Tag: متعدد افراد ہلاک

روم: اٹلی میں سیاحوں کے طیارے اور ہیلی کاپٹر میں خوفناک تصادم ہوا ہے جس کے نتیجے میں متعدد افراد ہلاک ہوگئے۔

ڈیلی میل کی رپورٹ کے مطابق اٹلی میں سیاحوں کو لے جانے والے طیارے اور ہیلی کاپٹر میں خطرناک ٹکراؤ ہوا جس کے نتیجے میں متعدد افراد ہلاک ہوگئے، تصادم لاتھولی ویلی کے مقام پر دوپہر کے وقت ہوا۔

رپورٹ کے مطابق ابھی تک یہ واضح نہیں ہوسکا ہے کہ دونوں بدقسمت طیاروں میں کتنے مسافر سوار تھے تاہم سیکیورٹی حکام کو جائے وقوعہ ریوٹر گلیشیئر کی جانب روانہ کردیا گیا ہے۔

خدشہ ظاہر کیا جارہا ہے کہ دونوں طیاروں میں سوار تمام مسافر ہلاک ہوگئے ہیں۔۔

دی مرر کی رپورٹ کے مطابق جائے حادثہ پر امدادی کارروائیوں کے لیے دو ہیلی کاپٹروں کو روانہ کردیا گیا ہے، اسپتالوں میں ایمرجنسی نافذ کردی گئی ہے تین آپریشن تھیٹر اور 6 ایمرجنسی سینٹر میں ڈاکٹرز موجود ہیں۔

رپورٹ کے مطابق ریوٹر کا بڑا گلیشیئر ریوٹر لیچہوڈ کی ڈھلان والی سطح پر واقع ہے جس کی وجہ سے امدای کارروائیوں میں مشکلات کا سامنا ہوسکتا ہے۔

مزید پڑھیں: اٹلی میں فضائیہ کا طیارہ کرتب دکھاتے ہوئے خوفناک حادثے کا شکار، ویڈیو وائرل

واضح رہے کہ دو سال قبل اٹلی کی فضائیہ کا طیارہ کرتب دکھاتے ہوئے خوفناک حادثے کا شکار ہوگیا تھا جس کے نتیجے میں پائلٹ ہلاک ہوگیا تھا۔

طیارہ سمندر میں گرتے ہی اطالوی بحریہ اور امدادی ٹیمیں جائے حادثہ پر پہنچے تاہم پائلٹ زندہ نہ بچ سکا اور اس کی لاش ہی سمندر سے باہر آئی، حادثے کے بعد شو بھی ختم کردیا گیا۔

لڑاکا طیارہ کے سمندر گرتے ہوئے خوفناک منظر کو دیکھ کر ہزاروں تماشائی خوف زدہ ہوگئے تھے۔