارڈ کے اجرا کے موقع پر تقریب ہوئی جس سے این بی پی کے صدر اور سی ای او رحمت علی حسنی، ایس ای وی پی اور گروپ چیف اسلامی بینکاری فواد فرخ، ایس ای وی پی اور چیف ڈیجیٹل آفیسر عدنان ناصر ودیگرنے خطاب کرتے ہوئے پے پنک ڈیبٹ کارڈ کی خصوصیات سے آگاہ کیا۔ اس موقع پر پے پنک ڈیبٹ کارڈ کی رونمائی کی گئی۔

    مقررین کا کہنا تھا کہ یہ پنک کارڈ خاص طور پر اعتماد اسلامک امیرہ اکاؤنٹ کی حامل خواتین کے لیے بنایا گیا ہے۔ صرف خواتین امیرہ اکاؤنٹ ہولڈرز کیلیے دستیاب ہے اور اس کارڈ کے ذریعہ کئی فوائد فراہم کیے جائیں گے۔

    انہوں نے بتایا کہ یہ منفرد کارڈ خواتین کو سہولت، تحفظ اور مالی خودمختاری فراہم کرنے کے ساتھ ساتھ رعایت اور خصوصی تکافل پروٹیکشن کے ساتھ دیگر فوائد بھی فراہم کرتا ہے۔ جس میں ملک بھر کے 158 شہروں میں 30 ہزار سے زائد ریسٹورنٹس، بیوٹی سیلونز اور ریٹیل اسٹورز پر خصوصی رعایتیں حاصل ہوں گی، جبکہ گلوٹلو اَیپ کی گولڈ سبسکرپشن بھی بالکل مفت فراہم کی جائے گی۔

     کارڈ ہولڈرز کو ہر ٹرانزیکشن پر ریوارڈ پوائنٹس ملتے ہیں، Off-Us ATM ٹرانزیکشنز پر 1 روپے، POS ٹرانزیکشنز پر 2 روپے اور ای کامرس خریداری پر 3 روپے مالیت کے گولڈ پوائنٹس دیے جاتے ہیں۔

    اس کے علاوہ کارڈ جامع تکافل تحفظ فراہم کرتا ہے، جس میں 1 لاکھ روپے کی لائف انشورنس کوریج، 2 لاکھ روپے کی حادثاتی موت کی کوریج اور سنگین بیماریوں، ڈیلی ہیلتھ کیش، آئی سی یو بینیفٹس اور فراڈ پروٹیکشن جیسی اضافی سہولتیں بھی شامل ہیں۔

  • چپس کھائیں اور بجلی کا جھٹکا پائیں، 9 وولٹ بیٹری کرنٹ والے چپس متعارف

    چپس کھائیں اور بجلی کا جھٹکا پائیں، 9 وولٹ بیٹری کرنٹ والے چپس متعارف

    چپس کھانا تقریباً ہر شخص کو پسند ہے یہ مختلف ذائقوں میں مارکیٹ میں دستیاب ہے مگر اب پہلی بار بجلی کا کرنٹ مارتے چپس متعارف کرائے گئے ہیں۔

    آلو اور کارن سے بنائے گئے چپس دنیا بھر میں لوگ شوق سے کھاتے ہیں۔ مارکیٹ میں مختلف معروف کمپنیاں منفرد اور چٹ پٹے ذائقے متعارف کراتی رہتی ہیں۔ مگر اب جو چپس مارکیٹ میں متعارف کرایا گیا ہے وہ زبان کو چٹخارا نہیں بلکہ بجلی کا جھٹکا دے گا۔

    جی ہاں ایک عالمی شہرت یافتہ چپس بنانے والی کمپنی نے حال ہی میں کارن سے بنائے گئے یہ منفرد چپس تیار کر کے مارکیٹ میں متعارف کرائے ہیں جو کھانے پر زبان کو بجلی کا جھٹکا دیتے ہیں۔

    کمپنی کا کہنا ہے کہ یہ چپس اس مقصد کے تحت تیار کیے گئے ہیں تاکہ لوگ کھاتے وقت بجلی کے ہلکے جھٹکے جیسے کرنٹ کا مزا لے سکیں۔

    رپورٹ کے مطابق اس چپس کی تیاری میں 9 وولٹ کی بیٹری جتنا کرنٹ رکھا گیا ہے اور یہ محدود ایڈیشن میں فی الحال نیدرلینڈ میں ہی دستیاب ہیں۔ تاہم کمپنی کا کہنا ہے کہ جلد یہ یورپ سمیت دیگر ممالک میں بھی فروخت کے لیے پیش کر دیے جائیں گے۔

    بجلی کا کرنٹ جیسا جھٹکا دینے والا یہ مخصوص ذائقہ بنانے کے لیے سوڈیم بائیکاربونیٹ اور سٹریک ایسڈ ستعمال کیا گیا ہے تاکہ زبان میں بیٹری جیسا چبھنے والا ذائقہ پیدا کیا جاسکے جبکہ مخصوص قسم کے نمک سے اس کو ایک دھاتی فلیور دیا گیا ہے۔

    تاہم یہ چپس کھانے والے افراد کا دعویٰ ہے کہ چپس کھانے سے بجلی کی طرح کا ہلکا جھٹکا ضرور محسوس ہوتا ہے، تاہم یہ اصل 9 بیٹری سے کم شدت کا ہوتا ہے۔

  • ذیابیطس سے آگاہی کیلیے پہلی باربی ڈول متعارف

    ذیابیطس سے آگاہی کیلیے پہلی باربی ڈول متعارف

    کیلیفورنیا : کھلونے تیار کرنے کی معروف کمپنی میٹل نے پہلی باربی گڑیا متعارف کرائی ہے جو ٹائپ ون ذیابیطس میں مبتلا بچوں کی نمائندگی کرتی ہے۔

    یہ نئی گڑیا 2025 کی باربی فیشنسٹاز لائن کا حصہ ہے جس کا مقصد بچوں میں شمولیت اور ان بچوں کی نمائندگی کو فروغ دینا ہے جو کسی دائمی بیماری کے ساتھ زندگی گزار رہے ہیں۔

    رپورٹ کے مطابق یہ محض ایک گڑیا نہیں بلکہ ان لاکھوں بچوں کے لیے امید، ہمت اور پہچان کی علامت ہے جو روزانہ اس بیماری سے مقابلہ کرتے ہیں۔

    میٹل کمنی کی یہ گڑیا ’بریک تھرو ٹی ون ڈی چلڈرنز کانگریس‘نامی عالمی تنظیم کی شراکت سے دو سال کے عرصے میں تیار کی گئی ہے جو ٹائپ ون ذیابیطس پر تحقیق اور اس کی آگاہی پر کام کرتی ہے۔

    اس نئی فیشنسٹا باربی کا نا صرف انداز دلکش ہے بلکہ وہ ذیابیطس سے متعلق طبی آلات ایک انسولین پمپ، کنٹینیوئس گلوکوز مانیٹر، موبائل ایپ اور ذیابیطس سے متعلق دیگر ضروری سامان سے لیس ہے۔

    گڑیا نے نیلے رنگ کا کپڑوں کا خوبصورت جوڑا پہنا ہے جس پر پولکا ڈاٹس ہیں، نیلا رنگ اور گول نشان عالمی سطح پر ذیابیطس کی آگاہی کی علامت ہیں۔

    اس کے ساتھ ایک ہلکے نیلیے رنگ کا چھوٹا سا پرس بھی ہے جس میں گڑیا کے طبی سامان اور شوگر کم کرنے یا بڑھانے والے اسنیکس رکھے جاسکتے ہیں تاکہ بچے کھیل ہی کھیل میں اس بیماری کے عملی پہلو کو بھی سمجھ سکیں۔

    میٹل کمپنی کے مطابق یہ گڑیا ان بچوں کو خوشی دے گی جو خود ذیابیطس کا شکار ہیں اور باقی بچوں کو بھی یہ سلھائے گی کہ اپنی بیماری کے ساتھ جینا شرمندگی کی بات نہیں بلکہ ایک طاقت ہے۔

  • ایلون مسک نے ’گروک تھری‘ چیٹ بوٹ متعارف کرانے کا اعلان کردیا

    ایلون مسک نے ’گروک تھری‘ چیٹ بوٹ متعارف کرانے کا اعلان کردیا

    چیٹ بوٹ اور چیٹ جی پی ٹی کا مدِمقابل ’گروک تھری‘آج متعارف کرایا جائے گا، یہ بات ٹیسلا کے بانی ایلون مسک نے اپنے خطاب میں کہی۔

    دبئی میں ورلڈ گورنمنٹس سمٹ سے ویڈیو کال کے ذریعے خطاب کرتے ہوئے ایلون مسک نے گروک تھری کی جدیدیت اور صلاحیتوں کو اجاگر کرتے ہوئے کہا کہ تجربات کے دوران اس نے موجودہ تمام چیٹ بوٹس کو پیچھے چھوڑ دیا ہے جو ایک اچھی پیش رفت ہے۔

    غیر ملکی خبر رساں ادارے کی رپورٹ کے مطابق انہوں نے کہا کہ بتایا کہ ایکس اے آئی کے ’گروک تھری‘ چیٹ بوٹ کی تقریب رونمائی امریکی وقت کے مطابق آج بروز پیر رات 8 بجے کی جائے گی۔

    ارب پتی ایلون مسک نے کہا ہے کہ ان کی کمپنی ایکس اے آئی کا مصنوعی ذہانت چیٹ بوٹ اور چیٹ جی پی ٹی کا مدِمقابل گروک تھری پیر کو رات 8 بجے پیسیفک ٹائم کو ایک لائیو ڈیمو کے ساتھ لانچ کیا جائے گا۔

    گذشتہ روز مسک کی سربراہی میں ایک سرمایہ کار گروپ نے اوپن اے آئی کے غیر منافع بخش اثاثے خریدنے کے لیے 97.4 بلین ڈالر کی پیشکش کی۔ یہ اقدام دنیا کے امیر ترین شخص کی جانب سے مصنوعی ذہانت کی اس کمپنی کے خلاف ایک اور چال کے طور پر دیکھا جا رہا ہے۔

    اوپن اے آئی کا کہنا ہے کہ وہ بہترین مصنوعی ذہانت ماڈلز کی ترقی کے لیے درکار سرمایہ حاصل کرنے کے لیے ایک منافع بخش ادارہ بننا چاہتی ہے۔

    خیال رہے کہ ایلون مسک کی کمپنی ایکس اے آئی نے گروک 2 ماڈل اگست 2024 میں متعارف کرایا تھا جو تصاویر تیار کرنے کی صلاحیت رکھتا ہے، ستمبر 2024 میں کمپنی کی جانب سے اس ماڈل کو تصاویر کا تجزیہ کرنے کی صلاحیت سے لیس کیا گیا تھا۔

    اب تک یہ فیچرز صرف ایکس پریمیئم اور پریمیئم پلس صارفین کو دستیاب تھے مگر اب تمام افراد انہیں استعمال کر سکیں گے، اس کا ممکنہ مقصد گروک صارفین کی تعداد میں اضافہ کرنا ہے تاکہ فیڈ بیک سے اس اے آئی چیٹ بوٹ کو بہتر بنانے میں مدد مل سکے۔

    یاد رہے کہ ایلون مسک نے گزشتہ سال اگست2024 میں اوپن اے آئی کے سی ای او سیم آلٹمین اور دیگر افراد کے خلاف مقدمہ دائر کیا تھا اور ایک امریکی عدالت سے درخواست کی تھی کہ وہ اوپن اے آئی کے منافع بخش ادارے میں تبدیلی کے عمل کو روکے۔

    اس کے جواب میں اوپن اے آئی کا کہنا تھا کہ ایلون مسک کی بولی ان کے مقدمے کے مؤقف سے متصادم ہے۔

  • میلبرن اسٹارز کا ایک بار پھر پاکستان اسٹینڈ متعارف کروانے کا اعلان

    میلبرن اسٹارز کا ایک بار پھر پاکستان اسٹینڈ متعارف کروانے کا اعلان

    بگ بیش لیگ میں میلبرن اسٹارز نے ایک بار پھر سے پاکستان اسٹینڈ متعارف کروانے کا اعلان کیا ہے۔

    تفصیلات کے مطابق 14 دسمبر سے شروع ہونے والی بگ بیش لیگ میں میلبرن اسٹارز کے پہلے چار ہوم میچز میں فینز ’پاکستان بے‘ میں بیٹھ سکے گے۔

    میلبرن اسٹارز کے چاروں میچز 18 دسمبر، 4، 9 اور 19 جنوری کو کھیلے جائیں گے، اس میچ کو دیکھنے کے لیے پاکستانی کرکٹ فینز کے لیے میلبورن کرکٹ گراؤنڈ میں خصوصی اسٹینڈ ہو گا۔

    یاد رہے کہ پاکستان کے اسپنر اسامہ میر اس ایڈیشن میں میلبرن اسٹارز کے اسکواڈ کا حصہ ہیں جبکہ اس سے قبل حارث رؤف میلبرن اسٹارز کا حصہ تھے۔

    میلبرن اسٹارز کا اس حوالے سے کہنا ہے کہ یہ اقدام پاکستانی کھلاڑیوں کے فینز کو ایک پلیٹ فارم پر اکٹھا کرنے اور ان  کی کھیل میں دلچسپی بڑھانے کے لیے کیا گیا ہے۔

    میلبرن اسٹارز کا کہنا ہے کہ ہم پاکستانی فینز کو اپنی حمایت کے اظہار کا موقع فراہم کرنے کے لیے ہمیشہ سے پُرعزم رہے ہیں۔

    واضح رہے کہ اسامہ میر کے عالوہ دیگر نمایاں کھلاڑیوں میں آسٹریلیا کے گلین میکسویل، مارکس اسٹونس اور انگلینڈ کے بین ڈکٹ میلبرن اسٹارز کا حصہ ہیں۔

  • بچوں کے لیے اسپیشل اسمارٹ فون متعارف، خاص بات کیا ہے؟

    بچوں کے لیے اسپیشل اسمارٹ فون متعارف، خاص بات کیا ہے؟

    آج دنیا میں شاید ہی کوئی بچہ ہو جو اسمارٹ فون استعمال نہ کرتا ہوں اس کے منفی اثرات سے بچنے کے لیے اب بچوں کیلیے خصوصی اسمارٹ فون متعارف کرا دیا گیا ہے۔

    فون کا نام ذہن میں آتے ہی ایسے آلے کا تصور آتا ہے جو دو افراد کے درمیان صوتی بات چیت کا ذریعہ ہوتا ہے لیکن جدید دور میں موبائل فون نے جب اسمارٹ فون کی شکل اختیار کی تو اس میں صرف فون کی سہولت نہ رہی بلکہ دنیا سما چکی ہے۔

    آج دنیا کی کثیر آبادی اسمارٹ فون استعمال کرتی ہے اور بچے بھی ذوق وشوق سے اس کا استعمال کرتے ہیں۔ تاہم جس طرح ہر چیز کے منفی اور مثبت پہلو ہیں، اسی طرح موبائل فون کے بھی مثبت کے ساتھ منفی پہلو ہیں جن میں سر فہرست یہ ہے کہ والدین کو علم نہیں ہوتا کہ وہ موبائل فون پر کیا کچھ دیکھ رہے ہیں؟

    غیر ملکی میڈیا کے طمابق والدین کی اس پریشانی کا حل ایک امریکی کمپنی نے ڈھونڈا جس نے بچوں کے لیے خصوصی طور پر تیار کیا گیا ایسا اسمارٹ فون متعارف کرایا ہے جو نہ صرف ان کی نگرانی کی صلاحیت رکھتا ہے، بلکہ اس میں بچوں کی دلچسپی کے لیے بھی کافی مواد موجود ہے۔

    رپورٹ کے مطابق یہ موبائل فون برطانیہ میں متعارف کرایا گیا ہے جس امریکی کمپنی نے تیار کیا ہے اور کمپنی کے مطابق یہ فون انتہائی جدید اسمارٹ فون جن میں حفاظتی فیچر موجود نہیں ہوتے، سے بہت بہتر ہے۔

    اس موبائل فون میں ایک پن وہیل ڈیوائس دی گئی ہے جو والدین کو یہ اختیار دیتی ہے کہ وہ دور رہ کر بھی اپنے بچوں کے ٹیکسٹ میسجز اور کال ہسٹری پر نظر رکھ سکتے ہیں۔ اس کے علاوہ ان کے بچے کون سی ایپس استعمال کریں اور چیٹ ٹائم کتنا ہونا چاہیے، والدین اس کا بھی تعین کر سکتے ہیں۔

    والدین وقت کے ساتھ سیٹنگز کو بدل سکتے ہیں، بچوں کے بڑے ہونے کے ساتھ مزید فیچرز کو ان لاک کر سکتے ہیں۔

  • واٹس ایپ کون سا نیا ’فیچر‘ متعارف کروا رہا ہے؟

    واٹس ایپ کون سا نیا ’فیچر‘ متعارف کروا رہا ہے؟

    میٹا کی ملکیت انسٹنٹ میسیجنگ ایپلی کیشن واٹس ایپ اپنے صارفین کے لیے ایک نئے دلچسپ فیچر کا اضافہ کر رہی ہے جو جلد ہی متعارف کروایا جائے گا۔

    واٹس ایپ کے تازہ ترین اپ ڈیٹ جو کہ آئی ایس او صارفین کے لیے ورژن 24.17.78 پر دستیاب ہے، میں ایک نیا ’جفی اسٹیکر‘ سرچ فیچر شامل کیا گیا ہے جس کی مدد سے صارفین تیزی سے اپنے جذبات کے اظہار کے لیے بہترین اسٹیکر تلاش کرسکتے ہیں۔

    رپورٹ کے مطابق یہ دلچسپ فیچر صارفین کو ان اسٹیکرز کی تلاش کی سہولت فراہم کرتا ہے جو ان کے مجموعہ میں شامل نہیں ہیں، جس سے چیٹ میں اپنے جذبات کا اظہار کرنا اور بھی آسان ہو جاتا ہے۔

    اسٹیکر سرچ فیچر کے علاوہ اس اپ ڈیٹ میں اسٹیکر ٹرے میں اسٹیکرز کو دوبارہ ترتیب دینے کی صلاحیت بھی شامل کی گئی ہے، جس میں "move sticker to the top” کا نیا آپشن دیا گیا ہے۔

    اس کے علاوہ اپ ڈیٹ کے ذریعے میڈیا ویوئر کے تجربے کو بھی بہتر بنایا گیا ہے، جس کی مدد سے صارفین تصاویر، ویڈیوز یا GIFs پر براہ راست میڈیا ویوئر اسکرین سے ہی جواب دے سکتے ہیں یا ردعمل ظاہر کر سکتے ہیں۔

    اسکرین کے نیچے نئے شارٹ کٹس متعارف کرائے گئے ہیں جن کے ذریعے صارفین اپنے دیکھنے کے تجربے کو متاثر کیے بغیر پیغامات ٹائپ کر سکتے ہیں یا ایموجی ری ایکشن کا انتخاب کر سکتے ہیں۔

  • موبائل چھن جانے کا ڈر ختم، گوگل نے نیا فیچر متعارف کرادیا

    موبائل چھن جانے کا ڈر ختم، گوگل نے نیا فیچر متعارف کرادیا

    دنیا بھر میں چوری کی واردات میں لوگ اپنے مہنگے موبائل فونز سے محروم ہوجاتے ہیں،  ایسے میں گوگل نے ایک دلچسپ فیچر متعارف کرادیا۔

    میڈیا رپورٹس کے مطابق گوگل نے اپنے صارفین کیلئے ’تھیفٹ ڈیٹیکشن ‘ لاک نامی فیچر متعارف کرایا ہے جو اب آپ کے مہنگے موبائل فونز کا چوروں سے تحفظ کرے گا۔

    رپورٹ کے مطابق گوگل کی جانب سے ’ تھیفٹ ڈیٹیکشن لاک‘ نامی فیچر کا اعلان کیا گیا ہے، تھیف ڈیٹیکشن لاک نامی فیچر میں چوری کا پتہ لگانے والا لاک، آف لائن ڈیوائس لاک، اور ڈیوائس کو دور سے لاک کرنے کی صلاحیت شامل ہے۔

    رپورٹ کے مطابق تھیفٹ ڈیٹیکشن لاک میں آرٹی فیشل انٹیلی جنس (اے آئی) ٹیکنالوجی پر مبنی الگورتھمز کو استعمال کیا گیا ہے، اگر کوئی آپ کے ہاتھ سے موبائل فون چوری کرلیتا ہے تو یہ فیچر ایکٹیو ہو جائے گا اور آپ کے موبائل کو لاک کردے گا۔

    رپورٹ میں  بتایا گیا ہے کہ اس کے علاوہ موبائل فون میں موجود ایپس کو بھی کوئی چور نہیں کھول سکے گا، یہ فیچر بتدریج اینڈرائیڈ 10 یا بعد کے آپریٹنگ سسٹمز پر کام کرنے والے اسمارٹ فونز کے لیے متعارف کرایا جائے گا۔

    رپورٹ میں بتایا گیا ہے کہ فی الحال یہ فیچر برازیل میں بیٹا صارفین کو دستیاب ہوگا جو بعد ازاں دیگر ممالک تک بھی دستیاب ہوگا۔

  • سندھ حکومت نے ایک اور سروس متعارف کرادی

    سندھ حکومت نے ایک اور سروس متعارف کرادی

    کراچی: سندھ حکومت کا شہریوں کے لیے ایک اور اہم اقدام، 1122 کے بعد 1123 سروس متعارف کرادی ہے۔

    تفصیلات کے مطابق محکمہ صحت سندھ کی جانب سے 1123 سروس کو فری طبیب کا نام دیا گیا۔

    اس 1123 سروس کے ذریعے شہری کال کر کے  ڈاکٹر سے مفت مشورے، نفسیاتی جان کاری حاصل کرسکتے ہیں۔

    1123پر شہری  ڈاکٹر سے بیماری کے علاج، رپوٹس سے متعلق معلومات آسانی سے لے سکتے ہیں۔

    یاد رہے کہ گزشتہ سال سندھ حکومت نے سندھ ریسکیو 1122 سروس کا اعلان کیا تھا، ریسکیو 1122 کے تحت ایمبولنس سروس امن فاونڈیشن اور فائر بریگیڈ محکمہ بلدیات کے زیر انتظام کام کرتی ہیں۔

  • سندھ کی درسی کتابوں میں ”کیو آر کوڈ“ متعارف کرانے کا فیصلہ

    سندھ کی درسی کتابوں میں ”کیو آر کوڈ“ متعارف کرانے کا فیصلہ

    کراچی: سندھ ٹیکسٹ بک بورڈ نے درسی کتابوں میں ”کیو آر کوڈ“ متعارف کرانے کا فیصلہ کیا ہے۔

    اے آر وائی نیوز کے مطابق چیئرمین سندھ ٹیکسٹ بک بورڈ آغا سہیل کا کہنا ہے کہ نویں اور دسویں جماعت کی کتابوں میں ”کیو آر کوڈ“ سیکیورٹی کیلئے دیا جائے گا، طلبہ اور والدین کیو آر کوڈ کو اپنے موبائل کے ذریعے اسکین کر کے اصلی یا نقلی کا پتہ لگا سکتے ہیں۔

    چیئرمین سندھ ٹیکسٹ بک بورڈ کا کہنا ہے کہ مارکیٹوں میں جعلی نام سے کتابیں فروخت کی جا رہی ہیں، طلبا بغیر کیو آر کوڈ والی کتابیں نہ خریدیں۔

    چیئرمین سندھ ٹیکسٹ بک بورڈ آغا سہیل کا مزید بتانا ہے کہ 24-2023 کی کتابوں میں کیو آر کوڈ کے نیچے سیریل نمبر بھی دیا جائے گا۔