Tag: متعدد ہلاک

  • ترکیہ میں خوفناک بس حادثہ، متعدد ہلاک

    ترکیہ میں خوفناک بس حادثہ، متعدد ہلاک

    ترکیہ کے وسطی صوبے اکسارے میں بس خوفناک حادثے کا شکار ہوگئی، جس کے نتیجے میں 6 افراد جاں بحق اور 25 زخمی ہو گئے۔

    بین الاقوامی خبر رساں ادارے کی رپورٹس کے مطابق ترکیہ کے اکسارے انقرہ موٹر وے پر بس کو حادثہ پیش آیا ہے، بس الٹنے سے 6 افراد موقع پر ہی دم توڑ گئے، جبکہ 25 شدید زخمی ہوگئے۔

    گورنر مہمت علی کمبوزوگلو کے مطابق حادثے کا شکار ہونے والی بس مغربی صوبے بالی سیر سے مسافروں کو وسطی ترکیہ کے مشہور سیاحتی مقام کپاڈو شیا کے علاقے میں لے جا رہی تھی۔

    یہ واضح نہیں ہوسکا کہ اکسارے انقرہ موٹر وے پر حادثے کی وجہ کیا بنی۔

    گورنر مہمت علی کمبوزوگلو کا مزید کہنا تھا کہ حادثے میں ہلاک ہونے والوں کی لاشوں اور زخمیوں اسپتال منتقل کردیا گیا ہے، جبکہ واقعے کی تحقیقات بھی شروع کردی گئی ہیں۔

    اس سے قبل بھارتی ریاست تمل ناڈو میں دو ٹرینوں میں خوفناک تصادم میں درجنوں افراد زخمی ہو گئے۔

    انڈین میڈیا کے مطابق تمل ناڈو میں خوفناک حادثہ پیش آیا جب بہار کی طرف جارہی باگمتی ایکسپریس کی مال گاڑی سے ٹکر ہو گئی جس کے نتیجے میں مسافر ٹرین کی کئی بوگیاں پٹڑی سے اتر گئیں اور آگ بھڑک اٹھی۔

    یحییٰ سنوار کی شہادت سے قبل مزاحمت، اسرائیل نے ویڈیو جاری کر دی

    ریلوے بورڈ کے انفارمیشن اینڈ پبلسٹی کے ایگزیکٹیو ڈائریکٹر دلیپ کمار نے بتایا کہ 12578 باگمتی ایکسپریس کے حادثے کے بعد ریسکیو ٹیموں نے امدادی کاروائیاں کرتے ہوئے 90 فیصد سے زائد مسافروں کو کامیابی سے ریسکیو کیا۔

  • شکاگو: انڈسٹریل ایریا میں فائرنگ، 5 پولیس اہلکار ہلاک، متعدد زخمی

    شکاگو: انڈسٹریل ایریا میں فائرنگ، 5 پولیس اہلکار ہلاک، متعدد زخمی

    شکاگو: امریکی ریاست الینوائے کے انڈسٹریل پارک میں مسلح شخص نے فائرنگ کرکے 5 پولیس اہلکاروں کو ہلاک جبکہ متعدد افراد زخمی کردیا۔

    تفصیلات کے مطابق الینوائے کے شہر شکاگو میں واقع کمپنی انڈسٹریل پارک میں دوپہر ایک بجے مسلح شخص داخل ہوا تھا جس کی اطلاع ملتے ہی سیکیورٹی ادارے جائے وقوعہ پر پہنچےتو ملزم نے پولیس کو دیکھتے ہی نے اندھا دھن فائرنگ شروع کردی۔

    غیر ملکی خبر رساں ادارے کا کہنا تھا کہ حملہ آور کی فائرنگ سے 5 پولیس اہلکار موقع پر ہی ہلاک ہوگئے جبکہ سیکیورٹی اہلکاروں سمیت متعدد دیگر افراد بھی گولیوں کی زد میں آکر زخمی ہوئے۔

    پولیس نے ملزم کی شناخت 45 سالہ گرے مارٹن کے نام سے کی ہے جو کمپنی کا کا برطرف کیا گیا تھا ملازم تھا۔

    پولیس نےحملہ آور کے مقصد سے متعلق قیاس آرائیوں سے گریز کیا ہے تاہم دی سن خبررساں ادارے کی رپورٹ کے مطابق اہل خانہ کا کہنا ہے کہ وہ شدید ذہنی دباؤ کا شکار تھا۔

    غیر ملکی خبر رساں ادارے کے مطابق پولیس اور حملہ آور میں فائرنگ کے تبادلے کے دوران حملہ آور بھی موقع ہلاک ہوگیا تھا۔

    انتظامیہ نے علاقے میں سیکیورٹی ہائی الرٹ کردی جبکہ مغربی شکاگو میں قائم اسکول کے طالب علموں کو اسکول میں ہی رہنے کی خصوصی ہدایت جاری کردی تھیں۔

    غیر ملکی خبر رساں ادارے کا کہنا تھا کہ پولیس نے فوری طور پر علاقے کو گھیرے میں لے کر تحقیقات کا آغاز کردیا تھا۔

    الینوائے کے سینیٹر ٹمی ڈکورٹ کا کہنا تھا کہ ’یہ حملہ بہت بدترین اور خوفناک تھا، آج کا دن امریکی شہریوں کے لیے بہت برا ثابت ہوا‘۔

    غیر ملکی خبر رساں ادارے کا کہنا تھا کہ وائٹ ہاوس کی ترجمان سارا سینڈر نے شکاگو حملے سے متعلق امریکی صدر ڈونلڈ ٹرمپ کو بریفنگ دی ہے تاہم فی الحال صدر ٹرمپ کا کوئی بیان سامنے نہیں آیا۔

    مزید پڑھیں : امریکا میں پولیس کی فائرنگ سے سیاہ فام گلوکار ہلاک

    خیال رہے کہ دو روز قبل امریکی شہر ولیجو میں پولیس نے سیاہ فام گلوکار کو فائرنگ کرکے قتل کردیا تھا، واقعے میں ملوث 6 پولیس اہلکاروں سے تاحال تفتیش جاری ہے۔

    علاوہ ازیں گذشتہ سال جنوری میں امریکی ریاست لوزیانا میں ایک نوجوان نے دو مختلف واقعات اندھا دھند فائرنگ کرکے والدین سمیت پانچ افراد کو قتل کردیا تھا۔