Tag: متفق

  • ایس 400 کی خریداری کے بعد ٹرمپ انتظامیہ ترکی کے خلاف پابندیوں پر متفق

    ایس 400 کی خریداری کے بعد ٹرمپ انتظامیہ ترکی کے خلاف پابندیوں پر متفق

    واشنگٹن : ترکی پرپابندیوں کا منصوبہ امریکی وزارت خارجہ، دفاع ، قومی سلامتی کونسل کے مشیروں نے کئی روز تک معاملہ زیر بحث آنے کے بعد وضع کیا۔

    تفصیلات کے مطابق امریکی صدر ڈونلڈ ٹرمپ کی انتظامیہ ترکی کی سرزنش کے لیے پابندیوں کے پیکج پر متفق ہو گئی ہے،یہ اقدام روس سے ایس 400 دفاعی میزائل سسٹم کے حصے وصول کرنے کے جواب میں کیا جا رہا ہے، پابندیوں کے منصوبے کا اعلان آئندہ دنوں میں کر دیا جائے گا۔

    غیر ملکی خبر رساں ٹرمپ انتظامیہ نے امریکا کے دشمنوں کے انسداد سے متعلق ایکٹ کے تحت اقدامات کے تین مجموعوں میں سے ایک مجموعے کا انتخاب کر لیا ہے تاہم اختیار کیے گئے مجموعے کی نشان دہی نہیں کی گئی ہے۔

    امریکی ٹی وی کو امریکی انتظامیہ کے ایک ذریعے نے بتایاکہ ٹرمپ انتظامیہ آئندہ ہفتے کے اواخر میں پابندیوں کے اعلان پر متفق ہو گئی ہے، انتظامیہ چاہتی ہے کہ یہ اعلان پیر 15 جولائی کے بعد کیا جائے کیوں کہ اس روز ترکی کے صدر رجب طیب ایردوآن کے خلاف 2016 میں انقلاب کی ناکام کوشش کے تین سال پورے ہو رہے ہیں۔

    غیر ملکی خبر رساں ادارے کا کہنا تھا کہ امریکا ایسی مزید قیاس آرائیوں سے گریز چاہتا ہے کہ انقلاب کی کوشش کا ذمے دار امریکاہے، ایردوآن کے حامی یہ ہی دعوی کرتے ہیں، پابندیوں کا منصوبہ امریکی وزارت خارجہ، وزارت دفاع اور قومی سلامتی کونسل کے ذمے داران کے درمیان کئی روز تک زیر بحث آنے کے بعد وضع کیا گیا ۔

    امریکی وزارت خارجہ کی ترجمان نے اُن پابندیوں پر تبصرہ کرنے سے انکار کر دیا جو صدر ٹرمپ اور ان کے بڑے مشیروں کے دستخط کے منتظر ہیں۔

  • غزہ: حماس اوراسرائیل 3 روزہ جنگ بندی پرمتفق

    غزہ: حماس اوراسرائیل 3 روزہ جنگ بندی پرمتفق

    غزہ : مصری حکام کا کہنا ہے کہ حماس اور اسرائیل کے درمیان تین روزہ جنگ بندی پر اتفاق ہوگیا ہے، ہیومن رائٹس واچ نے اسرائیل کو غزہ میں شدید جنگی جرائم کا مرتکب قرار دے دیا۔

    اٹھائیس روز میں اٹھارہ سو سے زائد نہتے فلسطینی شہریوں کو شہید کرنے کے بعد اسرائیل نے صرف سات گھنٹے کیلئے غزہ میں جنگ بندی کا اعلان کردیا لیکن اس جنگ بندی کا اطلاق رفح میں نہیں ہوگا، اسرائیل کی وحشیانہ بمباری میں غزہ کی ہزاروں عمارتیں ملبے کا ڈھیر بن چکی ہیں۔

    صیہونی درندے اسپتالوں اسکولوں حتیٰ کہ پناہ گزینوں پربم برسانے سے گریز نہیں کرتے،  امریکا اور اقوام متحدہ اسرائیلی بربریت روکنے کے بجائے ان کی پشت پناہی میں مصروف ہیں لیکن دنیا بھر کے کروڑوں افراد فلسطینیوں کیلئے سڑکوں پر نکلے ہوئے ہیں ، اردن میں امریکی سفارتخانے کے باہر اسرائیل کیخلاف احتجاج کیاگیا۔

    مظاہرین نے جہاں امریکی پرچم کو آگ لگائی وہیں اسرائیلی وزیراعظم کی تصاویر بھی پاؤں تلے روند ڈالی، غزہ پر اسرائیلی جارحیت کے معاملے صدر پاکستان ممنون حسین سے اسلامی سربراہی تنظیم کے سیکریٹری جنرل ایاد امین عبداللہ مدنی نےملاقات کی، صدرممنون حسین نے بتایا پاکستان اسرائیلی حملے کی مذمت اورفلسطینی عوام کی غیرمشروط حمایت کرتا ہے۔