پشاور: نواحی علاقے متنی میں تین افراد کی لاشیں برآمد ہوئی، پولیس کے مطابق تینوں افراد کو قتل کیا گیا ہے۔
مقامی پولیس کے مطابق الصبح اہل علاقہ کی اطلاع پر پولیس کارروائی کی، جہاں سے تین افراد کی لاشیں ملی، پولیس نے تینوں لاشوں کو قبضے میں لے لیا، جنہیں پوسٹ مارٹم کے لیےاسپتال منتقل کردیا گیا ہے۔
پولیس کے مطابق تینوں افراد کو فائرنگ کر کے قتل کیا گیا ہے، مارے جانے والے افراد کی لاشیں بیس سے بتیس سال کے درمیان ہے۔
پولیس نے واقع کی تفتیش شروع کردی ہے۔
پشاور: متنی کے علاقے سے دہشتگردی کی کارروائیوں میں مطلوب دو شدت پسند کمانڈرزکوگرفتارکر لیا گیا ہے۔
پشاور کے نواحی علاقے متنی ادیزئی میں پولیس نے سرچ آپریشن کیا، آپریشن کے دوران کالعدم تنظیم سے تعلق رکھنے والے دوشدت پسند کمانڈروں کوگرفتار کرلیا ہے، گرفتار شدت پسند کمانڈروں کا تعلق تحریکِ طالبان پاکستان کے طارق گیدڑ گروپ سے ہے۔
پولیس کے مطابق گرفتاردہشتگرد سن دو ہزاردس میں متنی میں ہونے والے امن لشکر پرحملوں اوربم دھماکے کی کاروائیوں میں مطلوب تھے، دہشتگرد متنی کے مختلف علاقوں میں عسکریت پسندی کی کاررائیوں کوکمانڈ کرتے تھے۔
پولیس نے گرفتارشدت پسند دونوں کمانڈروں کو تفتیش کے لئے نامعلوم مقام پرمنتقل کردیا۔ پشاورپولیس کے مطابق دونوں عسکریت پسند کمانڈرگزشتہ رات علاقہ غیرسے متنی میں داخل ہوئے، جس کے بعد ان کی موجودگی کی اطلاع پر چھاپہ مارکارروائی کی گئی۔
پولیس ذرائع کے مطابق پشاور کے نواحی علاقوں میں دونوں شدت پسند دہشتگردی کی کئی کارروائیوں میں ملوث رہے ہیں۔